UITGEVER: ALGEMEEN HULSTER CARNAVAL ... - ahc "de vossen"

Recommendations

Info

10. Rooie maondag Ut Mag Hin Noam En Vosse & Vosinne, Agge leut èt in oe leve, dan goat ’t rap zegge ze. Nou moen’k zegge das zu bai ons aardug grais aon’t worre zain. Nie da zu te laeie èn of zo, maor ‘t zal toch du leeftaid zain. En ken je da, ze beginne zo allemaol mee un leesbrilleke te sodehannesen. Ik nie vanaige, ik zit nog in de ontkenningsfaoze. Maor waor is du taid noartoe. Nevust jaor in du zomer bestaon wai 22 jaor. K’oor dur gelaik un aantal dinke: “en speule kunne ze nog nie”, ut mag noch steeds hin naom èn. Moar das voar du azainzaikers ééh. Wèn wel 3 kere ut liedjesfestival gewonne. Wai gaon dan wel iets speciaols doen vanaige, al weete wai zelf nog nie wa…. Nog eve terugkomme op’t liedjesfestival. Van’t jaor moste wai onze meerdere erkennen in die manne en vrouwe van Absdale: Un Oop Lawait. Zèn zuldere naom eer aangedaon, maor t’was mee u schoon liedjen. Wai ware al blai da onze voorzitter z’n tekst nie vergete was , zoals ‘t jaor d’r vôôr. Volgens mai ware wai dénigste die un nummerken aie wa nie als titel aì “Maok ta mee ! “Agge d’r nie bai waor: ons liedjen eet “K’zain int rood” . K’geef ulder drie kanse om te raoie in wa voore kleur da wai ware. Agge ut liedjen wil ore moei oe aige een ceedeek’n koôpe. K’zain wel is benuuft of da dun optocht wel volledig deurgao. Z`en daor aon du Bierkaoi is un gatje gegrave. Moeije nog zand èn? K’weet nog un ôpke te ligge. Moar k’om daor wel is kaike. Dur zit daor aon diene klaine van Pierke van de Walle nog un gat in du straot oak. Daor moe nog un brug komme. At tie maor op taid is, want springe gao nie meevalle. Ge meugt tur oak nog un naom voor verzinne. Zou’k winne mee Prins Carolusbrug? At maor hin brug te waid wor. Kèn m’n aige wais laote maoke dat t’r nog ene kom. Ene voar voetgangers. Da wort du frietsnaier zeë ze. Ene voar naor bove en naor beneë. Wrééd ingewikkeld. Afain wai èn al is in du put gestaon mee de vestingfeeste. Schon plaotjen oor. Zèn ons oak beloofd da wai du openink meuge doen. Da was omda wai al ervarink aie mee tunnels. Ut Vossenol zal oak profait èn van da putjen. Da wor ineens “da klaine cafe aon d’have”. En un lap terras at tie kraige. Ut grootste van eel Ulst. Daor kunne wai wel is un concertje geve. “Concert at the Beerquay”. Maok tá mee. Jack et’m al nun boat gekocht. Ene van rubber. Ziej’m al draive. Zèn trouwens benuufd wa da al die manne die ele daoge langs da ekken staon gaon doen a ta werk klaor is. Die lope verlore. Das daor bezighaidstherapie. Die valle me z’n alle in un gat. Zèn oak niks nodug om te kunne ouwehoeren. Volgens mai zèn die waive zo ketent da ze is un stootjen van uis zain. Alwel even terug naor onze band. Wa optree’ns èn wai wir un paor schôône gad: Om d’r maor un paor te noeme: Bôôtjuvèrre op’t kanaol in Terneuzen mee die manne en maid’n van de Sterre. Déerste band in du Bierkai mee du vestingfeeste, Du proeverai bai C1000. Ut schôônste was toch wel op’t Steen. Das aigenluk liluk zegge voar un ulsteneir, maor t’was wel zo. Wèn daor in plek van te repetere op dinsdag is naor du kermiskoers gewist. Niks tekort vanaige. Geen fiets gezien. Wel mee vreed veel plezier geblaozen. Un geweldigen avond. Volgend jaor meuge wir komme (at muziek van ‘t Steen ut tenminste goe vin…..). Afain ‘k gaon dur mee stoppe want k’moen gaon repetere. Stress vanige voar dun Buut. Doar zèn wai oak wir present. En mee Carnaval gao je ons oak wir teegekomme vanaige. Tis tôpe dat wir zukke lekker weer woar as vorug jaor. Da was nog is leutig om te leure si, mee sukke weer.Onze sait www.umhne. nl zal wel nie gupdeet zain. Moar agge ons wil boeke: info@umhne.nl. Tot neevuste jaor.
Piet Polletiek Maok tá mee! ‘t Was een slap polletiek jaor. Ge kun da zo ‘s ebbe as de verkiezing lang gelejen is en de nieve verkiezing d’r nog niet aonkomt. Wat doe ge dan in de Raod? Awel, zomaor wa zeveren en meer nie. Ze wille de raodslede een examen laote doen want agge mee n’n vrachtwaoge wil raie moete ‘n groôt raibewais ebbe. En agge in de Tweede Kaomer wil, hoefde allenig oe schoenveters maor te kunne strikke. Maor agge in het waoterschap, de gemeente of de provincie wa wilt doen è de zelfs da strikdiploma nie eens nodig. Ik zie d’r in de raod oôk een aontal zitte die voôr niet naor schoôl zain gewist. Ik zain tenminste nog graotis gewist. ‘t Is bai de Raod net as bai de daike, g’ et waokers, slaopers en gaopers. Maor ier in Ulst zain ‘t alleen maor slaopers en gaopers. Da ze jaorenlang ons ebbe besodemieterd doôr te veul voôr ons raibewais te vraoge, daor oôrde ge niks over en as ze een identiteitkaort aigelijk voôr niet moete geve, dan repareert zo ne schainheilige van ‘t CDA da binne twee daoge, zodat we toch weer de pineut zain. Voôr ‘n bewais voôr oe klaine moete meer as 60 percent meer gaon betaole: alle leges zain naor bôve. En wa doen die roôie? Die zain daor mee akkoôrd Maok tá mee ! Hoe roôd zain die roôie nog, ze stemme voôr besluite waor de gewône man alleen maor op achteruit gaot. Kaik naor de maotschappelijke ondersteuning en d’n Baistand. Daor haole ze cente weg om hier en daor ‘n gat in de wege te dempe. Maor da zain nie de enigste gaote. Ze ebben ammaol ‘n gat in ulder hand. Maor as t’r iets anders geregeld moe worre, da echteluk nodig is, dan doen ze daor jaoren over, da’s d’Ulsterse polletiek. Wa doen ze mee ons cente? Besteje ze die dan allenig aon de Grote Projecte? Want da schiet ammaol nogal op èh. Oe lang doen ze nou al niet over de bierkaoi. ‘t Ziet er al schoôn uit. Maor ik moet nog zien of voôr de Carnaval de brug bai Peer d’r ligt zodat de stoet daor over kan raien of daor voôr kan stilstaon. Nou ‘k het toch over die brug eb, ‘k zain ‘s mee zo n’n archeoloôg, zo n’n schervenvent, meegewist en die zai tege mai, da een gedeelte van de brug onder ‘t huis van Peer ligt. Dienen archeoloôg die loôg nie, dat ad ne blinden op d’ ouwe kaorte, die op de gemeente ligge, kunne zien, da da zo was. Nou zain d’ ambteneiren en polletiekers d’r al meer dan 30 jaor mee bezig en nou komme ze d’r pas op ‘t leste moment achter da ze elemaol voôr niet da postkantoôr ebbe afgebroke. Da kunde in die 30 jaor nie te wete kommen, èh. Slaopers en gaopers zain ‘t. Maok tá mee ! Eerst moeste nie betaolen om te parkeren op ‘t Havenfort, toen weer wel en nou weer nie en in de binnestad moete dan weer meer gaon betaole. Zou ta zo zain omdat AH weg is? Ik dink ‘t wel, dat kan nie anders. Diene vent van AH, die è d’r voôr gezurgd, dat d’ ouw menskes geen fassoenlijke boôdschap meer vlak bai ulder deur kunnen aole. Ai et ‘t oôk voôr mekaor gekrege bai de polletiek dat t’r gene concurrent in zain ouwe zaok komt. Oe kunne de polletiekers dà nou goe gevonnen ebbe?!? Ze kwaome van aiges dik tekort bai zo ne gewiekste zaokevent. Nou moete wai een deel van de koste van da busken van Kieboom betaole, da d’ouw menskes naor AH bringt. En wie speult d’n hailige? Dienen AH-baos van aiges! Maok tá mee! ‘k Èn ôre zegge, dat in ‘t project rond de Houtmarkt n’n hele grôte houtwurm zit. Da project wier destaids nogal groôts gepresenteerd, maor daor blaif nie veel van over. Naor ‘t schaint zit er nog meer ongedierte. Ze ebbe daor oôk al boekewurme gezien, die zain al ‘s komme kaike vanaf Den Dullaert. Oôk zain d’r al oôrwurme gezien. ’t Schaint, da die d’r voôr zurge, dat nie alle raodslede te ôre kraige wat ze aigelijk moete wete. Wethouwerke van Dam, ik vraog me nog steeds af oe da zo ne klaine wurm zoveel lawait kan maoke, moet eur in allerlei bochte wurme. ‘k Zain beniefd wanneer d’n eerste film daor gedraoid gao worre. Da geldt trouwens oôk voôr da golfterrain aon d’n Perk. D’n eersten bal die daor ‘n balleken gaot slaon, moet ik daor nog zien staon. Da gaon we voôrlopig nie meemaoke. Nou we het toch over Den Dullaert ebbe. Da ‘s oôk een gebed zonder end. Fons, onze boer van bai ‘t Asbestdreefke, meende daor oôk nog wa intelligente vraogen over te moete stelle. Fier leesde ai zain vraoge voôr van een papierke van Fons Roctus. Gelukkig da Frans hem nog een beetje hielp, want Roctus ai ‘t nogal ingewikkeld geformuleerd. Fons (een van de twee, maor ik dink nie d’n boer want dien anderen zit dichter bai ‘t vuur) ai onderzoek gedaon en ze waore d’r achter gekomme, da de bibliotheek misschien wel ging verhuize naor d’ Houtmarkt. Maor was d’ oppositie nie mee z’n alle weggelôpe op de vergaodering in juli toen da ter spraoke wier gebracht? Waore ze blaive zitte, dan adde ze gewete oe dat ‘t precies zat. Maor ja, ze wilde ‘t nie hôre. Eerst wa schellen en oe dan uit de voete maoke, da deje ze. Fons d’n boer, aoi evenwel nog kompassie mee die vent van Den Dullaert. De gemeente werkt ‘m tege volgens Fons en da mocht nie. Volgens mai maokt een bitje zaokevent van zo’n complex toch een bruisende tent, die zal de deur nie dichtgoôie taides de kerstvakantie. Zo ene zal d’r zelf voôr zurge, da die tent draoit zonder subsidies en die gaot nie as ne klaine jonge, die zaine zin nie kraigt, omdat ai het zelf nie kan, wa polletiekers voôr de kar spanne. N’n polletieker moete ze bai zukke zaoken d’r zeker nie bai haole, want dan ouwe we in Ulst niks over, genen Dullaert, geen Houtmarkt en geen bieb! Maor waorom draoit de tennishal wel as ne tierelier? Waorom dinkt een bibliotheek d’r over om naor een andere lokatie te gaon? Waorom zain clubs weggegaon? Oe zou da komme? Zit da bestuur van Den Dullaert misschien te slaope? Maok tá mee ! Alles wor duurder, d’ uize worre minder waord, maor de OZB, de Onnozele Zaoke Belasting, gao naor bove! En ‘t waoterschap, da profiteert van aiges mee, doôr die manne worde oôk altaid bai d’n beer gedaon. Die lappe d’r gelaik oôk wa percente bôvenop om wa groôt te kunne doen. En nou gaot ‘t waoterschap z’n aigen in ene keer oôk mee groôte projecte bemoeie. Nogal ver weg, want ier lukt ta toch nie, oôrde zegge. In Bangladesh, want dan zien wai toch nie wa zai daor ammaol mee ons cente uitvrete. Wat ebbe zai daor te maoke? Ebbe ze soms geld over? Moete Steyaert en d’n Mangnus daor dan gaon kaike of ‘t waoter daor oôk zo nat is as ier? Ze kraige daor oôk wa schaithuize van ‘t waoterschap en dan moete Steyaert en Mangnus daor voôrlichting over gaon geve. Die gaon dus voôrdoen oe dagge ne kakker wor, want n’n echte kallesaischaiter, da worre ze geen van tweeë. Aigelijk kunne ze ier oôk best wa voôrlichting geve, want d’r zain een man of wa van de Raod van Elluf afgelôpe jaor op d’n bon gegaon, omda ze de Bierkaoi al wilde vulle mee wa verschaold bier. Ik kan da begraipe, want agge eel nôdig moet, dan kunde da nie doen in zo’n kokkerolleke gelaik bai de Booij of bai de Kloôn. Daor staode te zaike in een ander zain schoene. Maor ja, da doen de polletiekers toch oôk, dus da’s niks niefs. Maok tá mee ! Ze wille de waoterschappen afschaffe, de boere ulder leste bolwerk gaot d’r aon. ‘t Wier hoôg taid, da ta ging gebeure. Da wil ik dus meemaoke. Ze ebbe lang genoeg subsidie gekregen om niks anders uit te voere dan wa d’n baos te spele over ‘n ander. Steyaert is dan immaol uitgepist. Misschien dat ai op de laist bai van Eck mag gaon staon. Bai ‘t CDA wille ze ‘m in Ulst voôr gene cent terug, dat ebbe ze mai in vetrouwe gezeed. Da lawait van Mangnus is evengoed al jaore d’n slimste van ammaol. Ai foefelt ‘m overal tussen en gaot mee de best betaolde baone lôpe. ‘k Zie die nog wel ‘s wethouwer te worre as van Driessen zain pensioen vailig gesteld et. En laote me eerlijk zain, die van Driessen, die offere ze toch gewoôn op. Oe kunne ze die nou een feestje op een schoôl laote regele. Ai mocht op die schoôl geeneens zelf les geve, laot staon, dat ai daor dan ‘n feestje mag regele. Agge wat regelt moete kunne telle en agge nie kun telle moete niks wille regele. Da feestje gaon we nie meemaoke. Maok tá mee ! ” ’n Oender zonder kop in de Zeeuwse Staote” stong t’r mee grôte letters in de Leugeneir. Over wie zouwe ze ’t ebbe, docht ik. Ik las wa verder en ik aoi kunne wete, da ze ‘t over van Unen adde. Dat ad ik nou nie gedocht, hé, ‘k was al blai, da ze nie zaie, da ze uit Ulst kwam. ’t Schaint, da ze bai de Provinciale Staote de PS de partai van de Stomme Praot noeme. Da dee ze eur laotse vergaodering in de raod oôk, ze noemde Martinet “meneer Klarinet” en Klarinet noemde eur madam van Klunen. Da meiske, da die van Klunen vervangt, ‘k zain d’n naom kwait, heeft in de paor raodsvergaoderinge al meer zinnigs gezeed as van Klunen in al die jaore. Da meiske stond op nummer 3 van ulder laist, maor kwam toch in de Raod, want nummer 2, Tim Thepass, paste. Die aoi zaine naom thepasselijk mee. Om d’r toch even op terug te komme. In de Provinciale Staote aoi van Klunen ‘t over de topsalarisse van de bestuurders van gesubsidieerde instellinge. Daor ergerde zai zich roôd en geel aon. Wie nie, dochte kik. Alleman ergert z’n aigge aon zukke zakkevullers. Die zogenaomde groenen en roôie, die zain d’r as eerste bai. Van Klunen wilde daor bai de Provincie wat over praote, maor d’r was t’r genen ene, die luisterde. De meeste zain da gewend om nie te luistere as van Klunen aon het praoten is. As ulder aige zaoke ter spraoke komme, dan zain ze zeker nie thuis. Ze zulle wel gedocht ebbe, dat as ze laoter zelf uit de polletiek geknikkerd worre, ze dan zo’n baon oôk wel wille. Maok tá mee ! D’r zit ‘r trouwens nòg enen uit Ulst in de Provincie, diene roôie van de Kort. Die misse we ier oôk nie. Ik kan me nie herinnere wa die voôr Ulst gedaon et. Misschien ’s n’n kapotte lantaornpaol laote reparere op Den Bosch of n’n tegel op ‘t trottoir op Stoppeldijk goed laote legge? En of die roôie nog wel zo roôd zain begin ik te betwaifele. Bai d’ inzegening van de werke aon de kerk op de Kling ebbe ze wethouwerke van Dam oôk gelaik gedoôpt. Ik docht, da geloôf en polletiek geschaide waore. Edde ze zien appen op de foto? Ze liet geen druppelke verlore gaon. Maok tá mee ! Mee ‘t paor de Vries gaot het oôk minder en minder. Zai moet al een paor jaor, zeer tegen eur goesting, zwaige. Frans doet ‘t woôrd en die laot iedere vergadering zain aige frustaties goed blaike. Soms begraip ik da wel. De wethouwers schudden al van nee nog voôrdat ai zain voôrstel kan uitlegge. Da deden de wethouwers puur om Progressief te koeienere. In de commissies laot Frans ‘t achterste van zain tong oôk nie zien en in de raod begint ai dan te katte waorom ‘t college niet aon dit of dat gedocht et. Ik dink dan: “Wa n’n azainzaiker zaide gai geworre, gai dinkt gene meter meer mee wa goe voôr Ulst kan zain. Gai gaot oe aige in de weg zitte”. As t’r van de coalitie ene wa toenadering zoekt, dan wor tie gelaik in de zaik gezet. Da’s geen progressieve polletiek meer, maor agressieve polletiek. Nog noôit van me leve zukke slechte verliezers meegemaokt. Spaitig, want ik ai, Frans zeker, hôger op. ‘t Belang van d’Ulsteneirs telt gewoôn nie. Over twee jaor moete ze pas weer bai de kiezer zain. Nu is de partaipolletiek van ‘t hoôgste belang. ‘t Wor dus taid, da ze eens na gaon dinken oe da ta verder moet gaon, want Ulst schiet d’r op dees manier geen mieter mee op. ‘t Wor taid voôr nieve mense op ‘t pluche. ‘k Oôp da mee te maoke. Ik wou d’r eerst geen woôrd meer aon vuilmaoke, maor ja, van Eck blaift toch een ramp. D’r zit geen kat meer op de tribune, d’n letsten taid ‘n stuk of vaiftien en van die vaftien zain d’r zeker veertien lid van een polletieke partai die d’r voôr ulder fatsoen bai moete zain. Dus d’r blaift d’r maor enen kiezer van heel Ulst over die wa belangstellig et voôr de polletiek. Zaide dan niet beschaomd as polletieker, da d’r maor zo wainig kiezers naor de raod komme luistere. Da klutske da t’r nou nog zit wor oôk al oe langer oe klainer. Zouwe d’r dan zoveel mensen op ‘t internet naor de Raod luistere? Ik oôrde zegge. da as van Eck aon het woôrd komt ze dan net as taides een reclameblok op d’n tv even een pint uit de kelder gaon pakke of een stukske kaos of zo. Maor soms is van Eck zo lang aon het zevere da ze n’n halven bak leeg hebbe. Ik vraog m’n aige af waorom die vent da zelf nie in de gaoten et. Zou tie thuis oôk zo zain as tie aon taofel zit en aon zain waif om de boter vraogt? Da kunde toch oôk in een paor zinnen zegge, dan snapt alleman da. Ai zurgt d’r nog voôr, dat er vandaog of morge genen enen meer naor de Raod komt. Da hoôp ik nie mee te maoke. Indertaid was t’r eens een carnavalslieke; “Wa ne spreker is die man”, maor alleen de leste regel is op van Eck van toepassing; ”D’as een man die ouwehoere kan” Da bleek de leste kommisie vergaodering oôk weer. Daor kreeg ‘m ‘t voôr mekaor om die vergaodering uit te laote lôpe tot dik na de twaolve. Misschien deed ai het wel express om zaine CDA-maot Klarinet te klôte, want die zat de kommissie voôr. Nie dat da nou d’n handigsten is, ai laot ‘t oôk gewoôn gebeure. Ai is van hetzelfde kaliber as Mulderken, oôk geen ruggegraot. Op de leste vergaodering van de raod mocht Van Domburg oôk ‘s wa zegge van Frans. Ai wilde voôraf d’n afspraok maoke, voôr zover ge mee van Domburg afspraoke kun maoke, da ze allenig maor een korte stemverklaoring zouwe geve. Dat moete dus net nie tegen van Eck zegge, die presteert ‘t dan om voôr ieder punt minimaol 2 kantjes voôr te leze, zodat die vergaodering weer uitloôpt tot na d’n twaolve. Die snapt d’r dus geen klôte van en die zal da noôit nie snappe. ‘k Hoôp dat nog eens mee te maoke dat ai het wel snapt. Maok tá mee ! Ze fezele da d’n ouwen Roctus na carnaval gao stoppe. Da ‘s d’n slimste zet van zain leve. Zaine klaine, d’n diene die oôk in de Raod zit, kan dan wa vraier spreke. ‘k Zain oôk nie zo ne voôrstander van familie in de Raod. D’r zitte daor al teveel koppels. Die klaine van Roctus dus, durf nog nie alles te zegge in de raod. Ik zien ‘m thuis al tege zain vaoder zegge: “Pa, wilde gai da ‘s aonkaorten over ulder dubbele pette bai de coalitie, want ik wil nog een paor jaor langer en gai kun oe da wel veroôrlove. Gai et al zoveel uitgevrete, van ou zain ze al wa gewend.” Maor dien ouwe Roctus pakte allenig maor Kieboom aon, die gelaik in zaine keutel gepikt was. De stoôm kwam uit z’n ôre, ai snoôf laik ‘ne stier, maor da dee tie wel meer. Kieboom dierf nie al te veel tegegas te geve en ik zag da t’r een straolke boter langsheen zain fasse liep. Maor die klaine van Roctus dierf da dan toch nie verder in de Raod recht op de man af te zegge, dus ai schreef ‘n stuksken in de Leugeneir da d’r eel wa waore, waor ai van wist da ze een dubbele baon aoien en dus boter op uldere kop ebbe. Monique de Bruijn, Kieboom, d’n Mangnus en diene van Hageman vernoemde ai. Maor volgens mai was ai twee man van zain aige partai vergete. Ai doe toch d’ administratie van Den Dullaert en ik oôrde, da Fons Dobbelaer in ‘t zwart mee zaine trekker in de Bierkaoi aon ‘t raien is. Zou Dobbelaer da lawait van van Dam misschien wa wille helpe om ‘t wa te laote opschiete zoda de brug van Peer d’r op taid ligt? Over Hageman gesproke, die kan zo semi-intelligent doen in de raod. ‘k Èb altaid ’t gevoel, da diene mens daor tege zaine zin zit. Zou da nou komme omdat ‘m nie weet voôr welke partai dat ie daor zit, want ai is lid van twee partaie. Oe moete da raime?? Kaik, de meesten ebbe wel een baontje of wa d’r bai, maor oe kunde nou tegelaik lid zain van twee partaie? Maok tá mee ! Bai de stemming over een uitgekleed gemeentekantoôr in Kloôster liet ‘m zaine wethouwer van die ene partai waor ai voôr Kloôster lid van is, flink in zain hemd staon. De manne van Roctus gave de voôrzet en ai maokte d’r gelaik gebruik van om zogenaomd de slimste te zain. Maor is da op termain wel zo slim? Da ’s gewoôn lomp gekloôt! Oeveel kost da nie, die paor man per week, die daor om ‘n papierke komme? Zou zain ene partai d’r voôr gewist zain en die andere partai nie? Agge praot van partaipolletiek en groôtse kortzichtigheid. Maok tá mee ! En wete wie d’r aindelijk oôk mee gao stoppe? Piet de Cock! Die gao zain rit nie uitzitte, ebbe ze mai in vertrouwe gezeed. Ik docht dat ‘m allang gestopt was, mee praote dan, want ik heb hem afgelôpe jaore nie ene keer gehoôrd. Ik mag niet liege, da’s waor, ‘k zain mis, ieder jaor zegt ai wel iets, “Een gelukkig nief jaor”, zegt ‘m bai de niefjaorsreceptie, maor da’s dan oôk het enige voôr de rest van ‘t jaor. ‘t Zou ‘n tweelingbroer van Willem de Zwaiger kunne zain, Piet de Zwaiger. Op ‘n leuge gao je Piet noôit betrappe. Agge nie praot vertelde oôk geen leuges. Nou ben ik beniefd wie ulder gaot opvolge, diene halve wethouwer, zou die weer terugkomme? Of zou d’r nou eens een vrouwmens van die partai in de raod zitting durve neme, dienen ouwe billeknaiper is d’r toch al lang weg. ‘k Zain beniefd wie t’r voôrgedraoge wor, want zoveel smaoken ebbe ze daor nie. Gaon ze Aloys weer van stal aolen of zoue ze aindelijk ‘s wa nieve gezichte de kans geve? Zou diene Depau komme, ge weet wel, diene vent, die een paor jaor gelejen in de Raod zo ne schône film liet zien over wa scheuren in zain huis. Of misschien Lernout, dan ebbe ze d’r aindelijk ‘s ene mee wa meer papiere dan ‘n strikdiploma. We gaon da meemaoke! Tekst genoeg .11.
Page 1 and 2: UITGEVER: ALGEMEEN HULSTER CARNAVAL
Page 3 and 4: Beste Vossen en Vossinnen, Waar onz
Page 5 and 6: JongB@reélen Hallookusss allemaal,
Page 7 and 8: De Bareélen Ier un stuksken van De
Page 9: Dus ook maandag en dinsdag? .9
Page 13: De professionals in uw bewegende we
Page 16 and 17: 16. Poessie mouw
Page 18 and 19: 18. Trefpunt Maok tá mee DAOR ZAIN
Page 20 and 21: Bezoek ziekenhuis Ook afgelopen sei
Page 22 and 23: 22. Altaid staif Maandag 11.00 uur:
Page 24 and 25: Pliessies Beste Vosse en Vossinne,
Page 26 and 27: 26. Busje komt zo Verkiezing jeugdp
Page 28 and 29: Dinsdag 12.00 uur: De reveille is w
Page 30 and 31: Beste Vossen en Vossinnen, Laat ik
Page 32: Aannemingsbedrijf Celie Hulst Aanne

UITGEVER: ALGEMEEN HULSTER CARNAVAL ... - ahc "de vossen"

Create successful ePaper yourself

Delete template?

Save as template?