You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Juffer kuorkebier<br />
Dit is de juffer Kuorkebier út Dokkum, Postgrêft 7,<br />
Ald, ryk en út in boerelaach, koartsein: in frou fan stân.<br />
Hja hat it deftich yn ’e hûs -in hearehûs, fansels-<br />
Mar ’t alder-alderdeftichst is, dat sprekt, de juffer sels.<br />
Hja is reginte fan it weeshûs en bestjoerslid fan it Nut,<br />
Hja is de mienskip yn ’e stêd ta wiere stipe en stut.<br />
Mar ien út Dokkum hat hja dochs it aldermeast mei op,<br />
Dat is oargeldraaier Bouwe út de Bargeglop.<br />
Mei him hie hja graach trouwe wold as faam fan achttjin jier.<br />
Dêr wie fansels gjin tinken oan. Stel foár: in Kuorkebier!<br />
Dat hja bleau faam en Bouwe feint. Sa giet it yn ’e wrâld.<br />
No binne hja, as’t my net mist, hast santich jier al âld.<br />
Mar as de oargeldraaier moarns by Postgrêft nûmer 7<br />
De ‘Schöne, blaue Donau’ draait, dan skoot in âlde hân<br />
’t Gerdyntsje justjes oan de kant en swaait in stille groet.<br />
Ek finansjeel is Bowe’ dei dan altyd wûnder goed.<br />
Dat is har iennichste kontakt al twa en fyftich jier.<br />
’t Koe ek min oars, want hy is oargeldraaier, hja in Kuorkebier.<br />
út: Juffer kuorkebier (1957)