Wenner van SKRYFKOMPETISIE! Brief van die REDAKTEUR ...

Maandelikse nuusbrief vir Mills & Boon Boekklublede
Oktober 2007
Wenner van SKRYFKOMPETISIE! Brief van die
REDAKTEUR
Die biljoenêr
se ongehoorde
huwelik
Emma Darcy
Damien Wynter is so
aantreklik en arrogant
soos kan kom. Om by
hom betrokke te raak
is so goed as om met
die duiwel te heul. Maar
Charlotte, die ryk Australiese erfgenaam, is
onweerstaanbaar aangetrokke tot die Britse
biljoenêr – al haat sy hom van die eerste
oomblik af.
Baie geluk aan Lelanie le Roux van die Klein Karoo! Sy is die
wenner van ons Mills & Boon liefdesverhaalwedstryd! Lelanie
skryf sy is in 1985 op Riversdal gebore en het op ’n plaas
grootgeword. Sy is gaande oor die natuur en lees graag in
haar vrye tyd, veral liefdesverhale. Te heerlik dat so ’n jong
meisie so lekker kan skryf. Lelanie sal eersdaags haar gratis
gedrukte boeke ontvang. Ons wens haar baie sukses toe met
haar skrywery en hoop haar drome word bewaarheid!
BOEKE vir volgende maand
Sy het hom en sy donker primitiewe drifte
nie in haar lewe nodig nie – totdat die ander
man met wie sy sou trou haar op die laaste
nippertjie in die steek laat en Damien haar
uitdaag: Hy sal met haar trou en haar dadelik
swanger maak! En dit maak nie saak wat die
mense te sê het nie . . .
Damien stel net daarin belang om te wen en
Charlotte weet dit. Maar sy wil só graag ’n
baba hê, en as sy óók kan wen as sy hierdie
voorstel sou aanvaar . . . hoekom nie?
Die miljoenêr se
swanger vrou
Sandra Field
Ná jare waarin sy na
haar jonger broers
omgesien het,
smaak Kelsey North
uiteindelik vryheid,
en sy beplan om dit te
geniet!
Toe die miljoenêrsakeman, Luke Griffi n,
’n gevaarlik aantreklike man met ’n nóg
gevaarliker reputasie, aanbied om haar na
die Bahamas te neem en ál haar fantasieë
te laat waar word, besluit Kelsey dat sy
dwaas sal wees om dit van die hand te
wys . . .
Hulle stomende aff air moes kortstondig
wees, maar hulle passie lei tot
swangerskap en vir Luke is daar net
een oplossing: ’n huwelik. Kort daarna
is Kelsey die vrou van ’n miljoenêr . . .
en verlief op hom. Kan hulle huwelik
ooit iets meer wees as ’n brandende,
allesverterende vuur van passie?
Liewe Lesers
Oktobermaand! Die mooiste,
mooiste maand! Ja, die lente
het sommer reguit somer toe
gepyl en die kraaie – en ons
– laat gaap. Al die bome pronk
in hul lente- en somersvere en
in Pretoria is dit Jakarandatyd!
’n Mens wil sommer digterlik
raak en oor die blomme en die
voëltjies skryf, maar ek sal my
inhou.
Soos laas maand belowe:
Hier is ons boeke met hulle
splinternuwe baadjies aan!
Ons is seker julle gaan net so
in julle skik wees met die nuwe
voorkoms en logo, en soos altyd
lekker lees aan hierdie maand
se verhale.
Die ander groot nuus is
dat ons ’n wenner vir ons
liefdesverhaalwedstryd gekry
het! Elders op die voorblad word
sy spesiaal gelukgewens. En in
ons November-nuusbrief gaan
ons vir julle ’n uittreksel uit ons
wenverhaal op die agterblad
publiseer. Hou dus die pos dop!
Baie dankie aan al ons lesers
wat deelgeneem het. Daar
was baie goeie pogings, maar
ongelukkig kan ons net een
wenner kies. Die lesers wat nie
so gelukkig was nie, hou gerus
aan skryf. Dis nie iets wat ’n
mens noodwendig sommer
met die eerste probeerslag
regkry nie. Wees asseblief ’n
bietjie geduldig. Ek sal my bes
doen om vir elkeen ’n bietjie
positiewe kommentaar te
stuur. Lees gerus hieronder
wat iemand oor sukses
gesê het.
Mills Mills & & Boon Boon Boekklub

Brief van die
REDAKTEUR (verv.)
Ons het ook hierdie maand ’n
stukkie oor die geskiedenis van
Mills & Boon en waar al hierdie
lekkerte destyds begin het. Ja,
hulle het reeds in 1908 besluit
om ’n uitgewery te begin! Amper
honderd jaar gelede! Lees gerus
meer oor hierdie interessante
suksesverhaal.
Soos gewoonlik het ons ook weer
’n lekker resep uit Avokado.
Hierdie maand kan jy moue oprol
en soos ’n deugsame vrou regte,
egte vars tuisgebakte brood vir
jou gaste voorsit. En moenie skrik
as jy die woord “kitsgis” sien nie!
Dis baie makliker om te gebruik
as wat jy dink, en die resultaat
kan jou net bewondering en
komplimente besorg. Ons het ook
’n paar wenke vir die somertuin.
’n Mens word mos lus om in die
grond te vroetel as dit so lekker
warm word. Natuurlik is ons
blokraaisel en sterrewysers vir
die maand soos gewoonlik ook
nog daar.
Lekker lees aan die nuwe boeke,
en laat weet ons gerus wat julle
daarvan dink.
Hartlike groete,
Sukses is ’n reis; die resultaat
van houdings en gewoontes wat
op die reis geleer word. Dis nie
soseer die produk van ongewone
talente en vermoëns nie, maar
’n mens moet leer om daardie
talente en vermoëns te gebruik
– Oliver Wendell Holmes.
Mills & Boon Boekklub
Mills & Boon Boekklub
BOEKE vir volgende maand (verv.)
Verlief op die
Fransman
Claire Baxter
Dit het Beth baie
lank geneem om
oor Pierre Laroche
te kom. En nou
– net toe sy die
stryd van haar lewe
aanpak om beheer
van haar geliefde wynmakery in die
Barossavallei te behou – is hy terug.
Maar dié keer is dit vir sake – die saak
van die oorname!
Beth weet sy behoort Pierre te haat. Hy
wil haar immers van haar wynmakery
beroof. Tog laat blyk die siniese sakeman
steeds iets van die man wat sy tien jaar
gelede liefgehad het . . .
Die somerson sak weg oor die pragtige
Barossavallei toe hul ontdekkingsreis
na die verlede begin . . . en toe dit weer
opkom, is daar ’n glimp van ’n toekoms
wat hulle kan deel . . .
Snelvuur
Jessica Andersen
’n Moordenaar kon sy
hanteer . . .
Met haar kenteken
en haar reputasie
op die spel het
Maya Cooper,
spesialis-
kriminoloog, ’n eed geneem om die
reeksmoordenaar van Bear Claw Creek
te vang. Sy het nie ’n keuse nie – sy is
sy volgende teiken!
. . . maar nie die terugkeer van dié man
wat haar mees verborge begeertes ken
nie . . .
Om dié waansinnige monster te vang,
het sy Thorne Coleridge se hulp nodig.
Maar om Thorne te vertrou, was nog
nooit vir Maya maklik nie. As haar
vorige lektor by die Polisiekollege is
hy die man wat haar geheime verlede
ken, ’n verlede wat sy probeer vergeet.
Om te onthou wat hulle dalk saam
ervaar het, bedreig die beskerming
wat Thorne bied. Beskerming – die
enigste ding wat tussen haar en die
dodelik gevaarlike kloue van die
moordenaar staan.
Hierdie kind
is myne
Bonnie K. Winn
Dis liefde op die
eerste gesig toe
Matt Whitaker sy
deur oopmaak
en ’n baba in sy
broer se arms
sien . . . Matt se
nefi e, Danny, wat deur sy hartelose
sosiale vlinder van ’n ma verlaat is.
En toe sterf Danny se pa in ’n ongeluk
en Matt, ’n vrygesel, neem ’n eed om
hierdie kind soos sy eie lief te hê en te
beskerm . . . behalwe dat die seun nie
regtig syne is nie . . .
Danny se ma, Leah Hunter, het agt jaar
lank desperaat na haar baba gesoek
sedert sy pa hom ontvoer het. Oplaas
kry sy ’n spoor wat haar na die klein
dorpie Rosewood, Texas, en haar seun
se voog, Matt Whitaker, toe lei.
In haar baas
se spesiale
sorg
Melanie Milburne
As die nuwe
direkteur van
Melbourne
Memorial, is
dit die taak
van dokter
Joel Addison om die innoverende
kritiekesorg- en noodgevalle-eenheid
die beste in die land te maak! Dis
net die beeldskone, opvlieënde
narkotiseur Allegra Tallis se
kontroversiële nuwe idees wat sy
reputasie in gevaar stel . . .
Allegra het haar hart en siel in haar
werk gewerp en is vasbeslote om
die ambisieuse nuwe direkteur
oor haar studie van komaherstel
verkeerd te bewys. Maar ’n vurige
aantrekkingskrag vlam tussen hulle
op . . . selfs al kan Joel nie bekostig
om haar sy liefde te gee nie. Allegra
vermoed daar is iets in sy verlede
wat hom diep seergemaak het. Sy is
vasbeslote om agter die waarheid
te kom en hom te wys hoe volmaak
hulle in elke opsig vir mekaar
is – professioneel én persoonlik!

Vyf-kruie-brood
Genoeg vir 10
Tyd: 90 minute
Bestanddele:
1 pakkie kitsgis (droë gis)
5 ml suiker
250 ml warm melk
1 eier, liggies geklits
60 g gesmelte botter
500 ml broodmeel
375 ml koekmeel
30 ml fyn gekapte origanum
30 ml fyn gekapte pietersielie
30 ml fyn gekapte tiemie
30 ml fyn gekapte grasuie
30 ml fyn gekapte dille
1 addisionele eier, geskei
15 ml melk
Growwe sout
Breinkrag-BLOKKIESRAAISEL nr. 10
Dwars
7 Sagmoedige Neelsie (2,11)
8 Loops of hitsig (gesê van diere) (8)
9 Mits is ’n anagram vir Hettie en Berta se van (4)
10 Persoon sonder vaste verblyf wat ronddool (7)
12 Daad van kwaad vir kwaad vergeld (5)
14 Kroos (5)
KOM sit aan . . .
Hier is lekker broodjies uit Avokado. Elke gas kan dan sy eie
spesiale broodjie geniet. Gebruik dit sommer ook as plekaanwysers
op die tafel – steek net ’n klein plastiek-vlaggie met jou gas se
naam op daarin.
Metode:
1. Smeer 10 terracotta-potjies of
broodpannetjies liggies, of gebruik een
groot broodpan.
2. Meng die gis, suiker en melk in ’n
mediumgrootte bak en hou eenkant.
3. Sodra mengsel begin skuim, voeg
geklitste eier en gesmelte botter by.
4. Sif meel in ’n groot bak en maak ’n
holte in die middel.
Roer gismengsel stadig by en meng tot ’n
sagte deeg.
5. Plaas deeg op ’n meelbestrooide
oppervlak en knie tot glad en elasties.
6. Plaas deeg nou in ’n bak wat met olie
gesmeer is, bedek, en laat vir sowat een
uur op ’n warm plek staan – of totdat dit
in volume verdubbel het.
7. Knie deeg weer vir 5 minute.
16 Mooi woord vir nederige onderworpenheid (7)
19 ’n Kind op die rug dra (4)
20 Heidelberg se digter-dokter en vriend van
Eugène Marais (2,6)
22 Digter van Die vlakte en ander gedigte en
Martjie (3,1,1,8)
Af
1 Mankoliekerige ou motor (4)
2 Tannhäuser se komponis (6)
3 Onrus stook (7)
4 Teenoor bedags (5)
5 Suurder of onvriendeliker (6)
6 Simposiums (8)
11 Tydskrif of koerant wat elke sewe dae
verskyn (8)
13 Namaak met ’n oneerlike bedoeling (7)
15 Opposisieleier in Verwoerd-era, Sir De Villiers
__ (6)
17 Verkeerde vermoede hê (6)
18 Laurika (5)
21 Aanvanklik (4)
Kopiereg voorbehou: Anina Roux en Albé Grobbelaar © http://www.xword.co.za/
Toestemming word hiermee verleen om hierdie blokkiesraaisel in een uitgawe van Jacklin Uitgewers se Hartsgedagtes-nuusbrief te publiseer
8. Verdeel deeg in
10 porsies (as jy ’n
broodpan gebruik
hoef jy dit nie te
verdeel nie). Rol
elke porsie in ’n
reghoekige vorm
uit.
9. Meng die kruie in ’n bakkie en strooi
dit oor elke deegreghoek. Rol deeg soos
rolkoek op en druk dit in die potjies.
Laat vir 30 minute staan om te rys.
10. Meng addisionele eiergeel met
15 ml melk en smeer bo-oor. Sprinkel
growwe sout oor.
Teken in op Avokado-tydskrif en ontvang 20% afslag as jy die Mills & Boon Boekklub noem.
Skakel hulle gerus by (011) 280-5787.
11. Bak 18 minute lank teen 200 ºC of tot
goudbruin – die broodjies moet hol klink
as jy daarteen klop.
Uit: Avokado
12. Laat eff ens afkoel en sit voor.
17 Misgis, 18 Rauch,
13 Vervals, 15 Graaff ,
11 Weekblad,
5 Norser, 6 Seminare,
3 Agiteer, 4 Snags,
Af: 1 Tjor, 2 Wagner,
22 Jan F E Celliers.
19 Abba, 20 AG Visser,
14 Telge, 16 Deemoed,
10 Swerwer, 12 Wraak,
8 Bronstig, 9 Smit,
CJ Langenhoven,
Dwars: 7
Mills Mills & & Boon Boon Boekklub
21 Eers.
Oplossing nr. 10

Geskiedenis van HARLEQUIN MILLS & BOON
In 1908 het Gerald Mills en Charles Boon besluit
om hulle eie uitgewery in Londen te begin.
Aanvanklik was Mills & Boon ’n opvoedkundige
en algemene uitgewer en het hulle hoofsaaklik
op fi ksie, sportonderwerpe en stokperdjies
toegespits.
1920 was ’n keerpunt vir Mills & Boon. Ná die
Eerste Wêreldoorlog is ’n nuwe reeks ligte
romantiese fi ksieboeke nou te koop aangebied.
Hierdie nuwe boeke met hul onderskeidende
bruin omslae, bekend as die “ books in brown,”
was gou baie gewild en het vinnig uitgebrei
na Australië en die ander Statebondslande.
Romanse was in hierdie jare en veral tydens
die Depressie skielik ongeloofl ik belangrik en
het vinnig ’n oorheersende deel van die Mills &
Boon-lys geword.
Ironies was dit die uitbreek van die Tweede
Wêreldoorlog wat indirek die rede was dat Mills
& Boon die kragtige romantiese fi ksie-uitgewer
geword het wat dit vandag is. Vroeg in die
oorlogtyd is papiervoorrade vir drukkerswerk
drasties ingekort. Dit het Charles Boon verplig
om minstens vir die duur van die oorlog
hoofsaaklik op die publikasie van romantiese
fi ksie te konsentreer.
Teen die begin van die sestigerjare het mense
toenemend bekostigbare sagtebandboeke
begin koop. Harlequin het die regte vir Noord-
Amerika gekoop en was eerste om die Mills &
Boon-stories in sagteband uit te gee – en het ’n
reusemark, gereed om te koop, ontdek.
Dis egter in die sewentiger- en tagtigerjare wat
die verkope van 3 miljoen kopieë per jaar na
200 miljoen in 1988 gestyg het!
’n Groot deel van Harlequin se groei in die
sewentigerjare is te danke aan sy uitbreiding in
die oorsese markte. Die eerste betekenisvolle
skuif vind plaas in 1971 toe die Boon-familie
Kom saam TUIN TOE . . .
Lok geveerde gaste
Hier is ’n paar planne om self voerplek vir
die voëls in jou tuin te maak:
• ’n Kleinerige stomp of tak is ’n
natuurlike opsie. Boor 25 mm diep
gaatjies in die hout en stop dit vol
grondboontjiebotter of beesniervet. Dis nie
vir voëls veilig om op die grond te sit en
eet nie. Plaas dus die stomp op ’n redelik
hoë pilaar of hang dit aan ’n boomtak op.
• ’n Groot dennebol wat oopgegaan het en
waarvan die pitte al uitgeval het, werk ook
Mills & Boon Boekklub
Mills & Boon Boekklub
te kenne gee dat hulle hul deel van die Mills &
Boon-besigheid wil verkoop. Harlequin word
nou die moedermaatskappy van die uitgewery
wie se boeke so fenomenaal toegeneem het.
Mills & Boon Australië, gestig in 1974, is die
eerste been van die groep om buite Brittanje
of Noord-Amerika te bemark. Toe besluit word
om Mills & Boon en Harlequin-boeke in ander
tale as Engels te publiseer, is Hollands as die
pioniertaal gekies. In 1975 word ’n Harlequin-
dogtermaatskappy in Amsterdam geopen. Dit
word gevolg deur Duitsland. Frankryk, Swede,
Japan en Griekeland sowel as Italië volg gou
daarna.
In die negentigerjare word die Harlequin-
handelsnaam by die bekende Mills & Boon-naam
gevoeg en tans domineer die Harlequin Mills &
Boon handelsmerk die sagteband-romansemark
in Australië, Nieu-Seeland en oral waar Engelse
romanse-sagtebandboeke in Asië verkoop word.
Vandag is Harlequin Enterprises Limited die
wêreldwye leier in liefdesverhaalreekse en een
van die wêreld se voorste uitgewers van fi ksie
vir vroue. Die Toronto-gebaseerde maatskappy
gee meer as 115 titels uit in 25 tale, in 94
internasionale markte, op ses kontinente! Hierdie
boeke word deur meer as 1 300 talentvolle
skrywers wêreldwyd geskryf en bied aan vroue
’n breë reeks leesstof van liefdesverhale tot
sielkundige rillers tot verhoudingsromans.
Harlequin se sukses bevestig dat die maatskappy
beweeg na sy doelwit om die wêreld se voorste
uitgewer van fi ksie vir vroue te wees. Harlequin-
titels het vir ’n rekord 188 weke lank op die
New York Times se topverkoperlys verskyn. En
sedert sy ontstaan, het Harlequin reeds sowat
5.22 biljoen boeke verkoop.
Die belangrikste feit is egter dat Harlequin
vermaak skep wat vroue kan geniet.
goed. Druk klam brood in die openinge van
die bol.
• Halwe kokosneutdoppe – boor gaatjies
net onder die rand van die halwe dop, ryg
dun draad deur en hang aan ’n boomtak
op. Gebruik dit as voerbak vir saadeters.
’n Afgesonderde plek in die tuin
As daar genoeg ruimte is, skep vir die
voëls ’n afgesonderde plekkie in die tuin.
Dis ’n area waar niemand gewoonlik kom
nie behalwe om onkruid te verwyder,
opgeharkte blare wat uit die tuin kom,
Uit: Handy Hints for SA plant lovers – Keith Kirsten, uitgegee deur Struik
© 2007 Jacklin Uitgewers, Posbus 521, Parklands 2121
STERWYSERS
vir
Oktober 2007
deur William Smith
te strooi of om die waterbak vol
te maak. Plant inheemse struike
wat voëls, skoenlappers en insekte
aanmoedig om daarheen te kom. So
’n afgesonderde gebied voorsien nie
net aan die voëls kos en skuiling nie,
maar maak tuinonderhoud ook
minder. Maak net doodseker daar
is altyd ’n vlak bak met skoon water.
En onthou, immergroen plante
bied in koue weer
goeie skuiling vir
voëls en ander
tuingediertetjies.
Ster van die
maand:
Die Weegskaal
(23 Sept – 23 Okt)
Jy is gewoonlik sjarmant
en verdraagsaam,
behalwe wanneer jy
voor ongeregtigheid en
onbillikheid te staan kom.
’n Ware romantikus, het
jy ’n intuïtiewe begrip
vir die teenoorgestelde
geslag en jy blom in
hulle teenwoordigheid.
Jy is selfsugtiger in ’n
hegte verhouding as wat
jy wil toegee. Verder
fl irt jy graag en is nogal
wispelturig – totdat jy jou
ware sielsgenoot vind.
Dan word jy bedagsaam
en sorgsaam, maar ook
betroubaar. Hoewel jy
gewoonlik ’n ervare strateeg
is, het jy dikwels ’n tekort
aan selfvertroue en neig jy
om ander se mening te vra
wanneer jy besluite moet
neem. Jou sagte en opregte
geaardheid vind baie byval.