KHAWIAH NGE KRISMAS I HMAN DAWN ?

KOHHRAN KANTU (KARTIN CHHUAK) VOL No. XXIII ISSUE No. 9 PATHIANNI 25th. December, 2009 Phek-2
Editorial Board
Editor : Lalrodawla 9862770039
Jt. Editor : Lalfakzuala 9862473218
Cir. Manager : B. Lalsangpuii 9862326747
News Editors :F. Lalbiakthuama, Lalnuntharmawia,
Pc. Siampuii, Lalnunchami, R. Laltlanmawii, Zothanpari
Headline chhunzawmna
Bethlehema Chhandamtu pian thu pawh kan hria a. He hun
atan hian mi tinte kan inbuatsaih a. Ram hla tak a\angin
mahni khaw lamah kan hawng nal nal a. Thawmhnaw thar
kan lei a, Krismas lawmna ruai atan khaw tinah ran kan
thlung a. Office an chawl a, ziralaite pawhin an lehkhabu
khupin an zirlai an chawlhsan a. Krismas engah hian kan ri
mup mup a, naupangte pawh hian he hun hlimawm tak hi
hlim takin an hmuak a. Lusunte pawhin nun hlui chhui kir a,
chhungkaw kima an awm lai hunte an chhui kir ni a ni a.
Jail-a tangte pawhin, “Krismas min hman kep rawh u aw,”
tia an \hiante lehkha an thawn hun a ni.
Heti tak maia Krismas eng hmua kan rik mup mupna
hi Bethlehem dai a la ni a. He hmuna cham hlen mai lo hian
Bethlehem khua hmun tlawm ber ran chaw pekna thleng
pan a pawimawh a ni. Nimahsela mi tam tak te chuan
Bethlehem daiah hian Krismas kan hmang zo \hin. Chung
hote chuan a huau huau leh a mup mup chauh an duh tawk
a, Krismas engah nuam an chen a, Bethlehem pan lovin
chumi hmunah chuan Krismas an hmang zo \hin.
Berampute kha an fakawm ngawt mai. An eng
hmuh kha duh tawk mai lovin, an beram ven lai kalsanin
Bethlehem an pansan ta a. Ranthlenga nausen Isua mu chu
chibai an va buk a, hlim takin an kir leh ta a nih kha.
Bethlehemah ngei Krismas hmang tur hian i
inbuatsaih ve ang u. Kristiana Vanram kawng zawh bu-ah
khan Kristana leh Beiseia khan Vanram kawtchhuah an
thleng dawn ta a. Chutah chuan Beramputen beram an lo
veng a. Kristiana chuan, “Heta \angin Vanram a la hla em?”
tiin a zawt a. Berampute chuan a hnaih tawh thu hrilh awm
tak a nih laiin, “Chumi hmun thleng ngei ngei lo turte tan
chuan hla tak a la ni,” an ti tlat mai. Chutiang chuan tunah
hian keini pawh hian Krismas chu kan hnaih hle tawh a,
Bethlehem daiah kan phu mup mup tawh a ni. Nimahsela
Krismas tak tak hmang lo turte tan chuan Krismas chu a la
hla hle ang tih i hria ang u. December ni 25 chu kan thlengin
kan hmu ngei mai, Krismas erawh chu kan hmang hauh lo
thei tlat a nih chu. Krismas thawmhnaw thar nalh tak ha
siin, Krismas ruai pawh puar taka ei ve si hian, Krismas
hmang si lovin kan awm thei a nih chu.
4. Krismas tak chu : Krismas hi,”Krista Ruai”
tihna a ni a. Khawvel mite ei tura Van a\anga chhang nung
lo chhuk chu a ni. Misualten an ei chuan simin a hnenah an
inhlan a, nun thar an nei \hin. Mi chapoten an ei chuan
thuhnauirawlhin an inngaitlawm \hin. Mi lungngaiten an ei
chuan hlimin an khat a, lusun mangangte pawhin an mittui
hru hulin lawm takin an awm \hin. Remna Lal a nih avangin
amah chibai buktute chuan an hmelmate ngei pawh an
hmangaih thei \hin a ni. A hlimhlawpna piah lamah Lalpa
nen an inpawl a, an nunah thlarau lam thil thar an dawng
\hin a ni. “Tunah Bethlehem khaw thlengin kal ila, Lalpan
thu min hrilh lo thleng chu i en ang u,” Amen.
KUM 2010 SUNDAYSCHOOLZIRLAI BU
Kum 2010 Sunday School Zirlai bu,
Beginner atanga Puitling leh Nilai leh Beihrual
Thupui bu leh a kawm tuamna te Synod Book
Room Rate-a lei theihin kan kawl reng e.
Mafaka, 9862473218
KOHHRAN NEWS
Pathian hruaina duhawm tak changin Kohhranhoten
khawvel Chhandamtu, kan lalpa Isua Krista piancham
KRISMAS NI ropui tak mai, nghakhlel taka kumpui linglet
teh meuh kan lo thlir chu kan lo thleng leh ta reng mai, Pathian
chu fakin awm rawh se. Kohhranhote Krismas hlim tak leh
hlawk taka hmang \heuh turin duhsakna kan hlan che u a,
Krismas chibai \ha ber kan buk a che u.
Ni 28.12.2009 (Thawh\an) Zing Dar 06:30 -ah
hian Kohhran Thlatawp Committee neih a ni dawn a,
Kohhrana thu theh luh duh nei chuan ziakin Kohhran
Secretary hnenah theh luh tur a ni e.
Vawiin Krismas Ni Chawhma Inkhawmah hian kan
Kohhran chhunga Kum 80 leh a chunglam mi 39 te hnenah
Krismas Thilpek hlan a ni dawn a. A thei theite chu rawn
Inkhawm turin kan inngen a. Rawn Inkhawm thei lo kan awm
a nih chuan kan aiawh a thilpek dawng tur rawn rawn inruat
fel sa thlap turin kan inngen a ni.
Vawiin Chawhmna Inkhawm ban veleh hian Kohhran
Hall-ah Kohhran Lengkhawmpui neih tur a ni a. Hei bak hi
Kohhranhoten a huhova Lengkhawm hun kan neih loh avangin
Kohhran mipuite ngaihpawimawh \heuh turin kan inngen a.
Chhangban leh Cake ruai buatsaih a ni ang a, K.|.P. ten
Thingpui lum leh sem nen a buatsaih hna an tawhk ang.
Ni 31.12.2009 (Ningani) Kumhlui thlah Zan Inkhawmah
khian kumin chhunga kan Kohhran mi Chatuan Ram min
pansantate SUNNA hun neih a ni dawn a. Hemi huna
chhiarchhuah tur, “Mitthi Chanchin” tawi fel taka zaikin, Kohhran
Secretary hnenah Ni 30.12.2009 (Nilaini) aia tlai lovah Mitthi
chhungten thehluh tur a ni a. Tin, hemi zan hian Mitthi chhungte
rawn Inkhawm \heuh turin kan inhriattir nghal bawk e.
Kumhlui thlah Zan Inkhawm-a ‘Kohhran
Chanchin’ Report pek tur Sub-Committee hrang hrang
Secretary te khan Ni 27.12.2009 (Pathianni) aia tlai lovah
T/Upa Dr. K. Laldailova, Joint Secretary hnenah thehluh
tur a ni tih kan inhriattir tawh kha ngaihpawimawh \heuh
nise, a lawmawm khawp ang.
K|P K|P HUANG
HUANG
Vawiin (Krismas ni) chawhma inkhawmban hian
Kohhran Hall-a Lengkhawmte Chhangban leh Cake
buatsaih sak turin Branch Committee leh Refreshment committee
member-te te inbuatsaih tur a ni e.
Vawiin chawhnu inkhawm ban hian Branch Committee
te, Branch hnuaia Sub-Committee hrang hrang member-ten
Biak In kawtah thlalak tur a ni a, a tel tur chin ten
ngaihpawimawh theuh nise.
Ni 21.12.2009 (Thawhtan ni) zan khan Sihpui ruamah Open
Air Service hlimawm tak neih a ni a, Programme tihlawhtling
tura mipui la kalkhawm zawng zawng hnanah Branch chuan
lawmthu a sawi. Tin, Veng pawn lam mi kan sawm Mizo
Vocal Band leh Pu Lalremruata, Khatla ten kan sawmna an
rawn tihhlawhtlin avangin kan lawm hle. Audiocraft leh YFC
Band pawhin hun an rawn hman thei a lawmthu kan sawi
bawk a ni. Pu K.Lalmuana ten an Electric Current min hman
tir avangin lawmthu kan sawi tak zet a, YMA in thutthleng
min hman tir avangin lawmthu kan sawi bawk e.
Ni 22.12.2009 (Thawhleh ni) zan khan Biak in
tualah Advance krismas hlimawm tak hman a ni a,
Kohhran mipui hun min hmanpui tu zawng zawng te
hnenah lawmthu kan sawi a ni.
Krismas leh Kumthar Special Programme-ah hian
Thalaite’n Kohhran Programme ngai pawimawh thar leh ila,
hun lo kal zel tura kan inchhir lehna tur thil hrang hrang tih
mai theih lakah inthiar fihlimna chang hriaa, Pathian duh dan
zawng taka he hun hi hmang theuh turin Branch KTP chuan
member tinte duhsakna kan hlan a che u.
SENIOR DEPTT. HRIATTIRNA
Zanin Kohhran Inkhawmah Hla rem tur a nih
kha hre thar leh ila, Zirtirtu leh zirlai zawng
zawng te zan dar 5:30-ah Kohhran Hall thleng
kim vek turin kan in hriattir a ni e.
Published and Edited by The Kristian Thalai Pawl, Ramthar Veng Branch, Printed at the El Hrahsel Offset Printer, Ramthar Veng, Ph: 2340835