Ligdraer Augustus 2010 vir pdf.cdr - Christelike Vereniging van Suid ...

More documents

Recommendations

Info

Dit is wat gebeur het met hierdie gemeente in Efése. Hulle kon al die wettiese opdragte uitvoer en presies oorgee, maar daardie brandende liefde wat in die harte moes wees, het gekwyn. Die Here Jesus praat nie hier met sondaars nie, Hy praat met kinders van die Here wat 'n besluit gemaak het op hulle lewenspad, en Hy sê vir hulle: “Gaan terug na daardie eerste liefde toe. Bekeer julle terug na julle eerste liefde toe.” U moet vanmôre nie na my kyk nie, ek wil hê u moet terugkyk in u lewe daar waar u die eerste keer met die Saligmaker kontak en kennis gemaak het. Dalk daar in die motorhuis soos ons gehoor het, dalk in 'n hotelkamer, by spesiale geleenthede waar u gaan uitkniel het, dalk op 'n gewone, eenvoudige aand hier in die huis van die Here, waar 'n magtige God 'n sondaar gevat en sy of haar lewe nuut gemaak het. Daardie brandende liefde en vrede wat in u hart ingekom het – u moet daarna terugkyk, want die Here wil hê ons moet teruggaan na daardie plek toe waar hierdie liefde in ons hart begin brand het. Want, wanneer die storms en beproewings kom, en wanneer hierdie lewe se dinge oor jou wil spoel, dan gaan daardie anker hou as hy in Jesus gefundeer is. Baiemaal het ek op plekke gekom waar ek opnuut besef die lewe is so kort. Ek het nou met my skoonvader se siekte, van die aanloop tot die laaste toe gesien hoe baie dinge in sy lewe gevou en geval het. Die liggaam het begin ingee, sy moed het naderhand ingegee, maar die anker het bly hou. Met enigiets wat gebeur sê hy: “Kan ek 42 3 net vir die Here dankie sê vir wat gebeur het?” Dierbare broer en suster, kan ons nie teruggaan na daardie eerste liefde toe nie? Kan ons nie teruggaan na die plek waar Simon Petrus weer teruggeroep is, en vir hom gesê is: “Simon, kom nou, volg My”? Die Here vra vir hom: “Het jy my lief?”, en vir die derde maal word Simon hartseer. Hy het geweet die Here Jesus weet hy het Hom lief, en hy het geweet en besef: In my swakheid sal ek nooit weer beloftes maak wat ek in elk geval nie weet of ek dit sal kan nakom nie. Want, hy het gefaal toe die Here vir hom sê: “Jy gaan 'n fout maak Simon, die Satan gaan jou sif. Voor die haan kraai sal jy driemaal geloën het dat jy My ken.” Maar Simon het die Here lief gehad met 'n opregte liefde. Daardie dag toe hy van die see van Galilea af wegloop, toe loop hierdie groot visserman met daardie liefde opnuut in sy hart. Daardie eerste liefde, want die Here het om weer gaan haal op die plek waar Hy hom geroep het. Die dag toe hy moet sterwe was dit vir hom niks. Terwyl ons verlede week in die motor ry het ek skielik 'n ongesteldheid, en so in my gedagtes besef ek dat as ek nou 'n probleem optel, is ons dalk albei dood. M e t e e n s k o m d a a r s o ' n opgewondenheid in my hart om te dink dat ek dalk in 'n oomblik kan aansluit by hulle wat vooruitgegaan het. Ons praat van ankers – hier in die kerk, langs die kansel en in die banke, het ankers gesit wat weggegaan het. Baiemaal kon ek maar net steun op die wete dat hier iemand is wat vir my bid, hier is iemand wat my ondersteun. Maar soos die lewe aangaan het u en
ek die verpligting om vir ander die anker in die lewe te word, om in ander mense die potensiaal te sien, om in ander mense die mooi te sien en ander mense aan te spoor om aan te hou op hierdie pad. Die verantwoordelikheid word al groter, en dalk nie meer baie ver nie hoor ons die basuin blaas, en dan, soos die digter sê, is ons werk op aarde voltooi. As jy vir 'n kind van God vra: “Wat dryf jou vorentoe, wat maak dat jy aanhou, wat is die krag in jou lewe?”, dan gaan jy baie mense kry wat sal sê hulle prestasies of sukses of vooruitgang is die anker of dryfveer wat hulle vorentoe dryf in die lewe. Baie mense dien die Here met 'n passie, maar dit is selfgesentreerde passie om self vooruit te gaan, om iets te bereik in die lewe. Dit is mense soos Efése en Laodicéa – u kan dit maar gaan lees. Die Here wil hê ons moet teruggaan na die plek toe waar die liefde vir Hom die dryfveer agter alles is. Ek het gehoor hoe bid oom Fanie: “Die dryfveer agter alles is daardie wonderlike liefde.” Het u 'n plek waar daar 'n anker in u lewe ingeslaan is? Hierdie jongman wat in die motorfietsongeluk was se mense sê hy behoort nie eens aan 'n kerk nie. Daar is nog nie 'n anker in sy lewe nie, maar ons kan vanogggend in die Gees 'n anker inslaan en sê: “Here, hier is 'n groep mense wat vir 'n onbekende jongman intree.” Ek wil hê ons moet daarvan bewus word dat as jy nie 'n anker het nie, jy nie gaan staande bly in hierdie storms wat kom nie. Jy moet daardie anker hê wat vas gaan wees en gaan hou. En dit is net die liefde van die Here. Ek het so tot die besef gekom dat in u en my goedheid kan ons nie 42 4 gered word nie. Dit is God se liefde wat binne-in sondaarharte ingaan, en wat maak dat mense 'n besluit neem om die Here Jesus te volg soos wat Hy vir Simon Petrus geroep het. U het dalk soos Simon drie en 'n half jaar, dag vir dag, saam met Hom geloop, maar Simon was nie op daardie plek waar die Here hom wou hê nie. Vanmôre sê die Here Jesus: “Simon, seun van Jona, het jy My waarlik lief?” Wil u teruggaan na daardie brandende liefde binne-in u hart? Wil u teruggaan na dit wat die belangrikste in hierdie lewe is? In die hele Ou Testament word die vergelyking getref van God en sy volk wat eintlik in 'n huwelik is, en dít wat daardie huweliksverhouding moet hê. Hy het ons elkeen gekoop met sy kosbare bloed. Ek wil dit so aan u stel – ek het dit nie gelees nie, maar toe Hy daar aan Johannes verskyn, en Hy sê vir hom om te skryf aan die sewe gemeentes in klein Asië, sal u agterkom Hy het elke beweging van hulle geken. Elke fout, elke goeie werk het Hy geken. Hy ken ons, Hy ken u en my. U kan vir my 'n rat voor die oë draai, u kan ander 'n rat voor die oë draai, maar Hy ken ons. Hy weet hoe lyk u binnekant, Hy weet wat hier binne aangaan. Hy sê vir Johannes: “Skryf.” Een gemeente doen dit, 'n ander gemeente doen dat, hierdie een lyk so. Wat vir my die mooiste van alles is, is dat Hy vir almal die hemel se deur wyd oop maak: “As jy luister wanneer die Gees praat en jy doen en bekeer jou terug na die weë toe sal Ek dit, en sal Ek dat vir elkeen van julle gee.” 'n Belofte wat Hy vir elke gemeente gee. Hy ken ons.
Page 1 and 2: Die Die Augustus 2010 Nr 226 Ligdra
Page 3 and 4: Inhoud 1 Is Hy die anker in u lewe?
Page 5: Jesus op 'n baie besondere dag vers
Page 9 and 10: My M 'n Hele paar jaar gelede hoor
Page 11 and 12: Ons volgende bestemming is Pietersb
Page 13 and 14: moes opstaan. As dit nie ver was wa
Page 15 and 16: Genees deur Sy wonderkrag Ek kan ni
Page 17 and 18: verder gaan. Self het ek net geskre
Page 19 and 20: Heer, skryf my naam in die Boek van
Page 21 and 22: oom Fanie Roos het dikwels wanneer
Page 23 and 24: meer oortuig dat ons voltyds in die
Page 25 and 26: aan Louis: “Moenie verbaas wees a
Page 27 and 28: 22 - Kotie van Rensburg (Halliday)
Page 29 and 30: Huwelike Pieter Luus en Madeleine B
Page 31 and 32: Sterfgevalle Sarie Bruinette 1923-0
Page 33 and 34: Klankopnames Alle Jongelingsverenig

Ligdraer Augustus 2010 vir pdf.cdr - Christelike Vereniging van Suid ...

You also want an ePaper? Increase the reach of your titles

Delete template?

Save as template?