XIII. Arcano Maggiore Giovannino e la Morte Atto Unico. Esterno di ...

XIII. Arcano Maggiore 

Giovannino e la Morte 

Atto Unico. Esterno di cortile con pozzo al centro, un albero a destra e un albero a sinistra fungono 

da quinte e un muretto non molto alto di mattoni delimita lo sfondo e al di sopra del muretto si eleva 

la cupola di una chiesa. 

GIOVANNINO. Ah, puveriello a mme! Mannaggia la sfurtuna cchiù nera sotto la cui stella i’ so’ 

nato. Chi se lo poteva immaginare che io venissi gabbato fino a tale punto? Ah! Comme desiderasse 

de morire! Comme vulesse essere ‘nghiuttuto dint’’a stu puzzo e ca la Morte in persona me venisse 

a pigliare. 

A questo punto si ode un profondo boato proveniente dal pozzo e da esso esce del fumo bianco e la 

voce cavernosa della Morte. 

MORTE. Eccoti accontentato, Giovannino 

GIOVANNINO. (battendo i denti) E chi è che viene dal pozzo? 

MORTE. Sono io, la tua serva e tua signora Morte (È ormai apparsa fuori dal pozzo). Non sei stato 

tu a chiamarmi, poco fa, a dire che desideravi di morire, che volevi essere inghiottito da questo 

pozzo e che la Morte in persona ti venisse a pigliare? 

GIOVANNINO. Io? Ma quanno maie. I nun aggiu maie ditto tutte sti brutti parole. Nun me fosse 

maie permesso 'e te disturbà. 

MORTE. Ed è sempre così. Tutti uguali siete voi uomini. Suffrite mille sufferenze ma quando con 

un sol gesto potreste farle finire, ve mettite appaura e v'arretirate. Ma faccio accussì paura? Songo 

accussì brutta? Guarda qua, che silhouette. Nemmeno un fil di grasso. Tutto è proporzionato. Io 

sono la struttura essenziale dell'esser umano: 'o scheletro. Ma pecchè ve mettite appaura si nun 

sapite addò ve porto? 

GIOVANNINO. E addò me puorte, neh, se po sapè? 

Generated by Foxit PDF Creator © Foxit Software 

http://www.foxitsoftware.com For evaluation only. 

Musica 

MORTE. I te porto dint" a lu paese de Cuccagna, 

addò scorrene fiumi di vini prelibbati, 

russe bianchi e rosè, 

aspri doce, sicchi e frizzantini, 

e addò ce stanno muntagne 'e maccarune, 

spaghetti, tagliatelle e ravviule, 

zite e mezzanielle, 

rivele de sughe 'e tutte 'e specie, 

sughe de vongole e de cozze, 

ragù de pummarola e de ricotta, 

di panna di verdure e di prosciutto. 

E pe li strate cammenanno vide 

1

li banchette addò ce stanno 

li carne arrustute, 

cu le cravone sotto li gratiglie 

o 'nfilzate dalli spiede. 

GIOVANNINO. E sulo carne e maccarune 

dint" a stu paese? 

MORTE. Noo lì frutte, po', 

crescene ncopp' all'albere 

e songhe prete 'e zucchero, 

tanto ca nun ‘e può distinguere d''e dolci 

ca pure loro tra li fronne spontene 

già nfarcite de ciuccolata e panna. 

E po funtane de tutte li bevande 

cumpleteno o quadretto. 

Tutto chello ca nun t'he magnato fin e mo' 

Quanno ire vivo 

t"o magni adoppe ca si muorte. 

Finisce la musica 

GIOVANNINO. Ma allora visto ca stanno tutte chesti belli cose, se po sapè pecchè tu staie accussì 

secca? 

MORTE. Ma se è questo l'aspetto che voi uomini mi avete dato. E i accussì me presento pe farme 

arricunoscere. 

GIOVANNINO. E nun te putisse presentà cu n'aspetto cchiù bbello? O fatto è ca cu chisto aspetto 

me faie nu poco senso. 

MORTE. E comme vuoje ca m'appresto? Comme bella uagliona? 

GIOVANNINO. E magare 

MORTE. E tu po te vuo mettere a ffà ll'ammore cu mme? 

GIOVANNINO. E tu po ja cercà permesso a papà. 

MORTE. E papà addò stà? 

GIOVANNINO. È muorto 

MORTE. E allora è robba mia. 'O permesso è presto dato. Eccoti accontentato in fanciulla mi sono 

trasformato. 

GIOVANNINO. E ce spusammo ambressa ambressa? 

MORTE. ' O spusalizio è presto fatto. 



2

GIOVANNINO. Hamme fatto pure 'a lista 'e nozze. 

MORTE. E 'o pranzo 'e nozze è già stato appriparato. 

GIOVANNINO. Ma spiegheme na cosa. 'Ma comm'è ca se fa ad arrivà allu paese tuoie? 

MORTE. Pe dint' 'a chistu puzzo addò songo mo mò sbucata. 

GIOVANNINO. E sotto terra tutta sta belle robba nun se nfraceta? 

MORTE. Tu nun capisce niente, ammore mio. 

GIOVANNINO. Uhè, Uhè, jammece chiano. 

MORTE. Tu nun sai ca lo paese nuosto è tutto ribaltato. La terra su cui tu appuoi li piedi, ce 

cammenamme nuje a chell'ata parte 

GIOVANNINO. Vuo dicere ca allora vuje state a capa sotto? E nun ve va o sanghe ncapo? 

MORTE. (ride) Ah ah quanto si scemo, ammore mio. 

GIOVANNINO. Uhè, n'ata offesa 'e chesta e rompo ' o fidanzamento. 

MORTE. Ma a chell'ata parte site vuje ca pe nuje state a capa sotto 

GIOVANNINO. E a te nun succere, ca te saglie o sanghe a parte a capa? 

MORTE. (ride) Ah, ah e pecchè i tengo o sanghe? I pozzo sta bbuono a chisto ma pure a chill'atu 

munno. E jà, e jà, e facimme ammore, 

GIOVANNINO. Ma j nun aggiu mai fatto ammore. E' 'a primma vota. 

MORTE. Nun hê maje fatto ammore cu na uagliona? 

GIOVANNINO. Tu nun si na uagliona seria. Tu hê fatto ammore cu troppi uommene. 

MORTE. ‘A femmena ca tene cchiù esperienza, te fa cchiù addevertì. Te fa fa tutte cose ambressa 

ambressa senza fa vommeche. 

GIOVANNINO. Ma i so piccerillo e so scurnuso, la vocca me feta de latte e nun 'e pozza fa sti cose 

brutte. I songo ancora zito. 

MORTE. E i so maltagliato 

GIOVANNINO. E a mme me piace a tagliatella. 

MORTE. Hê truato 'o rag pa' 'a pasta toia. 



3

GIOVANNINO. Tu si troppa secca e nun me piaci. Tu si ridotta pelle e ossa senza pelle. 

MORTE. E' accussì ca j me pozzo rivestire della carne ca tu vuò e nelle forme che cchiù t'aggrada. 

Comme tu me vuò i m'appresento. Si te piaccio uagliona, sarò uagliona; e si te piaccio masculo, i 

masculo addevento. 

GIOVANNINO. Uhè, vattene a llà! 

Musica 

MORTE. Tutte li specie d'uommene 

li masculi e li femmene 

'e bbuone e 'e malamente 

li santi e li briganti 

se mettono cu mme 

a fà ‘mmore tutte quante. 

GIOVANNINO. Ih, che bell'ambiente 

Ih, che bella cumpagnia. 

Nennè, tu fusse scema? 

Vavattenne d"a parta mia. 

MORTE. A chi è ca io non piaccio? 

Chi è ca nun me vo bene? 

GIOVANNINO. E visto ca ce stà 

a stu munno chi te tene 

vide a n'ata parte 

addo ha hittà o veleno 

MORTE. Passarranno ' e mise 

passarranno ll'ore 

tutte ll'uommene cu mme 

se mettono a ffà 'mmore 

GIOVANNINO. Ih, che bell'ambiente 

Ih, che bella cumpagnia. 

Nennè tu fusse scema, 

ca ci avessa stà pur io? 

MORTE. Chilli là ca in Gioventù 

so cchiù tuosti e cchiù restii 

dint’’a vecchiaia s'ammollene 

dint'alli braccia mie. 

GIOVANNINO. È dunque cu li viecchie 

ca te miette tu a ffà mmore? 

MORTE. Ma si vuò bbene a nu figliulo 



4

e o vuò bbene overamente 

non badi più se è giovane, 

si è viecchio o si è criaturo. 

Si ll'ammore tuo è sincero 

'o continue a vulè bbene. 

GIOVANNINO. E chesto ca i sento 

a mme me fa piacere 

sarrai puttana, si! 

Ma però sei pur fedele. 

MORTE. L'amore mio è sincero 

e dura oltre la vita 

dell'uom mi prendo cura 

fin da quando è concepito. 

E quando è appena nato che 

dà il primo suo vagito 

m"o piglio a dint"a connola 

ca è già tutta la mia vita. 

La mia priezza è granne 

nun sto cchiù dint" alli panne 

cullannelo e pazzianno 

ce canto a ninna nanna. 

Doce doce me l'addormo 

ca isso nun se n'accorge. 

GIOVANNINO. Inzomma a tte ll'uommene te piacene. 

cessa la musica 

MORTE. Assaie. I all'uommene me magno. Sono la vera femme fatale. All'uommene me magno 

‘nu piezzo a vota. Ma è così che io rinnovo il mondo. 

Alla foglie che è sotto la foglia 

do modo di spuntare. 

Io dono alla natura 

la materia per creare. 

GIOVANNINO. E quale fosse, neh, se po' sapè, 

chesta materia? 

MORTE. Ah, quanto si fesso! 

Nun 'o vi ca si tu stesso? 

L'anima è immortale 

non il corpo che avvizzisce. 



Se io permettessi che i corpi che racchiudono le anime non fossero a me soggetti, che cosa ne 

sarebbe del mondo? Esso diverrebbe ben presto un ibrida forma di vita e di morte, un'eterna 

decadenza che mai avrebbe fine. L'anima non può snervarsi in un corpo ormai logoro. Bisogna 

5

ch'essa sia libera. La natura, da sempre rinnovatrice e creatrice di forme, rimpasterà i vecchi corpi in 

nuovi corpi e l'anima, al fin libera, sarà come rinata. 

Musica. 

'A giarretella è o cuorpo 

addò sta miso o vino. 

Ma si a giarretella 

è vecchia e s'è scardata 

pecchè ha perdere 

‘o vino a goccia a goccia? 

Trapassarraie lu vino 

dint'a n'ata giarretella 

assai cchiù fresca e bella. 

Tu si lu vino 

e non lu fischetiello. 

GIOVANNINO. E si se rompe ‘a giarretella 

i po vaco tutto nterra. 

Si spegne la musica. 

MORTE. Tu cunviene 'e te mettere l'animo in pace e appripararti pe li nozze. 

Ogni colpo di campana provoca dolore in Giovannino. che lo esprime in dolenti, comici e sincopati 

sospiri. 

GIOVANNINO. E dicere ca i mo tutte cose lascio: li campi c'aggio appena arato, chesta terra 

accussi arrevutata appena dalla vanga. E gli allievi ca i stesso aggiu piantato e di cui mai 

assaggiarrò li frutti. Lu miele delle api e li cunserve de marmellate. Ma pecchè aggia io avuta essere 

accussì sfurtunato? 

MORTE. Io nun regalo ciorti umane, ma la fuga delle anime nei corpi ormai avvizziti. Ma 

dumannancello all'amico tuoie Martino ca sta mo mo venenno. Isse sape tutte cose (e si ritira in 

disparte ad osservare i due, sbuffando per il tempo che le stanno facendo perdere) 

(Entra Martino) 

GIOVANNINO.(euforico) Uhè, Martino, mio caro bello e granne amico mio. Si tu sapisse i comme 

so felice ca te veco. Assai me ne rallegro. 

MARTINO. Si è pe chillu debbeto ca i tengo cu tte, te lo saldo fra pochi juorni, lu tiempo de 

vennere lu raccolto. 

GIOVANNINO. Ma che diebbete e diebbete. Pe chillo ce sta tiempo. I nun voglio avè niente da te 

ma vulesse ca tu me spiegasse na cosa, tu che sai sempe tutto cose, caro Martino 

MARTINO. E che cosa, Giovannino? 

GIOVANNINO. Comm'è possibile ca songo accussì sfurtunato 



6

MARTINO. E pecchè si sfurtunato 

GIOVANNINO. Vide e lato a te chi s'è mpustato. 

MORTE. E come volevase dimostrare 

vuie sempe a mme venite. 

MARTINO. Uhè tu che faie ccà, bella figliola 

GIOVANNINO. Ma nun vide 

ca è ‘a morta mariola? 

Ma l'uocchie addò l'he mise? 

MARTINO. Uh mo vaco a casa 

a me cagnà ‘a cammisa 

GIOVANNINO. Addò c'è gusto nun c'è perdenza. 

Si pe te la brutta morte 

è na guagliona bella 

tanto ca ce vaie appriesso 

e ce fai la sputazzella 

MARTINO. Ah, comme si bbona 

MORTE. Ah, comme si bello 

e vide quant'è bella 

sta capuzella 

GIOVANNINO. Spusete cu essa e pigliatella 

Martino. (ravvedendosi ed esplodendo contro Giovannino) 

Ma che me stai facenno fare? 

Chistu bellu matrimonio 

me vulive cumbinare? 

Brutta carogna nfame traditore 

che stevo facenno pe te sentere 

menu male ca so nu figlio e ndrocchia 

e nell'inganno tuo non ho abboccato 

GIOVANNINO. Ma si sì nu figlio 'e ndrocchia veramente 

sconfiggiarraie a Morte facilmente. 

Falla turnà nel pozzo che è sbucata 

ca nu favore farraie a tutte e gente. 

MARTINO. Avessa piglià a mme o posto vuosto 

comme ritorno cchiù da chillu puosto? 

GIOVANNINO. E si pe tre juorne 



7

nun si turnato ancora 

me chiammarraie a me lu traditore. 

MARTINO. Comme t'aggia chiammà 

che me ne mporta 

quanno sarrà adoppe ca so muorto. 

GIOVANNINO. Ma tu 'e che paura tiene? 

A tte te verrà subbito in mente 

‘nu 'mbroglie pe mbruglià 

la Morte facilmente. 

Qualunque cosa fai 

si n'ommo dell'arte, 

staranno tutti quanti dalla tua parte 

si pure faie la cchiù nfama bastardata. 

Pe te gabbà la Morte nun è peccata. 

MARTINO. E comme infatti l'idea è venuta 

pe fa turnà la Morte addo è sciuta 

la mente mia che è stata 

cu nun lampo allumenata, 

è nu segno ca song'ommo 

de quaglia e de coppella. 

MORTE. Avite fernuto e fa lu cummenella 

o aggia aspettà ancora ccà mpalata. 

MARTINO. O Morta mia cullerosa e bella 

l'amico mio nell'ultima ora 

dint'alli braccia toia già s'abbandona 

rimpianti non ha, ma s'addolora 

de non vedè se la vendemmia 

gli è venuta bbona. 

GIOVANNINO. L'uva è stata già tutta spremmuta 

famme vedè la vendemmia mia com'è venuta. 

Lu lacrema de Christi ferrnentai 

MARTINO. E mai l'assaggiarrai si parti alla buon'ora 

GIOVANNINO. E me scurdavo poi lu Falanghina 

ce ne tengo na votta sopraffina 

MORTE. Basta mo, ca me scucciato. 

Caccia fore 'e fiasche 'e vino! 

GIOVANNINO (esegue) Chisto è vino prelibbato 

pare proprio fatto apposta 

per risuscità li muorti. 



8

MORTE. Chistu vino i nun m"o bevo. 

Chistu vino è nu veleno, 

pecchè a me nun me fa bene. 

Mi sottrai dal mio regno 

chi da tempo c'è trasuto. 

Oi Nì, puorte sgarrupo 

Si o faie vevere a nu muorte 

gli dai la seconda morte, 

chistu farabbutto e vino 

‘o fa riturnà alla vita, 

chistu lacrema de Christo 

me bbuca l'intestino. 

MARTINO. Statte quieta, nun 'o dà audienza. 

È possibile ca nuie 

te facimme concorrenza? 

Rendiam vano il tuo operato 

con un vino prelibbato? 

Oi Né, chist'è cretino, 

ma tu nun i havè appaura 

pe nu surzetiello 'e vino 

nun o vi ca è nu screanzato 

ca se sceta già mbriacato. 

GIOVANNINO. Glu glu glu che votta bella 

bevo proprio a garganella. 

MORTE. Bivetenne ciente votte 

accussì subbito schiatte 

e me lieve l'incombenza. 

MARTINO. Certo è proprio un gran peccato 

ca rituome, o Morta bella, 

dint'o puzzo addo è sbucata 

senza avè mai assaggiato 

chistu vino prelibbato. 

MORTE. Grazie tanto, sto in servizio 

MARTINO. Si te bive cocche goccia 

nun' o può chiammà nu vizio. 

GIOVANNINO. Ne puoi pure star sicura 

chistu vino è frisco frisco 

te sulleva dall'arsura 

MORTE. Grazie tante m'hai convinto 

ma però sulo na goccia 



9

MARTINO (rivoltando tutto il fiasco nella bocca della Morte). 

Bive assaggia nun fa niente 

senza fa li complimenti 

GIOVANNINO. Che te pare, o Morta bella? 

Ne vuò sempe cocche goccia 

o t"o mine tutto 'ncuorpo? 

MORTE. Ah, stu vino è sapurito. 

Giro sempe tutt'o munno 

ma nun l'avevo mai sentito. 

MARTINO. Quanno turnarraie o sprufonno 

te ne purtarraie 'na votta. 

GIOVANNINO. Quanno po sarrà fernuto 

t"o vuttammo da ccà ncoppa. 

MARTINO (mettendo fuori un altro fiasco e tracannandolo nella bocca della morte) 

St'atu vino raffinato 

bello doce e frizzantino 

che è leggiero e fino fino 

manco mai l'hé maie assaggiato? 

GIOVANNINO. Bive pure e vide bbuono 

ca te lava ti stentine 

te purifica ‘o culòn. 

MORTE. I nun so che mi succere 

ma me sento cchiù cuntenta. 

GIOVANNINO. Bive, assaggia, nun fa niente 

senza fa li complimente 

(ed insieme tracannano i fiaschi nella bocca della Morte) 

MORTE. E' un effetto molto strano 

non l'avevo mai sentito 

che cchiù bbevo a garganella 

la visione della vita 

mano man si fa più bella. 

MARTINO (a Giovannino) Vedi ben che ti dicevo 

con il vino goccia a goccia 

e i chesto già o sapevo 

se po pure scavà na roccia. 



10

A questo punto prima l'uno e poi l'altro a seconda di chi é la battuta fanno a turno a tracannare 

il vino nella bocca della Morte. 

MARTINO. Sursèggiate stu vino a schizzo a schizzo 

ca te facimme mo nu bellu quiz. 

GIOVANNINO. Ha ‘nduvinà comme se chiamma o vino 

ca te vuttammo a turno dint' 'e stentine. 

MARTINO. Nduvinà mò che c'è dint'a stu cisto, 

si è lu falanghina 

o è lu lacrema de Christi. 

MORTE. Il pianto del mio acerrimo nemico 

tu me faie assaggià e io ti maledico. 

GIOVANNINO. O Morte mia son proprio desolato 

ma ancora nun ch'hê ngarrato 

te tocca perciò sotto stare ancora 

pe nduvinà int'a votta che se trova. 

MORTE. Or vedrai si i mo nun anduvino 

ca tu me faie assaggià lu Falanghina. 

MARTINO. O cara Morte a noi starraie suggetta 

finchè non indovini con esattezza. 

GIOVANNINO e MARTINO. A noi due che abbiamo più destrezza 

dovrai or tu chinare la capezza. 

Statte accorta 

ca te po i stuorte. 

Vutte tutte cose 

dint'a capa 'e morte. 

MORTE. O cari miei 

non ne sono ancora certa 

però mi sembra 

che cchiù non me reggo all'erta. 



MARTINO. O cara Morte mia quanto si fessa 

tu me dice sta cosa e i te cunfesso 

ca a stevo a tantu tiempo già aspettanno 

nun me trattengo cchiù dint'alli panne 

p "a cuntentezza me stongo già squaglianno 

Traendo fuori ognuno due lunghe trombe che si apprestano a far risuonare nelle orecchie della 

Morte. 

11

GIOVANNINO e MARTINO. Risunarranno mo pe nostro sfizio 

dint'alli recchie toie 

li trombe d"o giudizio 

potrai adesso pure star sicura 

ca squagliarraie ncuorpo d"a paura 

cu ‘e trombe t'afferrammo a capuzzella 

e già te stai facenno a cacarella 

cu li trombe li recchie te tenimmo 

hê ncuntrato a duie figlie 'e sfaccimmo 

A questo punto danno fiato alle trombe con grandi urla della Morte. 

MARTINO. Mane e piede mo te mbracammo 

GIOVANNINO. L'aspettavo già a tant'anne 

MARTINO. Dint'a lu puzzo te vuttammo 

GIOVANNINO. Però primma te paliammo 

MARTINO. Tanta mazzate te sunammo. 

La bastonano, poi 1'afferrano priva di forze e la buttano nel pozzo. 

GIOVANNINO. Fore a lu puzzo addò si asciuta 

MARTINO. Nuie te stammo già aspettanno 

GIOVANNINO e MARTINO. Cara Morte, statte pur sicura 

ca chesta vàta cà l'he vuta nculo 



GIOVANNINO. Tutta ‘a cuccagna tu me prumettiste 

ma a Vita è sempe cchiù bella d"a Morte. 

T'arricuorde comme già si stata ‘nzista? 

Te paccarriaie già forte 

Nostro Signore Gesù Cristo. 

Mannaggia a Morta mbriaca cammurrista. 

Fine 

Giuseppe De Chiara 

2001 

12



13

XIII. Arcano Maggiore Giovannino e la Morte Atto Unico. Esterno di ...

Create successful ePaper yourself

Delete template?

Save as template?