Sagra dei Santi Anzoi 2016

SAGRA DEI SANTI ANZOI 2016 27
LE CONTRADE DE MATAREL
Quatro gròpi de case ‘ncognadi
Le contrade... quatro gròpi de case
‘ncagnadi ‘ntrà l’Ades, la Marzola
e la Vigolana, arent a quel che ancoi
i ciama rio Stolzano, ma che per
tuti l’è ancora ‘l rio Valsorda perchè,
bontà lori, l’è propri quei de Valsorda,
‘l quinto grop de case, che lo lassa vegnir
zo fin a butarse ‘n de l’Ades.
Alora le contrade le è zinque e, come
disevo prima, no l’è altro che gropi de
case piene de zent che porta avanti la
vita de tuti i dì meio che i pol, frequentandose,
bevendo ‘n bicer o ‘n cafè
æn compagnia o trovandose tuti ænsema
la domenega de matina, dopo
mesa granda, ‘n piaza, ‘n de ‘n gartion
de zent che ciacola con ‘n’unica eticheta
che li identifica, quela che i è da
Matarel o al masimo da Valsorda, ma
se fa fadiga a distinguerli ‘n tra de lori.
Tut l’an cossì. Per la verità, man a man
che se arvizina la sagra dei S.Anzoi, se
scominzia a veder, la domenega de
matina, davanti ala cesa dopo messa
granda, che no g’è pù quela ressa de
zent che ciacola, ma tuta na serie de
gropi distinti. Se uno ‘l varda ben, ‘l
scominzia a distinguerlià no per la faccia,
ma per quel che sta ‘n mez a ogni
grop de zent: ‘l capo contrada!
Za, aven capì cossa che suzede, come
tuti i ani scominzia la “GUERA”. Eh si,
‘n de sto periodo no g’è pu quei de
Matarel o de Valsorda, indistinguibili
face de ‘n’unica comunità, ma quei de
Valsorda se i distingue benon, come
quei del Castel o dela Dezima, del
Maset o de le Regole: popoli distinti
che pensa sol a farghe veder ai altri
che lori i è pù furbi, pù bravi e pù forti.
Ma da ‘n do’ ela nata tuta sta voia
de competer ‘n tra de lori ? De sicur
da lontan , ma sopratuto da la storia e
dale origini de ogni contrada.
Bisogna saver che ‘na volta, chi, no
g’era gnent, sol boschi, pradi e acqua.
‘Po i ha fat su ‘na tor e i l’ha ciamada
“Torre Franca”. Dopo, oviamente,
i g’ha fat ‘ntorno ‘n castel e, anca se
ancora no i lo saveva, i era za taliani, e
alora, nando de conosenze e de racomandazion,
qualchedun, l’ha podest
farse su casa ‘ntorno a sto castel (i è
sempre stadi i pù sioroti quei del castel)
e cossì l’è nata la contrada del Castel.
Se sa che ‘n castel no ‘l vive senza
tirar su soldi ( l’è po’ la storia de ancoi
per altro), e alora bisognava averghe
qualchedun che g’avesa ‘na gran facia
tosta da mandar ‘n torno a farseli dar
sti soldi. Alora i ha scominzià a far la
selezion (tipo l’odierno concorso pubblico)
per trovar ste “face toste” e, ‘na
volta trovade, i le ha messe tute ‘n po’
fora, ma gnanca massa (fidarsi è bene
ma... ) e cossì l’è nata la Dezima cioè
quei che tirava su le Decime, e anca
qualcos de pù.
Si si, ma no se vive sol de soldi, ghe vol
anca qualcos da meter soto i dentià Simental,
Cocacola, amburgherà no no
no, ma dai, no le gh’era ste robe chi;
campi si però, e quindi fruti dela tera
e anca alevamento de bestie, per poder
magnar anca carne, qualche volta.
Ghe voleva anca qualcheduni che
coltivasa la tera e alevasa le bestie e
Segue