Lewende Hawe Polis Bewoording (pdf)

Lewende Hawe
Polis bewoording
Onderskryf deur LBIC

INHOUD
Die Polis 3
Belangrike Inligting 3
Interpretasie 4
A Definisies 5
B Dekking 6
Dekking verleen 6
Addisionele dekking teen verkluiming 6
Addisionele dekking teen diefstal 6
Dekking teen siektes 6
Tydperk van dekking 6
Toepassing van Bybetaling 6
C Spesifieke uitsluitings 7
D Algemene uitsonderings 8
E Eise Voorwaardes 9
Kennisgewing van voorval van skades 9
Skadebepaling deur taksateur 9
Samewerking met taksateur 9
Skade verligting 9
Berekening van vergoeding 9
Belasting op Toegevoegde Waarde 10
Totale eis betaalbaar 10
Betaling van vergoeding 10
Geen eis vergoeding indien premie nie betaal is nie 10
Karkas eienaarskap 10
Kennisgewing van diefstal 10
Eisevergoeding vir diefstal 10
Bewys las 10
Belanghebende derde partye 10
F Algemene voorwaardes 11
Versekering van kudde in geheel met identifisering van onversekerde diere 11
Meer as een plaas verseker 11
Versorging van kudde 11
Goeie gesondheid van diere met aanvaarding van polis 11
Kennisgewing van risiko verandering 11
Gesamentlike versekerdes 11
Kansellasie 11
Ander versekering 12
Ooreenkoms sonder benadeling van Versekeraar se verhalingsregte 12
Kwytskelding 12
Premie en BTW 12
Minimum premie 12
Verbreking van voorwaardes 12
Geskilbeslegting 12-13
Vervanging 13
Bewys las 13
Waarborg van magtiging 13
Skeibaarheid 14
Jurisduksie 14
Volle ooreenkoms 14
2

DIE POLIS
Onder hierdie polis verskaf „die Versekeraar‟, Land Bank Insurance Company Ltd
(Registrasie Nr. 1954/03095/06) van Eco Glade 2 Office Park, Blok D, Witch Hazel
Straat, Highveld Ext 75, Centurion, versekering aan die persoon genoem „die
Versekerde‟ volgens hierdie polis. Agricola is die handeldrywende naam van Agricola
Onderskrywings Bestuurders (Edms) Bpk, wat aangestel is as die
Onderskrywingsbestuurder van die Versekeraar.
In hierdie polis, verwys “sy” of “ons” na die Versekeraar en “u” verwys na die
Versekerde.
BELANGRIKE INLIGTING
Lees die volgende opmerkings sorgvuldig deur. Dit sal help om te verseker dat u
dekking effektief en toepaslik is.
Die versekerde se plig ten opsigte van openbaarmaking
Voordat u „n kontrak vir Lewende Hawe met ons sluit, het u „n plig teenoor ons om
alle relevante inligting wat aan u bekend is of wat verwag kan word om aan u bekend
te wees, wat moontlik ons besluit om die versekering te aanvaar of nie, kan beïnvloed
aan ons te openbaar.
Dieselfde geld indien u, u Lewende Hawe versekering kontrak wil wysig.
Nie Openbaarmaking
Indien u nie u pligte t.o.v. openbaarmaking nakom nie, kan ons aanspreeklikheid
dienooreenkomstig verminder of kan die kontrak gekanselleer word.
Indien die openbaarmaking vals is, kan ons die kontrak as nietig beskou van die
begin af.
Ons mag vergoeding verminder indien die ooreenkoms ons verhalingsregte
benadeel.
U moet nie „n kontrak of ooreenkoms aangaan wat u reg om te verhaal aan bande lê
of uitsluit ten opsigte van wat onder hierdie polis gedek is nie. Indien dit gedoen word
of indien dit reeds gedoen is, is ons by regte om die eis te verwerp.
3

INTERPRETASIE
• Die aanhangsels vorm deel van hierdie polis en spesifiek die aansoekvorm, die
kwotasievorm en die kaart vorm deel van hierdie polis en “hierdie polis” sluit die
aanhangsels in.
• Die reël van konstruksie dat die polis uitgelê sal word teen die party wat
verantwoordelik is vir die opstel en voorbereiding van die polis, sal nie van
toepassing wees nie.
• Enige onderneming deur u om nie „n sekere daad te verrig nie sal insluit „n
verpligting om nie toe te laat dat sodanige daad deur „n ander persoon verrig word
nie.
• Verwysing na skriftelik sluit in beeldsending (telefaks), elektroniese pos en
soortgelyke wyses van kommunikasie.
• Die interpretasie van hierdie polis en die regte, verpligtinge en ondernemings van
die partye sal gereguleer word deur en uitgelê word in ooreenstemming met die reg
en die wette van die Republiek van Suid-Afrika.
• Vir doeleindes van hierdie polis sal uitdrukkings dieselfde betekenis hê as in Die
Korttermyn-Versekeringswet 53 van 1998 en indien daar enige botsing is tussen
die terme van hierdie polis en die bepalings van Die Korttermyn-versekeringswet,
dan sal die bepalings van sodanige wet van toepassing wees.
4

A Definisies
Toevallige dood is wanneer versekerde dier(e) vrek as gevolg van onvoorsiene
besering, ingesluit maar nie beperk tot die vrektes as gevolg van
weerlig, brand, versuiping of noodgedwonge slagting.
Dier beteken die beeste tussen ses(6) maande tot tien(10) jaar oud en
skape en bokke tussen vier (4) maande en sewe(7) jaar oud soos
deur u aangebied, deur ons aanvaar en uiteengesit is in u skedule.
Noodgedwonge
slagting is wanneer „n dier as gevolg van „n ongeluk of siekte van kant
gemaak moet word om lyding te verlig. Hierdie noodgedwonge
slagting moet voorafgegaan word met „n ondersoek en
aanbeveling van „n veearts na goedkeuring deur ons.
Gebeurtenis beteken die dood en/of diefstal van enige versekerde dier(e) binne
agt en veertig uur na „n spesifieke voorval.
Plaas beteken die plaas waar die diere aangehou word soos aangetoon
in u skedule.
Staatskoste beteken staatsbelasting, kostes en heffings wat Belasting op
Toegevoegde Waarde insluit.
Verkluiming is waar die dier vrek as gevol van lae temparatuur en bevestig is
deur „n veearts sertifikaat as verkluiming.
Versekerde Waarde is die waarde van elke dier soos deur u aangebied en deur ons
aanvaar is en aangedui is in die versekering skedule.
Markwaarde beteken die verkoop waarde soos deur die mark bepaal en deur
ons aanvaar is.
Diefstal is die onwettigge verwydering van enige versekerde dier(e) vanaf
u plaas nadat geforseerde toegang of uitgang van u plaas verkry
is.
Totale Bedrag
Betaalbaar is die kombinasie van die Premies en Staatskoste
Transito is die dekking gebied vir die tydperk vandat u dier(e) op u plaas op
„n voertuig gelaai word en vervoer word tot n aflaai punt in Suid-
Afrika binne 100km van u Plaas. Dekking staak sodra die dier(e)
van die voertuig af is.

B Dekking
Ons verleen dekking aan u, onderworpe aan die voorwaardes en
uitsonderings soos uiteengesit in u polis.
1. Dekking verleen
Ons verskaf dekking teen die dood van die versekerde dier(e) direk as gevolg
van:
Toevallige dood
Transito
2. Addisionele dekking teen verkluiming
Indien u polis aandui dat u dier(e) verseker is teen verkluiming word dekking
verskaf teen verliese gely direk as gevolg van verkluiming.
3. Addisionele dekking teen diefstal
Indien u polis aandui dat u dier(e) verseker is teen diefstal sal ons enige verliese
as gevolg van diefstal vanaf u plaas, nadat geforseerde toegang of uitgang
verkry is, vergoed. Die toestaan van hierdie dekking is geheel en al ons keuse.
4. Addisionele dekking teen siektes
U moet ons voorsien van „n veearts sertifikaat wat die gesondheid van u dier(e)
bevestig alvorens ons enige dekking verleen teen siektes.
5. Tydperk van dekking
Dekking onder hierdie polis tree inwerking 168 uur (7 dae) na 08:00 op die dag
waarop ons u aansoek aanvaar het. Dekking staak op die datum soos
gespesifiseer in u polis.
6. Toepassing van Bybetaling
Die bybetalings bedrag soos gespesifiseer in u polis sal altyd afgetrek word vanaf
die berekende eis.

C Spesifieke uitsluitings
Die polis verskaf nie enige dekking vir enige beserings of verliese veroorsaak,
hetsy direk of indirek, deur enige van die volgende voorvalle nie:
1. Die wettige of onwettige besetting, besit neming of onteiening van die plaas(e).
2. Slagting sonder vooraf goedkeuring deur die Versekeraar behalwe waar die
slagting genoodsaak is as gevolg van menslikheidsredes.
3. Epidemies.
4. Onvrugbaarheid van diere.
5. Opsetlike handeling of nalatigheid deur die versekerde of sy gevolmagtigde.
6. Enige wetlike aanspreklikheid van enige aard.
7. Milt siekte, Brusellose, Vrotpoot, Johnes se siekte, Pleuro
Pneumonia(Longontsteking), Tuberkulose, Blou tong, Runderpes, Adeno Virus
Infeksie, Bakteriese Hipatetitus, BSE (mal koei siekte), Bovine Malignant
Catarrhal Koors(Snot siekte), Koridor siekte en Voëlgriep.
8. Inenting, vergiftiging, sterilisasie, brandmerk, foutiewe gebruik of die gebruik
maak van onopgeleide behandeling, vertrapping of versmoring ingesluit
gedurende vervoer van die dier(e).
9. Die bedoeling om te beseer of die moedswillige besering, ondervoeding, droogte,
swak boerdery praktyke, ouderdom, plundering, aangebore gebreke, gebrek met
ontwikkeling en enige ander oorge-erfde abnormaliteit of siekte as gevolg van
dragtigheid.
10. Onverklaarbare wegraak van dier(e), bedrog, uitbreuk en diefstal indien die
dier(e) nie op die versekerde plaas is nie.
11. Kwaadwillige beskadiging en/of kwaadwillige diefstal.
12. See vervoer of lugvervoer.
13. Doodmaak van die dier(e) op bevel van die regering of plaaslike regerings
inspekteur wat optree ingevolge die wet wat verband hou met diere-siektes.
14. Gevolglike skade van enige aard.
15. Indien uself toelaat dat dier(e) met aansteeklike siektes of infeksies in aanraaking
kom met die dier(e) wat verseker is of op dieselfde plaas waar die versekerde
dier(e) is, toegelaat word, behalwe indien U kan bewys of met redelikheid
aanvaar kan word dat u nie bewus was van die siektes of infeksies nie.
16. Indien u nalaat om dier(e) wat infeksies of aansteeklike siektes het onmidellik,
nadat u kennis daarvan verkry het, weg van u gesonde diere en in afsondering
aan te hou. Indien u nie die nodige en voldoende voorkomende maatreëls tref vir
die oordraging van aansteeklike siektes en infeksies nie.
17. Indien enige chirurgiese operasie uitgevoer word waarvoor ons nie vooraf
goedkeuring verleen het en die veearts nie deur ons goedgekeur is nie. Indien ‟n
veearts goedgekeur is vir die doel, moet die veearts ons voorsien van ‟n
sertifikaat wat bevestig dat die uitvoering van die operasie uitsluitlik die gevolg is
om beskerming te verleen aan u gesonde dier(e) teen kanse vir verspreiding van
infeksie of oordraagbare siektes.
18. Verlies as gevolg van vertraagde groei of gewigstoename van versekerde diere.
19. Indien die dier(e) verwyder word van die plaas sonder ons goedkeuring daarvoor.
20. Vervoer van dier(e) buite die grense van Suid-Afrika.
7

D Algemene uitsonderings
Die Polis verskaf geen dekking vir enige verlies of besering aan enige dier(e) wat
mag voortspruit hetsy direk of indirek as gevolg van:
1. OORLOG RISIKO
Ons sal geen eise vergoed wat direk of indirek mag ontstaan as gevolg van oorlog,
inval, die optrede van buitelandse vyandelikhede (hetsy oorlog verklaar is of nie),
burgeroorlog, rebellie, revolusie, opstand, militêre of selfaanvaarde gesag,
opdragte deur enige regering of openbare of plaaslike owerhede, plundering,
verwoesting en roof volgende op hierdie gebeurlikhede.
2. TERRORISME RISIKO
Ons sal geen eise vir verlies, skades, kostes of uitgawes vergoed wat direk of
indirek veroorsaak word deur terrorisme. Vir die doeleindes van hierdie uitsluiting
beteken terrorisme enige daad maar nie beperk tot die gebruik of dreigement van
geweld deur enige persoon of groep(e) persone, hetsy daar alleen opgetree word
of in verband met enige organisasie(s) of regering(s) wie as gevolg van die aard of
samehang daarmee verbind is of in verband met politieke, godsdienstige,
ideologiese, etniese of soortgelyke doeleindes met die bedoeling om enige
regering te beïnvloed en/of die publiek, of enige sektor van die publiek vrees in te
boesem.
Hierdie polis sluit ook dood, besering, siekte, verlies, skade, kostes of uitgawes van
enige aard uit wat direk of indirek veroorsaak word deur voortspruitend uit of in
verband met enige aksie geneem om dit te beheer, te voorkom, te onderdruk of op
enige wyse wat verband hou met boge-noemde uitsluiting.
3. ONTEIENINGS RISIKO
Ons sal geen vergoeding betaal ten opsigte van skade wat direk of indirek mag
ontstaan as gevolg van wettige beslaglegging, konfiskering of nasionalisering van
enige versekerde gewas of ingesamelde gewas nie.
4. KERNKRAG RISIKO
Ons sal geen vergoeding betaal ten opsigte van skade wat direk of indirek mag
ontstaan as gevolg van ioniserende uitstralings, kontaminasie deur radioaktiwiteit
wat afkomstig is van enige kernbrandstof of van enige kernafval weens die
verbranding van kernbrandstof of van enige self-onderhoudende
kernsplytingproses nie.
5. OPROER, ARBEIDSONLUSTE EN SOORTGELYKE RISIKO’S
Ons sal geen vergoeding betaal ten opsigte van skade wat direk of indirek mag
ontstaan as gevolg van die optrede van „n persoon wat deelneem aan „n oproer,
burgerlike beroerings of staak of uitgesluite werker, of „n persoon wat deelneem
aan arbeidonluste of wat kwaadwillig optree in opdrag of in samewerking met „n
politieke organisasie.
6. BESOEDELINGSRISIKO
Ons sal geen vergoeding betaal ten opsigte van skade wat direk of indirek mag
ontstaan as gevolg van deursypeling, besoedeling of kontaminasie, hoe ookal dit
voorkom.
7. CHEMIESE, BIOLOGIESE EN KERN RISIKO
Ons sal geen vergoeding betaal ten opsigte van skade wat direk of indirek mag
ontstaan as gevolg van chemiese, biologiese en kern ontploffing, besoedeling of
kontaminasie, hoe dit ookal voorkom nie.
8

E Eise Voorwaardes
1. Kennisgewing van voorval van skades
Indien enige voorval, wat mag aanleiding gee tot ‟n eis onder hierdie polis,
plaasvind:
Moet u die Agent of Agricola onmiddellik per telefoon, faksimilee of e-pos in
kennis stel.
Die Agricola skade rapport wat al die relevante inligting soos die datum van
verlies, die oorsaak van die verlies en die besonderhede van die dier(e) wat
ter sprake is, bevat, moet voltooi word.
U moet binne 7 dae na enige vrektes Agricola voorsien van ‟n outopsie
verslag wat voltooi is deur ‟n gekwalifiseerde veearts wat deur ons
goedgekeur is. Hierdie verslag moet elke dier aandui asook die oorsaak van
die vrekte. Die dier(e) moet uitkenbaar wees deur middel van die oorskyfie,
mikroskyfie, brandmerk ens.
Agricola sal ‟n taksateur aanstel wat die skade sal bepaal.
U mag niks doen of toelaat om gedoen te word wat dit vir die taksateur
moeiliker gaan maak om die skade te bepaal nie.
U moet ‟n afskrif van die skade rapport behou as bewys daarvan dat u wel
die skade gerapporteer het. Indien u nie oor ‟n afskrif beskik nie en ons het
geen rekord van die skade aanmelding nie, kan ons die eis van die hand wys.
2. Skadebepaling deur Tasateur
Agricola se taksateur sal die karkass(e) ondersoek, u skade bereken en aan ons
‟n aanbeveling ten opsigte van die eis stuur. Die finale besluit en waar nodig die
eis berekening ten opsigte van enige skade vergoeding sal deur Ons gemaak
word. Agricola sal die skadevergoedings bedrag bereken.
3. Samewerking met Taksateur
U moet u volle samewerking aan die taksateur gee. Dit sluit in stiptelike
nakoming van afsprake en billike versoeke, insluitende versoeke om:
Toegang te verleen tot u versekerde plaas of rekords te alle tye
Enige inligting te verkry
Enige inligting te verskaf
Rekords te skep en te bewaar
4. Skade verligting
U moet alle redelike stappe neem om enige skades, wat gedek is onder hierdie
polis, te voorkom of te minimaliseer.
5. Berekening van vergoeding
Ons sal u vergoeding as volg bereken:
Die versekerde waarde of die huidige markwaarde van die dier(e) op die
dag van vrekte, welke die minste.
Vanaf hierdie bedrag sal ons die bybetalingsbedrag soos aangetoon in u
polis aftrek.
9

6. Belasting op Toegevoegde Waarde (BTW)
Indien u enige eise vergoeding van ons ontvang, sal die eisebedrag BTW insluit.
7. Totale eis betaalbaar
Die berekening soos uiteengesit in artikel 5 en 6 bepaal die totale eis betaalbaar.
Die totale eis betaalbaar kan nie die versekerde waarde minus die bybetaling
oorskry nie.
8. Geen eis vergoeding indien premie nie betaal is nie
Soos voorsien deur die wet sal geen uitbetaling van eise gedoen word indien
premies of enige ander bedrae wat uitstaande is, nie betaal is nie.
Indien ons aanspreeklikheid ten opsigte van enige eis ontken en ‟n dagvaarding
nie binne 90 dae na ontkenning gedien word nie, word alle voordeel kragtens
hierdie polis ten opsigte van sodanige eis, verbeur.
9. Karkas eienaarskap
Sodra ons enige eis vergoed het, is die karkas van die dier(e) die eiendom van
Agricola totdat Agricola enige ander opdragte vir die verwydering van die karkas
toegestaan het vir u eie rekening.
10. Kennisgewing van diefstal
Indien daar van u dier(e) gesteel is, moet u dit aanmeld by die Suid- Afrikaanse
Polisie se vee diefstal eenheid. U moet ons voorsien van die saak nommer.
Indien U die diefstal nie aangemeld het nie, is Ons geregtig om die eis af te keur.
11. Eise vergoeding vir diefstal
Alle eise waar diefstal plaasgevind het sal eers na 60 dae vanaf die
kennisgewing aan ons gemaak word. Indien daar gesteelde dier(e) teruggekry
word sal hierdie dier(e) die eiendom van Agricola wees. U moet u samewerking
aan ons verleen met enige aksies vir die opspoor van die gesteelde dier(e) hetsy
u al die eis ontvang het of nie.
12. Bewys las
Indien daar enige dispuut ontstaan ten opsigte van die oorsaak van vrektes moet
u kan bewys dat die oorsaak wel gedek word onder hierdie polis.
13. Belanghebende derde partye
Ons is geregtig om „n eis aan „n persoon te betaal wat aangedui is op die polis as
‟n sessie houer.
10

F Algemene Voorwaardes
1. Versekering van Kudde in geheel met identifisering van onversekerde
dier(e)
U moet op u versekeringsaansoek al die dier(e) aandui wat op die spesifieke
plaas aangehou word.
Al die dier(e) moet:
Afsonderlik en uniek identifiseerbaar wees deur middel van „n oor plaatjie of
mikroskyfie;
Waar al die diere in ‟n kudde teen dieselfde versekerde waarde verseker
word is „n geregistreede brandmerk voldoende.
2. Meer as een Plaas verseker
Indien die polis aandui dat u dier(e) verseker wat op meer as een plaas
aangehou word, word die dier(e) op elke plaas afsonderlik hanteer met
betrekking tot die polis op die basis van die inligting in die polis wat verband hou
met daardie plaas
3. Versorging van kudde
U moet alle redelikke voorsorg en maatreëls toepas om enige vrektes van die
dier(e) te voorkom. Dit sluit in die verskaffing van genoeg voeding, drink
water,behoorlike kampe, beskutting en stalle soos wat verwag kan word en in
ooreenstemming met goeie boerdery praktyke.
4. Goeie gesondheid van diere met aanvaarding van polis
U dier(e) moet in goeie gesondheid wees met aanvaarding van hierdie polis.
Hiervoor moet u ons in besit stel van ‟n gesondheidsklaring sertifi-kaat vanaf ‟n
veearts.
5. Kennisgewing van risiko verandering
Indien enige iets plaasvind of ontstaan wat ons risiko mag verhoog, moet u ons
dadellik daarvan, skriftelik in kennis stel.
6. Gesamentlike versekerdes
Alle verpligtinge in terme van hierdie polis met betrekking tot openbaarmaking of
die verskaffing van inligting sal gesamentlike en afsonderlike verpligtinge wees.
Enige versuim of doelbewuste veroorsaking van verlies of skade sal bindend
wees op alle versekerdes en sal alle versekerdes verhoed om in terme van
hierdie polis enige eis in te stel.
7. Kansellasie
U of u makelaar is op geen tydstip geregtig om sonder ons skriftellike
toestemming die polis te kanselleer nie, welke toestemming ons in ons deskresie
aan die voorwaardes wat ons goed ag, onderhewig kan maak.
11

8. Ander versekering
Indien dieselfde versekerde dier(e), soos gespesifiseer op die polis ten tye van
voorkoms van skade of verlies by „n ander instansie verseker is, aanvaar ons
slegs aanspreeklikheid vir „n proporsionele gedeelte van daardie skade of verlies.
9. Ooreenkoms sonder benadeling van Versekeraar se verhalingsregte
U moet nie „n kontrak of ooreenkoms aangaan wat u reg om te verhaal aan
bande lê of uitsluit ten opsigte van wat onder hierdie polis gedek is nie. Indien dit
gedoen word of indien dit reeds gedoen is, is ons by regte om die eis te verwerp
10. Kwytskelding
Kwytskelding van enige reg in terme van hierdie polis, sal slegs geldig en
bindend wees indien u skriftelik kwytgeskeld word deur ons op ‟n Agricola
briefhoof. Nie die taksateer of enige ander persoon het die bevoegdheid om
voldoening aan hierdie polis kwyt te skeld nie.
11. Premie en BTW
U moet ons „n premie betaal vir die versekering. U moet ook enige BTW wat
betrekking het op die versekering oorbetaal aan ons. Die kombinasie van die
premie en BTW word genoem die totale bedrag betaalbaar. Die bedrag moet ten
volle vereffen word op die dag soos gespesifiseer in u polis. Indien u in gebreke
bly om dit na te kom, kan ons die polis kanselleer.
U polis toon die totale bedrag betaalbaar. Die totale bedrag betaalbaar sal
verander indien ons instem om versekering te wysig .
12. Minimum premie
Daar is ‟n minimum premie wat betaalbaar is vir hierdie versekering.
13. Verbreking van Voorwaardes
Indien enige van die voorwaardes soos vervat in hierdie polis, nie nagekom word
nie sal ons by magte wees om die eis te verwerp/repidieer.
14. Geskilbeslegting
Indien enige geskil mag ontstaan oor die berekening van skade, kan die
versekerde weier om die eisvorm te teken. Die versekerde moet ons binne drie
dae na die bepaling van skade skriftelik van sy voorneme om die dispuut na ‟n
geskilbeslegtigingsproses te verwys, in kennis stel en terselfdertyd sy
deskundige benoem.
Indien die versekerde die eisvorm onderteken verval sy reg op „n geskilbeslegting
en is die oorspronklike skadebepaling finaal en bindend.
Ons benoem ook „n deskundige wat ons verteenwoordig. Die twee deskundiges
benoem gesamentlik „n skeidsregter. Indien daar nie ooreengekom kan word oor
„n skeidsregter nie, sal die betrokke tussenganger/makelaar „n skeidsregter
aanwys.
12

Tydens ‟n geskilbeslegtiging is slegs die twee deskundiges en die skeidsregter
teenwoordig.
Die twee deskundiges voer die arbitrasie uit volgens die bepalings van hierdie
polis en die voorgeskrewe prosedure. Indien hulle twee nie eenstemmigheid kan
bereik ten opsigte van die skade nie, word die aangeleentheid vir beslissing na
die skeidsregter verwys.
Die skade soos bepaal gedurende die geskilbeslegstingsproses sal onder alle
omstandighede die oorspronklike bepaalde skade vervang. Die beslissing is
finaal en bindend en geen appél kan daarteen aangeteken word nie.
U is verantwoordelik vir die koste van u deskundige.
15. Vervanging
Sodra die versekeraar aanspreeklik word vir ‟n eis, word alle regte en
verhalingsregte ten opsigte van die dier(e) betrokke by so ‟n eis, oorgedra aan
die versekeraar. Die versekerde sal aan die versekeraar alle informasie en billike
hulp verleen indien die versekeraar dit versoek.
Die versekerde sal, indien nodig, die versekeraar voorsien van alle nodige
dokumentasie wat die versekeraar in staat sal stel om namens die versekerde op
te tree.
Indien enige billike kostes met bogenoemde aangegaan word sal die versekeraar
aanspreeklik daarvoor wees.
16. Waarborg van magtiging
Elke natuurlike persoon wat hierdie polis namens ‟n regspersoon onderteken,
waarborg persoonlik dat die aangaan van hierdie polis deur die regspersoon
betrokke binne die regspersoon se bevoegdhede, bedoelings en magtiging is en
oortree nie enige bepalings van Die Maatskappyewet 61 van 1973, Die Wet op
Beslote Korporasies 69 van 1984 of Die Wet op die Beheer van Trustgoedere 57
van 1988 nie. Al die nodige stappe is geneem deur die betrokke regspersoon om
die onder-tekenaar van hierdie polis die nodige magtiging te verleen om namens
die regspersoon hierdie polis te onderteken en spesifiek sonder beperking, het
die direkteure, lede of trustees hierdie ooreenkoms spesifiek goedgekeur.
Indien die regspersoon wat veronderstel is om deur hierdie polis gebind te word
nie daardeur gebind is nie, vir enige rede hoegenaamd insluitend, maar nie
beperk nie tot, ‟n breuk van die waarborg soos vervat in hierdie klousule, dan sal
die persoon wat hierdie polis onderteken, gebind word deur hierdie polis as borg
en medehoofskuldenaar in die plek van sodanige regspersoon en sal dit
afdoende geag word dat sodanige persoon hierdie ooreenkoms in sy persoonlike
hoedanigheid aangegaan het.
17. Skeibaarheid
Indien enige bepaling of voorwaarde in hierdie ooreenkoms in geheel of
gedeeltelik bevind word om onwettig of on-afdwingbaar onder enige wet of teen
die publieke beleid te wees, dan sal sodanige bepaling of voor-waarde tot die
13

mate nodig geag word, nie deel te vorm van hierdie ooreenkoms nie en die
afdwingbaarheid van die oorblywende gedeeltes van hierdie polis sal nie
daardeur beïnvloed word nie.
18. Jurisduksie
Die partye stem toe en onderwerp hulle aan die jurisdiksie van die Pretoria
Hooggeregshof van die Republiek van Suid-Afrika in enige geskil voortspruitend
uit of aangaande hierdie polis.
19. Volle ooreenkoms
Die polis (met aanhangsels) vorm die volledige kontrak tussen die partye
aangaande die versekering van gewasse en geen wysiging, toevoeging of
ooreengekome kansellasie sal enige krag of werking hê tensy dit op skrif gestel
is en deur beide partye onderteken is nie.
Die partye stem ooreen dat geen ander terme of voorwaardes, hetsy mondeling
of op skrif en hetsy uitdruklik of geïmpliseerd, van toepassing sal wees nie.
Geen wysiging van hierdie polis sal enige krag of werking hê tensy dit op skrif
gestel is en deur of namens beide partye onderteken is nie.
14