Elckerlijc - Bulkboek

8
den spyeghel der salicheyt
van elckerlijc
Hoe dat elckerlijc mensche wert
ghedaecht Gode rekeninghe te doen
Hier beghint een schoon boecxken,
ghemaeckt in den maniere van eenen speele
ofte esba[te]mente * op elckerlijc mensche.
Ende inden eersten spreeckt God almachtich
aldus:
lek sie boven uut mijnen throne,
Dat al dat is int smenschen persone
Leeft uut vresen, onbekent.
4 Oec sie ic tvolc also verblent
In sonden, si en kennen mi niet voer God.
Opten aertschen scat sijn si versot.
Dien hebben si voer Gode vercoren,
8 Ende mi vergheten, die hier te voren
Die doot heb geleden doer tsmenschen profijt.
Och hovaerdie, [ghiericheyt] ende nijt,
Metten vij dootsonden vermoghen * ,
12 Hoe sidi ter werelt nu voert ghetoghe[n]! *
Want mits der vij dootsonden gemeen *
Es op ghedaen * [myn wrake], des ick in ween
Ben * seker met alder hemelseher scaren.
16 Dye vij duechden, dye machtich waren,
Sijn alle verdreven ende verjaecht.
Want * donnosel heeft mij * seer gheclaecht.
Elckerlijc leeft nu buyten sorghen.
20 Nochtan en weten si ghenen morghen.
lek sie wel: hoe ic tvolc meer spare,
Hoet meer arghert van jare te jare.
Al dat op wast * arghert voert.
24 Daer om wil ic nu, als[t] behoert,
Rekenninghe * van Elckerlijc ontfaen * .
Want liet ic dye werelt dus * langhe staen
In desen leven, in deser tempeesten,
28 Tvolc souden werden argher dan beesten,
Ende souden noch deen den anderen eten.
Mijn puer ghelove * is al vergheten
Dat ic hem [selven] gheboot te houden * .
32 Het [c]ranct, het dwijnt, het staet te couden
Daer ic so minlijc om sterf die doot,
esbatemente: vertoning. spel
vermoghen: machtig
voert ghetoghen: erop vooruitgegaan
gemeen: bij elkaar
op ghedaen: ontketend - des ick ween
Ben: waarover ik verdriet heb
Want: Daarom - mij: bij mij
op wast: opgroeit
Rekenninghe: Rekenschap - Ontfaen:
ontvangen
dus: in deze toestand
Mijn puer ghelove: Het geloof in mij
houden: onderhouden