PROSEDURE WAT GEVOLG MOET WORD BY ... - Cape Law Society

PROSEDURE WAT GEVOLG MOET WORD BY DIE REGISTRASIE VAN
LEERKONTRAKTE/GEMEENSKAPSDIENSKONTRAKTE
Voornemende kandidaatprokureurs moet die prosedure wat hieronder uiteengesit word
volg ten einde spoedige en maklike registrasie van hul
leerkontrakte/gemeenskapsdienskontrakte te bewerkstellig :
verkry die voorgeskrewe aansoekvorms van die Wetsgenootskap ( n Kontrak, Deel I
moet deur die prinsipaal voltooi word en Deel II moet deur die kandidaatprokureur
voltooi word);
stel ‘n leerkontrak/gemeenskapsdienskontrak op en voltrek dit slegs indien u
opvoedkundige kwalifikasies aan die vereistes, voorgeskryf deur die Wet op
Prokureurs, Wet 53 van 1979, soos gewysig, voldoen.
Dien by die Wetsgenootskap in :
a. DIE LEERKONTRAK / GEMEENSKAPSDIENSKONTRAK. Maak asseblief seker dat elke
bladsy deur die prinsipaal, die kandidaatprokureur en die twee getuies geparafeer
is. Alle wysigings (insluitende waar tippex gebruik is) moet ook geparafeer word
deur alle partye wat die dokument teken.
LET WEL: ‘N LEERKONTRAK/GEMEENSKAPSDIENSKONTRAK IS VAN KRAG VANAF DIE
DATUM WAAROP DIT ONDERTEKEN WORD. ‘N LEERKONTRAK MAG NIE TERUGDATEER
WORD NIE.
b. DEEL I EN II VAN DIE VOORGESKREWE AANSOEKVORM.
Geliewe daarop te let dat:
Buiten dat die dokument aan die einde daarvan geteken moet word, moet elke
bladsy van Deel I geparafeer word deur die prinsipaal en beide getuies.
Buiten dat die dokument aan die einde daarvan geteken moet word, moet elke
bladsy van Deel II deur u en die Kommissaris van Ede wat die bevestigende
beëdigde verklaring beëdig het, geparafeer word.

2
Die Kommissaris van Ede wat u bevestigende beëdigde verklaring beëdig, moet
geensins aan die firma waar die kandidaatprokureur in diens is, verbonde wees nie.
Die bevestigende beedigde verklaring mag voor die kontrak geteken word nie.
LET WEL: AANHANGSELS MOET ÓF OORSPRONKLIKE DOKUMENTE ÓF GESERTIFISEERDE
AFSKRIFTE VAN DIE OORSPRONKLIKES WEES. AFSKRIFTE VAN AANHANGSELS MOET
GESERTIFISEER WORD DEUR ‘n ONAFHANKLIKE KOMMISSARIS VAN EDE. (LEDE VAN DIE
PRINSIPAAL SE FIRMA EN DIE PRINSIPAAL SELF MAG DUS NIE AS KOMMISSARIS VAN
EDE OPTREE NIE)
c. ‘n Gesertifiseerde afskrif van u MATRIEKULASIESERTIFIKAAT of SENIOR SERTIFIKAAT
(met matriekulasievrystelling daarop geëndosseer), slegs en indien die
kandidaatprokureur ‘n vyf jaar kontrak sluit.
d. `n Gesertifiseerde afskrif van u bywoningssertifikaat geteken deur die Direkteur van
LEAD in Pretoria, in die geval van ‘n kandidaatprokureur wie die Voltydse Skool vir
Regsopleiding voltooi het en wie ‘n kontrak vir een jaar sluit.
e. Gesertifiseerde afskifte van al u GRAADSERTIFIKATE.
f. Gesertifiseerde afskrif van GEBOORTESERTIFIKAAT of EERSTE BLADSY VAN
IDENTITEITSDOKUMENT (verkieslik die identiteitsdokument, aangesien ‘n
geboortesertifikaat nie bewys van burgerskap is nie).
g. ‘n GOEIE-GEDRAGSERTIFIKAAT van die REGISTRATEUR van die universiteit/e waar u
studeer het.
h. Twee GETUIGSKRIFTE, GEDATEER, GETEKEN EN NIE OUER AS SES MAANDE NIE. Die
Getuigskrifte moet op briefhoofde wees.
i. TJEK ten bedrae van R 228,00 ten opsigte van die voorgeskrewe registrasiegelde
verskuldig aan die Wetsgenootskap.
DAARNA, indien die Direkteur tevrede is dat die kandidaatprokureur ‘n geskikte en
gepaste persoon is, en indien alle ingelewerde dokumente in orde is en indien die
CLS/CANDATT/PROSREGKONTRAK/2013/SK

3
voorgeskrewe gelde betaal is, sal die Direkteur die leerkontrak registreer en die prinsipaal
en kandidaatprokureur skriftelik deur middel van geregistreerde pos in kennis stel van
sodanige registrasie.
Indien ‘n leerkontrak/gemeenskapsdienskontrak nie binne twee maande vanaf datum
van ondertekening geregistreer word nie, word enige diens daaronder geag om op die
datum van registrasie daarvan te begin. In hierdie verband word u aandag gevestig op
die bepalings van Artikel 5(3) van die Wet op Prokureurs, gelees met Reël 5.1 van die
Reëls van die Wetsgenootskap van die Kaap die Goeie Hoop.
U aandag word ook gevestig op die bepalings van Artikel 9 van die Wet op Prokureurs,
wat meld dat ‘n kandidaatprokureur nie sonder die VOORAFVERKREë skriftelike
goedkeuring van die Raad, enige amp mag beklee of besigheid mag bedryf, behalwe
dié van ‘n kandidaatprokureur nie. Indien die bepalings oortree word, sal die kontrak ab
initio nietig wees. Indien u van voorneme is om aansoek te doen vir sodanige
goedkeuring, moet u asseblief volle besonderhede van die amp wat u wil beklee of
besigheid wat u wil bedryf, by die Wetsgenootskap indien wanneer u u kontrak indien vir
registrasie. Die skriftelike toestemming van u prinsipaal moet hierdie aansoek vergesel.
LET WEL: ‘N VERSKYNINGSBEVOEGDHEIDSERTIFIKAAT SAL SLEGS DEUR DIE GENOOTSKAP
UITGEREIK WORD BY ONTVANGS VAN ‘N SKRIFTELIKE VERSOEK VAN DIE
KANDIDAATPROKUREUR SE PRINSIPAAL EN TEEN BETALING VAN DIE VOORGESKREWE FOOI
VAN R 114,00 (SIEN ARTIKEL 8(3) VAN DIE WET OP PROKUREURS)
LET VERDER DAAROP: DAT WANNEER U VIR DIE PROKUREURTOELATINGSEKSAMEN REGISTREER,
U REGISTRASIEVORM, TESAME MET DIE REGISTRASIEFOOI DIE GENOOTSKAP TEN MINSTE DRIE
WEKE VOOR DIE DATUM WAAROP DIE EKSAMEN IN AANVANG NEEM, MOET BEREIK. TENSY
DIE REGISTRASIEVORM EN FOOI SO ONTVANG IS, SAL U NIE TOEGELAAT WORD OM DIE
EKSAMEN AF TE LÊ NIE.
INDIEN U GELDE ELEKTRONIES OF BY WYSE VAN DIREKTE DEPOSITO WIL BETAAL, MOET U ‘N
VERWYSINGSNOMMER BY DIE GENOOTSKAP SE BOEKHOUER BEKOM. TEN EINDE DIE
GENOOTSKAP IN STAAT TE STEL OM U BETALING TE IDENTIFISEER, MOET U DIE GENOOTSKAP
ONVERWYLD VOORSIEN VAN DIE DEPOSITOSTROKIE/ELEKTRONIESE TRANSAKSIE, ASOOK
VAN DIE NAAM VAN DIE PERSOON BY U KANTORE WAT NAVRAE KAN BEANTWOORD.
CLS/CANDATT/PROSREGKONTRAK/2013/SK