koopkontrak - skilliepark.co.za

MEMORANDUM VAN KOOP EN VERKOOP
Aangegaan deur en tussen:
________________________________________________________________
Reg Nommer _____________________________________________________
verteenwoordig deur ________________________ in sy hoedanigheid as
behoorlik gevolmagtigde kragtens besluit. Met woonadres te
_________________________________________________ en posadres te
________________________________________________________________
Telefoonnommer ___________________(h)__________________________(w)
OF
________________________________________________________________
ID Nommer_______________________________________________________
Ongetroud / getroud binne/buite gemeenskap van goedere met
________________________________________________________________
met woonadres te _________________________________________________
en posadres te ____________________________________________________
Telefoonnommer ___________________(h)__________________________(w)
(hierna die Koper genoem)
en
1

DOLPHIN WHISPER TRADING 10 (EDMS) BPK
(REG NR: 2003/028559/07)
hierin verteenwoordig deur Pieter Gideon van Zyl in sy hoedanigheid
as behoorlik gevolmagtigde kragtens besluit
(hierna die Verkoper genoem)
NADEMAAL die Verkoper die geregistreerde eienaar is van Erwe 468 en 473
geleë te Kersbosstrand, Dwarskersbos;
EN NADEMAAL die Verkoper van voornemens is om n ontwikkeling op gemelde
Erwe te doen ooreenkomstig sekere sketsplanne welke sketsplanne aan die
Koper getoon is ( die Ontwikkelingskemas ), en hierby as aanhangsel aangeheg
is;
EN NADEMAAL die Verkoper van voorneme is om aansoek te doen vir die
goedkeuring van Ontwikkelingskemas ingevolge die Wet op Deeltitels van 1986
asook die opening van n deel titelregister ten opsigte daarvan; -
NOU DERHALWE word as volg ooreengekom:
1. INTERPRETASIE
in hierdie ooreenkoms, tensy onversoenbaar met die inhoud, beteken:-
2

1.1.1 Argitek die argitek wat aangestel is deur die Verkoper om van tyd
tot tyd as sulks op te tree ten opsigte van die Ontwikkelingskema;
1.1.2 Eenheid die spesifieke deel wat verkoop word en welke eenheid
deel uitmaak van die Ontwikkelingskema en wat n onverdeelde
aandeel in die gemeenskaplike eiendom insluit, soos meer
spesifiek gespesifiseer word in die aanhangsels hiertoe, die
sketsplanne hierby aangeheg en die goedgekeurde bouplanne.
Hierna word ook verwys as die Eiendom ;
1.1.3 Geboue die geboue wat op die hierin gemelde Erwe opgerig gaan
word;
1.1.4 Gemeenskaplike eiendom die eiendom wat nie deel vorm van
enige deel en/of Eenheid in die Ontwikkelingskema ingevolge die
Wet nie;
1.1.5 Geskatte Deelnemings kwota ten opsigte van n Eenheid n
desimale deel soos bepaal sal word ingevolge die bepalings van
die Wet;
1.1.6 Grond die erwe soos getoon op Aanhangsel A en ingesluit in die
Ontwikkelingskema of die beoogde Ontwikkelingskema;
3

1.1.7 Okkupasie datum die datum waarop
a) die Eenheid aan die Koper oorhandig word; of
b) n okkupasie sertifikaat uitgereik word, tot dien effek dat die
Eenheid geskik is vir bewoning daarvan;
welke van die bogemelde datums die eerste is, en vanaf
sodanige datum sal die Verkoper geag onthef te wees van al
sy verpligtinge ingevolge hierdie ooreenkoms, hetsy
uitdruklik of geïmpliseer en ook ten opsigte van enige
verandering aan of toevoeging tot sodanige ooreenkoms;
1.1.8 Ontwikkelingskema die Grond en Geboue ten opsigte waarvan
die Verkoper van voornemens is om n Deeltitelregister te open;
1.1.9 Reëls die reëls van die Beheerliggaam;
1.1.10 Registrasie en/of Oordrag beteken datum waarop die Eenheid in
die naam van die Koper registreer en/of die Eenheid in die naam
van die Koper oorgedra word;
1.1.11 Uitsluitlike Gebruiksarea die areas van die gemeenskaplike
eiendom soos gemerk op die uitleg plan wat as Aanhangsel A
4

hierby aangeheg is en geallokeer word ingevolge Artikel 27A van
die Wet op Deeltitels, No 95 van 1986;
1.1.12 Verkoper se prokureur synde die oordrag prokureurs, Japie van
Zyl Prokureurs van Bothastraat 3, Schweizer-Reneke, 2780;
1.1.13 Wet die Wet op Deeltitels, No 95 van 1986, soos gewysig en
sluit dit die regulasies daaronder uitgevaardig in, soos van tyd tot
tyd gewysig;
1.1.14 Woorde wat die meervoud aandui bevat die enkelvoud en vice
versa en woorde wat die manlike geslag aandui sal ook na die
vroulike geslag verwys. Vêrder sal woorde wat verwys na persone
ook na vennootskappe en beheerliggame verwys en vice versa;
1.1.15 n Verwysing na die ooreenkoms beteken die ooreenkoms en die
aanhangsels daarby;
1.1.16 Die opskrifte van die paragrawe in hierdie ooreenkoms word slegs
ingevoeg vir verwysingsdoeleindes en sal geensins die
interpretasie van enige voorwaardes of bepalings in die gemelde
paragrawe beïnvloed nie.
5

2. VERKOOP VAN EENHEID DEUR Verkoper AAN Koper
2.1 Die Verkoper verkoop hiermee en die Verkoper koop hiermee:-
Eenheid____________________________________________________
in die Ontwikkeling genaamd Skilliepark geleë wes van Vuurtoring straat
en suid van Hoofstraat, Kersbosstrand, Dwarskersbos, die toesluit
motorhuis op die grondvlak wat daaraan toegewys is en die onverdeelde
aandeel ingevolge die deelnemingskwota ten opsigte van die Eenheid en
die uitsluitlike gebruiksarea.
2.2 Die Eenheid word aangedui en gemerk in Aanhangsel A saam gelees
met die sketsplanne wat as Aanhangsel B hierby aangeheg is.
2.3 Die Eenheid word verkoop onderhewig aan alle voorwaardes en serwitute
soos in die beoogde deeltitelregister aangedui en waarna daarin verwys
word en in die toestand en omvang waarin dit oorgedra gaan word.
2.4 Die Eenheid word Voetstoots verkoop.
2.5 Die Eenheid sal gebou word ooreenkomstig die goedgekeurde
Deeltitelplan waarop die deelnemingskwota geëndosseer is, met enige
veranderings wat van tyd tot tyd ingevolge die bepalings van die Wet
gemaak word en welke Deeltitelplanne as aanhangsel hierby aangeheg
6

word. Die Eenheid sal toegerus en gemeubileerd word soos bepaal in die
afwerkingskedules wat as aanhangsel C hierby aangeheg word. n
Wasmasjien en tuimeldroër vorm nie deel van die Koop nie.
2.6 Hierdie koop is voetstoots en die Koper verklaar dat geen waarborge of
voorstellings uitdruklik of stilswyend, deur die Verkoper gemaak is of deur
enige ander persoon ten behoewe van die Verkoper gemaak is, as gevolg
waarvan die Koper oorreed is om hierdie transaksie aan te gaan nie,
behalwe vir sodanige waarborge en/of ondernemings as wat uitdruklik in
hierdie ooreenkoms vervat is.
3. KOOPPRYS
3.1 Die koopprys is die bedrag van R _______________________________
(_________________________________________________________).
3.2 Die Koopprys sluit hereregte en oordragskostes in, maar sluit dit
verbandkoste uit, welke betaalbaar is deur die Koper.
3.3 Die Koopprys sal as volg deur die Koper betaal word:
3.3.1 Die bedrag van ______________________________________ sal as n
deposito in kontant op datum van ondertekening van hierdie ooreenkoms
deur die Koper betaal word.
7

3.3.2 Die deposito sal direk in die Trustrekening van Japie van Zyl Prokureurs
van Bothastraat 3, Schweizer-Reneke inbetaal word. Die rekening
besonderhede is as volg:
Japie van Zyl Prokureurs Trust
Standard Bank
Rekening nommer: 031604765
Takkode: 052639
3.3.3 Die geld sal in n rente draend rekening vir die voordeel van die Koper belê
word. Die gelde sal aan die Verkoper uitbetaal word op datum van
registrasie van die Eenheid in die naam van die Koper. Die Koper verleen
hiermee onherroeplike magtiging aan die oordragprokureur om die gelde
aan die Verkoper uit te betaal op datum van registrasie van die Eenheid..
3.3.4 Die oorblywende gedeelte van die Koopsom sal op datum van registrasie
van die Eenheid aan die Verkoper uitbetaal word.
3.3.5 Betaling van die oorblywende gedeelte van die Koopsom sal in kontant by
die oordrag prokureur inbetaal word, binne 21 dae na datum van
ondertekening van die ooreenkoms of sal n onvoorwaardelike
bankwaarborg vir die betaling daarvan uitgereik word, binne 21 dae na
datum van ondertekening van die ooreenkoms. Die waarborg sal aan die
8

Verkoper uitbetaal op datum van registrasie van die Eenheid in die naam
van die Koper. Die waarborg sal uitgereik word ooreenkomstig die
voorwaardes soos gestel deur die Verkoper.
3.3.6 As die ooreenkoms onderhewig is aan die verkryging van n lening vir die
betaling van die Koopsom soos genoem in 3.3.7 sal die waarborge soos
na hierbo verwys gelewer word 14 dae na datum van verkryging van die
lening uitgereik word.
3.3.7 Die ooreenkoms is onderhewig daaraan dat die Koper
lening binne 30 (dertig) dae na datum van ondertekening van hierdie
ooreenkoms, vir die betaling van die koopsom kry. Word die lening nie
gekry nie, sal die ooreenkoms verval en van nul en gener waarde wees
nie. (Indien van toepassing.)
3.3.8 Die Koper waarborg en onderneem om onmiddellik na datum van
ondertekening van die ooreenkoms voort te gaan met die indiening van
die leningsaansoek. Die Koper sal alle inligting wat die finansiële
instelling benodig vir oorweging van die aansoek onmiddellik op aanvraag
aan die finansiële instelling beskikbaar stel.
3.3.9 Die Koper magtig hiermee die Verkoper en/of sy agent om namens die
Koper aansoek vir n lening by enige finansiële instelling soos wat die
9
n

Verkoper mag goeddunk, te doen. Die Koper onderneem om alle
dokumentasie wat hiervoor nodig mag wees, op aanvraag te verskaf en
ook op aanvraag te onderteken.
4. RISIKO
Die risiko van die Eenheid gaan oor na die Koper op datum van
registrasie. Vanaf datum van registrasie sal die Koper alle voordele van
die eiendom ontvang en verantwoordelik wees vir alle belastings, heffings
en ander betalings wat daarop gehef mag word.
5. OKKUPASIE
Okkupasie van die eiendom word aan die Koper gegee op die datum van
registrasie van die eiendom in die naam van die Koper.
6. OORDRAG
6.1 Oordrag van die eiendom sal deur Japie van Zyl Prokureurs van
Schweizer-Reneke waargeneem word. Die Koper sal op aanvraag
onverwyld alle oordrag dokumente onderteken.
10

6.2 Die Verkoper sal oordrag van die Eenheid aan die Koper gee na die
opening van die Deeltitelregister ten aansien van die Ontwikkelingskema
en nadat alle statutêre vereistes en verpligtinge nagekom is. Die Koper
sal geen eis van welke aard ookal teen die Verkoper hou waar Oordrag
vertraag word as gevolg van die opening van die Deeltitelregisters en die
nakoming van ander statutêre vereistes nie.
6.3 Indien die Eenheid na voltooiing in n mindere mate afwyk van die
omskrywings soos in hierdie ooreenkoms en/of indien die heffings wat ten
opsigte van die Eenheid betaalbaar moet wees, meer en/of minder mag
wees as wat in hierdie ooreenkoms genoem is, sal die Koper steeds
oordrag van die Eenheid neem. Die Koper sal geen aksie en/of eis van
welke aard ookal teen die Verkoper hê nie.
7. KONTRAKBREUK & KENNISGEWING
7.1 Ingeval enige party enige van die bepalings van hierdie kontrak verbreek,
en dit nie regstel binne 7 (sewe) dae na ontvangs van n skrywe vanaf die
ander party, per vooruitbetaalde aangetekende pos of per hand afgelewer
ter aanmaning om die kontrakbreuk reg te stel nie, sal die ander party
geregtig wees om sonder benadeling van sy regte ingevolge die
gemenereg:-
11

7.1.1 hierdie ooreenkoms te kanselleer en skadevergoeding en rente te eis; of
7.1.2 hierdie ooreenkoms te kanselleer en alle gelde terug te hou wat deur die
party in kontrakbreuk betaal is, as ooreengekome voorafberekende
skadevergoeding; of
7.1.3 betaling van die volle koopprys te eis met rente daarop en skade
vergoeding te verhaal.
8. DOMICILIUM CITANDI ET EXECUTANDI
8.1 Die Verkoper en die Koper kies onderskeidelik die fisiese adresse wat in
hierdie ooreenkoms verskyn vir enige doel wat uit hierdie ooreenkoms
voortvloei, as hulle domicilium citandi et executandi.
8.2 Enige kennisgewing wat per vooruitbetaalde aangetekende pos aan n
party versend word, word geag sodanige party te bereik het binne 7
(sewe) dae na die pos daarvan.
8.3 Enige kennisgewing wat per hand afgelewer word sal geag word ontvang
te wees op die dag waarop dit per hand afgelewer is.
12

8.4 n Partye mag te enige tyd sy domicilia adres verander deur skriftelik
kennis daarvan aan die ander partye te gee mits die nuwe domicilia adres
in die Republiek van Suid-Afrika is en dit bestaan uit n fisiese adres
waarop prosesstukke beteken kan word.
9. AANSPREEKLIKHEID / BEVESTIGING
Indien daar meer as een Koper is, is hulle gesamentlik en afsonderlik
aanspreeklik ten opsigte van alle verpligtinge hiervolgens nie.
10. HELE OOREENKOMS
10.1 Hierdie dokument bevat die hele ooreenkoms tussen die partye en geen
waarborge, voorstellings en opinie lewering wat nie vervat is in hierdie
ooreenkoms nie, sal deel hiervan uitmaak nie. Geen toegewing of
verlenging van enige tydperk deur die Koper ten opsigte van enige
bepaling of voorwaarde hierin genoem sal tot gevolg hê dat die Verkoper
enige van sy regte wat hy uit hoofde van die bepalings van hierdie
ooreenkoms verkry, prysgee nie en sal die Verkoper geregtig wees om
aan te dring op stiptelike nakoming van die verpligtinge deur die Koper
hierin.
13

10.2 Die partye plaas op rekord dat die Koper geensins beweeg is om hierdie
ooreenkoms met die Koper aan te gaan as gevolg van enige voorstelling
of waarborg deur die Koper of sy verteenwoordiger of agent nie.
10.3 Die partye onderneem om alles te doen wat nodig mag wees ter nakoming
van die bepalings van hierdie ooreenkoms.
10.4 Geen wysiging in hierdie ooreenkoms sal geldig wees tensy dit op skrif
gestel is en deur beide partye onderteken is nie.
10.5 Geen toegewing gemaak deur n party sal n afstanddoening van enige
van daardie party se regte volgens hierdie ooreenkoms daarstel nie.
Geen van die partye sal verhoed word as gevolg van die maak van
sodanige toegewing om enige regte wat moontlik ontstaan het in die
verlede of wat mag ontstaan in die toekoms, uit te oefen nie.
10.6 n Versuim deur n party om n bepaling van hierdie ooreenkoms af te
dwing, stel nie n afstanddoening van daardie bepaling daar nie en raak
ook geensins daardie party se reg om uitvoering van daardie bepaling te
enige tyd in die toekoms te vereis nie, en n afstanddoening van n
daaropvolgende breuk sal ook nie die doeltreffendheid van die bepaling
self verydel nie.
14

11. TEKENING NAMENS N ANDER PERSOON
11.1 Waar enige persoon hierdie ooreenkoms teken namens en ten behoewe
van n ander party, waarborg hy met sy handtekening dat:
11.1.1 hy behoorlik en regtens gemagtig is om hierdie ooreenkoms te teken;
11.1.2 sy handtekening hiertoe die persone namens wie hy teken bind tot die
bepalings van hierdie ooreenkoms.
11.2 Waar n persoon die ooreenkoms teken en hy binne gemeenskap van
goedere getroud is, waarborg hy dat alle skriftelike toestemming soos
ingevolge die Wet op Huweliksgoedere (88 van 1984) vereis word ten
opsigte van die ooreenkoms, gegee is.
12. ELEKTRIESE SERTIFIKAAT VAN NAKOMING
Indien dit nodig is en deur Wetgewing vereis word, sal die Verkoper n
Sertifikaat van Elektriese Nakoming kry en aan die Koper lewer op datum
van registrasie. Die partye neem kennis daarvan dat hierdie Eenhede
nuut gebou word en dat dit dus nie nodig sal wees vir die verkryging van
so n sertifikaat nie.
15

13. SKILLIEPARK BEHEERLIGGAAM EN MAANDELIKSE HEFFINGS
13.1 Die Eenheid sal op datum van die registrasie onderhewig wees aan die
voorwaardes, reëls en dies meer van die beheerliggaam van die
Skilliepark Ontwikkeling.
13.2 Waar die Eenheid herverkoop word, sal die Koper die voorwaardes van
die Beheerliggaam deel maak van die koopooreenkoms.
13.3 Die Koper verklaar dat hy homself op hoogte gebring het met die
bepalings van die Beheerliggaam en dat hy op datum van registrasie van
die Eenheid oordrag van die Eenheid sal neem onderhewig aan die reëls
van die Beheerliggaam.
13.4 Van datum van okkupasie sal die Koper verplig wees om maandelikse
heffings ten opsigte van die Eenheid te betaal, welke heffings bepaal sal
word in ooreenstemming met die deelnemingskwota ten opsigte van elke
Eenheid en ingevolge die bepalings van die Wet.
13.5 Die maandelikse heffings sal maandeliks vooruit deur die Koper
betaal word op die eerste dag van elke kalendermaand met die
voorbehoud dat indien die okkupasiedatum val op enige ander dag
16

anders as op die eerste dag van n kalendermaand, die Koper verplig sal
wees om n pro rata deel van die maandelikse heffings wat aldus
betaalbaar is, te betaal.
13.6 Die maandelikse heffings waarna in klousule 13 verwys word sal aan die
oordragprokureurs van die Verkoper betaal word van datum van oordrag
in die naam van die Koper vir tyd en wyl die Beheerliggaam nog nie
ingevolge die Wet tot stand gekom het nie. In daardie geval sal die bedrag
betaalbaar geag word n maandelikse bydrae tot die lopende kostes ten
opsigte van die Skilliepark Ontwikkeling te wees en sal dit gelykstaande
wees as die vooruitgeskatte maandelikse heffing.
14. DIE RE LS
Die Koper onderneem om gebonde te wees en te bly aan die reëls soos
wat dit deur die Skilliepark Beheerliggaam neergelê word.
17

15. HERVERKOOP
Die Koper sal nie geregtig wees om die Eenheid (Eiendom hierin genoem)
te herverkoop voordat die Eiendom nie eers in die Koper se naam
geregistreer is soos bepaal in die ooreenkoms nie.
16. ALGEMEEN
16.1 Indien daar om die een of ander rede deur die Ontwikkelaars besluit
sou word om nie met die Ontwikkeling voort te gaan nie, sal die partye
aanvaar dat daar nie voortgegaan word met die ooreenkoms nie, en sal
die deposito wat in terme van die ooreenkoms deur die Koper betaal is,
aan die Koper terugbetaalbaar word.
16.2 Indien die bepaling van hierdie ooreenkoms wat nie wesenlik is vir die
werksaamheid daarvan as n geheel nie, nietig, onwettig of onafdwingbaar
gemaak word op enige wyse ingevolge enige Wet, sal die geldigheid,
onwettigheid en onafdwingbaarheid van die oorblywende bepalings
geensins daardeur geraak of aangetas word nie en sal die partye ter
goeder trou poog om n alternatiewe bepaling as die nietige, onwettige
en/of onafdwingbare bepaling op ooreen te kom.
18

16.3 Die beëindiging van hierdie ooreenkoms om welke rede ookal, sal nie van
n party enige aanspreeklikheid wat voor beëindiging daarvan reeds teen
daardie party opgeloop het of wat daarna ten aansien van n handeling of
late wat voor die beëindiging daarvan verrig is, kan ontstaan, vrystel nie.
Op dieselfde wyse sal die beëindiging van die ooreenkoms nie daardie
bepalings van hierdie ooreenkoms raak wat uitdruklik bepaal dat hul
steeds van krag is na sodanige verstryking of beëindiging of wat
noodwendig van krag moet bly na sodanige verstryking of beëindiging,
nieteenstaande die klousules nie self uitdruklik daarvoor voorsiening maak
nie.
17. SONERING
17.1 Indien die huidige munisipale skemaregulasies aangaande sonering in die
toekoms verander, sal die partye daartoe toestem en stem die Koper
reeds met ondertekening van die ooreenkoms daartoe toe, en onderneem
om alle dokumente wat vir daardie doel nodig mag wees, op datum van
versoek te onderteken.
17.2 Die Verkoper behou die reg voor om die Ontwikkelingskema in fases te
ontwikkel en te registreer.
19

17.3 Die Koper erken hiermee dat die Verkoper geregtig sal wees om die
voorgestelde Ontwikkelingskema soos op die sketsplanne aangedui te
voltooi en te registreer in fases oor n periode wat nie twee (2) jaar oorskry
vanaf datum van opening van die Deeltitelregister nie.
17.4 Die Verkoper as Ontwikkelaar behou die reg voor om ingevolge die Wet
die gedeelte gemerk park op die aangehegte kaarte te ontwikkel vir eie
gewin.
18. AANBOD OM TE KOOP
Na ondertekening van die ooreenkoms deur die Koper sal dit geag word
om n onherroepelike en n oop aanbod te wees wat die Verkoper kan
aanvaar op n tyd soos bepaal deur die Verkoper. Die Koper sal onder
geen omstandighede geregtig wees om hierdie aanbod terug te trek en/of
te herroep nie.
19. WAARBORGE DEUR VERKOPER
19.1 Geen waarborge van welke aard ookal word deur die Verkoper gemaak
en of gelewer nie.
19.2 Die Eenheid word Voetstoots aan die Koper verkoop en oorgedra.
20

19.2 Die Verkoper sal nie verantwoordelik gehou kan word in die geval van
haarlyn krake wat veroorsaak word as gevolg van krimping van enige
materiaal wat in die bouproses gebruik is nie.
20. ARBITRASIE
Enige dispuut, geskil of dooiepunt tussen die partye moet saam vir
arbitrasie verwys word in gevolge die reëls en regulasies van die
Arbitrasie Stigting van Suid-Afrika.
21. KOMMISSIE
Die Verkoper en Koper erken dat PROTERRA Eiendomme `n party
tot hierdie aanbod is en verklaar dat PROTERRA die effektiewe oorsaak
van hierdie transaksie is en bevestig die Koper dat geen ander agent of
agentskap die Eiendom aan die Koper bekend gestel het nie.
PROTERRA Eiendomme sal geregtig wees op 6% kommissie, BTW
uitgesluit, soos bepaal in die mandaat wat tussen die Verkoper en
PROTERRA bestaan. Hierdie kommissie sal geag verdien te wees by
ondertekening deur beide partye en die nakoming van enige opskortende
voorwaardes in hierdie kontrak. Hierdie kommissie sal betaal word op
datum van registrasie en opdrag word hiermee aan die Oordrag
Prokureurs gegee om die bedrag van die koopsom te verhaal en aan
PROTERRA oor te betaal by registrasie as eerste trekking van die
koopsom.
21

22. SPESIALE VOORWAARDES
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
___________________________________________________________
22

ALDUS GETEKEN DEUR DIE KOPER TE ......................................................OP
DIE ....................DAG VAN .......................................................................... 2009.
AS GETUIES:-
1. .
2. .
23
Koper
ALDUS GETEKEN DEUR DIE VERKOPER TE ...............................................OP
DIE ....................DAG VAN ..........................................................................2009.
AS GETUIES:-
1. .
2. .
Verkoper