10 - La Santa Sede
10 - La Santa Sede
10 - La Santa Sede
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Congregatio de Causis Sanctorum 911<br />
voluto, Institutum Sororum a S. Corde, quod condiderat Beata Maria a Corde<br />
Iesu Schininà (1844-19<strong>10</strong>), ingredi postulavit; sed aetatis intuitu a Catharina<br />
Di Pasquale, Generali Antistita, anno 1935 probanda accepta est, ut apud<br />
ludum parvorum puerorum, quem eaedem religiosae mulieres administrabant,<br />
tamquam adiutrix operam daret. Cum autem conversationi minime<br />
apta censeretur, domum dimissa, vestificinam aperuit, puellis frequentem,<br />
quae eius bonitatem probaverunt. Eo quidem tempore ipsa, dum labore perfungebatur,<br />
sibi persuasum habuit se velle sese totam Domino mancipare<br />
ideoque suorum conamina, quae eius matrimonium petebant, prompte aspernata<br />
est.<br />
Tandem mense Aprili anni 1938 apud praecipuam <strong>Sede</strong>m Instituti Sororum<br />
a S. Corde tamquam postulans recepta est, eodemque anno, mense Novembri<br />
vertente, habitum religiosum induit. Anno autem 1941 coram Exc.mo<br />
D.no Hectore Baranzini Archiepiscopo sacra vota ad tempus nuncupavit,<br />
mox vero iussa est ministerium apud nosocomium Ragusiense suscipere.<br />
Quo quidem munere Famula Dei perdiligenter functa est, cum ipsa hoc pro<br />
« sublimi »haberet, quod posset « Iesu in patientibus ministrare ». Praeterea<br />
ab anno 1941 ad annum 1943 singularibus scholis pro aegrorum ministri<br />
munus gerentibus Panormi interfuit. <strong>La</strong>eto animo difficultates et inopiam<br />
suscepit, eiusmodi incommoda pro via habens, qua ipsa quodlibet humanum<br />
magis magisque relinqueret. Anno autem 1943, saeviente populorum conflictu,<br />
Callonianae (Caltanissetta) vulneratis militibus assidendo operam dedit,<br />
deinde vero, scilicet propter bellicos eventus, Ragusam reversa in sanatorio<br />
ministravit. Hinc ipsa, cum saepe loco mota in varias Siciliae regiones migrare<br />
iuberetur, semper eo, quo missa erat, oboedientissime se contulit.<br />
Anno autem 1947 perpetuis Deo votis se adstrinxit. Interea virgo gravi<br />
longoque morbo implicata erat, quem ipsa aequo animo tolerabat, Dei numini<br />
omnino parens. Anno 1948 eius moderator in spiritualibus factus est<br />
D.nus Ioannes Raciti, qui, eadem cooperante, consilium ceperat apostolicum<br />
opus pro sacerdotibus condendi. Illa igitur, cum e peculiari sui Instituti<br />
pietatis cultu iniurias Cordi Iesu illatas resarcire studeret, sese ut victimam<br />
pro sacerdotibus ad sanctitatem adducendis devovit. Itaque Dei Ancilla,<br />
donec vires suppetierunt, in nosocomiis Ragusiensi, Messanensi, Syracusano<br />
sine intermissione Domino ministravit. Ceterum, cum religiosam vitam, ad<br />
quam ipsa divino quodam instinctu vocata erat, servaret, cumque divinae<br />
gratiae mansuete se subiceret, commodisque suis contemptis sua officia praestaret,<br />
gradatim ad elata perfectionis fastigia pervenit, dum in ordinariis<br />
singularis exstitit omnesque christianas et religiosas virtutes delectabiliter<br />
et constanter exercuit.