DOARPSKRANTE foar & fan LIPPENHUZEN - Lippenhuizen

Dat bedrach moast troch de
bewenners byinoar brocht wurde en
dat koe dan yn mindering brocht fan de
baatbelesting oer in termyn fan tritich
jier!
Koe men mei dit foarstel akkoard gean,
dan soe de oanbesteging fan it wurk
oan de noardkant fan de feart al oer in
moanne plak fine kinne. Blykber is dat
Foto 2; Drok oan it wurk by de oanlis fan de Tjalling Harkeswei.
doe ridlik gau klear kommen , want dy
oanbesteging is yn it lêst fan
febrewaris 1952 holden en de leechste
ynskriuwer koe dat wurk foar f 294.230
dwaan. De heechste wie aardich
djoerder: dy woe der f 377.000 foar
hawwe. Ek foar de súdkant kaam der
no skot yn de saak . De C.T.D. sil mei
de D.U.W. it grûnwurk dwaan. Yn
maart 1952 is men der al mei start.
Letter die bliken dat hja der hjir en dêr
mei de pet nei goaid hawwe, want by
de measte wiken wie de minne grûn
der net alhiel úthelle, as wie der net
geskikte grûn ynbrocht. Letter by it
asfaltearjen moast der ekstra
fundearring by de wiken ûnder de wei
komme om fersakjen tsjin te gean en
sels dat hat net genôch west, want by
guon wiken sakke de wei
letter dôchs noch nei.
Neist dat negative hawwe
dy arbeiders ek goeie
dingen dien, want doe ‘t hja
op 23-6-1952 yn ‘e stâl fan
ús heit Aize fan der Sluis
sieten te teedrinken kaam
de faam oerstjoer by
harren, want der kaam
reek út it hea. Rap kamen
de mannen yn aksje. Ien
fan harren skille de
brânwear yn ‘e Gordyk en
de oaren besochten mei in
motorpompke en amers
wetter brân fan it hea foar te kommen.
Doe ‘t de brânwear koart dernei kaam,
wie brângefaar al ridlik gau net mear
oan ‘e oarder. Us heit en mem wienen
dy middeis op begraffenis doe ‘t hja it
boadskip krigen, dat harren pleats yn
‘e brân stie, mar lokkich foel dat ta!
---------------------------------------------------- Wytse ------------------------------------------------------------
OPHAALSCHEMA OUDPAPIER 2008
23 Juni 8 December
21 Juli
18 Augustus
15 September
13 Oktober
10 November 5 Januari 2009
DE HARKER 6 deharker@lippenhuizen.com