DOARPSKRANTE foar & fan LIPPENHÚZEN - Lippenhuizen

hoefolle oandielen as hja it kommende jier lid wêze wolle. De pinningmaster hie dat wol goed
besjoen, want alle 26 oanwêzigen tekenen allegearre foar twa oandielen yn ! de iene woe fansels
net minder wêze as de oare.
In oar punt fan gesprek wie in foarstel fan it lid Hoogeveen
om ek minsken fan bûten it doarp ta te litten as lid. De
sekretaris wol der neat fan witte, foaral om ‘t hy
swierrichheden sjocht by it opheljen fan de sinten. Mar
oaren fine dat net sa’n probleem en it komt de kas fansels
ten goede. 20 fan de 26 oanwêzigen binne it der mei iens
en fûnen dat net Liphústers ek lid wurde kinne. In gefolch
fan dat beslút wie dat by de kommende riderij foar
manspersoanen ek mannen fan bûten it doarp meidwaan
meie. De sekretaris/pinningmaster Wiegersma wie it net
iens mei dit foarstel en ek earder wie der al ris ferskil fan
miening west, dat Wiegersma hie oan de foarsitter witte
litten dat hy wol ophâlde woe, As hy dat echt woe dat wit ik
net, want nei in goed gesprek mei de foarsitter en op
oantrunen fan de oare kommisjeleden, is hy ek wol wer
genegen om syn wurk fuort te setten. Fan de oare kant wie
it foar de kommisje ek wol fan belang om him as
sekretaris/pinningmaster te behâlden, want hy fersette in
soad wurk foar Plaatslik Belang.
As it mei it boppesteande te krijen hat, wit ik net, mar op de
folgjende gearkomst stelt it bestjoer foar om de foarsitter
krekt as de sekretaris/pinningmaster foar ûnbepaalde tiid te
beneamen mei rjocht fan betankjen. Dat lêste liket my
nochal fanselssprekkend.
Ek de karmasters by de jierlikse hurddraverij mei de
foarjiersmerke sille tenei net mear elk jier op nei keazen wurde, mar bliuwe yn ‘t ferfolch trije jier
yn funksje. Der binne 6 karmasters en elk jier binne der twa ôftredend.
De karmasters kinne op de earstkommende foarjiersmerke net yn funksje komme, want op de dei
fan de hurddraverij is der yn de Gordyk in grut feest. Men tinkt dat de belangstelling fan de
minsken dan net sa grut wêze sil. It bestjoer stelt dan ek foar om yn it jier 1877 mar gjin draverij te
hâlden, wol sil de merke troch gean.
Wytse
Afsluting volleybalseizoen.
Op Maandag 2 mei zullen wij ons jaarlijks mixtoernooi spelen op de Kobunder.
We beginnen om 19.30 , aansluitend onze jaarvergadering.
Lijkt het je leuk om een keertje mee te doen?
Geef je dan op voor 27 April bij: Renskje Zandstra.
0653949101 of rees_z@hotmail.com.
De Harker 6 deharker@lippenhuizen.com twitter @de_Harker