agra koöperatief beperk se nuusbrief vir sy lede

SERVICE •RANGE RANGE •COUNTRYWIDE
COUNTRYWIDE
1
Mei/May 2003
AGRA KOÖPERATIEF BEPERK SE NUUSBRIEF VIR SY LEDE • AGRA CO-OPERATIVE'S NEWSLETTER FOR ITS MEMBERS
Reaksie van Fosfaat verskaffers oor kwaliteitbeheer
Na aanleiding van die onlangse
toetse wat op fosfaatprodukte
gedoen is en waaruit dit geblyk het
dat sekere produkte nie aan die minimum
vereistes voldoen het nie, het Agra sy
verskaffers van fosfaatprodukte versoek
om die versekering te gee dat kwaliteitskontrole
toegepas word en dat alle produkte
in die toekoms wel op standaard sal wees.
Die onderskeie verskaffers het hierop
gereageer en hulle prosedures van
kwaliteitsbeheer word verbatim soos van
hulle ontvang geplaas.
KK ANIMAL NUTRITION
By KK Animal Nutrition is streng
kwaliteitbeheer ons erns en fokus ons baie
sterk daarop. Die maatskappy is ISO 9002
ge-akkrediteer waarin hierdie kwaliteitsbeheerprosedures
vervang is en streng
toegepas en gemonitor word.
Die kwaliteitbeheer word toegepas volgens
‘n gedokumenteerde prosedure waarin
aspekte soos onder andere bemonsterings
skedules en prosedures; analise skedules en
prosedures, terugvoerprosedures vanaf
laboratorium en aksies, spesifikasies,
korrektiewe optredes ens. ingesluit word.
Alle spesifikasies voldoen aan die wetlike
norme soos vervat in Wet 36 (1947). KKAN
voer ook produkte uit na ongeveer 47 lande
wêrelwyd waar ons aan elkeen van die
lande se streng maatreëls voldoen.
KK Animal Nutrition beskik oor ‘n eie
analitiese laboratorium wat jaarliks deur ‘n
ge-akkrediteerde instansie ge-oudit word
(prosedures, toerusting en aksies). Verder
behoort die KKAN laboratorium aan die
AgriLASA ringtoets sisteem om enige
www.agra.com.na
afwykings onmiddellik op te tel.
Addisionele kontrole maatreëls word
toegepas deur duplikaat monsters van tyd
tot tyd na buite ge-akkrediteerde
laboratoriums te stuur vir vergelykende
analises.
Produkanalises (kwaliteitbeheer) word op
‘n 24 uur per dag basis toegepas.
ANALISE SKEDULES
Roumateriale
Behalwe standaarde soos deur KKAN
bepaal word en deur verskaffers nagekom
word en deur ons gekontroleer word, word
roumateriale vir produksieprosesse op ‘n
daaglikse basis ge-analiseer.
Kynofos 21:
Gedurende die produksieproses:
Monsters word op ‘n 24 uur basis op ‘n
lopende aanleg geneem en ge-analiseer met
onmiddellike terugvoering na die aanleg
om enige afwyking van die spesifikasies
reg te stel.
Met versakking
Addisionele analises word daagliks met
versakking (voor verskeping) gedoen.
Addisioneel.
Tot 4x/maand by buite ge-akkriteerde
laboratorium. Volle spektrum analises plus
reeks swaarmetale.
Kynofos 18 en Kimtrafos 12
Gedurende die produksieproses:
Monsters word per 24 uur kontinu geneem
en ge-analiseer met onmiddellike
terugvoering na die aanleg om enige
afwyking van die spesifikasies reg te stel.
Met versakking
Alle produkte het ‘n week retensieperiode
voor dit aan kliënte gestuur word. Voor
verskeping word weer ‘n volledige stel
analises gedoen. Produkte wat nie aan die
streng kwaliteitspesifikasies voldoen nie
word afgekeur.
Addisioneel.
Een monster per maand by buite geakkrediteerde
laboratorium. Volle
spektrum soos bo plus reeks swaarmetale.
NOORD-WES FOSFAAT
N-Wes Fosfaat deel graag belangrike
inligting met die veeboere van Namibië.
Ons verklaar graag ons besigheidsetiek
teenoor u, synde ons vennoot in
lekaanvulling.
N-Wes Fosfaat se besigheid staan op drie
standvastige pilare naamlik kwaliteit
produkte, effektiewe bemarkings- en
verspreidingskanale (deur AGRA) en
gelukkige kliënte.
Hierdie beginsels het meegebring dat N-
Wes Fosfaat, met dank aan al die veeboere,
‘n ongekende groei tydens die afgelope drie
jaar sedert sy ontstaan beleef het.
Kwaliteit produkte kan slegs nagestreef
word indien die maatskappy ‘n gesonde
standaard-vervaardigings-praktyk volg.
Dit moet nie bloot deur die wet op veevoere
(Wet 36 van 1947) afgedwing word nie,
maar dit moet ‘n kultuur en lewenswyse
binne die veevoerondernemer wees.
vervolg op bl. 2
Mei/May 2003

RING
Reaksie van Fosfaat verskaffers oor kwaliteitbeheer
Hierdie kultuur bepaal dat die klant en sy
behoeftes eerste kom en dat die klant ‘n reg
het op ‘n produk van kwaliteit.
Bogenoemde is die etos van N-Wes
Fosfaat.
Ten einde genoemde doelwit te bereik,
word ‘n verskeidenheid van stelsels en
reëlings by N-Wes Fosfaat se fabriek
geïmplimenteer. Dit sluit onder andere in:
• Alle grondstowwe wat gebruik word,
word onderwerp aan streng keuring,
ontleding en standaarde.
• Monsters word van alle klaargemengde
produkte geneem soos hul vervaardig
word. Deel daarvan word in ‘n
stoorkamer geplaas vir toekomstige
verwysings indien nodig. ‘n Ander deel
word ten volle ontleed deur ‘n geakkrediteerde
laboratorium en nog ‘n
gedeelte word as ‘n duplikaatmonster in
‘n laboratorium by die fabriek ontleed.
Geen produk verlaat die fabriek indien
die ontledings nie voldoen aan die
neergelegde standaard nie.
• Laasgenoemde ontledings vind plaas
met ‘n baie gesofistikeerde apparaat wat
N-Wes Fosfaat pas aangekoop het ten
bedrae van bykans R1 miljoen. Hierdie
apparaat maak dit nou moontlik vir N-
Wes Fosfaat om per elke besending, ‘n
ontledingsertifikaat te voorsien.
Sodoende neem N-Wes Fosfaat weer die
leiding in kwaliteit diensverskaffing.
Enige verdere onsekerheid wat in die mark
mag bestaan rakende N-Wes Fosfaat se
beleid insake kwaliteitsbeheer, kan gerus
met die bestuur uitgeklaar word by die
fabriek.
SA FEED PHOSPHATES
Met verwysing na die beheer en kontrole
t.o.v. die kwaliteit van fosfate wat aan die
Namibiese veevoer industrie gelewer
word, die volgende:
• SA Feed Phosphates verseker dat sy
produkte wel aan die minimum
spesifikasies en vereistes van Wet 36
van 1947 voldoen deur ‘n volledige
Kwaliteitsverbintenis Program(QCP) te
volg.
• Verder volg SA Feed Phosphates ‘n
streng stel Kwaliteits Kriteria.
Mei/May 2003
(Afskrifte van laasgenoemde twee
dokumente is voorsien, maar is te lywig
om hier te publiseer)
• SA Feed Phosphates volg ‘n
internasionale gepatenteerde proses wat
met gesofistikeerde stelsels en
toerusting vervaardig word.
• SA Feed Phosphates volg ‘n beheer en
kontrole stelsel van vervaardigde
produkte wat die naspeurbaarheid van
vervaardigde sowel as verspreide
produkte verseker. Kwaliteitsertifikate
en analises is beskikbaar vir elke
besending vervaardigde produk
Monsters word vir periodes van
minimum drie maande geberg om te
verseker dat kwaliteit wel geëvalueer
kan word indien dit nodig blyk te wees.
VOERMEESTER
Voermeester is onderhewig en voldoen aan
al die vereistes soos omskryf in Wet 36 van
1947. Dit geld ook vir produkte vervaardig
onder kontrak by SA Feed Phosphates en
Veekos. Deurlopende kwaliteitsbeheer
word in die Voermeester fabriek toegepas.
Dit behels onder andere:
• Alle grondstowwe vir vervaardiging
slegs ontvang word met ‘n minimum
vereiste sertifikaat.
• Van elke lot ‘n monster teruggehou en
geberg word vir 3 maande na
vervaardiging, sou daar enige probleme
opduik.
• Elke lot per mengstaat geproduseer
word en daagliks geïnspekteer word
asook daarna en vir verwysing geberg
word vir drie maande
• Geskeduleerde steekmonsters per
produk geneem en ontleed word.
Die Registrateur van Veevoere besoek
Voermeester op ‘n geskeduleerde basis
(minstens 6 weekliks) waartydens
monsters van verskeie produkte geneem
word vir kwaliteit kontrole doeleindes. Vir
die afgelope vyf jaar is ons nog nooit deur
die Registrateur se kantoor van enige substandaard
produkte in kennis gestel nie.
Bogenoemde die reaksie soos ontvang van
Agra se Fosfaat verskaffers oor kwaliteit
beheer.
R
2
REDAKSIONEEL
D
ie artikel oor fosfate in die
vorige Ring het daarop gewys
dat fosfaatprodukte van
sommige verskaffers nie op standaard
is nie. In die artikel is gemeld “dat daar
ook van die ander vervaardigers is waar
produkte nie die gespesifiseerde
hoeveelheid fosfaat bevat nie.” Dit was
egter nie op alle verskaffers van
toepassing nie. Toetse wat Agra van die
produkte laat doen het, het getoon dat
produkte van Voermeester wel op
standaard was.
Uit die reaksie van die onderskeie
fosfaat verskaffers, soos in die
hoofartikel weerspieël, is daar by almal
wel maatreëls in plek om
kwaliteitskontrole toe te pas. Daar
behoort dus nie produkte wat nie op
standaard is in die mark te kom nie.
Dit is vir Agra ewe noodsaaklik en ‘n
beginselsaak om slegs produkte, wat
volgens wetlike spesifikasies
vervaardig word en aan die minimum
standaarde voldoen, aan produsente te
voorsien. Derhalwe sal die koöperasie
alles in sy vermoë doen om toe te sien
dat hierdie standpunt van hom gehuldig
word.
‘n Groot aantal lede toon belangstelling
vir die inligtingsdag van Agra
Otjiwarongo op 11 Junie by Omatjene.
Die program vir die dag is in hierdie
uitgawe op bladsy 8 gepubliseer om u te
vergewis van wat u te wagte kan wees.
Die winter het toegeslaan! Dit beteken
vir baie van ons jagtyd, biltong en dit
wat daarmee gepaard gaan. Vergewis u
gerus van die jag-, kampeer-, en
vleisverwerkings toerusting wat
eerdaags by alle takke beskikbaar gaan
wees.
Koöperasiegroete
Sigi Lösch
Privaatsak 12011
Tel: 290 9206
Windhoek
E-pos: sigil@agra.com.na
Agra website: www.agra.com.na
www.agra.com.na

RING
Navorsing fokus op kliënte behoeftes
Om sy kliëntediens te verbeter bly
steeds een van die prioriteite van
die Koöperasie. Dit vorm
derhalwe deel van Agra se visie vir die
2003/2004 finansiële jaar.
Om hierdie visie gestalte te gee, is ‘n
kliëntediens projek in Januarie vanjaar
deur die Bemarkingsafdeling van Agra
van stapel gestuur. Die projek is begin
met navorsing by Agra se vyf groot takke
naamlik Grootfontein, Gobabis,
Okahandja, Karasburg en Otjiwarongo.
Hierdie vyf takke is vir navorsing
geïdentifiseer aangesien die bevindinge
as verteenwoordigend van ander takke
van Agra beskou kan word.
‘n Meningspeiling is by 460 kliënte
gedoen om hulle tevredenheid te bepaal
rakende onderwerpe soos produkverskaffing,
promosie materiaal,
personeel, diens, produkkennis,
voorraadhouding, netheid, produk
verskeidenheid, hardeware uitbreiding en
pryse. In die proses is onafhanklike
navorsers uit die gemeenskap gebruik om
die vraelyste te voltooi tydens kliënte se
besoeke aan die takke.
Belangrike bevindinge wat uit die
navorsing na vore gekom het en aandag
sal geniet is die volgende:
* Dat voorraad wat meestal nie
voldoende beskikbaar is nie by die
takke is voer, lek en konsentrate sowel
as water toerusting.
* Dat uit-voorraad situasies die
vernaamste rede is waarom kliënte nie
benodigde voorraad by die takke kan
vind nie
* Pryse van produkte is oor die algemeen
as gemiddeld geëvalueer terwyl die
beskikbaarheid van produkte, die
verskeidenheid van produkte en die
manier hoe produkte uitgestal word, as
goed aangedui is
* Meeste kliënte het die beskikbaarheid,
aantreklikheid, verstaanbaarheid en
geskiktheid van Agra se promosie
pamflet en items as goed geëvalueer
Mei/May 2003
* Dienslewering ten opsigte van
personeel se beskikbaarheid,
algemene geskiktheid, vriendelikheid,
hulpvaardigheid, voorkoms en die
vermoë om die ekstra myl te loop, het
kliënte dit in die algemeen as goed
geëvalueer. Produkkennis, hoewel as
goed geëvalueer, benodig verbetering.
Deel van die navorsingsvraelys het
gefokus op idees van kliënte om diens by
Agra takke te verbeter. ‘n Verskeidenheid
van idees is ontvang waarvan meeste
gefokus is op verbeterde beskikbaarheid
van personeel, winkel en produkuitleg, ‘n
meer kliënte vreindelike atmosfeer in die
winkels en algemene opgradering van
fasiliteite.
wakara die vlak, gegolfde
karakoelpels uit Namibië geniet
steeds groot belangstelling by
van die grootste mode-ontwerpers
regoor die wêreld.
Die Karakoelraad van Namibië bied
jaarliks ‘n kompetisie in Europa aan vir
die beste ontwerp van kledingstukke
wat uit die sysagte, veerligte pelse
vervaardig word. Vanjaar is 38
inskrywings vir die gewilde kompetisie
wat as Der Große Preis bekend staan,
ontvang. ‘n Eerste, tweede en derde
prys is toegeken, terwyl vyf deelnemers
ook elk ‘n oorkonde ontvang het.
Jürgen Kettner van Wetzlar het die
beoordelaars oortuig dat sy uitrusting
met die jeugdige, stout Ethno-styl, uit
ligte Swakara met Saga vos, die wenner
is. By hierdie oop baadjie hoort ‘n
minirok uit SWAKARA en
takbokkalfleer.
Die oorhandiging van die pryse het
tydens die Fur and Fashion Fair in
4
Gegewe die navorsing wat gedoen is, is
die volgende stap in die projek om
oorweging te skenk aan watter
veranderinge prakties uitvoerbaar is en
wat die koste implikasie daarvan is. Dit
sal aanleiding gee tot ‘n implementeringsprogram
wat in Junie 2003 in
aanvang sal neem.
Die Windhoek tak, hoewel nie ingesluit
in die navorsing nie, sal deel uitmaak van
die implementeringsprogram van die
kliëntediens projek.
Agra se bestuur glo dat met die
voltooiing van hierdie projek ‘n beter en
meer bevredigende diens vir ons lede
beskikbaar sal wees.
R
SWAKARA gee erkenning
aan Mode-ontwerpers
S
Jürgen Kettner by die uitrusting, waarmee hy
“Der Große Preis” verower het.
Frankfurt geskied. Dit is deur die
Commercial Counsellor van die
Namibiese Ambassade in Duitsland,
mej Dagmar Dobberstein gedoen.
R
www.agra.com.na

Virbamec nou agraMECTIN
N
a aanleiding van uitstekende
resultate wat Virbac SA met
verkope deur Agra van hulle
bekende Virbamec behaal het, is daar
besluit om Agra se naam aan die produk
te koppel. Gevolglik sal Virbamec vanaf
9 Junie 2003 onder die naam Agramectin
op Agra se rakke verskyn.
Dieselfde reg is ook aan kwalifiserende
koöperasies in Suid-Afrika gegee. Die
produk word egter nog steeds onder
dieselfde Virbamec naam aan alle ander
handelaars bemark.
Virbac SA ding in ‘n mark in Namibië
mee wat deur 8 maatskappye in Agra
gedeel word. Volgens die jongste
beskikbare syfers verteenwoordig
Virbamec 43% van die totale verkope
van die betrokke mark oor die afgelope 12
maande. Die oorheersing van die mark
deur Virbac word toegeskryf aan
vertroue wat die kliënt in Virbamec in die
afgelope jare opgebou het. Hierdie
vertroue word gerugsteun deur die feit dat
Virbac SA ‘n Franse maatskappy is wat
in 25 lande verteenwoordig is en 100%
net aan dieregesondheid toegewyd is.
Navorsing word gedoen deur meer as 150
wetenskaplikes wat opgedeel is in 4
navorsings- en ontwikkelingsstreke. Met
die jongste fermentasie en
suiwerheidstegnologie is Virbamec op ‘n
vlak van 98% suiwerheid gebring. Dit
onderstreep Virbac SA se fokus op
kwaliteit wat beteken Agramectin is
dieselfde hoë kwaliteit Virbamec, net in
‘n ander verpakking.
‘n Spesiale aanbod geld tans op
Virbamec sowel as die nuutverpakte
Agramectin tot einde Junie.
• 1 000ml @ slegs N$847,72
• 500ml @ slegs N$435,10
• ‘n Sogenaamde skaappak word ook
aangebied, bestaande uit 2 x 1 000ml
en 1 x 500ml Agramectin @ slegs
N$1 950,68. (Dit beteken dat die
500ml slegs N$435 kos en die 1 000ml
so min as N$757,80)
R
www.agra.com.na
Die oue
Die nuwe
RING
NSV Verhuis
D
ie Namibië Stoettelers
Vereniging(NSV) het na
nuwe kantore verhuis.
Stoettelers sal in die toekoms
maklik toegang tot die kantore hê
in die Auas Valley Inkoopsentrum,
in Bessemerstraat in die
Suidelike deel van Windhoek.
Die kantoor is op die boonste
vloer van die inkoopsentrum
geleë, langs die meubelafdeling.
Volgens die Bestuurder by die
NSV, Tobie le Roux, was die
verskuiwing na nuwe kantore
noodsaaklik aangesien die
verhuring en onderhoud van die
huidige gebou problematies en
koste intensief begin raak het.
Dit was andersyds ook vir telers
moeilik om die kantore te bereik
met veral vragmotors, waar
parkering en die stadsverkeer in
die middestad ‘n belemmerende
faktor was.
Die verskuiwing het besliste
voordele in die opsig dat volop
veilige gratis parkering weg van
die middestad beskikbaar is. Die
nuwe kantoor is andersyds naby
die Agra tak en die netjiese en
gerieflike Friendly Grocer in die
inkoopsentrum geleë, waar
terselfdertyd inkopies gedoen
kan word.
Die telefoon nommer(061-
235168), faksnommer (061-
230578) en posadres van die
NSV het onveranderd gebly.
R
5 Mei/May 2003

RING
Kan jy nog ‘n kopskoot skiet?
D
ie winter is hier en
onwillekeurig dink ons aan jag,
vleis en biltong. By Safari Den
is almal se gedagtes egter nou
gekonsentreer op PMP ammunisie vir
die jagtyd en die jaarlikse Groeperingskompetisie.
Vanjaar word weer twee kompetisies op
Stampriet en in Windhoek onderskeidelik
op 27 en 28 Junie en op 26
Julie aangebied.
Die Elnatan Privaatskool op Stampriet
bied die ProAmm groeperingkompetisie
in die vorm van ‘n Jagfees
aan. Soos in die verlede beloof dit om
weer ‘n geleentheid met groot pret en
opwinding te wees, met onder andere
boeresport en ‘n “Zing” kompetisie.
Safari Den sal soos in die verlede weer
daar wees met ‘n uitstalling van al hulle
kampeertoerusting, jagbenodigdhede
en vleisverwerkings toerusting.
Personeel van Safari Den sal in
samewerking met PMP-kenners die
groeperingskompetisie fasiliteer. Groot
pryse kan vir die beste mansskut, beste
vroueskut, beste hoërskoolleerling en
beste laerskoolleerling losgeskiet word.
Die ProAmm kompetisie reëls sal
streng nagekom moet word en behels
kortliks die volgende:
Die groepering word geskiet uit ‘n
sittende posisie by ‘n skiettafel oor
‘n afstand van 100 meter.
Die skut word uitgereik met vier
patrone en mag ‘n proef opwarmingskoot
skiet. Hierdie skoot mag nie
op die teiken geskiet word nie.
Hierna skiet die skut ‘n drie-skoot
groepering op die teiken. Die
groepering kan enige plek op die
teiken wees.
Die groepering word gemeet deur
die afstand van die senterpunte van
die twee verste skote te meet.
Tref die kol
met Safari Den
en PMP
Groeperings wat 22 mm en kleiner
is, kwalifiseer vir ‘n sertifikaat en
deelname aan die Nasionale
ProAmm Groeperingskampioenskap
wat by PMP in Suid
Afrika aangebied word.
Slegs bona-fide jaggewere in die
volgende kalibers mag gebruik
word:
243 Winchester
270 Winchester
308 Winchester
30-06 Springfield
300 Winchester Magnum
300 Holland & Holland
Magnum
7 x 57 Mauser
7 x 64 Brenneke
7mm Remington Magnum
9.3 x 62 Mauser
Geen ander ammunisie of ander
kalibers anders as ProAmm, soos
deur PMP voorsien, mag gebruik
word nie.
PMP voorsien die ammunisie vir die
kompetisie en vir pryse vir die
wenners, die teikens en promosiemateriaal.
Bogenoemde is slegs enkele van die
belangrikste reëls. ‘n Volledige stel
reëls kan by Safari Den of die dag met
die kompetisie bekom word.
In die volgende uitgawe van die Ring,
meer inligting oor die Windhoek
Groeperingskompetisie.
R
Charlie
verlaat Agra
D
ie Hoofbestuurder Handel
van Agra, Charlie du Toit
verlaat die diens van die
Koöperasie einde Mei vanjaar.
Hy het sy loopbaan by Agra op 1 Mei
1995 as Bestuurder Groothandel
begin. In 1996 is hy bevorder na
Senior Bestuurder Handel en sedert 1
Julie 2002 tot met sy bedanking het hy
die pos van Hoofbestuurder: Handel
beklee. Charlie gaan by die
Pupkewitz Groep in die Megabuild
afdeling aansluit. Ons sê dankie vir
die tyd wat hy by Agra was en wens
hom sterkte toe in sy nuwe
werkomgewing.
R
Charlie du Toit
6
Mei/May 2003 www.agra.com.na