Noordwes Voere Prestige Suiweldag - kolskoot met die opti-reeks ...

NUUSBLAD VAN NOORDWES VOERE VOER VIR OPTIMALE RESULTATE NO. 9 – MEI 2009
Is jou kudde “kruppel”?
Kreupelheid, mankheid of laminitis
– dis alles woorde wat die toestand
beskryf wat ‘n toenemende nadelige
invloed op suiwelkuddes regoor die wêreld
het – Suid-Afrika inkluis. Dié siekte gaan
gepaard met pyn, verlaagde droëmateriaal
inname, verlies aan liggaamskondisie,
produksieverlies en verhoogde
reproduksieprobleme.
Die voorkoms van kreupelheid kan die
produsent tot soveel as R3 500 per geval
uit die sak jaag. Wanneer die indirekte
verlies (soos verlaagde melkproduksie,
verlaagde vrugbaarheid en verlengde kalfintervalle)
bygereken word, kan hierdie
dikwels “onbelangrike” toestand, die
produsent duur te staan kom.
Mankheid is die gevolg van verskeie
faktore, waaronder voedingsprobleme,
nat en bedompige klimaat, nat krale,
behui sing en hanteringsfasiliteite, growwe
en gladde oppervlaktes en toestande wat
swak hoefgroei tot gevolg het, soos koors,
ouderdom, metaboliese steurnisse en
mikotoksiene.
Voorsorg is veel beter as behandeling
Om kreupelheid of mankheid te beveg,
keer die ontstaan! ’n Deel van die
behandeling is om potensiële oorsake
te elimineer:
www.noordwesvoere.co.za
• Verwyder gereeld mis en modder.
• Verseker goeie, algemene kuddegesondheid.
• Verseker deeglik gebalanseerde voeding.
• Die byvoeging van minerale, veral sink.
• Maak gebruik van voetbaddens waarin
ontsmettingsmiddels en skoonmaakmiddels
aanwesig is. Maak seker dat
voetbaddens die regte afmetings het
– minstens 3 m lank, met die oplossing
ten minste 10 cm diep. Maak baddens
skoon en vervang gereeld die oplossing.
’n Verdere suksesvolle praktyk kan
wees om twee baddens agtermekaar
te gebruik. Die eerste bad bevat skoon
water, wat oortollige modder afspoel en
misafskeiding sal stimuleer voordat diere
die aktiewe bad betree. Verseker verder
dat alle diere deur die bad beweeg.
• Let op die toestand van oppervlaktes
waarop koeie loop en staan. Oppervlaktes
moet sonder gate en growwe
gedeeltes wees, maar nie glad nie –
maksimum traksie moet bewerkstellig
word sonder om die hoewe af te slyt of
deur skerp voorwerpe te laat beseer.
Slootjies of groewe in afgewerkte
sement-oppervlaktes word aanbeveel.
Sagte materiaal, byvoorbeeld strooi op
die loopoppervlaktes, is ook nie aan te
beveel nie, want dit verhoed normale en
gewensde hoefslyting. Rubbermatte in
alle loopgange, drukgange en in die stal,
lewer die ideale oppervlak.
Bepaling van beweeglikheid-telling
(locomotion score)
Gereelde bepaling van die beweeglikheid-telling
in die kudde is
’n uitstekende manier om betyds
probleme te identifi seer en reg te
stel. Die prose dure is eenvoudig:
laat die koeie toe om stadig en
normaal (nie erg aangejaag nie) by jou
verby te loop. Indien moontlik, laat die
koeie ook vir ’n klein rukkie stilstaan en
dan verder aanbeweeg. Let noukeurig op
die koei se liggaamshouding – veral die rug
– en ken die volgende punte toe op grond
van wat gesien word:
• Telling 1 = normaal.
Die rug is plat wanneer die koei stap
en/of staan en die pote word stewig
en doelgerig (sonder huiwering) op die
oppervlak geplaas.
• Telling 2 = effens kreupel.
Wanneer die koei staan is die rug
reguit, maar sodra sy stap is daar ’n effense,
maar opmerklik geboë rug. Haar
stap/loop is effe terughoudend
en nie meer doelgerig nie.
• Telling 3 = matig kreupel.
Wanneer sy staan en/of loop is die
rug geboë. Stap is met korter treë en
onseker.
• Telling 4 = kreupel.
Loop en staan met ‘n erg gebuigde rug.
Een of meer pote word “gespaar” en
die kop beweeg duidelik op-en-af met
elke tree.
• Telling 5 = baie kreupel.
Koei is erg onwillig om gewig op een of
meer pote te verplaas. Sy is teësinnig
om te stap en indien wel, is die treë
kort, onseker en baie ongemaklik. Die
rug is erg krom in die staanposisie, of
as sy stap.
Die doel moet wees om minstens 65%
van die koeie op telling 1 te kry, terwyl
minder as 35% telling 4 en 5 moet behaal.
Indien ‘n dier telling 3 behaal, moet
behandeling onmiddellik begin, anders
gaan hul toestand versleg, met gevolglike
koste- en produksie-afname.
Artikel deur Fouché Langenhoven, bemarkingsbestuurder
van Noordwes Voere

BEDRYFSNUUS
Beroepsgesondheid en -veiligheid
verseker hoëkwaliteit produkte
Noordwes Voere streef daarna om ‘n
veilige, risikolose werksomgewing
te skep vir die gesondheid van sy
werknemers en klante.
‘n Risikobeheerstelsel, wat die Wet op
Beroepsgesondheid en Veiligheid 1993
aanspreek, is in plek gestel. Die standaarde
van NWK Beperk word ook volgens
dié wet gehandhaaf, in ‘n poging om toe
te sien dat beide werkgewer en werknemer
verantwoordelikheid aanvaar vir
gesondheid en veiligheid.
Beide partye identifi seer gevare en
risiko’s. Die gevare en risiko’s word
gekommunikeer en beheermaatreëls word
dan ontwikkel.
Veiligheidsverteenwoordigers is aangestel
om gereelde inspeksies te hou en dan
verslag te doen by die Gesondheid- en
Veiligheidskomitee, wat weer aanbevelings
by die bestuur maak. Die nodige
wetlike evaluasies en toetse word twee
keer ‘n jaar gedoen.
‘n Noodplan is in plek en ‘n brandspan op
bystand. Ontruimingsoefeninge word twee
keer per jaar gedoen. Streng toegangsbeheer
word toegepas waar bedrywende
masjinerie en toerusting in gebruik is.
Om te verseker dat hierdie stelsel werk,
ontvang werknemers deeglike opleiding
om seker te maak hulle dra kennis van
hul regte en verantwoordelikhede.
Kwaliteit sluit hierby aan
Om te verseker dat Noordwes Voere
internasionaal ‘n hoëkwaliteit produk kan
lewer, is die maatskappy in die proses
om ‘n kwaliteitstelsel te bou, wat op ‘n
omvattende reeks beleidstellings berus.
Hierdie beleidstellings is geskoei op die
internasionale beginsels van die SABS ISO
9001:2000 en die AFMA GMP gebruikskode.
Noordwes Voere se dokumentasiestelsel
word in ‘n reeks handleidings vir elke
departement ontwikkel. ‘n Insidentrapporteringstelsel
is in plek, wat gebruik
word om alle insidente rondom onder
andere produk en diens te rapporteer,
waarna daar onmiddellik gekyk word na
regstellende aksies. Die opgradering van
masjinerie en toerusting vorm ook ‘n deel
van hierdie proses.
Sodra die eerste fase van implementering,
prosedures en werksinstruksies rondom
die GMP’s afgehandel is, sal daar begin
word met die tweede implementeringsfase,
wat die Hazard Analysis Critical
Control Point (HACCP) hanteer.
Lewer jou mielies by Noordwes Voere
Dit is amper strooptyd en dit lyk asof
produsente na goeie opbrengste kan
uitsien. Klante van Noordwes Voere
kan weer mielies lewer teen ‘n goeie basis,
gebaseer op geskiedkundige voerverkope.
Hierdie jaar word dit egter bietjie anders
gedoen. Die basis vir lewering is steeds
Safex minus R20, gelewer by Noordwes
Voere. Om te verseker dat lojale klante
van hierdie goeie aanbod gebruik kan
maak, gaan die maatskappy net Safex
minus R70 dadelik uitbetaal. Die ander
R50 per ton sal gelykmatig oor die jaar
uitbetaal word, elke maand wat daar
beweging op die klant se Noordwes
Voere-rekening is.
Klante wat nie gekniehalter wil word deur
Noordwes Voere se beperkte kapasiteit
nie, word ook in ag geneem. By kontraksluiting
kan klante kies om eerder by
Lottiehalte te lewer. Hulle kan dan op
Noordwes Voere se lidnommer lewer teen
Safex minus R40 per ton, waarvan Safex
minus R90 dadelik uitbetaal sal word.
Betaling geskied steeds op Vrydae vir die
vorige week se lewerings. Noordwes Voere
neem ook tweede graad geelmielies in
teen ‘n diskonto van R25 per ton.
Die prys, soos bepaal op die dag wat die
transaksie geskied, sal die prys wees wat
uitbetaal word. Indien die produsent van
mening is dat die prys te laag is, is hy
welkom om van die wye verskeidenheid
verskansingsmeganismes wat NWK bied,
gebruik te maak. Vir meer inligting,
skakel Danie Rossouw by (018) 632-1454.
Produsente met witmielies en sojabone
kan Noordwes Voere ook skakel oor pryse
vir dié spesifi eke gewasse.
Persone wat belangstel in die bogenoemde
skema, kan vir Carel Opperman by
(018) 632-4053 of 083 320 4215 skakel,
voor 29 Mei 2009..
Christa nou
senior
rekenmeester
Christa Joubert (foto) is op 1 Maart
2009 as senior rekenmeester by
Noordwes Voere aangestel. Sy
was voorheen by NWK se Finansiesafdeling
by hul hoofkantoor op Lichtenburg
werksaam. Elmarie Brenkman het
Noordwes Voere verlaat. Christa kan
by Noordwes Voere geskakel word
of ’n e-pos kan gestuur word na
christa@nwk.co.za
Draai by
Noordwes Voere
se stalletjie
Vanaf 12 tot 15 Mei 2009 gaan
die Opti-stalletjie van Noordwes
Voere ‘n miernes van
bedrywighede wees in die NAMPOsaal,
as deel van NWK se uitstalling
by 2009 se NAMPO Oesdag op NAMPO
Park naby Bothaville. Kom besoek
gerus die stalletjie vir advies, pryse
en sommer net lekker gesels. Wie
weet, dalk kry jy ’n nuttige aandenking
vir jou belangstelling.
Prestige
Suiweldag
• Kyk uit vir jou uitnodiging
Wees op die uitkyk
vir jou uitnodiging
na Noordwes Voere se
Prestige Suiweldag, wat vroeg in
Oktober vanjaar aangebied word.
Hierdie geleentheid gaan nie die
gewone lesing-, luister-, stilsit- en
vaakword-dag wees nie. Meer inligting
sal in toekomstige uitgawes
van Opti-Bulletin gegee word.
Indien jou uitnodiging jou teen middel
September 2009 nog nie bereik
het nie, moet jy Noordwes Voere
se kantore onverwyld skakel – as jy
hierdie een mis, gaan jy bitter spyt wees!
2 MEI 2009
OPTI BULLETIN • NOORDWES VOERE

Ongelukkig bestaan daar ‘n wanbegrip dat Noordwes Voere
net ‘n verskaffer van pluimvee-rantsoene is. Nie alleen
is dit onwaar nie, dit misken die geweldige sukses van
produsente wat die Opti-reeks suiwelrantsoene gebruik.
Dit is algemeen bekend dat die getal melkboere in Noordwes
Voere se bediengsgebied oor die afgelope tyd afgeneem het. In
teenstelling hiermee, het Noordwes Voere se suiwelrantsoenverkope
die afgelope twee jaar met 65% toegeneem. Dié syfer
is genoeg bewys dat opposisie-maatskappye ongemaklik is oor
die hoeveelheid suiwelklante wat hulle aan Noordwes Voere
afgestaan het, en steeds afstaan.
Waarom is Noordwes Voere so suksesvol in ’n dalende mark? Die
rede is dat die maatskappy oor die afgelope twee jaar die suiwelrantsoene
se samestelling radikaal verander het.
Noordwes Voere se vlagskip rantsoen, Advanced Suiwel 21, is die
enigste van sy soort wat kommersieel in die mark beskikbaar is.
Hierdie produk kan deur enige suiwelprodusent gebruik word. Dit
moet egter met inagneming van die plaasgeproduseerde ruvoere
in ’n aanbeveling of rantsoen, wat deur ‘n kundige adviseur uitgewerk
is, gevoer word. Dit sal die beste resultate verseker.
Wenke vir lekke
Dis weer daardie tyd van die jaar waar
ons nie kan besluit of dit winter of
somer is nie. Moet daar ‘n produksielek,
fosfaatlek of winterlek gegee word?
Daar is meer as genoeg materiaal in die
veld aanwesig na die goeie reën wat in
die somer geval het, maar is die weiding
se kwaliteit ook so goed? Die antwoord is
ongelukkig nee:
• As gevolg van die welige groei is die
samestelling (veral ru-proteïen) in
die weiding laer as in droëer jare. Die
totale hoeveelheid proteïen per kamp
mag meer wees (as gevolg van meer
materiaal), maar die ru-proteïenvlak
is laer. Pasop dat kwantiteit nie jou
oordeel oor kwaliteit vertroebel nie.
• Wanneer temperature daal en dagliglengte
afneem, groei die weiding
nie meer so aktief nie. Voedingstowwe
word na die wortels getranslokeer om
die nuwe seisoen se hergroei te kan
verseker.
• As gevolg van die hoë reënval is
NOORDWES VOERE • OPTI BULLETIN MEI 2009
Wat doen Noordwes
Voere hierdie keer
- met hul suiwelrantsoene
voedingstowwe (minerale) uit die grond
uit geloog en voorsien die weiding
minder minerale.
Om jou behulpsaam te wees in die keuse
van ‘n lek, kan die volgende riglyne
gevolg word.
Vir ‘n strategiese aanvulling kan ‘n produksielek,
soos Optilek Pro 20, gebruik word.
Die fosfaat- en ander mineraalvlakke is
optimaal en dit bevat genoeg energie om
produksie in aanwending tot gevolg te hê,
soos vir goeie, groen weidings.
Indien jy die gewone aanvullingspraktyke
TEGNIES
Die personeel wat deur Noordwes Voere aangestel is om suiwelklante
te bedien, is almal gekwalifi seerde voedingkundiges met
die nodige ondervinding. Hierdie span het ’n passie vir die suiwelklant
en sy diere en dra die belange van die produsent op die
hart – ons glo onwrikbaar daaraan dat solank jy – die produsent
– ekonomies suksesvol en volhoubaar kan produseer, solank het
Noordwes Voere die geleentheid om aan jou voer te verskaf.
’n Verdere rede vir die maatskappy se sukses is dat ons ’n wye
reeks suiwelprodukte vervaardig, wat in alle moontlike toestande
en aan alle tipes en ouderdom diere verskaf kan word, ongeag
hul genetiese potensiaal.
Noordwes Voere is steeds die enigste vervaardiger van suiwelrantsoene
wat ’n hele reeks byvoegings standaard insluit, met
die doel om onder andere toksiene te bind, rumengesondheid te
verseker, ruvoervertering aan te help, pH-vlakke te stabiliseer en
vrugbaarheid te verbeter.
En dit word alles steeds gedoen teen die mees kompeterende
pryse in die mark!
Skakel gerus een van Noordwes Voere se span deskundiges of die
kantoor op Lichtenburg om jou suiwelsukses te verseker.
volg en die kudde se kondisie wil onderhou,
of in ’n suurveldgebied boer, is dit
nou die tyd om oor te skakel na Optilek
Winter 40. Hierdie lek bevat genoeg
fosfaat en ander minerale om jou diere in
topkondisie te hou.
Optilek Pro 20 is ook ‘n uitstekende
produk om aan produserende suiweldiere
regdeur die jaar te gee.
Begin eerder te vroeg as te laat met die
nodige aanvulling om vrugbaarheid, hoë
besettingsyfer, optimale melkproduksie,
hoë kalf- en speenpersentasie en hoë
speengewig te verseker.
3

OPTI-FOKUS: THAJANA BOERDERY
Met die regte gesindheid
is enigiets moontlik
Jaco Botha van Thajana Boerdery in
die Magaliesburg-distrik is een van
Noordwes Voere se mees suksesvolle
suiwelprodusente. Dié suiwelprodusent
lewer sowat 6 000 liter per dag van sy
produk aan Clover. Die 220 tot 230 koeie
in melk, word drie keer ‘n dag gemelk.
Volgens Jaco is ‘n groot deel van sy sukses
te danke aan sy vennoot in die veevoerbedryf,
Noordwes Voere.
“Vir my is Noordwes Voere nie net ‘n
verskaffer nie, maar ook ‘n vennoot.
Hulle is absoluut deel van die boerdery
en ek volg hul raad. Wat my veral beïndruk
van dié veevoerverskaffer is dat hul
diens dieselfde is – toe ek 20 koeie gehad
het, was dit van dieselfde gehalte as nou,
met my 370 suiweldiere,” het Jaco gesê.
Voerkoste maak ongeveer 58% van ‘n
melkprodusent se uitgawes uit, dus is
‘n vennootskap met jou veevoer -
verskaffer uiters belangrik.
Ongeveer vyf jaar gelede, nadat Jaco
amper alles verloor het, het hy die idee
gehad om koeie te huur. Hy het ‘n advertensie
in die Landbouweekblad geplaas
en die belangstelling was ongeloofl ik.
Teen R120 per koei per maand – en met
God se genade – het hy weer sy melkboerdery
begin opbou.
“Een van die produkte wat ek gebruik, is
die 4205 Opti Kalf-aanvangspille, wat van
dagoud gebruik word, tot op drie maande
ouderdom. Ek gebruik vervangingsmelk
en 4205, wat op dag een fi sies in die kalf
se bek gesit word om dadelik inname te
stimuleer. Hierdie praktyk word daagliks
herhaal totdat die kalf vrywillig pille inneem,
gewoonlik op dag ses tot sewe. Ons
speen gewoonlik tussen ses en sewe weke
ouderdom en hou vol met 4205 tot op drie
maande. Ons kry uitstekende groei op ons
kalwers en kalwers weeg tussen
100 en 120 kg op drie maande,” vertel
Jaco verder.
Kalwers word vanaf drie maande met
4202 Opti kalfgroei pille gevoer en
word een maal per maand geweeg om
die vordering van die kalwers dop te hou.
Om ‘n frieskalf te kry wat op ses maande
180kg tot 200kg weeg, is nie vreemd vir
Jaco nie. Hierna gaan kalwers na goeie
weiding en word Optilek Pro 20 ad lib aan
verse gegee. Die doel is om op 24 maande
verse wat tussen 500 en 575 kg weeg,
te laat kalf.
Die melkery se rekordhouding en melkaantekeninge
is van groot belang – dit
word dus elke dag gedoen en met mekaar
vergelyk. Die mengvoerkar het ook ‘n
elek troniese (LMI) skaal, wat die meng
van voer heeltemal gerekenariseer het.
Jaco se koeie word in groepe verdeel,
sodat hulle koste-effektief bestuur kan
word. Elke groep word bepaal deur die
hoeveelheid melk per dier per dag wat
gelewer word en daarvolgens word hul
totale rantsoen uitgewerk, deur gebruik
te maak van Noordwes Voere se Opti- en
Advanced suiwelrantsoene. Die koeie
word kunsmatig geïnsemineer, in samewerking
met Semex en Taurus.
Volgens Jaco is sy sukses te danke aan
sy verhouding met God, sowel as ‘n
uitstekende bestuurspan en die ondersteuning
van sy vrou, Una. “Melkprodusente
is in ‘n moeilike bedryf, maar
dit is tyd vir hulle om ook hul gesindheid
te verander en te besef dat hulle nie die
pad alleen kan stap nie,” het Jaco gesê.
Volgens Jaco wil hy graag in die toekoms
so 500 beeste melk. “Dit is ‘n getal wat
goed bestuur kan word. Meer as dit, raak
moeilik om te bestuur,” vertel hy.
JACO SAAM MET UNA EN HUL TWEE KINDERS,
EUNICE (4) EN JANU (1).
JACO SE BOERDERY LEWER ELKE DAG MELK AAN
CLOVER.
SAAM MET EEN VAN DIE KOEIE UIT SY MELKKUDDE.
Opti Bulletin word kwartaalliks in opdrag van Noordwes Voere deur Infoworks saamgestel en uitgegee.
Navrae: Pierré Lombard, Tel: (018) 632-4053, E-pos: pierrel@nwk.co.za
4 MEI 2009
OPTI BULLETIN • NOORDWES VOERE