Power from the Sun_mt - MIEMA

Għaliex għandna nużaw l-enerġija b’mod għaqli
Il-pożizzjoni ġeografika tagħha fiċ-ċentru tal-Mediterran tfisser li
fost l-istati membri tal-UE Malta għandha l-aktar
xemx. Għaldaqstant, l-enerġija mix-xemx hija l-aktar tip ta’
enerġija sostenibbli utli għall-gżejjer tagħna, peress li hija kemm
nadifa kif ukoll abbundanti.
Il-popolarità tas-sistemi li jagħtu l-elettriku mix-xemx (sistemi
fotovoltaiċi) u oħrajn li jagħtu l-misħun, ukoll mix-xemx (solar
water heaters) fil-gżejjer Maltin żdiedet f’dawn l-aħħar snin
minħabba tnaqqis fl-ispiża kapitali ta’ dawn is-sistemi, żieda filprezz
tal-elettriku, għotjiet mill-gvern, u iktar kuxjenza ambjentali.
Solar Water Heaters
Is-sistemi ta' Solar Water Heaters (SWH) ilhom jeżistu għal ħafna
snin. Bosta mill-installazzjonijiet domestiċi jinkludu sistema “closecoupled”,
fejn it-tank li fih jinħażen il-misħun jinsab mimdud fuq ilbejt
direttament ‘l fuq mill-panewwijiet li jiġbru s-sħana taxxemx.
Sistemi ta' SWH jipproduċu misħun biżżejjed matul kważi s-
sena kollha.
X’inhuma sistemi fotovoltaiċi
B’sistema li tiġġenera l-enerġija fotovoltaika (PV) is-sid tad-dar
ikun jista’ jipproduċi l-enerġija elettrika kollha jew parti minn dik l-
enerġija li jeħtieġ kuljum, minn fuq il-bejt tiegħu stess. Jista’ wkoll
ipartat l-elettriku żejjed li jkun ġie iġġenerat bi nhar sabiex tintuża
matul il-lejl. Jekk l-impjant jiġġenera biss parti mill-elettriku
meħtieġ mill-familja, il-bqija jittieħed b’mod normali mill-main,
peress li d-dar xorta tibqa' imqabbda mal-main tad-dawl f’kull
ħin. Is-sistema tista' wkoll ikollha backup ta’ batteriji jew
Uninterruptible Power Supply (UPS) sabiex fid-dar xorta jkun hemm
kurrent anke meta jinqata’ d-dawl tal-main.
Vantaġġi ta' sistemi ta’ enerġija mix-xemx
• Teknoloġija li ma taħraqx fuel
• Siekta, mingħajr storbju
• Enerġija nadifa
• Relattivament sikura u bla inkwiet
Għaxar pariri biex tagħżel min jistalla l-PVs
1. Skopri x’tip ta’ esperjenza għandhom f’dan ix-xogħol
2. Stħarreġ jekk humiex professjonali
3. Ipprova ikseb xi referenzi pożittivi minn klijenti ta’ qabel
4. Staqsi jekk bi ħsiebhom jagħtu parti mix-xogħol lil ħaddieħor
5. Itlob stima kemm jista’ jkun sħiħa
6. Itlob stima dwar kemm is-sistema ser tiġġenera enerġija
7. Ħu pariri xierqa dwar id-daqs tas-sistema u tikkuntentax b’kit
standard
8. Infurma ruħek fuq l-benefiċċji tal-partijiet differenti tas-sistema
9. Kun żgur li l-kuntrattur tiegħek m’huwiex biss bejjiegħ, iżda
inġinier professjonali
10. Aċċerta ruħek li qabel jibdew jaħdmu jqisu bir-reqqa l-
installazzjoni elettrika tiegħek u l-istruttura tal-bejt
Skemi tal-Iffrankar tal-Enerġija
Il-Gvern bħalissa qed iniedi xi skemi għall-iffrankar talenerġija
bil-għan li jħeġġeġ lin-nies jistallaw sistemi
fotovoltaiċi u solar water heaters. Dawn l-iskemi ser
jirrifondu lill-individwi nefqiet imdaqqsa f’dawn l-oqsma
fil-każ ta’ applikazzjonijiet li jintlaqghu b’suċċess. Għal
aktar informazzjoni ċempel lill-Awtorità Maltija tar-
Riżorsi (MRA) fuq in-numru tat-telefon 2122 0619, jew
ibgħat e-mail lil enquiry@mra.org.mt.