Matriekuitslae 2010 - Hoërskool Ladismith

Matriekuitslae 2010
Van die 18 kandidate het 17 geslaag en 1 ‘n hereksamen gekry.
5 Slaag met Universiteitstoelating en 10 met toelating tot diplomakursusse.
Daar was ‘n 100% slaagsyfer in Afrikaans, Engels, Besigheidstudie, Siviele
Tegnologie, Lewensoriëntering, Wiskundige Geletterdheid, Wiskunde, Fisiese
Wetenskap en Toerisme.
Kleuresport - Donderdag 27 Januarie en Vrydag 28 Januarie
Die byeenkoms begin Donderdagmiddag om 16:00 en duur tot 21:00. Daarna
word die pawiljoene deur die Blou- en Geelspanne opgemaak. Vrydag se
byeenkoms duur van 07:00 tot ongeveer 14:30. Verkopings t.b.v. die
Skakelkomitee se fondsinsamelingspoging sal beskikbaar wees.
Getalle
Met ‘n mooi styging in skoliergetalle staan ons tans op 290 leerders. Ons
kwalifiseer dus om aansoek te doen vir ‘n groeipos nadat die personeel reeds
met ‘n ekstra departementshoof, mev Engela van der Vyver, versterk is. Ons
verwelkom graag alle nuwe leerders en ouers wat by ons aangesluit het. Mag
u verbintenis met ons skool u kind tot nuwe hoogtes inspireer.
VRL-Kamp
Mnr H Fourie en mev A-M Vermeulen het ons reeds gedurende die eerste
naweek van die kwartaal op ‘n VRL-beplanningskamp vergesel.
Ons het op Jongensfontein se kampterrein in tente gebly. Saterdag is, met
tussenposes van pret in die branders, primêr aan ons beplanning vir 2011
gewy. Ons het geweldig baie geleer deurdat ons elke taak in besonderhede
beplan het. Ons stel ons ten doel om van 2011 ‘n mylpaal te maak.
Die aand was windloos en die sterre naby genoem om gepluk te word en ons
het met die wandelpaadjie al langs die see gaan stap.
Teen ons Sondag teruggekeer het, was ons beplanning voltooi met ‘n bietjie
ontspanning daarby. Sonder die ondersteuning van twee wonderlike
onderwysers soos mnr Fourie en mev Vermeulen, sou die naweek nie so
leersaam en spesiaal gewees het nie.

Hoërskool Ladismith se atletiekbuksies presteer!!
Hoërskool Heidelberg het vir die tweede agtereenvolgende jaar, op Vrydag,
18 Februarie, ‘n grondslagfase-atletiekbyeenkoms aangebied.
11 Leerders van Hoërskool Ladismith het deelgeneem en baie mooi presteer.
Hulle het 7 silwer en 5 brons medaljes verower. Hoërskool Ladismith het ‘n
2de plek uit 8 skole verower.
Baie geluk, Kleinspan! Ons is trots op julle!
Krieket teen die Krieket Akademie
Op Saterdag, 5 Mrt. het die 0/11- en 0/13-spanne van Hoërskool Ladismith
teen B-spanne van die Krieket Akademie gespeel. Die 0/11-span het puik op
die veld vertoon en die opponente tot slegs 26 lopies in 2 beurte beperk.
Ongelukkig het hul hierdie wedstryd met 6 lopies verloor. Die beste bouler
van die wedstryd was Wernich Binedell, met ‘n boulontleding van 2 vir 2
lopies in 2 beurte. Wel gedaan, 0/11’s! – julle veldwerk was weereens
uitstekend!
Die 0/13-span is deur ‘n paar 0/11-spelers uitgehelp en het moedig gepoog
om hul opponente tot ‘n lae telling te beperk. Die telling van 99 in 25 beurte
was net te veel vir ‘n oorwinning. Met ‘n baie goeie boulvertoning het die
opponente slegs 18 boulbeurte nodig gehad om die wedstryd in hul guns te
beklink. Die beste bouler vir Ladismith was Philip Crafford, met ‘n
boulontleding van 3 vir 15 lopies in 6 beurte.
Hoërskool Ladismith
Op Saterdag 26 Februarie het 7 van ons laerskoolleerders in Oudtshoorn aan
die SWD-kampioenskappe gaan deelneem. Die kompetisie was straf en die
son het geen genade vir die deelnemers gehad nie. Uitslae was soos volg:
Bianca la Grande Verspring 8ste plek
1200m 6de plek
150m 5de plek
Janelize Jelander 80m 8ste plek
Alecia Lourens Verspring 7de plek
TL Steyn Spiesgooi 3de plek
Llyle Metembo 150m uitdunne 2de plek
100m uitdunne 2de plek
Anke Steyn Diskus 2de plek
JJ Nel Spiesgooi 7de plek
Verspring 2de plek
Llyle Metembo, JJ Nel, Anke Steyn en TL Steyn is vir die SWD-span gekies
wat Saterdag 5 Maart aan die Wes-Kaap Kampioenskappe in Kaapstad gaan
deelneem. Sterkte outjies. Lekker oefen en hou ons skool se naam HOOG.

Die volgende leerders gaan op Saterdag, 5 Maart aan die Hoërskool SWDkampioenskappe
op Oudtshoorn deelneem: Terry-Ann Klink, Kealen Fortuin,
Anika Els, Jean-Jacques Heath, Fabian Aysley, Reinhardt van Zyl, Rano
Africa, William Albertus, Llewellyn en Lorenzo Quantiny en Roann Timmie.
Sterkte. Ons is trots op julle, en onthou, dit gaan in die eerste plek oor die
ondervinding. GENIET DIT.
Hoëskool Ladismith
Op Saterdag 5 Maart 2011 het ‘n groep van ons leerders in Oudtshoorn aan
die SWD-kampioenskappe gaan deelneem. Die leerders het ten spyte van
die hitte en strawwe kompetisie hul uitstekend van hul taak gekwyt.
Die leerders wat presteer het se uitslae was:
Anika Els Diskus 3de plek
Rano Africa 3000m 3de plek
Veels geluk aan Anika en Rano wat vir die SWD-span gekies is om op
Saterdag 12 Maart aan die Wes-Kaap Kampioenskappe in die Paarl te gaan
deelneem. Ons is trots op julle!
HSL -0/13 Krieket
HSL se 0/13-krieketspan het ten spyte van siekte die seisoen teen LS
Volschenk geopen.
Volschenk wat eerste gekolf het, het danksy twee SWD-spelers in hul span,
91 lopies behaal. Dit was ‘n plesier om hierdie spelers in aksie te sien.
HSL se spelers het manmoedig probeer om ook ‘n stewige telling te behaal,
maar is helaas, gemaklik deur die opponente oorrompel.
Met meer oefening en afronding sal hierdie span beslis tot sy reg kom. Ons
sien uit na die volgende kragmeting.
Hoërskool Ladismith Kleure-atletiek
‘n Suksesvolle Kleure-atletiekbyeenkoms het op 27 en 28 Januarie
plaasgevind. Vrydagoggend het met kreatiewe optogte afgeskop en verder
suksesvol verloop. Dankie aan die deelnemers, ondersteuners en alle ouers
wat by die stalletjies gewerk het. U hulp word opreg waardeer.
Spanprestasies was soos volg:
Geel: Sang- en paviljoenbeker
Blou: Optog- en spanskild
Junior Victrix Ludorum: Alika Steyn (2525 punte behaal)
Junior Victor Ludorum: JJ Nel (3416 punte behaal)
Senior Victrix Ludorum: Engela Uithaler (2397 punte behaal)
Senior Victor Ludorum: Fabian Aysley (2824 punte behaal)

Hoërskool Ladismith Krieket teen Laerskool Van Rheede
Op 15 Februarie het die 0/11 span van HSL in snikhete warmte teen Van
Rheede se 0/11 B-span op Oudtshoorn krieket gespeel. Ten spyte daarvan
dat die meeste van die spelers 0/10 is en verlede jaar nog mini-krieket
gespeel het, was die wedstryd tot op die einde op ‘n mespunt gebalanseer. ‘n
Paar verbroude vangkanse teen die einde, het die span ongelukkig gekelder
en Van Rheede in staat gestel om in die 22ste boulbeurt die wenlopies van 52
vir 9 paaltjies te slaan. Die speler van die wedstryd is Qurin Grispe met sy
boulontleding van 6 vir 6 lopies in vyf beurte. Wel gedaan, 0/11’s – julle toon
ongelooflike baie potensiaal.
0/13-krieket
HSL se 0/13-krieketspan het gister, 15 Februarie teen Van Rheede se 0/13 Bspan
gespeel. Ladismith het 61 lopies aangeteken. Van Rheede het eers
met hul laaste speler daarin geslaag om hierdie telling verby te steek. Die
middag het spanningsvol, maar terselfdertyd genotvol verloop.
Baie dankie vir jul entoesiasme, seuns.
Oorhandiging van internasionale Eko-vlag
Ons het Maandag 21 Februarie 2011 ons Internasionale Groenvlag ontvang.
Die seremonie, waartydens me Lorraine Mcgibbon die oorhandiging van die
Eko-vlag en sertifikate behartig het, het tydens saalperiode plaasgevind. Die
sertifikate is deur Wessa en Fee uitgereik. Die Wessa sertifikaat is vir die 5
jaar van deelname aan die Eko-skool program. Die nasionale koördineerders,
Anisa Khan en Bridget Ringdahl, het hierdie sertifikaat onderteken. Die Feesertifikaat
is ‘n internasionale erkenning van die werk wat ons skool
gedurende die laaste 5 jaar as ‘n omgewingsentrum vermag het. Ons is een
van minder as 10 skole in die Suid-Kaap wat vanjaar die Internasionale vlag
ontvang het.
Ons sê baie dankie aan alle ouers en ander lede van die gemeenskap wat
betrokke is by ons skool. Dankie vir julle hulp, ondersteuning en
aanmoediging. Dankie ook aan alle leerders wat so ywerig saamgewerk het
om van die Eko-skool program ‘n sukses te maak.