03/02/2013. OPENBARING REEKS: 'N BOEK WAT ... - Reon Du Plooy

03/02/2013. OPENBARING REEKS: ‘N BOEK WAT MY BANG MAAK! DEEL_02.
# - 1
INLEIDING:
Kom ons begin kortliks met hersiening oor verlede week se byeenkoms:
# - 2
Verlede week het ons gesien dat Openbaring ‘n brief, ‘n profesie en ‘n apokalips is.
As brief bevat die boek sekere inligting aan die geadresseerdes, ‘n profesie het nie
in die eerste plek die toekoms voorspel nie, maar die woord van God aan mense
tydens ‘n sekere tydperk verkondig.
‘n Profesie het aangesluit by wat gebeur en die wil van God in dié verband bekend
gemaak.
Dit het ook wel betrekking op die toekoms vir sover die toekoms aansluit by die
hede.
Die boek bevat dus nie bloot voorspellings uit die eerste eeu oor wat in die twintigste
eeu gaan gebeur nie.
Dit bevat die boodskap van God aan die kerk van destyds en het as sodanig ook ’n
boodskap vir die kerk vandag.
As Apokalips beteken dit dat die boek sekere kenmerke het waarvan die leser moet
kennis dra. Dinge soos simboliek en beelde, die groot invloed van die Ou Testament
op die gedagtewèreld van die skrywer; die omstandighede van die skrywe en die
invloed van die apokaliptiek op die vorm van die boek.
Hierdie week gaan ons kortliks stil staan by:
# - 3
Die tyd (konteks) van die skrywe,
Die skrywer self,

Die samestelling van die boek,
Die boodskap van die boek.
DEEL 1:
# - 4
(i) KONTEKS:
Die boek self gee hier en daar aanduidings van die omstandighede waarbinne dit
ontstaan het.
Die boek Openbaring is soos ‘n groot drama wat voor ons oë afspeel:
Die verhoog is die aarde soos wat dit deur die Romeinse Keisers beheers en
domineer word, en in besonder die gebied van die provinsie Asië. Die
Romeinse staat self word in verskillende tonele en kleure getoon:
o die kleure van die dier (13:1);
o die slegte vrou (groot hoer) wat langs die dier sit (17:1);
o die bloed van die martelare wat reeds gesterf het (2:13)
Tegelykertyd speel die nog meer “gewigtige” toneel tussen God en Satan
(12:1e.v.) agter die gordyn af.
o Die dier met sy sewe koppe en tien horings wat die Romeinse staat
simboliseer, kry sy krag van die draak, die Satan (13:2).
o Die Romeinse staat se lasterlike aktiwiteite word in die tweede dier
vergestalt. Hierdie tweede dier, die vals profeet (16:13,19:20; 20:10)
veroorsaak dat die eerste dier aanbid word. Die 2de dier verwys na die
Rykspriesters wat in die provinsies die aanbidding van die Romeinse
Keiser moes verkondjg en afdwing.
Die algernene situasie is goed bekend: daar is toenemende konflik en stryd tussen
die staat en die kerk,dit kan nie anders nie.
Die kerk bely dat Jesus die Here (Kurios) is en die staat sê dat die keiser Here
(Kurios) is.
Die slagveld is gereed vir die botsing.
Die vraag wat by ‘n mens opkom is na watter tyd in die geskiedenis hierdie
omstandighede moontlik kan verwys?

Die soort vervolging wat in die boek weerspieël word, geld vanuit ‘n geskiedkundige
perspektief die waarskynlikste in die regeringstyd van Domitianus wat as keiser vir
homself goddelike eer toegeëien het.
In Klein-Asië is die kultus van keiserverering baie lewendig beoefen en almal wat dit
teëgegaan het, is vervolg.
(ii) SKRYWER:
# - 5
Die skrywer identifiseer homself slegs as “Johannes” sonder enige verder
kwalifikasies.
(iii) SAMESTELLING VAN DIE BOEK:
# - 6
SKETSPLAN
A. CHRISTUS IN DIE KERK (1–3)
B. CHRISTUS IN DIE HEELAL (4–11)
C. CHRISTUS IN DIE GESKIEDENIS (12–22).
# - 7
A. CHRISTUS IN DIE KERK (1–3).
Die Verheerlikte gee sewe briefboodskappe aan die kerk.
1. Proloog (Inleiding) (1:1-8) “Hy kom!”
2. Eerste gesig (1:9–20)
3. Die briewe aan die sewe gemeentes (2:1–3:22)
# - 8

B. CHRISTUS IN DIE HEELAL (4–11).
Die Lam open die verseëlde boekrol waarvan die inhoud in die heelal ontvou,
naamlik verlossing en oordeel.
1. Die boekrol met sewe seëls (4:1–8:1)
2. Die sewe trompette (8:2–11:19)
# - 9
C. CHRISTUS IN DIE GESKIEDENIS (12–22).
Die draak en sy trawante in oorlog gewikkel teen die Lam en sy volgelinge. Dit loop
uit op die totale vernietiging van Babilon deur die bruid.
1. Die draak en die twee diere (12:1–13:18)
2. By die Lam op Sionsberg (14:1–5)
3. Die oordeel (14:6–20)
4. Die laaste plae (15:1–8)
5. Die sewe bakke met die toorn van God (16:1–21)
6. Die val van Babilon (17:1–19:4)
7. Die bruilof van die Lam (19:5–10)
8. Die oordeel van die twee diere (19:11–20)
9. Die ondergang van die Satan (20:1–15)
10. Die nuwe skepping (21:1–22:5)
11. Epiloog (Slot) Jesus kom weer (22:6–21) “Hy kom!”
(iv) BOODSKAP:
# - 10
Die boek bemoedig en versterk die kerk in daardie tyd, maar tegelyk wil dit as die
Woord van God die kerk deur alle tye, te midde van verdrukking en vervolging,
swaar en moeilikhede, wys op die oorwinning van Christus.

As Hooftemas kan ons die vlg. kortliks noem:
God se heerskappy
Christus se Wederkoms
Verlossing vir God se getroue kerk
God se oordeel is ‘n werklikheid
DEEL 2: BRIEF AAN DIE 7 GEMEENTES:
# - 11
# - 12
A. CHRISTUS IN DIE KERK (1–3).
Die Verheerlikte gee sewe briefboodskappe aan die kerk.
1. Proloog (Inleiding) (1:1-8) “Hy kom!”
2. Eerste gesig (1:9–20)
3. Die briewe aan die sewe gemeentes (2:1–3:22)
Skrifdeel:
Op 1:11 "Skrywe wat jy sien in ‘n boek op en stuur dit vir die sewe gemeentes:
Efese, Smirna, Pergamum, Tiatira, Sardis, Filadelfia en Laodisea."
12 Ek het omgedraai om te sien wie dit is wat met my praat. En toe ek omgedraai
het, het ek sewe goue staanlampe gesien
13 en tussen die lampe Iemand soos die Seun van die mens. Hy het ‘n lang kleed
aangehad en ‘n goue band om sy bors gedra.
14 Die hare op sy kop was wit soos wit wol, soos sneeu, en sy oë het soos vuur
gevlam.
15 Sy voete was soos geelkoper wat in ‘n smeltoond gloei, en sy stem soos die
gedruis van ‘n groot watermassa.
16 In sy regterhand het Hy sewe sterre gehad, en ‘n skerp swaard met twee
snykante het uit sy mond uit gekom. Sy hele voorkoms was soos die son wat op sy
helderste skyn.
Gemeentes:
Al sewe gemeentes was op ’n hoofroete geleë.
’n Boodskapper met die briefbundel kon van die eiland Patmos (waar Johannes
was), eerste by Efese aandoen.

Van daar af sou hy noord-waarts reis tot by Smirna en Pergamum, suidoos draai na
Tiatira, en van daar af verder gaan na Sardis, Filadelfia en Laodisea.
Die roete stem presies ooreen met die volgorde waarin die briewe ook voorkom.
Sewe Goue Staanlampe:
# - 13
Die meeste verwysings na lampe in die Bybel het te doen met die tabernakel en
tempel.
Die lampe verwys na die kerk wat hulle lig moet laat skyn oor alle nasies.
Goud verwys na kosbaarheid.
Sewe dui weer op volledigheid/volkomenheid.
M.a.w.: Sewe Goue Staanlampe dui op al die kosbare gemeentes van God.
Sewe Sterre:
Vlg die Ou Testament en Antieke Wêreld opvatting is sterre beskou as magte wat
die gang van die geskiedenis en mensdom beïnvloed het.
Vlg. Job 38:7 (... daardie oggend toe die sterre saamgesing het en al die hemelinge
gejubel het?) word die sterre verbind aan Engele.
M.a.w. Sewe Sterre dui op al die Leraars (Engele) van God se kerk.
Nou moet ons onsself afvra is die interpretasie korrek?
Onthou ek het gesê om verantwoordelik met die Woord te werk beteken dat jy
jouself die hele tyd moet kontroleer.
Die Gereformeerde uitgangspunt is: Vgl Skrif met Skrif.
Kom ons toets ons self dan:
Op 1:20 En dit is die verborge betekenis van die sewe sterre wat jy in my regterhand
gesien het, en van die sewe goue lampe: die sewe sterre is die leraars van die sewe
gemeentes, en die sewe lampe is die sewe gemeentes."
Vir interessantheid, Jesus is aktief betrokke by Sy Kerk en die kerk se Leraars:
# - 14
Op 1:13 ... en tussen die lampe staan Iemand soos die Seun van die mens.
Op 1:16 ... In sy regterhand het Hy sewe sterre gehad

Op 2:1 So sê Hy wat die sewe sterre in sy regterhand vashou en wat tussen die
sewe goue lampe rondgaan:
# - 15
(1) Die indeling van die briefboodskap aan Efese (2:1-7)
• Inleidende deel
Adres:
Aan die leraar van die gemeente in Efese (2:1a)
Tempel van Vrugbaarheidsgodin Artemis met 1000de priesters, priesteresse en
prostitute was in die stad
Keiser kultus onder Keiser Domitianus het gefloreer
Profetieseformule:
Hy hou die sewe sterre in sy regterhand
Hy beweeg tussen die sewe goue lampe rond (2:1b)
• Brief liggaam
Sterkpunte:
Julle arbeid en volharding
Julle verdra nie slegte mense nie
Julle ondersoek vals apostels
Julle volhard en verduur baie
Julle het nie moeg geword nie (2:2-3)
Julle verafsku die dade van Nikolaiete (2:6b). Mense wat kompromieë gesluit het
met die wêreld veral tov afgodery en onsedelikheid
Swak punte:
Julle het My nie meer so lief soos in die begin nie (2:4)
Oplossing:
Dink aan Julle agteruitgang
Bekeer Julle

Doen weer wat Julle in die begin gedoen het (2:5-6)
• Gevolgtrekking:
Oproep:
Luister na die Gees (2:7a)
Uitdaging:
Wie oorwin, sal eet van die boom van lewe in die paradys (2:7b) – Ewige lewe by
God.
# - 16
(2) Die indeling van die briefboodskap aan Smirna (2:8-11)
• Inleidende deel
Adres:
Aan die gemeente in Smirna (2:8a) huidige Turkse stad Ismir
Die stad was bekend as die “Eerste in Asië”
Hoofsentrum vir die keiser kultus
Die stad was 3 keer verwoes (gesterf) en weer nuut opgebou (lewend geword)
Bekende sportsentrum – inwoners bekend met wennerskrone
Profetieseformule:
Hy is die Eerste en die Laaste (Jes 44:6, 48:12)
Hy was dood en het weer lewend geword (2:8b)
• Briefliggaam
Sterk punte:
Julle verdrukking en armoede
Julle is geestelik ryk (2:9a)
Situasie:
Kwaadstokery van Jode teen Julle (2:9b)

Julle gaan nog meer ly (2:10a)
Die duiwel gaan Julle in die tronk laat gooi (2:10b)
Julle gaan tien dae (Afgeronde kort tyd – Dan 1:12-14) lank swaarkry (2:10b)
• Gevolgtrekking
Oproep:
Luister na die Gees (2:11a)
Uitdaging:
Wie oorwin (Sportterm aanhou, vasbyt, deursettingsvermoeë), sal nie deur die
tweede dood (geestelike dood/hel) getref word nie (2:11b)
# - 17
(3) Die indeling van die brief boodskap aan Pergamum (2:1247)
• Inleidende deel
Adres:
Aan die gemeente in Pergamum (2:12a)
Biblioteek met meer as 200 000 boekrolle – sentra van geleerdheid
Skryfmateriaal van velle is daar vervaardig (perkament)
Godsdienstige (afgode) hoofstad met tempels vir die hoofgod Zeus, mediese
hoofstad met tempels van Asklepius (slang as simbool)
Om nie deel te neem aan die godsdienstige feeste nie was onmiddelik burgerlike
ongehoorsaamheid – strafbaar met die dood
Profetiese formule:
Christus het die skerp swaard met die twee snykante (2:12b)
Brief liggaam
Situasie:
Ek ken die plek waar Julle bly (2:13a)
Die troon van die Satan (afgode hoofstad) is daar by Julle (2:13a)
Antipas (weet min oor hom) is daar doodgemaak (2:13b)

Sterk punte:
Julle bly aan my Naam getrou (2:13a)
Julle het nie Julle geloof afgesweer nie (2:13a)
Swak punte:
Sommige hang die leer van Bileam aan (2:14) – afgodery en onsedelikheid
Sommige doen dieselfde sondes as Bileam (2:15) – burgerlike plig om mee te doen
Oplossing:
Bekeer Julle (2:16)
As Julle Julle nie bekeer nie, kom Ek gou (2:16)
Ek sal die bose mense bestry met die swaard van my mond (2:16)
Gevolgtrekking
Oproep:
Luister na die Gees (2:17a)
Uitdaging:
Wie oorwin, sal van die verborge manna ontvang (2:17b)
Wie oorwin, sal ‘n wit klippie kry (2:17b)
# - 18
(4) Indeling van die briefboodskap aan Tiatira (2:18-29) *
• Inleidende deel
Adres:
Aan die gemeente in Tiatira (2:18a), huidige Turkse stad Akisar
Vakbond hoofstad (tekstielwerkers, skoenmakers, bronssmede ens)
Elke vakbond het hulle eie god gehad
As Christene nie wou meëdoen nie het hulle, hulle kontrakte verloor ens (Pol.party
vs FNB 2013)
Songod Apollo, seun van Zeus was die hoofgod van Tiatira

Profetieseformule:
Christus is die Seun van God (teenoor Apolla seun van Zeus)
Sy oë vlam soos vuur (Dan 10:6) – ken die intensheid van vuur veral tov smeltwerk
Sy voete is soos geelkoper (2:18b) – standvastigheid en duursaamheid (Jesus het
vir Ewig plek ingeneem in Tiatira)
• Brief liggaam
Situasie:
Ek ken Julle dade (2:19a)
Sterk punte:
Julle liefde, geloof, diens en volharding (2:19b)
Julle doen nou meer as tevore (2:19c)
Swak punte:
Julle laat Isebel (1 Kon 16:31 – 34, env.)begaan (2:20a) – afgodery en onsedelikheid
word polities korrek verduur deur Christene
Liefde kan nie altyd die gesig wegdraai nie, maar moet soms radikaal standpunt
inneem
Oplossing:
Die kans vir Isebel om haar te bekeer (2:21) voor haar siekbed
Oordeelsaankondiging (2:22-23a) pessiekte aan sedeloses
Waarskuwing aan gemeentes (2:23b)
Hou net vas wat Julle het (2:25)
• Gevolgtrekking
Uitdaging:
Wie oorwin, ontvang mag en gesag oor die nasies (2:26)
Wie oorwin, sal hulle met ‘n ystersepter regeer (2:27) Wie oorwin, ontvang die
môrester (2:28) – Morester is Messsians (Jesus) vanuit Num 24:17 gesien, morester
kondig ‘n nuwe “dag” aan
Oproep:
Luister na die Gees (2:29)

# - 19
(5) Indeling van die brief boodskap aan Sardis (3:1-6)
• Inleidende deel
Adres:
Aan die gemeente in Sardis (3:1a) – vestingstad (fort) wat oninneemlik “was”
Deur ‘n aardbewing verwoes in 17 n.C maar weer heropgebou
Profetieseformule:
Christus wat die sewe Geeste (Heilige Gees) en die sewe sterre (leraars) vashou, is
aan die woord (3:1b)
• Briefliggaam
Situasie en swak punt:
Ek ken Julle dade en weet dat Julle reeds dood is (3:1c)
Oplossing:
Word wakker en versterk wat oorgebly het (3:2) – julle weet nie wanneer die geheim
“Hy kom!” realiseer nie
Dink aan die evangelie (3:3a)
Bewaar dit, bekeer Julle en word wakker (3:3b)
Sterk punte:
Sommige het nie hulle klere besoedel nie (4:4a)
Hulle is die wit klere by My waardig (4:4b)
• Gevolgtrekking
Uitdaging:
Wie oorwin, sal wit klere dra (3:5a) – kleur van oorwinning, burgers van die hemel
Hulle naam sal nooit uit die boek van lewe (Dan 12:1, Ps 69:29, Eks 32:32-33)
gehaal word nie (3:5b) – almal ken die stads-staatsregister begrip
Christus sal verklaar dat die oorwinnaars aan Hom behoort (3:5c)
Oproep:

Luister na die Gees (3:6)
# - 20
(6) Die indeling van die briefboodskap aan Filadelfia (3:7-13)
• Inleidende deel
Adres:
Aan die gemeente in Filadeifia (3:7a) – Turkse stad Alaseir
Beteken “liefde vir my “broer”
Gunstige Landbou streek – veral wingerde
Gereeld deur aardbewings getref
Tempel van Dionusos – god van wyn en partytjies was in die stad
Filadelfia en Sardis is die enigste 2 gemeentes wat nie bestraf word nie.
Profetieseformule:
Christus, die Heilige, die ware God (3:7b)
Christus hou die sleutel van Dawid (Jes 22:22) (3:7c) – HY sluit die nuwe Jerusalem
oop of toe
• Briefliggaam
Situasie en sterk punte:
Christus ken Julle dade (3:8a)
Ek het ‘n deur voor Julle oopgemaak (3:8b)
Ten spyte van beperkte krag het Julle aan My vasgehou (3:8c)
Julle het My nie verloën nie (3:8d)
Oplossing en belofte:
Ek sal die “nie-Jode” (skynheiliges) voor Julle laat kniel (3:9)
Ek Sal Julle vashou in moeiliker tye (3:10)
Hou vas wat Julle het totdat Ek kom (3:11)
• Gevolgtrekking

Uitdaging:
Wie oorwin, word ‘n pilaar in die tempel (3:12a)
Die pilaar sal vir altyd daar bly (3:12b)
Ek sal drie name (Name) op die pilaar skryf (3:12c)
Oproep:
Luister wat die Gees sê (3:13)
# - 21
(7) Die indeling van die brief boodska p aan Laodisea (3:14-22) *
• Inleidende deel
Adres:
Aan die gemeente in Laodisea (3:14a)
Besonder welvarende stad
Swartwol was hulle ikoon handelsitem
Beroemde mediese oogsentrum
# - 22
Geteister deur aardbewings en water tekorte, water moes met ‘n kanaal ongeveer 10
km ver afgevoer word vanaf Hiërapolis wat bekend was vir die warmwaterbronne en
Kolosse vir sy koue waterbronne. Die water is in ‘n kanaal (Aquaduc) afgelei en het
lou warm in Laodisea aangekom, ondrinkbaar.
Gemeente word net bestraf
Profetieseformule:

Christus, die Amen (Jes 65:16 - 17), die geloofwaardige en ware getuie deur wie
God alles geskep het, groet Julle (3:14b)
# - 23
• Briefliggaam
Situasie en swak punte:
Ek ken Julle dade (3:15a)
Julle is nie koud of warm nie (3:15b)
Julle is lou, net goed om uitgespoeg te word (3:16)
Julle meen Julle is skatryk (3:17a)
Julle is ellendig, pateties, arm, blind en kaal (3:17b)
Oplossing:
Koop by My goud (3:18a)
Koop wit klere (3:18b) – swart wol
Koop oogsalf (3:18c) – wat julle geestelike blindheid kan genees
Ek bestraf en tug elkeen (3:19a)
Laat dit vir Julle erns wees (3:19b)
Bekeer Julle (3:19c)
Ek klop aan die deur (3:20a)
As Julle oopmaak, volg ‘n feesmaal (3:20b)
• Gevolgtrekking
Uitdaging:
Wie oorwin, sal saam met My op die troon sit (3:21)
Oproep:
Luister na die Gees (3:22)
SAMEVATTING:
# - 24

Die briewe aan die kerk in die tyd van Openbaring het probleempunte van elke
Gemeente uitgewys en oplossings aan die hand gedoen.
Wat wil die 7 briewe vandag aan die kerk sê:
Gemeentes moet liefde sigbaar uitleef (Efese)
Gemeentes wat swaarkry moet volhard in die geloof, dit is die moeite werd
(Smirna)
Gemeentes se lewenstyl moet radikaal anders wees as die van die wêreld
(Pergamum)
Gemeentes moet kompromieë, omdat hulle bang is om aanstoot te gee, met
die wêreld ten all koste vermy (Tiatira)
Gemeentes moet waak teen geestelike doodsheid (Sardis)
God stel meer belang in ‘n Gemeente se volhardende geloof as in hulle
wëreldse sukses (Filadelfia)
Gemeentes moet waak teen selftevredenheid want dit loop uit op geestelike
“louheid” (Laodisea)
Amen