2012-09 Heemkring Newsletter - Drakenstein Heemkring

het jy geweet van ...
NUUS VAN UIT DE OUDE WONING BL4
Ons ou foto’s is van onskatbare
waarde vir narvorsers
HIER BY die Heemkring word mens soms oorweldig deur die
hoeveelheid en kwaliteit inligting wat ons bewaar. Wat ‘n
verantwoordelikheid vir ons klompie vrywilligers wat sonder
betaling ons tyd afstaan om ons dorp se geskiedenis te bewaar.
Tog is daar altyd groot vreugde as ons en of ander brokkie
inligting afkom wat ‘n foto se genealogiese geskiedenis ontsluit.
Onlangs het een van ons lede vir die soveelste keer ‘n ou fotoalbum
oopgemaak en om deur al die fotos - sonder byskrifte - te
blaai. Met die blaai skuif ‘n klein koerantberiggie uit van agter
een van die foto’s. Meteens het ons ‘n van - Vervat - en die naam
en geboorte datum van ‘n baba dogtertjie ... en dit was genoeg om
die storie te begin ontrafel!
Die foto regs van Sophy du Plessis het byvoorbeeld ook
heelwat addisionele inligting bygekry. Haar volle name was
Sophia Alida du Plessis, en sy was die dogter van Cornelis Moll
du Plessis en Maria Cecilia Enslin, en die gesin het in ‘n huis op
Zeederberg Plein gewoon. Sophia of Sophy soos sy genoem is, is Sophia Alida du Plessis (1888-1903)
aan rumatiekkoors dood.
Soms sterf mense met skaars meer as ‘n doodsberig: soos Sina Olivier (8) wat op 6 Junie 1918 verdrink het toe
sy haar pa se middagete wolwassery toe geneem het. Somige foto’s is egter baie goed toegelig, soos die een wat in
1892 geneem is van die leerlinge van ‘n skooltjie op die plaas Ronwe in Klein Drakenstein. Volgens die foto het die
plaas het toe aan Jan en Annie Theron behoort. Die meeste van die kinders se vanne is Malherbe, Theron, Basson
en ook is daar ‘n paar Zeemans. Laasgenoemde was die broers en susters van die skrywer Alba Bouwer se ma!
Dus mense: al daardie foto’s wat sommer net los lê in ‘n laai of ‘n koevertjie - onthou om agter op te skryf wie
dit is. Oor vyftig of ‘n honderd jaar weet niemand meer nie!
Paarl se kortste straat ... Hierdie wandelpad op Paarlberg ...
Drakenstein Heemkring, 214 Hoofstraat, Paarl 7646 | www.drakensteinheemkring.co.za