Povverd - Jos Rietveld

Povverd van Dikkie
290
ETERIJ
“Over 25 joar wait, ducht mie, gainent meer
wat povverd is”, miemert Peter van bakkerij
Crebas, dij sund 1880 op zulfde stee in Stad
vestegd is, “mor k lig der nait wakker van hur!
Summege dingen slippen gewoon weg uut
de gedachten van de minsen. Kiek ais wat ter
tegensworeg aalmoal aan broodvarioatsies
aanboden wordt. Jonge lu kaizen aal meer wat
ze van heur vekaansie kinnen, zoas ciabatta.
Joa, dat verkopen wie ook.”
In d’etaloazie liggen baaide produkten as
bruiers noast n kaander.
Jos Rietveld en Henk Scholte
d’Aldereerste povverd dij k eten heb at k bie n drummer van n hardrockband, woarveur
k doudestieds optredens regelde. Hai har t recept van zien moeke. t Zag deruut
as n cake-achteg gebak in n vörm van n tulband en t wuir as volledege moaltied eten.
Waarm, mit botter en broene basterdsuker. t Smuik. Meer nog, van tied tot tied is t veur
mie tied veur povverd. Of poffert. Of poffer. Of boffert.
Vanòf 16 e tot 19 e aiw wuir povverd bakt in
n vörm van staingoud of in n kopern vörm.
Aan t ìnde van de negentiende aiw kwam der
n iesdern tulbandvörm mit n ofsloetboare deksel
in zwang, dij men din bruukt in n waarm
wotterbad. Hiervan wordt zegd dat t n vinden
van Dr. Oetker is. Hai har dit ontwikkeld veur
nait aal te roem bemeten huusholdens zunder
fornuus.
Ingrediënten
Krek as de noamgeven, is der ook varioatsie

Peter van bakkerij Crebas in Stad.
van ingrediënten. Zo bestaait ter in aalsgeval
vanòf de 17 e aiw onderschaaid tussen povverd
veur aarbaiders en dij veur d’hogere standen.
d’ Eersten mouten zuk behelpen mit mengsel
van boukwaait, gist, zolt en waarm wotter. De
betere stand koos dou al veur haalf boukwaait-,
haalf waaitmeel en haalf melk, haalf wotter.
Boetendes dee men der ook voak krinten
of rezienen, stroop, foelie en neutmeskoat
derbie tou. Körtens, n aandere senzoatsie
van smoak. En in de eerste druk (1909) van
Het Nieuwe Kookboek (uutgeverij Noordhoff
in Stad) wordt ter, tou mor weer, ook nog n
tuudaai biedoan.
Drummer Dik en ik eten of en tou nog wel ais
soamen pofferd, dij nog net zo lekker smuik
as vrouger. t Recept van zien moeke kwam
traauwens uut t kookbouk van de huusholdschool
Laan van Meerdervoort, n Hoag, 1939.
Dat is der aine mit krìnten en rezienen, mor
zunder n tuudaai. Wat t meel aanbelangt wordt
de keuze aan de kok zulf overloaten. Dat mag
allain bloum of n kombinoatsie van bloum en
boukwaitmeel wezen. De kok mengt t, noar
wat e nog in de veurroadbuzzen in kaaste het.
Boetendes…
Meschain nog oareg om te waiten, dat de
noam ook in onze kontraainen zien sporen
noaloaten het. De ploats De Poffert, westkaant
Stad, is nuimd noar t baksel. Tou Stad uut
richten Vraislaand binnen der vrouger aan t
Hoendaip drij haarbaargen west: De Meelbuil,
De Pannekoek en de Poffert
© Jos Rietveld, Henk Scholte
Eterij is n stukkie over produkten dij in
Grunnen en directe omgevens eten en
dronken worden. Jos Rietveld en Hinderk
Scholte schrieven over sunt joar en
dag regionoale en olle, sikkom vergeten,
recepten en perbaaiern ze uut. Baaiden
binnen verantwoordelk veur t onderzuik
en wiedere fiebeldekwinterij.
291

Zuide povverd van binnen.
Bronnen (vanzulf nait volledeg)
- gelkinghe.web-log.nl, 22 december 2008
- Diverse uitgaven ASG o.m. april 1987, november
1995
- Het Nieuwe Kookboek, P. Noordhoff N.V. ,
14 e druk, 1933
Recept Luxe Grunneger Povverd (reconstructie
receptuur Menkemoabörg Oehoezen,
18e aiw)
Ingrediënten: 100 gram gedroogde abrikozen,
100 gram rozijnen, 400 gram bloem, 1 theelepel
zout, 2 eieren, 3dl slagroom, 20 gram
gist, 1 zure appel, 1theelepel kaneel, 1 eetlepel
rozenwater ca. 15 gram boter, 150 gram bacon
of ontbijtspek in plakjes
Werkwijze: week de abrikozen apart en de
rozijnen apart een nacht in water. Vermeng de
bloem met het zout in een grote schaal. Maak
in het midden een kuiltje en breek de eieren
hierin. Laat de slagroom lauwwarm worden
en verkruimel de gist in een kommetje. Doe
292
een scheutje lauwe room bij de gist en roer dit
tot een glad papje. Voeg het gistmengsel bij de
eieren en roer van het midden uit tot een dik,
glad beslag. Klop dit een paar minuten flink
op en verdun het dan met de overgebleven
room. Laat de abrikozen en de rozijnen eventjes
uitlekken en snij hierna de abrikozen fijn.
Schil de appel, haal het klokhuis eruit en snij
deze in snippers. Schep abrikozen, rozijnen,
appel, rozenwater en kaneel door het beslag en
laat het toegedekt, op een warme plaats, 1 uur
rijzen. Beboter een tulbandvorm heel dun en
bekleed deze met bacon. Vul hem met beslag.
Verwarm de oven voor op 175 graden en zet
de povverd op de een na onderste richel van
de oven. Laat hem in 45-60 minuten bruin
en gaar worden. Snij de povverd in plakken
en serveer met boter en stroop of met bruine
suiker.