grondwet van die suid-afrikaanse byeboerdery federasie - Southern ...

GRONDWET VAN DIE SUID-AFRIKAANSE BYEBOERDERY FEDERASIE
1. NAAM VAN DIE FEDERASIE
Die vereniging sal bekend staan as die “SUID-AFRIKAANSE BYEBOERDERY FEDERASIE”.
2. DOELWIT VAN DIE FEDERASIE
2.1 Om ‘n nasionale organisasie in Suid-Afrika te vestig en in stand te hou, wat die filiaal
organisasies, wat tot stand gebring is om voorsiening te maak vir die verskeie gespesialiseerde
afdelings van die byebedryf, te omvat, sodat hierdie filiaal organisasies en hul lede effektief kan
saamwerk vir die ontwikkeling van die byebedryf.
2.2 Om die sienings, doelwitte en pogings van die filiaal organisasies van die federasie te koördineer
in die belang van die hele byebedryf in Suid-Afrika.
2.3 Om alle aangeleenthede wat tot die verbetering van die bye- en verwante bedrywighede in Suid-
Afrika bydra, te bevorder deur die doelwitte van hierdie filiaal organisasies te omvat en
koördineer en in die besonder deur:
2.3.1 Beskerming van die byebedryf van ongunstige wetgewing en enige ander teenstand en deur
die inisiasie, bevordering van en meewerking in die verkryging van wetgewing en regulasies
wat voordelig is vir die bye- en verwante bedrywe.
2.3.2 Aanmoediging van onderrig in die byebedryf, die aanvoering van en / of meewerking in
navorsingswerk van ‘n praktiese en wetenskaplike aard en die organisering van seminare en
kursusse.
2.3.3 Die publisering van literatuur, pamflette en omsendbriewe wat alle aangeleenthede
wat betrekking het op die bye- en verwante bedrywe, behandel en ‘n positiewe beeld namens
die bedryf bestuur.
2.3.4 Optrede as arbiters in die belang van lede, in die skikking van enige dispuut wat mag
ontstaan in enige aangeleentheid wat betrekking het op die bye- en verwante bedrywe.
2.3.5 Met enige aangeleentheid wat in die belang van die bedryf, die Vereniging en sy lede mag
wees, te handel.
2.3.6 Opnames maak van statistieke van alle lede van die filiaal organisasies vir die instandhouding
van toepaslike databasisse vir gebruik in die bevordering van die doelwitte van die
Vereniging.
3. ONDERGESKIKTE ORGANISASIES EN LEDE
3.1 Lidmaatskap sal beperk wees tot:
3.1.1 Ondergeskikte organisasies
Die filiaal organisasies van die Suid -Afrikaanse Byeboerdery Federasie sal bestaan uit:
3.1.1.1 Bestuiwing
3.1.1.2 Heuning bottelary
3.1.1.3 Byekorf toerusting en vervaardiging
3.1.1.4 Byewas en wasprodukte
3.1.1.5 Bye navorsing
3.1.1.6 Ontwikkeling van bye projekte
3.1.1.7 Vrug- en Saadverbouers Vereniging
3.1.1.8 Ander byehouery verenigings
1

Hierdie liggame sal die filiaal organisasies van die Suid-Afrikaanse Byeboerdery Federasie wees, elk met
volle outonomie met betrekking tot die liggaam se bepaalde belange, maar sal onderworpe wees aan die
magte van die Bestuursraad, soos beskryf in hierdie grondwet, asook onderworpe wees aan die gesag van
die Suid-Afrikaanse Byeboerdery Federasie se Kongres oor al die Suid-Afrikaanse Byeboerdery
Federasie se filiaal organisasies en lede, oor aangeleenthede van wedersydse belang of, in gevalle van
konflik, tussen enige filiaal organisasies of lede.
3.1.2 Lewenslange Erelede
Lewenslange erelede sal genomineer word vir hierdie toekenning vir dienste gelewer, deur
die Bestuursraad. So ‘n nominasie sal goedgekeur word by die Kongres. Kennisgewing van
die Bestuursraad se nominasie sal gepubliseer word met die Kongres Agenda. Lewenslange
erelidmaatskap sal slegs toegeken word aan natuurlike persone.
3.1.3 Federasie Lede
Individue en organisasies wat met die industrie geassosieër is, kan medelede van die Suid-
Afrikaanse Byeboerdery Federasie word deur ‘n fooi te betaal wat deur die Bestuursraad
vasgestel sal word. Hierdie lede sal sekere voorregte toegestaan word, van tyd tot tyd, deur
die Bestuursraad.
4. LEDEGELDE
4.1 Alle ledegelde en ander fooie wat verskuldig is deur lede van die Suid-Afrikaanse Byeboerdery
Federasie se filiaal organisasies sal betaalbaar wees aan die Suid-Afrikaanse Byeboerdery
Federasie op die eerste dag van Julie elke jaar.
4.2 Ledegelde en ander fooie wat verskuldig is deur lede van die Suid-Afrikaanse Byeboerdery
Federasie se filiaal organisasies, sal wees soos gestipuleer in die grondwet van hierdie
filiaal organisasies. Hierdie fooie en ledegelde sal van tyd tot tyd bepaal word deur die komitees
van die filiaal organisasies en onderworpe wees aan bevestiging deur die Bestuursraad.
5. STEMMING BY DIE KONGRES
5.1 Bogenoemde afgevaardigdes wat teenwoordig is by die Kongres, sal elkeen een direkte stem hê.
Elke afgevaardigde het ook ‘n maksimum van een volmagstem, onderworpe aan die maksimum
gestipuleer in hierdie Klousule 5.1.
5.2 Alle afgevaardigdes van die Jaarvergaderings van die filiaal organisasies van die Suid-
Afrikaanse Byeboerdery Federasie, soos beskryf in Klousule 5.1, mag die Suid-Afrikaanse Byeboerdery
Federasie Kongres bywoon en sal geregtig wees daarop om deel te neem aan enige
debat. Stemming sal beperk wees tot die amptelik afgevaardigdes, soos beskryf in Klousule 5.1.
'n Voorstel wat tot stemming gebring word, sal beslis word deur opsteek van hande tensy 'n
stemming met stembriefies aangevra word deur die meerderheid van die stemme wat
teenwoordig is by die Kongres, ten tyde van die stemming.
6. ALGEMENE VERGADERINGS
6.1 Jaarliks
6.1.1 ‘n Algemene Vergadering getiteld “Die Suid-Afrikaanse Byeboerdery Federasie Kongres”,

sal jaarliks gehou word binne ses maande van die einde van die finansiële jaar. Die
Bestuursraad sal die datum van die Kongres bepaal, wat nie gehou sal word voor die eerste
week in Maart nie.
6.1.2 Die werksaamhede van die Kongres sal wees om:
a) Die verslag van die Bestuursraad en die Verklaring Van Inkomste en Uitgawes vir die
afgelope finansiële jaar te ontvang en te oorweeg.
b) Aangeleenthede wat in die Agenda ingesluit mag wees, te oorweeg. Die hoofkwartiere
van die Federasie te bepaal. Enige proposisie vir ‘n verskuiwing van die hoofkwartiere,
sal onderworpe wees aan ‘n twee-derde meerderheidstem by die Kongres en bevestiging
onderworpe aan dieselfde meerderheid by die volgende Kongres.
c) ‘n Erepresident vir die Vereniging vir die huidige jaar aan te stel.
d) Ouditeure vir die daaropvolgende jaar aan te stel.
e) Algemene sake te verrig .
6.1.3 Slegs proposisies wat ontvang is van filiaal organisasies, streeksaffiliasies van die
filiaal organisasies, die Bestuursraad en Lewenslange Erelede, sal op die Agenda van die
Kongres verskyn.
6.1.4 Alle proposisies vir bespreking by die Kongres en die Algemene Jaarvergaderings van die
filiaal organisasies, moet ten minste agt (8) weke voor die vasgestelde datum van die
Kongres, in die hande van die Sekretariaat wees. Die Agendas, sowel as ‘n lys van affiliasies
van die filiaal organisasies wat hul stemreg verklaar by die Algemene Jaarvergaderings en
Kongres, sal aan alle lede gepos word, nie later nie as vier (4) weke voor die vasgestelde
datum vir die Kongres.
6.1.5 Die Bestuursraad mag enige proposisie, wat vir insluiting op die Kongres Agenda voorgelê
word, redigeer en, indien nodig, wysig, op voorwaarde dat geen wysiging die basiese
intensie, soos vervat is in die oorspronklike dokument, mag verander nie. Die Bestuursraad
mag ook enige proposisie wat voorgelê is vir die Agenda van die Algemene Jaarvergadering
van enige filiaal organisasie, op die Agenda van die Kongres plaas, solank dit binne die
belange van die bedryf as ‘n geheel val.
6.1.6 Kennis van die datum vir die Kongres sal ten minste agt (8) weke voor die Kongres gegee
word.
6.2 Spesiale Algemene Vergaderings
‘n Spesiale Algemene Vergadering kan deur die Bestuursraad byeengeroep word, na gelang van
behoefte. Kennis van so ‘n vergadering sal aan die lede gepos word ten minste sestien (16) weke
voor die vergadering. Dit sal die sake waarvoor so ‘n vergadering byeengeroep is, vermeld en
geen ander sake as dit wat genoem is in die kennisgewing, sal bespreek word by so ‘n
vergadering nie.
6.3 Voorsitter
Die Voorsitter van die Kongres sal genomineer word deur die affiliasie of lede wie se
uitnodiging die vorige jaar ingedien is deur die betrokke filiaal organisasie en aanvaar is deur
daardie jaar se Kongres.
Die Bestuursraad sal die Voorsitter van ‘n Spesiale Algemene Vergadering aanwys.

6.4 Kworum
Afgevaardigdes wat persoonlik teenwoordig is en geregtig is om te stem, sal die kworum vir die
Kongres of ‘n Spesiale Algemene Vergadering wat deur die Bestuursraad byeengeroep is, vorm.
In die afwesigheid van ‘n kworum, sal die Kongres of ‘n Spesiale Algemene Vergadering wat
deur die Bestuursraad byeengeroep is, verdaag vir een (1) uur, waarna die afgevaardigdes wat
teenwoordig is by die Kongres of Spesiale Algemene Vergadering dan die kworum sal vorm.
7. BESTUUR
7.1 Bestuursraad
Die uitvoerende mag van die Federasie sal onder berusting wees van ‘n besturende liggaam,
genaamd die Bestuursraad. Die Bestuursraad sal die hoogste administratiewe en beherende hoof
van die Suid-Afrikaanse Byeboerdery Federasie wees wat slegs onderworpe sal wees aan
instruksies van die Kongres.
7.2 Lede van die Bestuursraad word verkies vir een (1) jaar wat strek oor ‘n periode van die stigting
van een Kongres tot en met die stigting van die volgende Kongres. Uittredende lede kan in
aanmerking kom vir hernominasie.
7.3 Voorsitter
7.3.1 Die Voorsitter van die Bestuursraad sal jaarliks verkies word deur die Bestuursraad vanuit die
raad met die raad se eerste vergadering na die Kongres.
7.3.2 Die Bestuursraad sal, by die eerste vergadering na die Kongres, ‘n Vise-voorsitter vanuit die
raad aanstel, wie, in die afwesigheid van die Voorsitter, al die regte en voorregte van die
Voorsitter, soos gedefinieër deur hierdie grondwet, sal uitoefen.
7.3.3 Die Voorsitter sal aan die hoof staan van alle vergaderings van die Bestuursraad en
Subkomitee vergaderings. Hy / Sy sal geregtig wees daarop om sowel ‘n gewone as ‘n
beslissende stem uit te oefen.
7.4 Enige lid van die Bestuursraad wat versuim om twee (2) opeenvolgende Bestuursraadsvergaderings
by te woon, sonder om vooraf toestemming te verkry, sal gereken word om sy /
haar
setel in die Bestuursraad neer te gelê het.
7.5 Tydelike vakatures wat mag voorkom in die Bestuursraad, sal gevul word deur die raad van die
betrokke filiaal organisasie.
7.6 Lede van die Bestuursraad moet so gou moontlik hul plaasvervangers in kennis stel indien hul nie
in staat is om vergaderings by te woon nie.
7.7 Die Bestuursraad sal byeenkom op die diskresie van die Voorsitter of wanneer ‘n minimum van
ses (6) lede van die Bestuursraad ‘n vergadering van die raad aanvra.
7.8 Alle lede van die Bestuursraad en Subkomitees sal geregtig wees op vergoeding vir reiskoste en
billike persoonlike uitgawes aangegaan tydens die bywoon van Bestuursraad en kommitee
vergaderings.
7.9 Die kworum vir alle Bestuursraad- en Subkomitee- vergaderings sal die lede wees wat
teenwoordig is.
7.10Die Bestuursraad sal, by die raad se eerste vergadering na die jaarlikse Kongres, ‘n
Aksie Komitee vanuit die raad se eie lede aanstel. Hierdie Aksie
Komitee sal bestaan uit die Voorsitter en twee (2) lede van die Bestuursraad wie binne ‘n
billike afstand van die hoofkwartiere van die Federasie bly.

8. MAGTE VAN DIE BESTUURSRAAD
8.1 Die Bestuursraad sal uitvoering gee aan alle resolusies wat aangeneem is by die Kongres en
Spesiale Algemene Vergaderings. Die Bestuursraad se hoofdoel is om te handel met
aangeleenthede van algemene beleid aangesien dit die byebedryf as ‘n geheel affekteer.
8.2 Die Bestuursraad sal, namens die Suid-Afrikaanse Byeboerdery Federasie die mag hê om:
8.2.1 Roerende of onroerende eiendom aan te koop, te verkoop, te huur of dit te verhuur, te
verpand en / of beswaar, dit as sekuriteit te neem of te gee en / of dit te vervreem op enige
ander manier, of daarvan ontslae te raak en om enige besigheid of ander reg daarop te gee of
te verkry en, in die algemeen, in die verband regsaksie te neem.
8.2.2 Enige fondse of geld tot die komitee / raad se beskikking uit te leen en / of te belê in / op
enige manier en op voorwaardes soos gestipuleer mag word van tyd tot tyd.
8.2.3 Geld op te neem en lenings van enige aard te bekom en aan te gaan en daarvoor die nodige
sekuriteit te gee.
8.2.4 Bankrekeninge oop te maak en onttrekkings te maak en oortrokke te gaan daarop.
8.2.5 Geregtelike stappe in te stel en te verdedig en enige dispuut te onderwerp aan
arbitrasie en om die nodige regspraktisyne aan te stel en te vergoed in verband met sulke
geregtelike stappe of arbitrasie verrigtinge en enige kommissie van ondersoek. Die
Voorsitter van die Bestuursraad en die Hoof-uitvoerende Amptenaar van die Suid-Afrikaanse
Byeboerdery Federasie sal in al sulke gevalle namens die Federasie optree.
8.2.6 Voldoende personeel in diens te neem om die werksaamhede van die Federasie voort te sit en
sal hul salarisse en pligte bepaal en sal die reg hê om personeel te skors en af te dank. Die
Hoof-uitvoerende Amptenaar sal geen stemreg hê by enige vergadering nie.
8.2.7 ‘n Aksie Komitee en Subkomitees / -rade aan te stel om met enige afdeling van die bedryf of
enige bepaalde werk van die Bestuursraad te handel, enige van die doelwitte van die
Federasie uit te voer, of die ondersoeke in verband met enige aangeleenthede wat betrekking
het op die bedryf, in te stel.
8.2.8 Vaste Raadgewende Komitees aan te stel vir ‘n periode van twee (2) jaar om met aangeleenthede
van wedersydse belang vir meer as een filiaal organisasie, te handel. Die Voorsitters
van sulke Komitees sal dien as volle lede op die Bestuursraad.
8.2.9 Ander persone tot medelede van die Bestuursraad te verkies wat dan slegs in ‘n raadgewende
hoedanigheid sal dien.
8.2.10 Op te tree en besluite te neem oor enige aangeleenthede wat tussen Kongresse ontstaan,
solank sulke optrede of besluite nie teenstrydig is met enige resolusie van die Kongres nie.
8.2.11 Enige aksie of besluit van die Suid-Afrikaanse Byeboerdery Federasie se filiaal
organisasies, soos beskryf in Klousule 3.1 hiervan, te veto. Die Raad mag optree in wat dit
beskou as die beste belange van die bedryf as dit van mening is dat enige aksie van een filiaal
organisasie inbreuk maak op die belange van ‘n ander. Die Raad mag, in sulke gevalle, die
betrokke filiaal organisasies byeenroep, indien nodig deur verteenwoordiging.
8.2.12 Kantore of ander akkommodasie te huur.
8.2.13 Uitbetalings te maak wat insidensieel is tot die doelwitte, werkverrigtinge en aktiwiteite van
die Organisasie.
8.2.14 Aan die filiaal organisasies, soos beskryf in Klousule 3.1, uit die Suid-Afrikaanse
Byeboerdery Federasie se fondse bedrae toe te ken wat afskryfbaar is vir daardie filiaal
organisasie.
8.2.15 Om enige oortredende filiaal organisasies en hul affiliasies, of lid, wat die Grondwet oortree,
of wie se optrede, na die mening van die Bestuursraad, skadelik of nadelig was vir die

elange van die Federasie en / of die Federasie se filiaal organisasies en hul affiliasies en
lede, te dissiplineer, diskwalifikasies op te lê, te skors of te verban.
8.2.16 Toekennings te maak.
8.2.17 Regsbevoegdheid uit te oefen oor alle filiaal organisasies en hul affiliasies en lede soos dit
betrekking het op areas van die Federasie.
8.2.18 Verplig elke amptenaar wat ‘n vertrouensposisie in diens van die Federasie beklee om
voldoende sekuriteit te verskaf.
8.2.19 Voorstelle vir die Agenda van die Kongres op te trek en voor te lê.
8.2.20 Die Erepresident van die Vereniging te nomineer.
8.2.21 Die vergaderplek van die Algemene Jaarvergadering, verwys na in 6.1.1, te bepaal.
8.2.22 Alles wat nodig is, te doen om die bogenoemde magte en doelwitte in werking te laat tree.
9. AANSOEKE OM APPèL
Aansoeke om appèl teen die Bestuursraad se besluite op enige van die bogenoemde oortredings, mag
ingedien word by die Kongres. Die Kongres se besluit sal finaal wees.
10. FINANSIES
10.1Die Suid-Afrikaanse Byeboerdery Federasie sal gefinansier word deur:
10.1.1 Ledegeld van affiliasies en lede van die Suid-Afrikaanse Byeboerdery Federasie
se filiaal organisasies, soos beskryf in Klousule 4.1.
10.1.2 Donasies, kommissies en tantieme.
10.1.3 Enige ander wyse wat deur die Bestuursraad goedgekeur is, insluitend heffings.
10.2Die finansiële jaar sal sluit op die 31ste dag van Julie.
10.3Die bates van die Vereniging, tesame met al die regte, magte en pligte daarin sal geag word oor
te gaan op die Bestuursraad.
10.4Die fondse van die Vereniging sal in die rekening van die “Southern African Apiculture
Federation” by ‘n kommersiële bank gedeponeer word, soos goedgekeur deur die
Bestuursraad. Die Voorsitter of Bestuursraadslid wat behoorlik daartoe gemagtig is en die
Hoof-uitvoerende Amptenaar en / of ander persoon wat behoorlik daartoe gemagtig is, sal
gesamentlik die rekeninge bestuur, vir die doelwitte waarvoor die Organisasie gestig is. Alle
betalings sal deur die Bestuursraad goedgekeur word en per tjek uitbetaal word.
10.5Trustfondse en heffingsfondse sal in ‘n aparte rekening gedeponeer word.
Die Hoof-uitvoerende Amptenaar sal ‘n volledige en behoorlike rekeningkundige
boekhoustelsel en finansiële rekord hou van die Organisasie se sake, in ‘n erkende
rekeningkundige vorm.
11. ONTBINDE AFFILIASIES
11.1In die geval van enige affiliasie of lidmaatskap van enige van die filiaal organisasies van die
Suid-Afrikaanse Byeboerdery Federasie wat ontbind vir enige rede wat ookal, sal alle bates
wat aan so ‘n affiliasie of lidmaatskap behoort, berus in die betrokke filiaal organisasie in trust
vir een (1) jaar, waarna dit die eiendom van die Organisasie sal word en mee gehandel sal word
volgens die diskresie van die Bestuursraad.
11.2Met aanvang van die beëindiging van enige affiliasie of lidmaatskap aan enige
filiaal organisasie van die Suid-Afrikaanse Byeboerdery Federasie vir watter rede ookal, sal so
‘n geaffilieërde liggaam of lid, ipso facto, enige regte in of aanspraak in die Organisasie en sy
bates van die Vereniging verbeur en verloor.

12. TAAL
Engels en Afrikaans sal die amptelike tale van die Vereniging wees.
13. WYSIGINGS AAN GRONDWET
13.1Geen wysiging van die grondwet sal gemaak word nie, behalwe waar so ‘n wysiging deur ‘n
twee-derde meerderheid van die stemme verteenwoordigend by die Kongres ondersteun word,
ten tyde van die stemming. Enige kennisgewing van ‘n mosie om die Grondwet te wysig, moet
aan die Sekretariaat voorgelê word, nie minder nie as agt (8) weke voor die vasgestelde datum
van die Kongres.
13.2Wysigings op ‘n voorgestelde resolusie wat op die Kongres Agenda verskyn en die Grondwet
affekteer, moet in die hande van die Sekretariaat wees, ten minste sewe (7) dae voor die
vasgestelde datum van die Kongres.
13.3Enige wysigings aan die Grondwet sal aan die Ontvanger van die Suid-Afrikaanse
Inkomstediens voorgelê word.
14. VERTOLKING VAN DIE GRONDWET
14.1In die geval van ‘n dispuut of twyfel oor die betekenis en toepassing van die Grondwet, sal die
interpretasie van die Bestuursraad bindend wees op die lede, tot en met die volgende Kongres.
14.2In die geval van ‘n dispuut of twyfel, sal die Engelse weergawe van die Grondwet beskou word
as die amptelike Grondwet.
15. BYKOMENDE REGULASIES
15.1Die Bestuursraad mag van tyd tot tyd, indien en wanneer nodig, bykomende regulasies instel,
wat nie teenstrydig is met die Grondwet nie en wat gesien sal word as deel van die Grondwet
wanneer dit goedgekeur word deur die Kongres.
15.2Regulasies mag bygevoeg, gewysig of herroep word deur ‘n meerderheidstem by enige
Kongres.
16. REGSAANGELEENTHEDE
16.1Die Bestuursraad sal die Federasie in regsaangeleenthede verteenwoordig en sal die mag hê om
geregtelike stappe in of teen die Federasie te stel en te verdedig . Regsdokumente sal deur die
Voorsitter en die Hoof-uitvoerende Amptenaar onderteken word in ooreenstemming met
resolusies wat deur die Bestuursraad verleen is.
16.2Lede van die Bestuursraad en Rade van die Suid-Afrikaanse Byeboerdery Federasie
se filiaal organisasies sal aan geen persoonlike verantwoordelikheid van watter aard ookal
teenoor enige persoon of liggaam blootgestel word in die uitvoering van hul pligte as
ampsdraers van die Federasie nie en sal gevrywaar word deur die Suid-Afrikaanse
Byeboerdery Federasie.
16.3Die Federasie sal nie aanspreeklik gehou word vir die verpligtinge wat aangegaan is deur lede
van enige affiliasie nie.

17. AFSTANDDOENING VAN REGTE
Elke affiliasie of lid van ‘n filiaal organisasie van die Federasie of lid van die affiliasie sal
gereken word om van die reg teen die Federasie afstand te gedoen het vir enige skade voortspruitend
uit die werksaamhede en toepassing van die Grondwet.
18. ONTBINDING EN DIE UITKERING VAN PROFYT OF WINSTE
18.1Die fondse van die Federasie sal uitsluitlik aangewend word vir belegging in die Federasie in
die bevordering van die doelwitte van die Federasie, geen gedeelte van die profyt of winste sal
uitgekeer word aan enige persoon nie.
18.2Indien daar ten tyde van die likwidasie of ontbinding van die Federasie, na die voldoening
van al die Federasie se verpligtinge, enige reserwes oorbly, sal hierdie reserwes nie betaal
word aan of verdeel word tussen lede van die Federasie nie, maar sal dit geskenk word of
oorgedra word aan ‘n ander instelling(s) wat soortgelyke doelwitte as die Organisasie het. Dit
sal bepaal word deur die lede van die Organisasie voor of met die ontbinding daarvan.
19. WINSGEWENDE AKTIWITEITE
Die Federasie sal nie betrokke wees by enige sake-bedrywighede of winsgewende aktiwiteite sonder
die uitdruklike toestemming van die Bestuursraad nie en sal verder nie betrokke wees by enige
besigheid, professie of beroep van enige van die Federasie se lede nie. Die Federasie sal verder nie
enige van die Federasie se lede finansiële bystand verleen nie, of van ‘n perseel of volgehoue dienste
of fasiliteite voorsien wat deur die lede vereis word in die loop van enige van hul besigheid, professie
of beroep nie.