Lees die Prins Albert artikel - dekat

68
Dis ’n tipiese Karoose langhuis wat jou in Prins
Albert se hoofstraat begroet wanneer jy die nuutste
aantrekking op díe gewilde Karoodorp besoek. Loop
egter deur die pragtig gerestoureerde “brakdakkie”
van 1780 en daar wag ’n verassing…
A is vir aartappel
Alles het by die kookskool begin, verduidelik mede-eienaar
Jeremy Freemantle. Ou vriende en nou vennote Philip en
Lisa Key het die langhuis jare gelede reeds aangeskaf,
tussendeur inspirerende kosvakansies in Italië, Marokko,
Frankryk en Spanje.
“Daar was nêrens in Suid-Afrika ’n fasiliteit wat van meet af
gebou is as ’n kookskool en wat in so ’n unieke omgewing
is nie,” voeg Jeremy by. “Stellenbosch en Franschhoek
was reeds oorvol, en Prins Albert se gewildheid het begin
toeneem onder plaaslike en internasionale toeriste.”
Die skool is dan ook sedert sy opening in Augustus 2009
lid van die International Culinary Tourism Association. Die
plan was van die begin af om kort kursusse aan te bied
vir entoesiastiese tuiskokke wat meer wil leer oor Suid-
Afrikaanse koskultuur, al die invloede daarop – soos
Khoi-San, Maleisies, Indies en Europees – asook fynere
kombuiskunsies. Terwyl tradisionele metodes seëvier, is
hedendaagse aanbieding van kernbelang. “Ons eet vandag
soveel meer met ons oë en ander sintuie,” sê Jeremy.
So ’n kursus is ’n gesellige affêre, met baie vertellings wat
die agtergrond rondom ’n betrokke tema skets (waar kom
die woord blatjang vandaan), gesprekke oor streeksinvloede
(waarom ’n bobotie anders smaak in die Bo-Kaap as in Prins
Albert), en ’n goedige geskerts rondom die eilande in die
spogkombuis (gebruik jou verbeelding!).
Dan is daar ’n vroegoggend besoek aan die boere
mark, of dalk aan een van die wêreldklas-spesialisverskaffers
in die omgewing, of aan die plaaslike dokter met die groen
vingers se welige groentetuin – alles om die mandjies te
vul met kraakvars voorbeelde van gewone én ongewone
variëteite.
Voorslag met die voorskoot
Net so belangrik soos daardie onmisbare knippie sout is
die deurgaanse teenwoordigheid van African Relish se
uitvoerende sjef, Vanie Padayachee.
Met haar voete plat op die aarde en ’n hemelse aanvoeling