Register Nicolas Jacobus b1 (pdf) - Barkhuizen

aanvanklik, na hulle verhuising, by die van Rooyens op die plaas Libertas in Senekal gaan bly. Sy
sê ook dat skoonpa vertel het dat hulle Vrystaat toe getrek het omdat hulle uitgeboer het op
Diepkloof.
Hennie van Niekerk, een van die huidige eienaars van Diepkloof, het die oorspronklike akte in sy
besit en daar is „n lang uiteensetting deur „n hof oor van die verdeling van die grond, woonhuise en
die beskikbare water vir al die erfgename.
Soos reeds genoem, het Nicolaas Barkhuysen se oudste seun, Johan Nicolaas Wilhelm, op Lot B
van Diepkloof, aangebly. Dit lyk of CJ Serfontein Lot A van Diepkloof gekoop het in 1868. Johan
Nicolaas Wilhelm Barkhuysen is in 1873/74 oorlede en sy agt kinders het elkeen „n deel geërf. In
1881 is Serfontein oorlede en sy vier kinders het ook elkeen „n deel geërf. Twaalf erfgename is
dus nou in 1881 gesamentlike eienaars van onverdeelde aandele in die plaas Diepkloof. En toe
begin die stryery. „n Stryery tussen die twee families maar ook tussen die familielede onderling.
Uiteindelik is daar, volgens die Transport Akte van Diepkloof, „n arbitrasie ooreenkoms op 1 Maart
1883 aangegaan tussen die gesamentlike eienaars van Diepkloof. Hierdie ooreenkoms is deur die
Rondgaande Hooggeregshof op George bekragtig. „n Landmeter het die grense van elkeen se deel
bepaal, die beskikbare water is toegeken en leibeurte uiteengesit. (Lees die volledige verslag van
die reëlings). Maar ongeag die reëlings het die Barkhuysens van Diepkloof kort daarna uitmekaar
gespat. Dit lyk ook in elk geval of die boerdery nie so suksesvol was nie.
Hier volg „n kort opsomming van wat met elkeen van die kinders van Johan Nicolaas Wilhelm
*1813 gebeur het na die arbitrasiehofsaak: .
Twee van JNW se kinders is nie deur die ooreenkoms geraak nie want hulle het alreeds nie
meer op in 1881 op Diepkloof gebly nie. Dit is Johan Nicolaas Wilhelm (d5) wat later Vrystaat
toe getrek het en Johanna Elizabeth (d2) wat met Phillip Marthinus van Rensburg getroud is.
Lucas Jacobus Barkhuysen (d4), verkoop sy deel aan sy swaer JJP Meyer op 7 Mei 1884.
Lucas het as bywoner op De Klippe/Rye Klippe by Avontuur gaan vestig en sy seun, Jan, het
later die winkel en slaghuis op Uniondale begin.
Stephanus Petrus Barkhuysen (d6) neem „n verband uit van ₤75 in Maart 1885 en op 18
Augustus 1891 verkoop hy sy deel aan CJ Serfontein. Stephanus Petrus Barkhuysen trek kort
hierna saam met sy broer JNW (d5) Vrystaat toe.
Gert Thomas Barkhuysen (d7) het op 20 Februarie 1884 „n verband uitgeneem van ₤100 en hy
verkoop sy deel op 11 Maart 1886 aan CJ Serfontein. Gert gaan boer toe op Perdepoort.
Skoonseun Barend J Stander, wat met Catharina Maria Barkhuysen (d8) getroud is, neem „n
verband uit van ₤155 in April 1884 en verkoop sy deel aan AJ Serfontyn op 29 April 1886.
Skoonseun Pieter Egbert Klue, wat met Martha Jacoba Barkhuysen (d1) getroud is, het op 13
Junie 1895 sy deel oorgedra aan sy seun SJ Klue.
Die enigste twee wat op Diepkloof aangebly het, was die oudste seun Nicolaas Jacobus
Barkhuysen (d3) en sy swaer JJP Meyer, wat met die jongste doger Susanna Francina
Barkhuysen (d9) getroud is.
Ek het JJP Meyer en sy vrou Susanna Francina (gebore Barkhuysen) se grafte op Diepkloof
gekry. Ek kon nie Nicolaas se graf kry nie maar ek het Nicolaas se twee seuns Nicolaas (e9)
en Lucas (e10) se huisfondasies en Nicolaas se graf gekry op die deel waar Japie Serfontein
vandag boer en bekend is as Dieprivier. Japie Serfontein het die ligging van Nicolaas en Lucas
se huise vir my gaan gaan wys. Daar is ook nog van die penne te sien waar die grond en
lande van die twee broers afgebaken is deur Japie se vrederegter oupa. Nicolaas (e9) is in
1960 oorlede en hy was die laaste Barkhuysen wat op Diepkloof gebly het.
62