Donderbolgezet Pdf - Donderböl

5
“DIT WAERD DE SJOONSTE VASTELAOVEND”
Det waas ooit miene sjpreuk in ut jaor 1999 wiej ich Prins waas biej V.V. De
Donderböl. En idder jaor es veer ut seizoen in gaon en de nuuj Prinse in de s
jtartblokke sjtaon dan dink ich aan mien jaor truuk. En waat gunse ut de jonges
van dit jaor auch weer det ziej de sjoonste vastelaovend van heur laeve mooge
mit make, same mit heur adjudante en heur femilie.
Beste Kay I en Kubus I van herte perficiat mit dit Prinssjap biej V.V. De
Donderböl op de Donderberg. Speciaal want nog nooit sjtinge vader en zoon bie
de Donderböl naeve ein, es Jeugprins en Grote Prins. Waat zolt geer trots zeen
op elkaar, en waat is dit toch sjoon om mit te mooge make es Vors biej dees
vereniging.
Netuurlijk wil ich de veur gengers van veurig jaor Aad Jeugprins Glenn I en
Aad Prins Carlo I via deze waeg hertelijk bedanke veur heur inzet, waat waard
geer enthousiast en waat höbbe veer genaote van uch in 2011. En inderdaad Ut
is pas Sjoon es veer ut Same Doon, en waat höb geer de Donderberg Good op de
Kaart Gezat, same mit eur adjudante en femilies, Bedank!
Dan miense aevekes get “serieuze kal”: ut is crisis, doe heurs niek sangers om os haer, crisis, crisis, crisis,
en veur det se ut wits geisse ut nog geluive auch. Nou dan is ut dus hoog tied om same vastelaovend te
komme viere mit os. Alles aan de kantj, vergaet de zurreg, vergaet alles om dich haer, maar kom sjpringe,
hosse en zinge, want dao dreijt de vastelaovend om. Same mit de kienjer, de grootelders, de buure, de
vrûnj en de kinnisse eine sjoone tied te belaeve. Want ut is ein sjpeel veur jonk en aad en veur groot toet
klein.
En mit trots kinne veer os dit jaor prizzentere in ein sjoon nuuj verboewde Donderie, gans van deze tied,
mit eine hele sjoone zaal der biej. Os twee Prinse Kay I en Kubus I mooge trots zeen om dit jaor in de
nuuj Donderie es Prins de Donderböl veur te gaon. Ich haop det veer väöl luuj moge begroete in de nuuj
Donderie op de activiteite van de Donderböl dit jaor, idderein is welkom!
Es letste wil ich nog van de gelaegenheid gebroek make om al mien raod van elf leeje te bedanke die altied
veur mich klaor sjtaon, mich sjteune en zich veur 100% inzitte om der same mit de Prins eidder jaor weer
ein heel sjoon seizoen van te make, jonges geer zeet veur deze Vors, goud waerd, en ich zegk ut mesjien
väölte weinig, maar daorom via deze waeg, ich vinj uch geweldig!
Miense veur idderein eine Sjoone Vastelaovend, Allaaf, Vors Rick.
boekje 2012 60pgn 3200 stuks voo5 5 9-1-2012 22:18:10