Libretto della Celebrazione - La Santa Sede

Exaltare super cælos, Deus, *
super omnem terram gloria tua.
Laqueum paraverunt pedibus meis, *
et incurvavit se anima mea;
foderunt ante faciem meam foveam, *
et ipsi inciderunt in eam.
Paratum cor meum, Deus, †
paratum cor meum; *
cantabo et psalmum dicam.
Exsurge, gloria mea, †
exsurge, psalterium et cithara, *
excitabo auroram.
Confitebor tibi in populis, Domine, *
et psalmum dicam tibi in nationibus,
quoniam magnificata est usque ad cælos misericordia tua, *
et usque ad nubes veritas tua.
Exaltare super cælos, Deus, *
super omnem terram gloria tua.
Gloria Patri, et Filio, *
et Spiritui Sancto.
Sicut erat in principio, et nunc et semper, *
et in sæcula sæculorum. Amen.
Ant. Ante diem festum Paschæ, sciens Iesus quia venit hora eius,
cum dilexisset suos, in finem dilexit eos.
10