You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Id-Dragun Draganti (immirata għal tfal ta’ 8 – 10 snin).
Diskussjoni/Taħdit u Smigħ:
Ibdew billi tiddiskutu dwar x’inhuma talenti u agħmlu lista jew għanqbuta tal-ideat
dwar it-talenti tal-familja tagħkom. Tistgħu anke żżidu qrabat u ħbieb fil-lista.
Ilagħbu logħba żgħira billi tagħmel kategoriji differenti ta’ talenti:
Xi ħadd isemmi talent, eżempju żfin u l-ieħor irid iqiegħed dak it-talent taħt ilkategorija
t-tajba eżempju talent fiżiku. Tista’ taqsamhom f’talent fiżiku, talmoħħ,
teknoloġika, xjenza, arti, eċċ. Jista’ jkun li xi talenti jidħlu taħt iktar minn
kategorija waħda.
Smigħ:
Aqbad żewġ pupazzi (lesti jew magħmulin mill-karti) u agħmel konverżazzjoni
bejniethom fejn jitkellmu dwar it-talenti tagħhom. Sib l-iskript hawn taħt. It-tfal
jistgħu jisimgħu biss jew ikunu parti mill-konverżazzjoni permezz tal-pupazzi.
Tinsiex tbiddel il-leħen ħalli jintagħraf min qed jitkellem.
Props: Beritta tas-suf għal Bettina u pittura/tpinġija biż-żebgħa għal Bertu
Bettina: Bonġu Bert kif int? Jogħġbok il-kappell li għandi? Dak jien ħdimtu, billabar
u bis-suf! Kemm domt int illum!
Bertu: Skużani Bettina, veru domt imma kelli biċċa xogħol u qed nipprova nlestiha.
U biex ngħidlek il-verita’ ma nistax insib tarf! Ara naqra x’kappell għandek, dak
ġdid, qatt ma rajtek bih. Kemm tinqala’ int. Kollox sew jiġik.
Bettina: U anke int tajjeb f’xi ħaġa Bert! Iva mela x’qed tipprova tagħmel? Nista’
ngħinek b’xi mod?
Bertu: Ma nafx ta.....għax....għax bejnietna, qed nipprova npinġi stampa ħalli
nagħtiha lill-għalliema tiegħi, daqs kemm tieħu ħsiebna u tagħmlilna attivitajiet
sbieħ u issa....issa qed naqta’ qalbi. Qed nibża’ li minix kapaċi!
Bettina: U x’ma tagħmilhiex u! Isa, agħmel naqra sforz, ibqa’ ipprova u tara kif
jirnexxielek.
Bertu: Iva ta, hekk nagħmel. Issa nerġa’ nipprova, naħseb li għandi bżonn inbiddel
il-kuluri.
Bettina: U mela Bert....bi ftit paċenzja kollox jirnexxielek tagħmel għax kulħadd
tajjeb f’xi ħaġa.
Bertu: Minjaf kemm hawn tfal għandhom talenti sbieħ! Kos qed tfakkarni fi storja
fejn seba’ aħwa solvew problema kbira għax kollha kienu jafu jagħmlu xi ħaġa u
għenu lil xulxin. Kien jisimha ‘Id-dragun draganti’.
Diskussjoni: Staqsi – Ġieli tħossok taqta’ qalbek f’xi ħaġa li tkun qed tagħmel? Ejja
naħsbu ftit kif nistgħu nsolvuha meta jiġrilna hekk. Tista’ tiddiskuti jew tikteb
ukoll.
L-istorja: Isimgħu l-istorja ‘Id-Dragun Draganti’ billi tmur fuq:
https://www.youtube.com/watch?v=20lz-P18DaI
Diskussjoni: Staqsi – Dwar xiex kienet l-istorja? Ejja nsemmu kull żagħżugħ x’kellu
bħala talent. X’għamlet it-tfajla maqbuda fl-għar biex tgħin lilha nnifisha?
Ħsieb, Kitba u Tpinġija: Agħżel talent wieħed li għandek tajjeb u ikteb tlett sentenzi
dwaru. Tgħid x’inhu, għaliex jogħġbok, kif turi li inti tajjeb/tajba fih u x’tgħid lillħabib/a
tiegħek biex tħajjarhom jibdew jagħmlu dan it-talent tiegħek. Tista’ tpinġi
t-talent tiegħek ġo kaxxa u taqsam il-kitba ma’ xi ħadd.
Smigħ u Taħdit: Jitkompla d-djalogu bejn il-pupazzi.
Bertu: Isa ħej, x’biċċa xogħol għamlu dawk is-seba’ aħwa! Il-veru kollha kienu
jinqalgħu għal xi ħaġa tajba u bit-talent tagħhom għenu lill-prinċipessa.
Bettina: Bil-ħaqq, Bert, kif bqajt bil-pittura tiegħek?
Bertu: Għamilt kif għidtli int, bqajt nipprova sakemm irnexxieli nlestiha. Hawn hi,
araha! - Joħroġ il-pittura u juriha lil Bettina.
Bertu: Togħġbok?
Bettina: Prosit Bert! Kemm se tieħu gost l-għalliema. L-aktar għax għamilt ħiltek
u tajt l-aħjar tiegħek.
Bertu: Grazzi Bettina. Qed tfakkarni, il-ħabiba tiegħi tinqala’ ħafna biex tkanta u
kantat kanzunetta propju fuq hekk. Ejjew nisimgħuha flimkien.
Inkantaw: Isma’, aqra u kanta mal-kanzunetta billi tmur fuq:
https://www.youtube.com/watch?v=Cc9KDoxKCgQ