Voorbeeld van Kontrak - Woodlandhills.co.za

WOODLAND HILLS WILDLIFE ESTATE
SKEDULE A WAARNA VERWYS WORD IN AANGEHEGTE KOOPKONTRAK
K O P E R
Volle name/BK/Trust : _____________________________________________________________________
ID Nr/Reg Nr(BK of Trust) : ___________________________________________________________________
Volle naam van gade/Trustee/Lid : ______________________________________________________________
Identiteitsnommer van gade : ___________________________________________________________________
Hoe getroud : Ongetroud Weduwee Huweliksvoorwaardes Gemeenskap van goedere
Huidige fisiese adres (domicilium citandi et executandi) (nie posadres nie): _____________________________
___________________________________________________________________________________________
Posadres : __________________________________________________________________________________
Toekomstige posadres : _______________________________________________________________________
Telefoon (Huis): _______________ Telefoon (Besigheid) :_______________ Selfoon _____________________
Faks: ________________________ E.pos: ________________________________________________________
Plek van Besigheid/Professie: __________________________________________________________________
BESONDERHEDE WAARNA VERWYS WORD IN KLOUSULES 2, 3.1, 3.2 en 20.4 VAN DIE
AANGEHEGTE OOREENKOMS :
Erf Nommer en oppervlakte waarna verwys word in Klousule 2.: Erf Nr _______________________ Hillandale
Oppervlakte: ± __________________vk meter
Koopprys waarna verwys word in Klousule 3.1 : R _________________________________________________
(__________________________________________________________________________________________
_______________________________________________________) (koopprys moet in syfers en woorde wees)
Deposito waarna verwys word in Klousule 3.2 : R _________________________________________________
(__________________________________________________________________________________________
_______________________________________________________) (bedrag moet in syfers en woorde wees)
Die leningsbedrag waarna verwys word in Klousule 20.4 : R_________________________________________
(__________________________________________________________________________________________
_________________________________________________________) (bedrag moet in syfers en woorde wees)
Bank: _____________________________________________________________________________________
AS GETUIES:
1. ________________________
2. ________________________ _________________________
VERKOPER (teken voluit)
AS GETUIES :
1. _________________________ _______________________
2. _________________________ _______________________
KOPER (teken voluit)

G J REHBOCK/de
Dir:WOODLANDS:1-12-06
DIE PARTYE
K O O P K O N T R A K
(WOODLAND HILLS WILDLIFE ESTATE)
1. Die partye tot die OOREENKOMS is :
WOODLAND HILLS WILDLIFE ESTATE (EDMS) BEPERK
Nr 2000/029426/07
- en -
1.2 Die party wat as koper vermeld word in Skedule A.
VERKOOP
2. Die Verkoper verkoop hiermee aan die Koper wie hiermee koop die Eiendom soos
vermeld op Skedule A en verder soos getoon en vollediger beskryf op die
meesterplan, geleë in die in die dorp Hillandale, soos goedgekeur op 23 Augustus
2000 deur die Dorperaad van die Vrystaatse Provinsie, (hierna die Eiendom), met
die grootte soos aangedui op Skedule A.
KOOPPRYS
3.1 Die koopprys is soos vermeld in Skedule A, welke bedrag Belasting op
Toegevoegde Waarde (BTW) teen die standaardkoers soos van toepassing op die
ondertekeningsdatum insluit.
3.2 Die Koper sal op die ondertekeningsdatum die deposito vermeld in Skedule A
betaal aan Symington & de Kok, Symington & de Kok Gebou, Nelson
Mandelarylaan 169b, Bloemfontein (verwysing S G Coetzee of G J Rehbock) om
deur hulle gehou te word in 'n spesiale spaarrekening by Nedcor Bank Beperk
(Corporate Saver) in terme van die bepalings van Artikel 78(2)(A) van die
Wysigingswet op Prokureurs, No 53/1979, tot datum van betaling aan die
Verkoper soos hierinlatervermeld. Die rente verdien op die spaarrekening, sal
aan die Koper toeval. Indien daar nie voldoen word aan die opskortende
voorwaarde vermeld in Klousule 20 van die ooreenkoms nie, sal die deposito
tesame met die rente daarop aan die Koper terugbetaal word.
3.3 Vir die balans van die koopprys, met ander woorde die koopprys vermeld in
Klousule 3.1 min die deposito vermeld in Klousule 3.2, onderneem en verbind die
Koper hom hiermee om deur middel van 'n finansiële instelling 'n waarborg te laat
uitreik ten gunste van die Verkoper of sy genomineerde, welke waarborg tot
bevrediging van die oordraggewende prokureurs moet wees.
3.4 Die waarborg sal betaalbaar wees teen registrasie van transport van die eiendom
in die naam van die Koper en moet in die hande geplaas word van die
oordraggewende prokureurs binne 14 (VEERTIEN) dae na skriftelike versoek gerig
deur die oordraggewende prokureurs aan die Koper.
KOOPKONTRAK : WOODLAND HILLS WILDLIFE ESTATE

3.5 Die Koper is verplig om, binne 14 (VEERTIEN) dae na aanvaarding van die aanbod
alle status dokumente te verskaf, alle oordragdokumente te teken en alle
oordragkoste soos deur die Verkoper of sy prokureurs vasgestel, te betaal.
Versuiming om hierdie kostes te betaal of om die stawende dokumentasie te
verskaf of om die verband- en oordragsdokumentasie te onderteken, sal die Koper
skuldig maak aan kontrakbreuk. Rente, soos aangedui in Klousule 5, sal
onmiddellik verhaalbaar en betaalbaar wees vanaf datum van kontrakbreuk tot
en met die oordragsdatum.
BELASTINGS EN HEFFINGS
4. Die Koper sal aanspreeklik wees vir die betaling van alle belastings en heffings wat
ten aansien van die Eiendom deur die Staat, Munisipale of ander bevoegde owerheid
gehef word, vanaf datum van registrasie. Die Koper sal die Verkoper vergoed vir
enige vooruitbetalings gemaak vir enige tydperk na bogemelde datum.
RENTE
5. Indien die Koper sou versuim om die balans van die koopprys uitstaande, sowel
as alle ander bedrae verskuldig aan die Verkoper, binne 60 dae na voltooiing van
dienste, of 75 dae na die datum van verkoping as dit na voltooiing van dienste
plaasvind, of as gevolg van kontrakbreuk te betaal, sal rente gehef word op
bogemelde bedrae, maandeliks vooruit bereken teen die prima uitleenkoers op
handelstransaksies wat deur ABSA BANK BEPERK gehef word,plus 3% p.j. vanaf
die verstryking van die voorafgemelde tydperk tot en met die datum van ontvangs
van die betaling. Indien die prima rentekoers wat deur ABSA aangewend word
van tyd tot tyd verhoog of verlaag, sal die rente wat gehef word in terme van
hierdie Kontrak dienooreenkomstig aangepas word. Rente sal ook begin oploop
vanaf die datum wat versuim word om die oordrags- of verbandkostes te betaal
soos genoem in Klousule 3 hierbo of indien versuim word om die balans van die
koopprys te betaal binne 75 dae vanaf die datum wat die erf aanvanklik
registreerbaar geraak het of 75 dae vanaf aanvaarding van hierdie Kontrak, indien
na proklamasie teen die bogenoemde rentekoers, sonder kennisgewing aan die
Koper. Dit is spesifiek ooreengekom dat, indien die rente nie betaal is nie, die
oordraggewende prokureurs die oordragdokumente sal onttrek uit die
Aktekantoor wanneer die oordrag opkom vir registrasie.
AGENTEKOMMISSIE
6. Die Verkoper sal agentkommissie aan die Agent betaal soos ooreengekom deur
die Verkoper en die Agent. Hierdie kommissie is betaalbaar sodra die eiendom in
die naam van die Koper geregistreer is. Dit is spesifiek ooreengekom met die
Verkoper dat die Agent geen kommissie sal ontvang indien die verkoop van die
eiendom, om enige rede, gekanselleer word nie.
DOMICILIUM CITANDI ET EXECUTANDI
7.1 Die partye kom hiermee ooreen dat die volgende adresse hulle respektiewelike
domicilia citandi et executandi sal wees, met ander woorde die adresse waarheen
alle kennisgewings of dokumente gestuur moet word wat betrekking het op die
partye en vir die betekening van enige regsprosesstuk wat voortspruit uit of enige
KOOPKONTRAK : WOODLAND HILLS WILDLIFE ESTATE
2

verband hou met die ooreenkoms naamlik -
die Verkoper p/a Symington & De Kok
Symington & de Kok Gebou
Nelson Mandelarylaan 169B
BLOEMFONTEIN
(verwysing S G Coetzee of G J Rehbock)
die Koper die adres vermeld in Skedule A
7.2 Die partye sal geregtig wees om van tyd tot tyd onderskeie domicilia citandi et
executandi te verander na ander adresse binne die Republiek van Suid-Afrika
(welke adresse egter nie posadresse mag wees nie) deur skriftelike kennis tot dien
effekte aan die ander partye te gee, welke kennisgewings van krag sal word by
ontvangs daarvan deur die ander partye.
7.3 Enige kennisgewing soos bedoel in Klousule 7.1 en 7.2 wat kragtens die ooreenkoms
gegee moet word, sal skriftelik geskied en sal òf per hand afgelewer word òf by wyse
van vooruitbetaalde- geregistreerde pos versend word, in welke laasgenoemde geval
die kennisgewing geag sal word totdat die teendeel bewys is, ontvang te gewees het
op die sewende (7de) dag nadat dit in die pos gedoen is.
JURISDIKSIE
8.1 Die partye stem hiermee toe tot die jurisdiksie van die Landdroshof vir enige aksie
wat uit die ooreenkoms mag voortvloei.
8.2 Die partye behou egter ook die reg voor om volgens hulle keuse sodanige aksie in die
Hooggeregshof in te stel en\of hofkoste volgens die Hooggeregshoftarief te vorder.
VERSUIM DEUR KOPER
9. Indien die Koper versuim om op die vervaldatum enige van die terme of
voorwaardes van die ooreenkoms na te kom, sal die Verkoper of sy agent die reg
hê om onmiddellik en sonder vooraf kennisgewing:-
9.1 die volle uitstaande koopprys tesame met rente daarop en alle ander
uitstaande bedrae in enige geregshof van die Koper te verhaal, of spesifieke
nakoming te verhaal, of om die ooreenkoms onmiddellik te kanselleer en
enige bedrag skadevergoeding vir skade wat die Verkoper as gevolg van
Koper se versuim gely het, van die Koper te verhaal.
9.2 hierdie ooreenkoms onmiddellik te kanselleer sonder bemiddeling van enige
hof en om alle bedrae wat reeds deur die Koper aan die Verkoper betaal is te
behou as uitsluitlike eiendom van die Verkoper as rouwkoop en/of
gelikwideerde skadevergoeding op grond van kontrakbreuk. Die partye kom
hiermee ooreen dat enige bedrag so behou ‘n redelike, regverdige en billike
vasstelling van die skade deur die Verkoper gely, sal verteenwoordig.
9.3 indien hierdie ooreenkoms in terme van Klousule 9.2 hiervan gekanselleer
word, sal die Koper onmiddellik die besit van die Eiendom ontneem word en
KOOPKONTRAK : WOODLAND HILLS WILDLIFE ESTATE
3

kom die Koper hiermee ooreen dat hy onmiddellik die Eiendom sal ontruim
en besit daarvan aan die Verkoper sal gee.
9.4 Die kwytskelding van enige paaiement, of die verlenging van enige vergunning, of
kondonnasie van enige kontrakbreuk of nie-nakoming van enige voorwaarde of
verpligting hiervan, of enige ander handeling deur die Verkoper wat ‘n
kwytskelding, begunstiging, opskorting of uitstel van die Koper se verpligtinge
daarstel, kom nie op enige afstanddoening van enige regte van die Verkoper in
terme van hierdie ooreenkoms neer nie, kan nie as sodanig gesien word nie en het
nie novasie van hierdie ooreenkoms tot gevolg nie.
BESIT
10.1 Die Koper sal in besit en okkupasie van die Eiendom geplaas word op datum van
registrasie van transport of op so 'n vroeëre datum as waartoe die partye skriftelik
ooreen mag kom.
10.2 Die risiko met betrekking tot die eiendom sal op die Koper oorgaan op datum van
besit en okkupasie.
10.3 Die Koper sal vanaf datum van besit en okkupasie onderhewig wees aan die akte
van oprigting, statute en grondwet van die Woodland Hills Huiseienaarsvereniging
na verwys in Klousule 19.1.
OORDRAG EN KOSTE
11.1 Die partye benoem hiermee SYMINGTON & DE KOK PROKUREURS, Nelson
Mandelarylaan 169b, Bloemfontein (verwysing S G Coetzee of G J Rehbock) om
toe te sien tot registrasie van transport in die naam van die Koper.
11.2 Die Koper sal aanspreeklik wees vir betaling van enige uitgawes en onkostes
rakende die registrasie van die eiendom in die naam van die Koper, insluitende
seëlregte, oordragskoste, proporsionele gedeelte van die opmetingskoste (indien
enige), heffings en enige ander soortgelyke koste en in die algemeen enige kostes
verbonde aan oordrag van die eiendom, welke kostes op aanvraag betaalbaar is.
Dit is 'n vereiste dat indien die Koper 'n verband oor die eiendom wil registreer,
die Koper se finansiële instansie die oordraggewende prokureurs aanstel om toe
te sien tot registrasie van die verband (die koste waarvan ook betaalbaar sal wees
deur die Koper op aanvraag).
INSPEKSIE VAN DIE EIENDOM
12. Die Verkoper of sy gemagtigde verteenwoordiger is geregtig om te alle redelike tye,
solank die Koper enige verpligtinge kragtens hierdie ooreenkoms teenoor die
Verkoper het, die Eiendom te inspekteer.
VOETSTOOTS
13.1 Die Eiendom word voetstoots verkoop soos dit tans is, en word verkoop en
oorgedra onderhewig aan al die voorwaardes en serwitute soos uiteengesit of na
KOOPKONTRAK : WOODLAND HILLS WILDLIFE ESTATE
4

verwys in die Verkoper se titelakte, en verder spesiaal onderhewig aan die
voorwaardes soos uiteengesit in die Administrateurskennisgewing waarin die dorp
goedgekeur word, die Algemene Plan van die dorp soos goedgekeur, die
tersaaklike dorpsbeplanningskema indien die dorp nog nie as sodanig goedgekeur
is, die voorwaardes van dorpstigting en die Algemene Plan daarvan. Die Koper
vrywaar die Verkoper ten aansien van enige patente of latente gebreke in
bogemelde.
13.2 Indien die Eiendom foutiewelik in hierdie ooreenkoms beskryf is, sal die korrekte
beskrywing geag word as die toepaslike beskrywing vir doeleindes van hierdie
ooreenkoms, welke ooreenkoms dienooreenkomstig as sodanig gewysig beskou
word.
13.3 Die Verkoper sal nie kragtens enige heropmeting van die Eiendom enige
toevoeging tot die grootte daarvan verkry of aanspreeklik wees vir enige
vermindering van die grootte van die Eiendom nie.
13.4 Die Eiendom is onverbeterde Eiendom.
13.5 Die Koper sal nie voor oordrag van die Eiendom in sy naam, en sonder die Verkoper
se voorafverkrygde skriftelike toestemming, enige bouwerke of verbeteringe van enige
aard op die Eiendom aanbring nie.
ALGEMEEN
14.1 Die partye kom ooreen dat indien ‘n persoon namens die koper die ooreenkoms sluit
in ‘n verteenwoordigende hoedanigheid, verbind sodanige persoon homself hiermee
as borg en mede-hoofskuldenaar teenoor die ander party vir die behoorlike nakoming
van sy prinsipaal se verpligtinge in terme van die ooreenkoms en doen die koper en
die persoon wie namens die koper teken afstand van alle voordele wat voortspruit uit
die regseksepsies wat van toepassing mag wees, naamlik ordinis seu excussionis
et divisionis, de duobus vel pluribus reis debendi.
14.2 Indien ‘n persoon wat voorgee aldus in ‘n verteenwoordigende hoedanigheid te
handel blyk nie oor die behoorlike skriftelike magtiging van sy prinsipaal te beskik
nie, dan en in daardie geval sal die persoon wat die ooreenkoms onderteken in sy
persoonlike hoedanigheid aanspreeklik wees vir die nakoming van al die verpligtinge
van die party namens wie hy voorgegee het te handel.
14.3 Indien die Koper meer as een (1) persoon is, sal sodanige party wat tot die
ooreenkoms dan optree as koper/s gesamentlik en afsonderlik aanspreeklik wees vir
die behoorlike vervulling van hulle respektiewe verpligtinge onder die ooreenkoms en
doen die Koper hiermee afstand van die voordele voortspruitend uit die regseksepsies
de duobus vel pluribus reis debendi.
14.4 Indien die ooreenkoms aangegaan is deur die ondertekenaar as Trustee van 'n
Maatskappy, of Beslote Korporasie nog opgerig te word of reeds opgerig of namens
homself of sy genomineerde, dan en in daardie geval sal die ondertekenaar, in sy
persoonlike hoedanigheid aanspreeklik wees vir die verlening van ‘n borgstelling
waarna verwys word in Klousule 14.3 ten aansien van al die verpligtinge van die
Koper voortspruitend uit die ooreenkoms, indien –
KOOPKONTRAK : WOODLAND HILLS WILDLIFE ESTATE
5

14.4.1 die Beslote Korporasie of Maatskappy opgerig staan te word voor of op die
datum waarop waarborge gelewer moet word nie; of
14.4.2 die Beslote Korporasie of Maatskappy wel opgerig word, maar nie die
ooreenkoms, ratifiseer, adopteer en aanvaar nie, of
14.4.3 die Beslote Korporasie of Maatskappy wel die ooreenkoms ratifiseer, adopteer
en aanvaar maar nie stiptelik in terme daarvan presteer nie; of
14.4.4 die Koper 'n ander persoon nomineer en daardie persoon die nominasie nie
aanvaar nie of wel die nominasie aanvaar maar nie stiptelik in terme van die
ooreenkoms presteer nie.
14.5 Die Verkoper maak geen voorstelle en gee geen waarborge aan die Koper wat
aanleiding gee tot die aankoop nie. Geen voorwaardes, bepalings, waarborge of
aanbiedinge, anders as wat alreeds hierin gemaak word, is deur beide partye of
deur die Koper se agente gemaak nie.
14.6 Die Koper sal nie geregtig wees om sonder die voorafverkreë skriftelike
toestemming van die Verkoper die Eiendom te verkoop, vervreem of andersins
daarmee te handel of om enige regte kragtens hierdie ooreenkoms verkry te
sedeer, toe te deel, te verhuur of andersins oor te dra nie.
GRENSPENNE
15. Die grenspenne sal uitgewys word op datum van verkoping en weereens vir n
periode van 7 dae na registrasie van transport. Indien die grenspenne verlore sou
gaan na afloop van die periode van 7 dae na registrasie van transport sal die
verkoper nie verantwoordelik wees vir die koste verbonde aan of die uitwysing of
aanduiding van die posisie van enige landmetersbakens of penne in verband met die
eiendom of die grense daarvan nie.
ONHERROEPLIKE AANBOD
16. Indien die Koper hierdie ooreenkoms voor die Verkoper sou teken, maak die Koper ‘n
aanbod aan die Verkoper om die Eiendom te koop teen die betrokke prys en
onderhewig aan die voorwaardes en terme soos vermeld, en stem die Koper toe dat
hierdie aanbod onherroeplik is en vatbaar is vir aanvaarding deur die Verkoper, vir ‘n
tydperk van 14 (VEERTIEN) dae vanaf die datum waarop die Verkoper wetlik
gemagtig word om die ooreenkoms te aanvaar, welke aanbod nie binne hierdie
tydperk herroep kan of mag word nie.
AANVAARDING VAN AANBOD OM TE KOOP
17. Hierdie ooreenkoms sal in werking tree en ten volle geldig en afdwingbaar wees
sodra die Verkoper of sy verteenwoordiger hierdie dokument onderteken, en dit
sal nie nodig wees vir die Verkoper om sy aanvaarding van die aanbod aan die
Koper andersins oor te dra nie.
VOLLEDIGE KONTRAK
KOOPKONTRAK : WOODLAND HILLS WILDLIFE ESTATE
6

18. Hierdie ooreenkoms verteenwoordig die gehele ooreenkoms tussen die Koper en
die Verkoper, en geen bedinge, waarborge, kansellasie, voorstellings of
voorwaardes wat nie in hierdie dokument, tesame met die aanhangsels na verwys
in die ooreenkoms, vervat is nie, sal geldig en bindend op die partye wees tensy
dit op skrif gestel word en deur beide partye onderteken word nie.
ANDER VOORWAARDES
19.1 Huiseienaarsvereniging
19.2 Titelvoorwaardes
Die Koper bevestig dat hy by oordrag van die Eiendom op sy naam ‘n lid
van die Woodland Hills Huiseienaarsvereniging (hierna genoem die
Vereniging) sal word en kom ooreen dat hy lidmaatskap sal verkry
onderhewig aan die Akte van Oprigting, die Statute en Grondwet van die
betrokke Vereniging.
Die Verkoper sal geregtig wees om, bo en behalwe die ander titel- en/of onderverdelingsvoorwaardes,
die volgende voorwaardes as titelvoorwaardes in die
transportakte te meld waarkragtens die Koper oordrag van die Eiendom verkry:
19.3 Bouwerke
“Elke eienaar van ‘n erf of ‘n gedeelte van ‘n erf of ‘n belang daarin, of ‘n
eenheid daarop soos omskryf in die Wet op Deeltitels soos gewysig, moet
‘n lid word en lidmaatskap verkry van die Huiseienaarsvereniging (hierna
genoem die Vereniging) en sal onderhewig wees aan laasgemelde se
grondwet totdat sy eiendomsreg soos vermeld eindig. Geen erf of gedeelte
van ‘n erf of ‘n belang daarin of ‘n eenheid daarop soos voormeld, sal aan
enige persoon oorgedra word voordat sodanige persoon hom nie tot
bevrediging van die vereniging verbind het daartoe dat hy ‘n lid van die
Vereniging sal word nie.
Die eienaar van ‘n erf of ‘n gedeelte van ‘n erf of ‘n belang daarin, of ‘n
eenheid daarop soos omskryf in die Wet op Deeltitels soos gewysig, sal nie
geregtig wees om sy erf of ‘n gedeelte daarvan of ‘n eenheid daarop soos
voormeld oor te dra aan enige persoon sonder die verkryging van ‘n
uitklaringsertifikaat van die Vereniging dat die grondwet van die
Vereniging nagekom is nie.
“Die term ‘Huiseienaarsvereniging’ of ‘Vereniging’ soos in die
titelvoorwaardes voormeld sal beteken die Woodland Hills
Huiseienaarsvereniging (‘n Vereniging sonder winsbejag).”
Die Koper stem hiermee toe dat, indien die Registrateur van Aktes die
wysiging van enige van bogemelde voorwaardes vir registrasiedoeleindes
vereis, die betrokke titelvoorwaarde so gewysig mag word.
Die Koper erken hiermee dat die dorpsgebied nog nie ten volle ontwikkel is nie, en
KOOPKONTRAK : WOODLAND HILLS WILDLIFE ESTATE
7

dat bouwerke op aangrensende of naburige eiendomme of gedeeltes daarvan sal
plaasvind en dat hierdie bouwerke ‘n sekere mate van ongerief vir die Koper mag
veroorsaak. Die Koper bevestig dat hy geen eis teen die Verkoper of teen die bouer
sal hê wat voortspruit uit sodanige bouwerke nie.
19.4 Deelnemingshandleiding
Die Koper bevestig dat hy van ‘n afskrif van die Woodland Hills
Gemeenskapsdeelnemings-handleiding en Argitektoniese Ontwerpstandaarde
voorsien is.
SPESIALE VOORWAARDES
20.1 Dit word hiermee geboekstaaf dat die Koper bewus is dat die eiendom geleë is in
die Woodland Hills Uitbreiding welke in konsepfase is en dat die moontlikheid wel
bestaan dat dit nie gefinaliseer sal word nie. Die ooreenkoms is derhalwe
onderworpe aan die opskortende voorwaarde dat die Verkoper in staat sal wees
om voort te gaan met die ontwikkeling. Hierdie aanbod sal aan die Verkoper
voorgelê word in terme van Klousule 16 op die datum waarop die Verkoper wetlik
gemagtig is om die Ooreenkoms te aanvaar.
20.2 Die Koper bevestig dat hy/sy ten volle bewus is van die bepalings van Klousule
31.24 van die handleiding vir gemeenskapsdeelneming aan die Woodland Hills
Wildlife Estate Huiseienaarsvereniging en dat hy/sy sodanige inhoud wat soos
volg lees behoorlik begryp en verstaan:
"31.24. Die eienaar sal verantwoordelik wees om 'n volledige huis (volledig
beteken dat 'n okkupasiesertifikaat uitgereik is deur die Munisipaliteit)
op die erf te bou, binne 24 maande vanaf datum van registrasie van die
erf in die naam van die eerste eienaar vanaf die ontwikkelaar. Indien
die eienaar versuim om dit te doen, sal:
31.24.1.1 hy onmiddellik aanspreeklik wees vir die betaling van 'n boete van R2
000.00 (TWEEDUISEND RAND) plus BTW per maand aan die
Huiseienaarsvereniging vanaf datum van verstryking van die voormelde
tydperk tot en met datum van voltooiing van die huis;
31.24.1.2 die Huiseienaarsvereniging geregtig wees om die boete te hef vanaf die
eienaar tot en met die datum waarop die eienaar die
okkupasiesertifikaat soos uitgereik deur die Munisipaliteit indien by die
Huiseienaarsvereniging;
31.24.1.3 Die aanvang van konstruksie waarna verwys in 31.24.2 sal in aanvang
neem vanaf datum wat die eerste wateraankope plaasgevind het.
31.24.1.4 die eienaar aanspreeklik wees vir betaling van beide die boete na
verwys in hierdie klousule sowel as die addisionele boete na verwys in
31.24.2 indien die huis nie voltooi is binne die tydperk na verwys in
31.24.2 nie."
20.3 Die Koper stem nadruklik daarmee saam dat hierdie boete ‘n opregte en billike
KOOPKONTRAK : WOODLAND HILLS WILDLIFE ESTATE
8

edrag is in terme van die Wet op Strafbedinge No 15 van 1962, soos
gewysig. Die Koper erken verder dat die voorwaardes van hierdie klousule die
Koper bind in terme van hierdie ooreenkoms, afgesien van die feit dat oordrag
dalk al geregistreer mag wees. In terme van hierdie ooreenkoms bly die Koper
aanspreeklik teenoor die Verkoper vir die boete van nie-voldoening aan vereistes
indien die Koper die erf herverkoop en oordra na ‘n derde party.
20.4 Die partye boekstaaf hiermee dat ingevolge onder andere die bepalings van
Artikel 29(A) van die Wet op Vervreemding van Grond, No 68 van 1981, soos
gewysig, die Koper geregtig is om hierdie ooreenkoms binne 5 (VYF) dae na die
ondertekeningsdatum te beëindig of die aanbod te herroep deur skriftelike
kennisgewing tot dien effekte binne die gemelde tyd aan die Verkoper of sy agent
te lewer. Die regte waartoe die Koper hieringevolge beskik, is egter beperk tot die
volgende, naamlik dat die koopsom minder is as R250 000,00 (TWEEHONDERD
EN VYFTIGDUISEND RAND), die partye nie voorheen 'n vervreemdingsakte ten
opsigte van die eiendom, of wesentlik dieselfde bedinge as in die ooreenkoms
aangegaan het nie, die koper 'n natuurlike persoon is en die Koper nie die reg
voorbehou het om 'n ander persoon aan te wys of te nomineer om sy regte en
verpligtinge kragtens die ooreenkoms oor te neem nie.
20.5 Indien daar nie voldoen word aan die opskortende voorwaardes vermeld in die
ooreenkoms nie, sal of die Verkoper of die Koper die reg hê om die ooreenkoms te
kanselleer deur die gee van skriftelike kennisgewing tot die effek aan die
teenparty in welke geval die partye herstel sal word in die status quo ante die
ooreenkoms behoudens die aanspreeklikheid van die Koper vir betaling van enige
uitgawes voor voorsiening gemaak in die ooreenkoms.
ALDUS GEDOEN en GETEKEN te BLOEMFONTEIN op hede die ________________________
dag van _________________________________ 200
AS GETUIES :
1. _________________________
2. _________________________ _________________________
VERKOPER
ALDUS GEDOEN en GETEKEN te ________________________________ op hede die
___________ dag van _____________________________ 200
AS GETUIES:
1. _________________________ _________________________
2. _________________________ _________________________
KOPER
KOOPKONTRAK : WOODLAND HILLS WILDLIFE ESTATE
9