Folk Story 1 The Kite and the Hen.indd - LITERACY AND ADULT ...

UGANDA LOCAL LANGUAGE FOLK STORIES
KOLIRO TI AU TRO
Writers:
Ariku Francis Draciri
Ahweru Eukerio
Azireo Ruzina
Drifua Thomas
Mary Otika
Produced with support from in partnership with
UGANDA NATIONAL
COMMISSION FOR UNESCO
THE REPUBLIC OF UGANDA

Andrani eze Koliro ti Au tro ai ozi kaki
olu ayia vua kaki ote sa alu. Ai a ruga bi
iyo
1

Esu Koliro dri ozi zi aa ruani Aji i. Aji a
ruga bi aa. Aji ojo ma ozi koliro “ mahwe
nyini libira nyi so nyaruga bi ci, ausi dru
a’di ufe nyetro bangabanga eria si alu”.
Koliro a olu ka Au a ozi i si, eji libira ni ozi
ni Au dri. Ojo ani ni, “Au nyiso nyaruga
bi ci ausi dru a’diki ufe oru si alu”, Au oso
2

i ni cakucaku oko oba libira ni egwe
di. Nai vu Koliro emu ana libira ni ga, ki
Au oma drulea kpe.
Ido vu ireka sa esu libira niku. Koliro
ohwe ani ni odu eri ojo kolea dubasi
kondru kesu. Jo nyesu ku anyi mba nya
baciri ti tro tia ru.
Ta dii ohwe Au ni asi laza ori tro nza,
ido ki ta ireka ana baciri ti tro koji longo
ngosi.
3

“Koliro iyo! ka lobulu ikora”
“Jo Koliro kelu Aungwazi karu zu di” x 2
Odu na joa dru rii si ondre Koliro kemu
di, ido longo ni ngole.
4

“Koliro iyo! ka lobulu ikora”
“Jo koliro kelu Aungwazi karu zu di” x 2
5

Odu zi si, Aji eya ana libira ni ga Koliro
dri di,Koliro onze ani ni ta Au a idele ria
dribani di, Aji isa engwi Au ni ru anya.
6

Idojo odu nainga Koliro ti Aji tro kaki
Au ni ti ana gwanzi tro libira na a lejo
si.
7

Disidru, jo Au ondre Koliro Aji tro ni
mgbe kaki apa apa.
8

Produced by:
Literacy and Adult Basic Education (LABE)
Plot 18 Tagore Crescent, Kamwokya,
P.O. Box 16176, Kampala, Uganda.
Tel:+256-41-532116, Fax:+256-41-534864,
Email: labe@africaonline.co.ug
10
And:
Madi Language Board