Free State Vrystaat - The Clivia Society

Ons eie skou is 23 September 2006 .Elkeen moet sorg dat hy/sy n paar
blomme gereed het. Hou asseblief die datum in gedagte. Ons program vir
die jaar beloof om talle interessante onderwerpe aan te raak . Die bestuur
doen op u as lede n beroep om ons te ondersteun en met voorstelle te kom
van wat u graag wil hoor of weet.
Ons sien met groot verwagting uit na n vol Clivia-jaar, mag u ook deel
wees van hierdie geleentheid. Ons as bestuur wens u sterkte toe en mag u
jaar gevul word met pragtige Clivias.
Clivia groete
Voorsitter
**********************************************
‘N CLIVIA PLANT SE VOEDSEL- EN WATER-BEHOEFTES.
In ‘n vorige uitgawe was daar gepoog om te bepaal waaraan Clivia
plante se groeimedium moet voldoen vir sukses. In hierdie opvolgstuk sal
gepoog word om ‘n Clivia plant se voedselbehoeftes te bepaal asook die
benatting wat daarmee verband hou. Lede se handboek, is en bly “Kweek
van Clivias”, soos uitgegee deur ons moedervereniging. Hierdie
bykomende stukkies dien slegs om basiese groeimeganismes toe te lig as
agtergrond vir eie kennis en verdere eksperimentering.
Om nie die wiel weer te ontwerp nie, is as vertrekpunt geneem die
inligtingstuk van die Sentrale Universiteit van Tegnologie, “Short Course;
Greenhouse Technology” soos aangebied deur Agrelek te Glen Kollege.
Hierdie kursus handel oor optimale toestande vir die verbouing van groente
en blomme in tonnels waar tonnelplante in steriele vars 50%
denneskaafsels en 50% dennesaagsels groei en periodiek oorstroom word
met besproeiingswater waarin die regte konsentrasies opgeloste
voedingstowwe opgelos is. Na benatting dreineer die wortel-houer en suig
dit lug in na die wortels. Voordat die wortels verdor, oorvloei die
planthouer weer met voedende besproeiingswater en word hierdie siklus
met ‘n rekenaarbeheerde program aanhoudend gerepeteer. Plante soos
komkommers en tamaties lewer tot meer-honderdvoudige oeste en meer
onder hierdie ideale toestande waar die groeimedium inherent geen eie
Aan die einde van Julie moet u weer ‘n goeie toediening van Stikstof (N)
aan u plante gee. Onthou dat daar altyd ‘n balans tussen die Stikstof en
Kalium moet wees.
Voeding kan as blaarvoeding of benatting toegedien word. Ek verkies
Seagro. Die rede vir my keuse is dat Seagro nie die plante brand nie en
klein plantjies vind ook baat daarby Daar is ook baie ander produkte op die
mark bv. Kelpel, Nitrosol, Multifeed Osmocote en baie ander.
Geniet u Clivias
Piet Laubscher
*******************************************************
CLIVIA MANIA:
‘n Vriendelike Waarskuwing!
Die naderende Internasionale Clivia-Kongres in September 2006 is
verseker iets wat niemand mag misloop nie. Die hele week is daar
aktiwiteite.
Van die interessante hoogtepunte op die program sal wees rondom die
veiling van plante. Die groot vraag: Wat is die hoogste prys wat behaal
gaan word en waarvoor.
Met ‘n vorige veiling is bietjie meer as R13 000 deur ‘n buitelandse koper
betaal vir ‘n enkele plant. Vanjaar kan dit aansienlik meer wees. Toe ek
gedurende Februarie vanjaar ‘n besoek aan Port Elizabeth gebring het, kon
ek vir R15 000 ‘n enkele suier van ‘n plant met ‘n groen blom koop! Ek het
nie. Toe ek met Menseregtedag 2006 ‘n plant met ‘n (“regtige”) groen
blom vir R4 500 aangebied is in ‘n buurdorp van PE, was ek baie dankbaar
vir my vroeë aanvoeling. Maar ek het dit steeds nie gekoop nie...
Die vraag rondom Clivias bly altyd: Hoe graag wil ek ‘n spesifieke plant hê
en hoeveel is ek bereid om te betaal vir daardie besondere plant. As jy R15
000 of meer wil betaal, is dit jou keuse...
4 13