Konsellu Seguransa - Unmit

ne’e hasa’e 33 séntimu iha kustu kombustível nian ba Governu. Iha ninia diskursu, iha Loron
Anti-Korrupsaun, 9 Dezembru, Presidente Ramos-Horta bolu atensaun ba impaktu negativu
ne’ebe ekonomia hetan hosi utilizasaun laloos ba Estadu nia reseita mina-rai ne’ebe limitadu,
enkuantu ha’u-nia Reprezentante Espesiál husu ba instituisaun nasionál sira atu mantein sira-nia
luta kontra korrupsaun no atu hato’o sinál ida maka’as katak laiha duni toleránsia ba
korrupsaun. Iha 12 Dezembru, Parlamentu aprova Lei kona-ba Prevensaun no Kombate hasoru
Lavagem de Dinheiro no Finansiamentu ba Terrorizmu ne’ebe Presidente asina iha 15
Dezembru.
13. Ho UNMIT nia apoiu, hala’o forum kona-ba governasaun demokrátika iha distritu sanuluresin-tolu
entre 13 Outubru no 24 Novembru. Liu ema rehun ida mak partisipa iha diskusaun ho
líder komunitáriu no funsionáriu públiku sira kona-ba problema ne’ebe komunidade lokál
hasoru, ne’ebe inklui dezenvolvimentu lokál no disputa kona-ba rai. Iha 6 Dezembru, iha Dili,
UNMIT fasilita forum governasaun demokrátika ba dala ikus iha 2011 iha nivel nasionál konaba
tópiku “Seguransa alimentar iha Timor-Leste”. Iha forum ne’e, partisipante na’in hitunuluresin-lima
envolve iha diskusaun ho reprezentante sira hosi Governu no organizasaun nãogovernamental.
14. Asosiasaun Jornalista iha Timor-Leste, ho apoiu hosi United Nations Educational, Scientific
and Cultural Organization (UNESCO), hala’o entre 15-16 Outubru iha Dili ninia kongresu ba
dala rua. Durante Setembru no Outubru, UNMIT fó treinamentu kona-ba produsaun radio no
video, no mós fotografia, ba membru na’in lima hosi média iha Gabinete Presidente nian, tuir
akordu ne’ebe entidade rua ne’e halo iha área kapasitasaun.
15. Halo nafatin progresu ho objetivu atu alkansa estratéjia médio-prazo nia referénsia (haree
S/2009/72, para. 47) ho relasaun ba kultura governasaun no diálogu demokrátiku. Hein katak
promulgasaun ba Lei kona-ba Prevensaun no Kombate hasoru Lavagem de Dinheiro no
Finansiamentu ba Terrorizmu sei tulun atu promove transparénsia no esforsu anti-korrupsaun
nian. Entretantu, debate públiku kontinua, inklui iha Parlamentu no média, kona-ba nesesidade
atu kombate korrupsaun. Haree ba Estadu nia orsamentu no gastu públiku ne’ebe sa’e daudaun,
importante tebetebes atu harii Câmara de Contas do Tribunal Superior Administrativo, Fiscal e
de Contas (ka Audit Chamber of the High Administrative Tax and Audit Court), ne’ebe
Parlamentu aprova iha 6 Jullu (haree S/2011/641, para. 17). Iha kontestu ida-ne’e, iha sinál
di’ak ida tanba membru dezignadu ba Câmara ne’e agora daudaun simu treinamentu iha
Portugal.
C. Manutensaun ba seguransa públika