Klik hiej veur de digitale versie van ut Vastelaoves Blaedje 2012-2013

--‘t Vastaoves Blaedje --
Beste luuj,
Mit ‘t Vastelaoves Nuuts bringe veur uch ein
compleet euverzich van ‘t vastelaoves
programma in Azerao sezoen 2012 -2013.
Geur vindj informasie euver de activiteite en de
organiserende vereniginge.
’t Doel van dit Vastelaoves Blaedje is uch te
informere en enthousias te make om ós
activiteite te bezeuke, of missjien waal deil te
numme es vriewilliger of arties. Väöl plezeer mit
’t laeze.
De redactie.
2
Tweede jaorgank sezoen 2012-2013

In dees oetgave:
--‘t Vastaoves Blaedje --
- Veurwaord van Veurzitter en Vors Ronald
- Dankwaord Prins Dennis I
- ’t complete Vastelaoves programma in Azerao sezoen 2012-2013
- Effe veursjtélle Dansgarde de Nachtegaelkes
- Effe veursjtélle Azeraose Aad Prinse
- Programma Limburgse Bontje Aovend
- JVV de Zölderratte
- JVV de Nachrätjes
- Programma Thema wiekend “Circus”
- Lerchenwald Musikanten of waal APK
- Sjlotwaord van de Aad Veurzitter & Groot Vors Chris
3
Tweede jaorgank sezoen 2012-2013

--‘t Vastaoves Blaedje --
Veurwaord Veurzitter & Vors Ronald,
Beste miense van Azerao, Maolbrook en Thusershaof,
Veur uch lik alweer ‘t tweede nummer van de
Vasteloavendsgezet. Aan mich de eer om wederom ein
veurwoard te schrieve,
Waalnoe, op de eerste plaats natuurlijk weer miene dank
aan de samenstellers hiejvan, want ut is ein verrieking veur ozze Azeroase
vasteloavend.
Natuurlik waerd auch dit jaor weer biezonjer. Auch veur mich ,want dit
werd ‘t eerste jaor det ich neet alleein sjpraekbuis van de Nachtegale bön
,mer auch höb ich de veurzitters hamer van grootvors Chris
euvergenaome. Natuurlik ein zjwaor erfenis ,want es geur weit waat Chris
achter de sjerme allemaol deej, dan velt uch de boks oet, neet normaal.
Gelökkig blief Chris aevegood nauw betrokke bie os clup, en höbbe veur
alle take ongertösse netjes onger de rest van os Nachtegale familie
verdeilt.
Verder werd it ein kort sezoen , mer sowie se det so sjoon kinne zegge :
auch in ein kort sezoen kinse van ut ganse verke vraete!! En det geit zeker
gebeure. Zeker es se naogeis det veur dit jaor de Nachtegale femilie hobbe
wete oet te breie mit ein echte dansgarde !!! Ein nege tal dames van
verschillende laeftieje, onger de bezielende leiding van Rebecca Bos. Ze
zeen zich al ein paar moandj de bein onger ‘t lief aan ‘t danse.
De vuurdäöp waas biej de Keizer mit de äöpening van ‘t nuuje sezoen. ‘t
Woor ein groot succes. Op de site van Azeroa höb geer al ein interview mit
Rebecca kinne laeze.
Verder is ‘t zo det aan de eine kantj get positiefs te melje is, der aan de
angere kanjt döks hel aan mot waere getrokke om get van de grondj te
kriege of zelfs te handjhaave. De jeug blief ein aandachtspuntj,helaas is ‘t
4
Tweede jaorgank sezoen 2012-2013

--‘t Vastaoves Blaedje --
nimmer wie vreuger ,grote gezinne waat als vanzelfsjpraekend waas det se
gings voetballe of biej de raod gings. Veur motte os aanpasse aan de tied
wo in veur laeve en dus soepeler mit ( laes ; vinjingrieker ) alles motte
omgaon.
Waat det aangeit is ut ein oetdaging, om net als Chris, hie sjturing aan te
gaon gaeve. En zo de Nachtegale te begeleide noa alweer ‘t viefde
jubileum !!
Same kinne veur ‘t make, neet allein de vastelaovend, mer Azerao in zien
geheel. Nogmaals; mit dit beukske, waat ederein in Azerao krieg kint geer
zeen det de Vastelaovend laef, en det doon de Nachtegale ‘t leefste same
mit uch!!!
Ich hoap uch te zeen op ein van de evenemente in de vastelaoves tied ,
hetzij van os of op ein evenement van os jeug, want aug die sjpele ein
belangrieke rol in de vastelaovend.
Same make veur de vastelaovend!
Ich wins uch eine sjoone vastelaovend!
Mit väöl groete,
Vors/Veurzitter Ronald
5
Tweede jaorgank sezoen 2012-2013

Dankwaord Prins Dennis I:
--‘t Vastaoves Blaedje --
Leef Nachtegale en Nachtegaelkes, beste luuj
van Azerao,
Eederein hertelik bedank veur t geweldige
sezoen aafgelaope jaor. Ich kin waal zegke det
veer höbbe genaote. Achteraaf gezeen is ut
sezoen auch veur mich te sjnel veurbiej
gegange.
Effe eine teruukblik:
‘t Begos allemaol mit mien oetrope, waat waas det ein fees. De Badmötse
höbbe gezorg veur ein geweldige sjtumming in de Duup. Ein waek later
waas der ut prinsoetrope van de Zölderratte, mit häör nuuje prinsepaar
Alex en Selina.
Auch de thema-aovend in Hollywoodsfeer waas sjoon, waat ware der vaöl
sjterre aanwezig. Op de themazonjig waerde os jongste prinsepaar
oetgerope, Justin en Lisa.
Dit jaor waerde der veur de eerste keer offisjeel eine Bacchus oetgerope in
café de Keizer. Eerste Bacchus waas Loek Cox. De
hele Bacchusclub haaj der ein geweldig sjpektakel
van gemaak.
Mit de bontje aovend höbbe veer os kinne amusere
mit diverse geweldige artieste oet Limburg, de
sjtumming waas onbesjrieflik, ’t knalde van begin
toet inj.
6
Tweede jaorgank sezoen 2012-2013

--‘t Vastaoves Blaedje --
Op de gekke moandig georganiseerd door de
Same Waerkende Remunjse Vastelaoves
vereniging; dit jaor in Azerao ging ut daak der
aaf, alle prinse van Remunj biejein in de
Duup veur ein good doel. De opbrings ging
nao Desiree Vranken de Wheelster oet
Remunj kos mede door dees biedrage
deilnumme aan de Paralimpics in Londen.
Biej ‘t Sjpikkerdal waerde de nuuje Calimero
oetgerope, dit waas nemes minder es Luc Engels.
Op vastelaoveszonjig haaj ich mien resepsie, al vreug kwame de APK en
Raod van Elf mich thoes ophaole. Deze daag vergaet ich nooit meer.
Op moandig de optoch en boerebroelof, toen höb ich es boetegeweune
ambtenaar van de burgerlikke sjtandj Cor en Lady in de onech verbonje.
De Azeraose bontje dinsdigmiddig waas auch weer gesjlaagd mit veul
artieste oet eige dörp, dao moge veer es kleine gemeinsjap trots op zeen.
Oeteindelik waerde de vasteloavend gezellig aafgesjlaote biej café de
Keizer.
Eederein nogmaals bedank veur ut aafgeloape vastelaovessezoen, deze
waar veur mich onvergetelik!
Prins Dennis I Maessen
7
Tweede jaorgank sezoen 2012-2013

Zonjig 6 jan 2013:
Prinsematiné VV de Nachtegale
Aanvang: 14:00 oer In de Duup
Waem waerd de opvolger van Prins Dennis I
van VV d e Nachtegale? Nao ‘t aaftraeje waerd de
nuuje aapge baore, aansjloetend waerd de nuuje
Prins veurgsjteld en geïnstalleerd.
Mit meziek en optraeje van DJ Patrick Pesh
Zonjig 13 jan 2013:
Prinsoetroope JVV de Zölderratte.
Aanvang: 15:11 oer In de Duup
Waem waerd ’t nuuje Prinsepaar van JVV de
Zölderratte?
Mit meziek mit van de DJ’s Maike en Geert en
ein optraeje van eine hele bekende Limburgse
zanger. Waem haaje ver nog ff achter, laot uch verrasse,
Zaoterdig 19 jan 2013:
Thema aovend, dit jaor is ’t thema “Circus”
Aanvang: 20:11 oer in De Duup
Zonjig 20 jan 2013:
Kinjermiddig mit oetroope van ’t Jeugprinsepaar
van JVV de Nachrätjes.
En Azerao Haet Talent, eine middig veur en door
de kinjer.
Aanvang: 14:00 oer in de Duup

Vriedig 25 jan 2013:
Prinseresepsie Prinsepaar
JVV de Zölderratte
Aanvang: 20:11 oer In de Duup
--‘t Vastaoves Blaedje --
Zaoterdig 2 fib 2013:
Limburgse Bontje Aovend
’t programma sjteit verderop in dit blaedje.
Aanvang: 20:11 oer In de Duup
Vriedig 8 fib 2012:
Calimero oetroope:
organisasie Sjpaarkas ’t eike.
Vriedig 1 fib 2013:
Bacchus oetroope mit
eine sjieke arties, waem, det haaje veer nog ff
geheim.
Waem waerd dit jaor de God van drank.
Aanvang 20:33 oer, Bacchushoes Café de Keizer
Waem sjpringt der dit jaor oet zien
sjaal? Kom ’t mit make biej ‘t Sjpikkerdal, de
aaftrap van de vastelaovend in Azerao.
Aanvang: 20:11 oer biej ’t Sjpikkerdal
9
Tweede jaorgank sezoen 2012-2013

--‘t Vastaoves Blaedje --
Zaoterdig 9 fib 2013:
Heilige Més in Kerk van Azerao: 19:15 oer.
Aansjloetend äöpene van de vastelaovend
Biej Café de Keizer. Aanvang ca 20:00 oer.
Mit Live optraeje van nemes minder dan
(Taai Taai) John Coenen bekend van de
hits, Viva Tirol, Alpen express en Chili Mexicana, noe geit ’t fees pas ech
beginne.
Maondig 11 fib 2013:
Bontje optoch door de sjtraote van Azerao.
Vertrék optoch: 14:33 oer.
Opgaeve veur de optoch kan op zonjig 3
fibberwari, meer info volg in ’t Blaedje.
Der zin prieze veur einzelgänger, kleine
groepe, grote groepe en wages.
Zonjig 10 fib 2013: Aanvang 10:33 0er
Prinseresepsie VV de Nachtegale
’s Aoves Bal ter ere van de Prins:
Aanvang: 20:33 oer
Mit meziek van eine DJ en ein live
optraeje van: NATASCHA
Aansjloetend is de priesoetreiking en Boere Broelof In de Duup.
Mit meziek van eine DJ en ein live optraeje van SJING BOEM
10
Tweede jaorgank sezoen 2012-2013

--‘t Vastaoves Blaedje --
Dinsdig 12 fib 2013:
Azeraose Bontje Dinsdigmiddig
Aanvang: De Duup
Eine Bontje middig gemaak door artieste oet eige dörp.
Höb geer ein leuke act, zang, kolder of waat auch dan kent
geer uch opgaeve biej Ronald Beckers 06-22984740 of
Stefan Piepers 06-23914002
’s Aoves vastelaovend aafsjloete biej Café de Keizer
en dan make veer same van die létste uurkes ein
waanzinnig fees en gaon veer nog eine keer oet os
daak mit de feesband Free & Easy band, die weite
waat een feeske boewe is. En om 24:00 oer natuulik
Bacchus verzoepe….
Aanvang: 20:00 oer biej café de Keizer
Woonsdig 12 fib 2013:
Heringe Sjelle biej café de Keizer
Aanvang: 20:00 oer
Mit verse maatjes en zoere hering
Gezellig naokletse euver de aafgelaoupe gekke, dolle, dwaas daag.
11
Tweede jaorgank sezoen 2012-2013
Zaoterdig 9 mrt 2013:
Halfvaste bal: Live meziek mit, al
lang op os verlanglieske, mer
eindelik dan toch weite te Boeke
band: PROMILAASJ.
Mit dees feesband auch bekend van ’t Vriethof, geit de Keizer plat.
Aanvang: 20:00 oer, Café de Keizer

--‘t Vastaoves Blaedje --
De jongste en nuujste vereniging en aanwins veur de Azeraese
Vastelaovend is de dansgarde van VV de Nachtegale. Dao wo det buur
vereniging zich al jaore mit ein dansgarde presentere kent de nuuje Prins
van de Nachtegale det vanaaf dit sezoen auch.
‘t Aafgelaoupe jaor zin nege enthousiaste dames aan ’t oefene gesjlage
onger leiding van Rebecca van de Bos. Rebecca haet reeds väöl jaore
ervaring mit danse opgedaon biej de dansgarde van de Donderböl. Veer
zin Rebecca dan auch heel
dankbaar det het de tied haet
gevonje en vriegemaak om
dees dames les te gaeve. Nao
ein jaor heel enthousias oefene
zin ze dit jaor al zowiet om mit
oet te trekke mit ’t prinselik
gezelsjap en de raod van elf.
Veer wille de dames dan auch
heel väöl succes winse in häör
eerste sezoen en gaon der
same eine hele sjoone
vastelaovend van make.
Zin der maedjes of dames diej auch interesse höbbe om ’t volgend jaor mit
te danse dan kent geer uch aanmelje biej Roel Hermans.
Succes in uch eerste sezoen Dames!!
12
Tweede jaorgank sezoen 2012-2013

--‘t Vastaoves Blaedje --
Ein anger vereniging diej veer uch veurig jaor nog neet
höbbe veurgesjteld zin de Azeraose Aad Prinse. Dees
vereniging besjteit noe 11 jaor en höbbe det de
aafgelaoupe zomer gevierd mit eine Mitzomer Bontje
Aovend programma biej Café de Keizer, compleet mit prins
oetroope, receptie en eine bontje aovend mit eige artieste. Kort om eine
hele gesjlaagde aovend. De Aape zin auch al drie keer op reis gewaes, twee
keer nao Willinge en aafgelaoupe jaor nao Löf aan de Moesel, (oozel an
der Moosel) vlak biej Cochum. Wonjer baove wonjer kénne en moge ze
altied nog ens truuk komme!
De grondjligger van dees vereniging is John
Rademakers, naodet hae waas aafgetroje es
Prins van de Nachtegale veel hae net zo es
väöl van zien veurgengers in ein gaat. Dien
sezoen zit derop en alles drejt, zowie det
uiteraard auch heurt om de nuuje. John haet
zich nao zien aaftraeje ingezat om ein Aad Pinse vereniging op te richte. ’t
Is hem gelök om ein paar enthousiaste medesjtreiders te vinje en noe
besjteit dees club alweer 11 jaor.
De Azeraose Aad Prinse höbbe gein
verplichtinge, alles drejt op basis van
vriewilligheid en lol en plezeer sjtaon
veurop. Der zin in principe mer veer
activiteite, Opzeuk gaon nao de nuuje,
Prins oetroope Nachtegale, Receptie
Prins Nachtegale en de Jaorvergadering.
13
Tweede jaorgank sezoen 2012-2013

--‘t Vastaoves Blaedje --
Ein sjtökske gesjiedenis:
’t Is zonjig 16 jannewari 2000 Prins Harro I geit mit ziene hondj wanjele
euver de hei en langs de grens. Harro haed gister ziene letste aovend es
prins van de Nachtegale de resepsie biej de Waterratte in Ool bezoch. Aan
de bosrandj net veurbiej Driessen kömp der John Rademakers taege.
John vreug oet oprechte belangsjtélling (zo zou later blieke) wie ’t is. Harro
guf aan det der ’t toch jaomer vindj det ’t der vanmiddig opzit. Om 15:00
oer zit ’t der op, dan is der Prins aaf, ein geveul det haaj der neet verwach.
Ja zaet John det geveul ken ich neet,
mer ken mich der waal get biej
veursjtelle. Bale maar ja mos toch door
he, ja jao.
Allbei gaon daonao weer häöre waeg
verder. Es ’t dan middig is en Harro is
aafgetraoje sjteit der onger weer aan
de bühne te kieke nao de kis, waem zit
dao noe in? Vors Chris veurt de sjpanning nog get op en dan is ’t zowiet,
waem kump dao oetgesjpronge!! JOHN RADEMAKERS, ’s jmorges nog mit
stjaon te auwtutte en noe sjteit hae dao es nuuje Prins, geweldig.
Mer hiej bleef ’t neet biej, dit waas
gein toeval det die twee zich ’s
jmorges taege kwame es
aaftraejende en nuuje Prins. ’t Jaor
dao op ware John en Harro der van
euvertuug det ze weer opzeuk
moste gaon nao de nuuje. Ze zin te
voot vertrokke in Azerao en höbbe
toet biej Venhof gelaoupe mer kwame der geine taege.
14
Tweede jaorgank sezoen 2012-2013

--‘t Vastaoves Blaedje --
Weer ein jaor later ging auch de aaftraejend Prins Eric Diels mit. Toen
waerde der veur ’t eers biej Venhof geaete, Sjpek mit eier. Harro had auch
de hondj biej zich, det erm bees zoot de kweile, hae wool auch get,
oeteindelik krieg hae auch nog ein resje, waat dink ger, dae hondj vroot ’t
neet, waat höbbe die men in de rads gezaete. Oeteindelik kwaam ’t
allemaol noch good.
Oet dit veurval is ein tradisie
gebaore, elk jaor gaon de Aape
noe op zonjigmorge veur ’t
oetroope opzeuk nao de nuuje
taegewaordig mit de huifker nao
de huifkerhoeve. Mer toet op de
daag van vandaag zin ze de nuuje
neet meer taege gekomme.
Uiteraard gaon de Aape auch dit sezoen op zonjig 6 jannewari weer opzeuk
nao de nuuje, en gaon ze de eerste sjtappe nao de kommende 11 jaor.
15
Tweede jaorgank sezoen 2012-2013
En es geer der aan
twiefeld of ’t auch gezellig
is?? Kiek den noch mer ‘ns
good nao de foto’s.

--‘t Vastaoves Blaedje --
Ton Donders
Buut
Deja Vu
Zang
De Vlaegelkes
Kolderieke act
De Schintaler
Zang
Dansgarde “de Nachtegaelkes”
16
Tweede jaorgank sezoen 2012-2013
Dans
Maurice Femont
Zang
Wim Joosten
Buut
De Trumpet stars
Instrumentaal
Aanvang: 20:11 oer.
Kaartverkoup sjtart op zonjig 13 jannewari
Kaarten koste €12,50 in veurverkoup, €15,00 aan de kassa
Veurverkoup adresse: Café de Keizer, Kapsalon Mien Peelen
Of te besjtélle biej Chris Geurts, til: 0475-321487

--‘t Vastaoves Blaedje --
De grotere jeugvastelaoves vereniging van
Azerao is J.V.V. De Zölderratte. J.V.V. De
Zölderratte besjting in ‘t sezoen 2009 -2010 4 x11
jaor. Lol en plezeer sjtaon altied veurop biej ós.
J.V.V. De Zölderratte bezeuke onger angere alle
activiteiten van V.V. De Nachtegale, ein aantal recepties in groot Remunj,
same mit de jeugräöj oet Hirkenbosj, Postert, Vlodrop en Melick is der eine
sjpeciale jeugroerstreek organisatie. Hiejbie bezeuke veur same os
Prinsoetroope en Prinserecepsies
Azerao is ein klein dörp en zo höbbe
de zolderratte auch te kampe mit ein
klein lede aantal, idder joar is et
weer moeilijk om nuuj lede te vinje
en te sjtimuleren om de vastelaovend
in Azerao op peil te haaje. De jeug
haet tensjlotte de toekoms.
Oproop nuuje Lede:
Böste 11 november 2012 13 jaor? en
höbste zin om same mit vrunj
vastelaovend te viere. Melj dich dan
noe aan biej J.V.V. De Zölderratte!
Dich kéns belle mit Veronique Clercx
tel:06-43432560 of sjtuur ein mailtje nao: info@zolderratte.nl
Kiek auch op ooze site veur ’t actuele programma en foto’s
www.zolderratte.nl
17
Tweede jaorgank sezoen 2012-2013

--‘t Vastaoves Blaedje --
J.v.v. De Nachrätjes is de jongste jeugvastelaoves
vereniging in Azerao.
Door ’t gemis van de basissjool, waas t’r veur de
kinjer van Azerao neet väöl te belaeve mit de
vastelaovend. Daodoor waerde door Lia Cox in
samensjpraok mit de Nachtegale 11 jaor geleje
weer eine nuje jeugprins oetgeroope onger de
jeug vanaaf 8 jaor. In de dao op volgende
jaore, greujde dit oet toet ein echte jeug
vastelaoves vereniging mit de naam De
Nachrätjes, onger de vleugels van De
Nachtegale. Eers waerde d’r jeugprinse
oetgeroope, mer toen d’r jonge dames biej
kwame waerde ’t al gauw jeugprinsepare.
J.v.v. De Nachrätjes haet es doel om de jeug
van Azerao mit de vastelaovend biejein te
bringen en het bezeuke van ’t prinsoetroope
en de prinserecepties van v.v. De Nachtegale
en J.v.v. De Zölderratte.
Lede oproop:
Zeen d’r nog jonges of maedjes die zin höbbe
om bie de nachrätjes te komme, dan kenne die
contac op numme mit May Geurts, Ridder van
Asenrodeweg 29, tel,321487 of Debbie
Krispijn, Thuserhof 18, tel.06-38018776
18
Tweede jaorgank sezoen 2012-2013

--‘t Vastaoves Blaedje --
Idder jaor is de technische
commissie van wieze mähner al
vanaaf oktober bezig om ein
nuuj thema oet te waerke. Dit
jaor waerd de Duup omgebouwt
toet ein heus “Circus” decor.
De tent waerd gebouwt, de
piste geherk en de clowns,
artieste en beesteboel, det zeet
geer zelf!
Auch nuujsjierig waat der dit jaor weer oet de kas waerd gehaold, zorg det
geer der biej zit.
Meziek mit DJ “Feel Good”
Kinjermiddig:
Waem waerd ’t nuuje prinsepaar van JVV de Nachrätjes? Mer neet allein ’t
oetroope van ein nuuje Prinspaar mer auch ein talente jach.
Deze middig waerd veur en door de kinjer
gemaak. Dit jaor gaon veur op zeuk nao
Azerao’s Talent, kinjer die wille zinge, danse,
tovere, buut of moppe vertelle kénne zich
opgaeve biej Ronald Beckers 06-22984740 Of
Stefan Piepers 06-23914002
Meziek mit DJ “Feel Good”
19
Tweede jaorgank sezoen 2012-2013

--‘t Vastaoves Blaedje --
Die Lerchenwald musikanten zin 42 jaor geleje begos es boereblaoskapel
om de raod van elf muzikaal te ondersjteune bie activiteite. In de Jaore die
volgde zin Die Lerchenwald musikanten oet gegreujd toet ein blaoskapel
die frühschoppen en spätschoppen ging oploestere.
In Azerao vervulle Die Lerchenwald musikanten
auch de rol van ein hermenie of fanfaar, jaorliks
sjpelen veur dan auch biej ‘t inhaole van
Sinterklaos, Allerheilige en de Kerst. Tiedens de
vastelaovend begeleide Die Lerchenwald
musikanten nog altejd de raod van elf, biej de
activiteite. Van 11 november t/m aswoonsdig heite
veur dan auch de APK. (Azeraose Prinse Kapel).
Die Lerchenwald Muzikanten is ein vereniging die es doel haet; meziek
make in ein leuke en ontsjpannen sfeer wao gezelligheid veurop sjteit, mer
auch hel waerd gewerk om muzikaal te greuje. Dit gebeurt op de
waekelijkse repetisie op zaoterdigaovond van 18.30 toet 20.15 oer. Veur
zin blievend op zeuk nao nuuje muzikante, is uch interesse gewek. Kent
geer nog neet sjepel dan zorge veur veur de opleiding.
Kom eine keer nao os repetisie of num contac op mit:
Marcel Diels 0475-324616 of Harro Driessen 06-11008932.
20
Tweede jaorgank sezoen 2012-2013

--‘t Vastaoves Blaedje --
Sjlotwaord van aad veurzitter en Grootvors Chris:
Beste Miense
’T veurig jaor höbbe veur, veur de eerste keer ’t
vastelaoves Blaedje oetgebrach. Nao de väöle en
gooi reacsies, haet de redacteur besjlaote om dit
jaor auch weer ein vastelaoves Blaedje oet te
bringe.
Zo wiet g’r hiebaove höb gelaeze bun ich aafgetraoje es veurzitter. Nao 36
jaor actief te zeen gewaes in de vereniging waerd ’t tied om eine sjtap
teruk te doon. Daorom höb ich in oktober j.l. op de jaorvergadering ’t
veurzittersjap euver gedrage aan Ronald Beckers. Ich moog waal zegge det
ich gein zinkend sjeep gaon verlaote, want zowie geur in dit blaedje höb
kenne laeze is de vereniging nog altied grujende. Want nao de afgelaope
vastelaovend zeen d’r 9 dames beginne te oefenen mit dansen, wovan
veur de 11e van de 11e mit de aopening van ’t nuje sezoen ’t resultaat
gezeen höbbe. De dansgarde van de Nachtegale. Dit is weer ein verrieking
van de Azeraose vastelaovend. Dames sjapoo!!
Beste miense, vanaaf dees plaats wil ich idderein van herte bedanke veur
uch mitwerking det veur dae sjoone vastelaovend hiej in Azerao höbbe
kenne behaaje. De oetbaters van os vereniginglokaal wil ich hertelik
bedanke veur de geweldige en plezeerige samewerking.
21
Tweede jaorgank sezoen 2012-2013

--‘t Vastaoves Blaedje --
Ich zal neet helemaol verlaore gaon veur de vereninging, want achter de
schermen blief ich noch get mitlaope en höbbe ze advies neudig veur ’t ein
of ’t anger dan kenne ze altied biej mich binnelaope.
Nachtegale, APK, Dansgarde De Nachtegaelkes, Nachrätjes, Zölderratte,
Calimero en Bacchus bedank en ich zol zegge
Gaer Gedaon en Vastelaovend Same. Grootvors Chris.
22
Tweede jaorgank sezoen 2012-2013

Tot sjlot,
--‘t Vastaoves Blaedje --
Vriejwilligers:
Om de evenemente te kénne organisere höbbe de versjillende
verenigingen de hulp neudig van vriejwilligers. Zit geer noch neet
benaderd en wilt geer gaer uch sjteinke biejdrage dan kén det zeker; heel
gaer zelfs. Geer kent contac opnumme mit Hennie Diels 06-20351089.
Raukverbod,
Veur alle evenemente diej georganiseerd waere in de
Duup geldj ein raukverbod in de zaal. Der waerd ein
raukruumte ingerich. Veer kénne ’t os helaas neet
permitere ein boete te kriege, dan doon veur ’t
allamaol veur nieks.
En es aller, aller létste,
sjprik veur zich,
veur zeen uch heel gaer truuk.
23
Tweede jaorgank sezoen 2012-2013

--‘t Vastaoves Blaedje --
VV De Nachtegale, JVV De Zölderatte & JVV De Nachrätjes
winse idderein eine hele sjoone
vastelaovend in Azerao
Dees oetgave is ein initiatief
van:
VV de Nachtegale
Oplage:
Genog veur idderein
Vraoge euver bezorging:
onmeuegelik
Redactie:
H. Driessen
Kerkstraat 3
Tel: 06-11008932
Vraoge en of suggesties zin
altied welkom:
harrodriessen@hetnet.nl
VV de Nachtegale höbbe auch
ein eige vlag, dees vlag is te
besjtélle biej Chris Geurts. Til:
321487
Contact Persone:
VV de Nachtegale: JVV de Zölderratte
Stefan Piepers, Veronique Clercx,
Faunasingel 54, Ridder van Asenrodeweg 45,
til: 316286 til: 06-43432560
www.nachtegale.nl www.zolderratte.nl
auch op facebook
JVV de Nachrätjes Die Lerchenwald Musikanten
May Geurts, Harro Driessen,
Ridder van Asenrodeweg 29, Kerkstraat 3,
til,321487 of til: 06-11008932
Debbie Krispijn,
Thuserhof 18,
til.06-38018776
Hiej gebeurt ‘t:
24
Tweede jaorgank sezoen 2012-2013