DePaort_2017_BinnenwerkDRUK

Belaef met ós ’t vastelaoves circus
Veurwaord Redaksie
Leef laezers,
Gruuëts prissentere weej óg de nieje Paort. Mit dank aan de
teksschrièvers, fotograve, adverteerders, ózze nieje drökker
Graphic & Mail en neteurlik ós eige P&P kemissie.Same hebbe
weej waer ein moeëj bukske meuge samestelle.
In dees Paort vind geej waer eine truukblik van ós ald dreejspanne,
waere de nieje dreejspanne aan óg veurgesteld,
vuuël leuke foto’s en de Vastelaovesbelaeving van eine bekinde
Venlonaer.
Laot óg verrasse en weej winse óg vuuël laesplezeer.
De redaksie
Vastelaovesvereiniging
Boëte de Paort
Opgerich 14 april 1972 • Keuninklik goodgekeurd
Offisjeel orgaan
van Vastelaovesvereiniging
”Boëte de Paort”
Sikkertariaat
Postbus 671
5900 AR Venlo
secretariaat@boetedepaort.nl
www.boetedepaort.nl
Jannewari 2017
Jaorgank 45
3

Café - Restaurant - Feestzaal
de Wylderbeek
• Bruiloften / Feesten
• Koffietafels
• Brunches
• Vergaderingen
Iets te
vieren?
Vraag gerust naar onze
uitgebreide mogelijkheden.
Uitstekende kwaliteit,
betaalbare prijs.
Hagerhofweg 2-A
5912 PN Venlo
077-3543378
06-48104949
info@dewylderbeek.nl
www.dewylderbeek.nl
OPENINGSTIJDEN
Maandag t/m Vrijdag : 09.00 - 12.00 uur en 12.30 - 17.00 uur
Zaterdag
: Alleen op afspraak
Zondag
: Gesloten
www.autobedrijfvenlozuid.nl
- Onderhoud
- Reparaties
- Ruitschade
info@autobedrijfvenlozuid.nl
✆
077 737 00 71
4

Belaef met ós ’t vastelaoves circus
Leef Vastelaovesvrinde,
Veur óg leet waer ‘t jaorlikse
vereinigingsblaad
van Boëte de
Paort. Ik haop det geej
det mit vuuël plezeer
gót laeze. Ózze P&P
kemissie haet d’r waer
vuuël werk ingestaoke
um ein moeëj bukske
veur óg te make.
Óg, wil ik um te beginne,
allemaol bedanke
veur ´t steune van ós
vereiniging mit óg lidmaatschap.
Zónder óg
zoel Boëte de Paort
neet kinne bestaon.
Aafgeloupe jaor haet ós vereiniging zien 4x11 jubileum gevierd.
Ik haop det geej mit vuuël plezeer mit ós ‘t jubileum
gevierd heb. Aafgeloupe jaor zien weej veurgegaon door ós
geweldig dreejspan, Prins Maurice en zien adjedante Peet en
Sjeng. Van eur hebbe weej jaomer genóg op de zitting in november
aafschièd genaome. Maar zoeë -as ze zegge, aan alle
gooje dinger kump ein ind maar ik weit det ‘t nieje dreejspan
al steit te popele um eur plek op de buun op te eise.
Nao 19 jaor in de Raod te zien gewaes, hebbe Erik Ronckers
en René Hoeymakers beslaote um te stoppe mit eur raodslidmaatschap.
Weej zölle eur misse in de Raod, maar zeej gaon
ós vereiniging vaerder steune door in ‘t Gilde plaats te neme,
same mit ós ald besteurslid Marco Faessen. Zeej zölle ós vereiniging
helpe op de gooje waeg te bliève.
Ouk hebbe weej dit jaor ‘t gelök det twieë hière zich hebbe
aangemeld um raodslid te waere. De hièr Mark van de Heuvel
en de hièr Mark Verhoeckx. Weej winse eur vuuël plezeer beej
de Raod.
Ik dink det Boëte de Paort weer klaor is veur ein niej Vastelaovessezoen.
Laote weej d’r ein schoeën jaor van make en ik
haop óg allemaol te zeen op ós zittinge.
Rob van den Nieuwenhof
Veurzitter Boëte de Paort
Ouk dit jaor haet Boëte de Paort weer ein jaor veur de boeg
mit vuuël veranderinge. Op de aafgeloupe leejevergadering
hebbe Evelyne Lensen en Marco Faessen aangegaeve te stoppe
mit eur besteursrol. Zeej hebbe jaorelang de vereiniging
good geleid vanoèt ‘t besteur. Ózze dank daoveur.
Op de leejevergadering van dit jaor haet de vereiniging de
hièr Wim Lensen beneump tot ièrelid van de vereiniging. Hae
haet de vereiniging al jaore in zien hert en help de vereiniging
dan ouk op alle meniere wie hae kin.
5

6

Belaef met ós ’t vastelaoves circus
Leef Paorters, Paorterinkes,
Veurwaord Vors Paortius V
Idder jaor viere weej de Vastelaovend
beej Boëte de Paort in ein
thema. Vastelaovend 2017 zal in
’t teiken staon van circus. Asse de
beteikenis van circus geis opzeuke
kumpse oèt beej ein róndtrekkend
gezelschap waat in ein tent zien
kunste vertuuënd.
De vergelièking mit ein Vastelaoves
Vereiniging as Boëte de Paort is
snel gemak. Weej laote ós al jaore
op verschillende plekke binne de
Venloosche Vastelaovend zeen,
wao weej same mit de minse vuuël
joeks en jen belaeve.
Aafgeloupe jaor hebbe weej det
gedaon mit ós jubeldreejspan
Maurice I en zien kwante adjedante
Peet en Sjeng. Zeej zien de vereinging
op ein veurtreffelikke wiès
veurgegaon. De fotoos en filmkpes
op de social media kanale van BdP
staon nog steeds op mien netvlies
en bezörge mich nog altièd eine
lach op mien gezich. Hière bedank!
In de veurbereidinge nao ’t oètroope van ‘t 45-ste dreejspan
heb ik mich verdeep in de rolle die thoès huure beej ein circus.
Wie kinse det baeter doon dan kièke nao alde oètzendinge
van ‘t Circus Festival van Monte-Carlo. Ein festival det al jaore
op twieëde kersdaag op de beeldbuùs kump mit de beste
circusacts oèt de hièle wereld. Ik vermoed det de technische
kemissie det ouk haet gedaon gezeen
de prachtige aankleiding van
de Zwanehaof in circusstièl.
De rol van circusdirecteur kinse
vergelièke mit mien eige rol as
Vors van Boëte de Paort. De circusdirecteur
zörg same mit vuuël
meiwerkers det ‘t hoeëggeièrd
publiek ein prachtige veurstelling
te zeen krièg. Persiés wie weej det
beej Boëte de Paort doon want
Boëte de Paort bisse neet allein,
det bisse same.
Wie geej vaerder in dees Paort
zal laeze hebbe weej dit jaor ein
dreejspan det neet zal misstaon
in ein circus. Zeej hebbe ein “act
extraordinair” oftewaal ein act
oèt de Boète-Kategorie. ’T Is ein
act mit trómpette, wienglaze en
voetballe. Aevel krege weej dees
act pas later te zeen. Zeej wille ièrs
same mit ós ‘t Vastelaoves circus
belaeve. Deze Vastelaovend is net
waat creatiever, zoeëdet weej op
aswoensdaag kinne zegge ’t waas
eine Vastelaovend oèt de Boète-Kategorie.
Vastelaovend same!
Vors Paortius V
Luc Vissers
7

8

Belaef met ós ’t vastelaoves circus
Vastelaovesblood.
Vastelaovesbelaeving Wiel Aerts
Det besteit ech,” vastelaovesblood”. Ik heb ’t en mit mich nog
vuuël mièr minse. As kroëkestop, al waas ik kepot van Vastelaovend.
Weej woeënde toen in de Greunstraot en hadde
ein gerdeneersbedrièf. Miene pap zörgde det weej de Vastelaovend
mit de paplaepel binne kreege. Verkleid as cowboy
of indiaan ( mièr goof ‘t toen neet ), mit de boerebroèlof as
boer of boerin op stap. Vastelaoveszóndaag zinge naeve de
deur: “Vastelaovend, Vastelaovend en weej hebbe nog niks
gehad, gaef ós dan maar eine cent, dan zien weej pas ech kóntent……”
Altièd nao d’n optoch en mit de boerebroèlof mei.
Mit pap nao de Prins op de Kaldekerkerwaeg en dao in ’t mis.
Pap zag taege mich: “Asse dich vraoge waat desse later geis
doon zaesse maar, dröpkes drinke en mit de maedjes vreeje”.
Det zag ik dus neet allein maar heb det ouk gedaon later.
Noeëts spièt van gehad euveriges. Wie ik 15 jaor waas, beej ’t
klupke op de Straolsewaeg veur ’t ièrs in de buut geklómme as
schoeëljungske en mit de jeugkampioenschappe meigedaon.
Jeugprins gewaes en vors ( mit eine gemingde Raod van Elf).
Det waare altièd prachtige aovende veur jóngk en ald. In dae
tièd woorte euveral in de wièke vastelaovesvereiniginge opgerich
en heej en dao moch ik al optraeje mit ein buut. Later
ging ik meidoon mit de kampioenschappe van Vaat Elf. Det
waare geweldige buutaovende in de Prins van Oranje, inkele
name van toen, de Prikker, Frans Jacobs, Frans Coenders, Jan
Pollux, Piet Pollux, Wiel Vestjens, Sjengske de la Roy. In 1976
waogde ik mien kans mit ein buut op rijm euver de Butterfahrt.
Die sloog geweldig in en ik woort kampioen. “ Kumpse
in de stad waat zuusse…..Pruusse “. Det huurse mei noow nog.
In miene deenstièd meus ik alles oèt de kas haole um mit de
Vastelaovend in Venlo te zien want ik meus in det wiekend wachloupe.
Aevel heb ik emus eine breef laote schriève det ik ein
kóntrak had geteikend veur ein optraeje in de oètzending van
de ROZ ( L1 ) en det d’r ein boéteclausule in stónd. Det waas
genóg um vreejesteld te waere van det wachloupe en kós ik
nao Venlo. 44 jaor geleeje hebbe weej in de H.Hartparochie
de Törvers opgerich en dao
moch ik de ièrste Vors zien.
Ik bleef aktief in de buut en
brach de VVV supporter, de
journalis, en ging aaf wiej
eine geeter as weerprofeet.
Wie de Vrijbuiters stopde
mit mezièk make kwaam
ik mit Ben Verdellen aan de
praot en toen woort Paeper
en Zalt gebaore. 13 jaor lang
hebbe weej same door gans
Limburg opgetraoje mit actuele
tekste. In 1982 woort ik
gevraog um Prins te waere
van de Wortelepin, schreef vastelaovesleedjes veur Venlo, Blièrick
en Tegele. In dae tièd stónd op zekere daag eine knöl beej
ós aan de deur en zei det hae buutteredner woel waere, of
ik um kós helpe. Det heb ik vanzelfspraekend gedaon en dae
knöl is noow…..Vors Joeccius den Elfde. Jaorelangk heb ik in
Blièrick ’t Groeët Gala Worteletruuj georganiseerd en daobeej
kwaam ik in kóntak mit ein boekingskantoeër veur artieste oèt
Kölle. Sins dae tièd bin ik kepot van de Kölsche Vastelaovend
en lid van de Grosse Kölner von 1882. De Vastelaovend van
Kölle en dae van ós Venlo lièke vuuël op ein. Ouk dao wuurt
d’n echte Fasteleer in de wièke gevierd, op straot en mit eige
mezièk, juus wiej beej ós. Laot ós det in ière halde en doorgaeve
aan ós blaage. Vastelaovesblood zit eigelik beej ós allemaol
in de aore, beej d’n eine waat mièr as beej d’n ander maar…..
’ t brink minse beejein, mak de groeëte waereld efkes klein,
efkes staon weej allemaol te kièk, efkes allemaol gelièk, vastelaovend
duit ós allemaol good, daoveur zörg det vastelaovesblood.
Wiel Aerts.
9

10

Belaef met ós ’t vastelaoves circus
Seniorenzitting 2016
11

12

Belaef met ós ’t vastelaoves circus
Zaoterdaag
21 jannewari
2017
Meide meugelik gemak door
Zóndaag
29 jannewari
2017
Hoeëgtepunt van de aovend is ’t
bekindmake van ós Dreejspan 2017.
Muzikaal umliès door nemus minder
dan Minsekinder. Weej prissentere
óg ouk Joekskepél Neet Um Aan te
Huùre (NUATH).
Kóm ouk en laot óg verrasse wae ’t nieje
dreejspan van Boëte de Paort wuurt!
Zaal aope 19:30 oor
Intree € 5,00
Aanvang:
20.11 oor
Zaoterdaag
4 fibberwari
2017
Al ós
aevenemente
vinde plaats in
de “Zwanehaof”
Reigerstraot 2,
Venlo-Zuùd
Eine joeksige femiliemiddaag mit optraejes
van o.a. Jules Fransman en Gijs Engels mit
’t leedje Dich bis eine pippo en Loek Heunen,
Marco Gielens, Etienne Snel en Bart Ebus mit
ut leedje Weij maar mit mich mei. Vaerder nog
ein optraeje van Magic M. Mit as hoeëgtepunt
’t oètrope van jeugdreejspan 2017.
Dit alles muzikaal umliès door DJ Päörtje.
Wae zal ’t waere, wae zal ‘t zien?
Zaal aope 13:30 oor
Intree veur nop
Aanvang:
14.00 oor
Zaoterdaag
11 fibberwari
2017
Ein prachtig gezellige senioremiddaag
mit optraejes van May Anröchte, Julia,
Hommelschoorzuskes, Pierre van Helden,
2 kièr 2 en neteurlik Joekskepél Me Dunk.
Deze gezellige middaag deurt wies 17:11 oor.
Veur kóffie mit ein bruuëdje wuurt gezörg.
Kóm danse, sjoenkele, meizinge,
lache en baove al ... kóm genete!
Zaal aope 13:30 oor
Intree € 5,00
Aanvang:
14.11 oor
Ein spetterende aovend. Weej prissentere
óg optraejes van ónder andere
Andy & Roy, Mr Boullart, De Knöppele,
Niks en un Bietje en Marleen Rutten.
En as aafsloèter hebbe weej
nemus minder dan
Wahnsinn!
Dit wilt geej ech neet misse...!
Zaal aope 19:30 oor
Intree € 10,00
Aanvang:
20.11 oor
13

14

Belaef met ós ’t vastelaoves circus
Hallo Venlo-zuùd,
Ald-Dreejspanne Aovend
In ein jaor wao dien vastelaovesvereiniging ein jubileum viert,
kómme d’r ouk dök nieje initiatieve. Op de jaorlikse fietsdaag
van de ald-prinse woort d’r door ald prins JohnIII ein belke opgegoeëjd
richting John I en II euver ein ideetje um ens te kièke
of d’r eine aovend georganiseerd kós waere veur iddere deilnemer
(adjedant of prins) van ein ald-dreejspan van Boëte de Paort.
(Beschermvrouwe Lenie had dit ouk al ens geoppert veur
de jubileum-daag). Zoeë-as gezag: ein feesje brink altièd gooje
ideeje, dus de dreej John’s dreijde saame waat oèt d’n aek en
nao waat horte en ….. zien we toch op ein fantastisch aantal
gekómme van plus/minus 65 persoeëne, veural ouk persoeëne
die al waat langer neet mièr gezeen woorte beej Boëte de Paort.
Maar zoeë wie ein wiès man ens haet gezag: “Eine ald-prins
of ald-adjedant ,blièfse dien ganse laeve”.
Op 05-11-2016 waas ‘t dan ech zoeëwièd, kefee de Baek as gasgaever,
ein paar gölle gaevers en neteurlik de goodzinnigheid
van iddere aanwezige makde d’r al gauw ein feesje van.Vanaaf
20.11 oor struimde de ald-prinse en ald-adjedante mit eur eega’s
binne en nao waat ièrste gerstenaat woort idderein netjes
welkóm geheite en wie ouk nog de langs-laevende ald-prins
binne kwaam kós de gezelligheid gaon beginne.De stumming
woort opperbes. De gasgaevers zörgde veur ein lekker tössedoortje
en snel hoorse de bekinde zin dae idder dreejspan
zal hebbe gezag;” Ós jaor…det waas toch waal ’t beste”!!! Fantastische
verhaole woorte gedeild en herrineringe opgehaold
mit vuuël gelach! Veur de meizingers van ‘t venloosch schoeën
kwaam Bart Janssen saame mit ziene maat, Roel Verberkt, de
boel opvaere, wao meinigein de alde venloosche schlagers oèt
volle bors meizónge.
Tuurlik hoove weej neet te zegge det ‘t nog hièl lang gezellig
bleef. Ein feesje makse en belaefse saame! Boëte de Paort kin
gruuëts zien op eur aafgeloupe 44 dreejspanne. Op nao de volgende
11 zoele weej zegge!!!
Tot besloèt wille weej Rick & Janneke en Elly van kefee De
Baek, de gölle gaevers,Bart en Roel,maar veural ouk iddere
ald-prins/adjedant en eur eega’s bedanke veur ein gezellig,
fantastisch, hilarisch feesje. Wae wet wao det nog haer geit.
Op nao nog ens 11 jaor BOËTE DE PAORT!!!!!!!!!
Vrintelikke groet,
ald-prinse JohnI, II en III
15

Gelegenheidskleding
Feestelijke gelegenheid?
Bij ons vindt u gegarandeerd de gepaste
kledij voor iedere feestelijke gelegenheid.
Van een exclusieve gala- of cocktailjurk,
een stijlvol smoking of jacquet tot en met
smokinghemden, lakschoenen, strikjes,
stropdassen, bretels, strepenbroeken,
petten, hoge hoeden en manchetknopen.
KLAASSTRAAT 23 B
5911 JN VENLO
077-3744902
WWW.DEKLUISVENLO.NL
UNIEK DAKTERRAS
STREEKPRODUKTEN
GEOPEND TIJDENS VASTELAOVEND
(AANGEPASTE MENUKAART)
Baarlosestraat 128, 5923 AP Venlo
Telefoon: 077 323 08 20
e-mail: info@joseduckers.nl
www.joseduckers.nl
RESTAURANT - LUNCH - DINER
16

Belaef met ós ’t vastelaoves circus
Wis geej det...
1. ...as weej dit schriève ‘t haos Kers is
2. ...weej aafgeloupe jaor ós jubileum hebbe gevierd
3. ... ‘t fees is gevierd in Domani
4 . ...in november ‘t jubileumdreejspan is aafgetraoje
5. ...d’r twieë raodsleeje de Raod hebbe verlaote nl. d’n hièr Eric Ronckers en
d’n hièr René Hoeymakers
6. ...zeej vuuël veur de vereiniging gedaon hebbe/zeej ein lange staot van deens hebbe
7. ...d’r waer twieë nieje raodsleeje veur truuk zien gekómme nl. d’n hièr
Mark v.d Heuvel en d’n hièr Marc Verhoeckx
8. ...”Circus”, ós thema veur ’t nieje sezoen is
9. ...de zaal alwaer leuk aangekleid is door de minse van de TC
10. ...’t nieje dreejspan al steit te popele um oèt te kómme
11. ... weej idderein ein schoeëne Vastelaovend winse mit ein lekker zunke,
lekker windje, lekker waerke!
17

Belaef met ós ’t vastelaoves circus
Veurstelle van ‘t nieje Dreespan 2017
Prins
Hallo allemaol, ik bin Mark van den Heuvel. Ik bin 29 jaor en
woeën same mit Lieke Brünken in Blièrick op de Sint Amandusstraot.
In ‘t dageliks laeve bin ik ónderhald-en servicemonteur.
As hobbie doon ik gaer dinger make van steigerholt. Sins dit
jaor maak ik ouk ónderdeil oét, as kemissielid, van de Päörtjes.
Ouk maak ik gaer mezièk op mien trómpet beej de Mootwörm.
18

Belaef met ós ’t vastelaoves circus
Adjedant 2
Miene naam is Jos Minten, 35 lentes jónk en woeën op de Helbaek
in Venlo same mit mien vruike Manou en ózze 2 blaage
Owen & Romy van haos 3 jaor ald. In ‘t dageliks laeve bin ik
bookhalder beej Limgroup B.V. in Hors. In mien vreeje tièd
gaon ik d’r gaer op oèt mit mien gezin en op zóndaag trap ik
gaer ein belke beej de Venlosche Boys.
Adjedant 1
Miene naam is Rob Brünken en bin 28 jaor alt. Woeënachtig in
Venlo same mit Susan Baetsen. Werkzaam as ièrste meidewerker
be dee ning in ‘t restaurant van ‘t moeëjste hotel van Venlo,
Bilderberg hotel “De Bäövenste Meule”.
Hobbies golve, wandele, knómmele mit hoeëgheid Mark en
vastelaovend viere en organisere beej Jocus Toekôms.
19

Belaef met ós ’t vastelaoves circus
Veurstelle van ´t nieje dreejspan 2017
* Wao kint geej óg van / Waat ziet geej van ein?
Prins:
Adje Rob kin ik via Lieke
want det is Lieke zien
broor. Rob kós ik al hièl
lang umdet weej ós dökker
troffe in ‘t Ald Weishoes.
Mit Rob heb ik eine
hièle gooje band veural as
hae mich kump helpe mit
hobbieë. Dan wuurt d’r altièd
vuuël ónzin verkoch
maar aevegood ouk hard
daorgewerk ;-).
Adje Jos kin ik ouk via Lieke want Jos is de man van Manou en
det is de beste vrindin van Lieke. Weej kinne waal zegge det
Jos en Manou ós beste vrinde zien. Same gaon weej d’r gaer
op oèt en ‘t leefs mit eur blaage d’r beej en anders passe weej
gaer op de twieëling.
Adjedant 1:
De hoeëgheid kin ik in ièrste instantie
vanoèt ‘t Ald Weishoès.
Hae träöt dao beej De Mootwörm
en ik zit dao dök ivm besteursvergaderinge
van Jocus
Toekôms. Daodaor drónke weej
waal ens ein, twieë,… pilskes aan
de bar. As 2de ging hae ouk nog
ens mit mien zuske Lieke vreeje
en zien weej dus dökker beej ein
dan allein in t ALd Weishoès, weej
zien dus “haos” schoeënbreurs.
Adjedant Jos kin ik dan ouk via Mark en Lieke, smeis ware zeej
dao mit de kiendjes op bezeuk en woort d’r eine houp ónzin
verkoch en waas ‘t dök gezellig!!
Adjedant 2:
Ik heb Mark ein
jaor of twieë geleeje
liere kinne
via zien vrindin
Lieke. Inmiddels
zien Lieke en Mark
gooje vrinde van
ós.
* Op welke wiès haet de Vors óg gevraog? En wie heb geej óg
adjedante gevraog?
Prins:
De vors appte mich op eine zaoterdaagmiddaag of hae effe
waat dinger aaf kós kómme gaeve (dinger veur de Päörtjes) det
had hae nog thoès ligge en det waas nog van ‘t jubileumfees.
Ik appte truuk: “kóm maar want ik bin thoès”. Al gauw genóg
stónd hae aan de deur en zoote weej aan ein tas kóffie. Weej
hadde ’t zoeë-as gewoeënlik euver Boëte de Paort en de Päörtjes.
Wie ik hièl enthousias vertelde det weej beej de Päörtjes al
eine hoeëgheid hadde zaet hae taege mich: “Det is noow ouk
persies waoveur ik heej bin. Ik zoel gaer wille des dich miene
hoeëgheid wuurs kómmend sezoen”. Toen veel mich de mónd
aope en wis ik neet waat ik hoort.
Rob woel ik eigelik strikke veur ein klus tièdes jannewari/fibberwari
en dan “ DE VRAOG ” stelle. Aevel door de drökke agenda’s
is dit neet gelök en meus ik ein belangrièk berichje steure
via de whatsapp. Rob en Susan hadde ech gen tièd um aaf te
spraeke maar woele waal gaer weite waat d’r zoeë belangrièk
waas. Rob belde mich toen op en kós ik um de vraog stelle. Rob
haet mich toen nog ein waek in spanning laote wachte veurdet
hae intelik JAO zag.
20

Belaef met ós ’t vastelaoves circus
Jos heb ik gevraog tièdes eur vekansie. Weej ginge ein wiekendje
beej eur op bezeuk. Toen de kiendjes intelik in bed
looge kóste weej ‘t spelke beginne. Ik had ein kaart van ‘t spel
Uno Extreme gesaboteerd die oètintelik beej Jos in de hand
kwaam. ‘T gezich van Jos sprook bookdeile wie hae dees kaart
zoog.
Adjedant 1:
Waat bleef prins Mark toch vraoge of ik kós kómme helpe mit
knómmele. Maar ja, te drök, werk enz enz. Later kwaam d’r in de
groepsapp via whatsapp toch de vraog um ens aaf te spraeke.
De hoeëgheid had waat belangrièks te vertelle. Aevel, ik had
ech genne tièd en heb um gebelt waat d’r zoeë wiechtig waas.
Toen kwaam ‘t hoeëge waord d’r oèt. Of ik ziene adjedant woel
waere. Waat ein ièr!! Ik woel um aevel ‘t antwaord persuuënlik
gaeve, det haet nog ein waek gedeurt.
daag lang, van ’s morges vruùg wies ’s aoves laat mit vrinde in
de kroeg hange mit ein lekker pilske in de hand.
Sins weej kinder hebbe is ‘t toch iets korter Vastelaovend viere,
maar zeker neet minder leuk.
Vastelaovend 2017 wuùrt ein knaller van ein jaor wao ik enorm
nao toe heb gelaef.
* Wie viert geej ‘t leefste vastelaovend en mit wae?
Prins:
Ik vier ‘t leefste vastelaovend same mit Lieke. Same träöte, same
stappe, maar veural same vuuël lol en plezeer make. Same mit
ós vrinde en femilie.
* Waat beteikent vastelaovend veur óg?
Prins:
Ik ging van kleins aaf aan al mit mien elders mei nao ’t Muspelhei
in Blièrick. Dao stónd altièd ein joeksképel te speule
en as mien elders mich kwièt ware kóste ze mich dao veuraan
vinde want dao stónd ik te luustere nao de joeksképel. “Ik wil
mezièk make’’, zag ik taege mien elders. Ièrs verklaorde zeej
mich veur gek maar oètintelik moch ‘t toch. En vanaaf ‘t mement
det ik trómpet speul heb ik genne blièrickse en genne
venloosche optoch mièr gemis. Det is veur mich vastelaovend
mezièk make, dao kin ik michzelf en andere mei ammezere. Ik
laef d’r idder jaor enorm nao toe en dit jaor waarschienlik nog
vuuël mier.
Adjedant 1:
‘T organisere en sóms prissentere van bals, zittinge en receptie.
Oèthelpe op vastelaoveszaoterdaag as buunmeister beej de
BBZ en dreej daag lang alle zörg aan de kant zette en de batterie
waer oplaaje veur de res van ‘t jaor.
Adjedant 2:
Vastelaovend beteikent veur mich wie ik nog jónk waas veer
Adjedant 1:
Same mit Susan, vrinde en femilie. Dit alles meistal in de stad,
in ein sjiek pekske. Op vastelaovesdinsdaag mit vrinde meiloupe
in de optoch van de boerebroèlof mit ós bolderker/staontaofel!
Adjedant 2:
Het leefste vier ik Vastelaovend mit mien vrouw en ós twieë
21

Belaef met ós ’t vastelaoves circus
blaage Owen en Romy. Vanzelfspraekend huùre dao ouk ós
vrinde beej, wao weej dan vuuël plezeer mit make en gezellig
ein glaas beer mei drinke.
* Waat is óg binding mit Boëte de Paort en wie bisse beej
Boëte de Paort terech gekómme?
Adjedant 2:
Ik bin veurig jaor op de prónkzitting gewaes, same mit mien
vrouw Manou en Mark & Lieke. Dit waas eine zièr gezellige en
geslaagde aovend.
Prins:
Ik kwaam al geregeld op zittinge van BdP as trompetis van de
Mootwörm. Mien binding is allein maar grutter gewaore wie
ik ging vreeje mit Lieke. Det noom mich eine kièr mei nao ein
prinsebal van de Päörtjes. Zoeë is de leefde veur BdP allein
maar grutter gewaore. Aan de hand heejvan bin ik aafgeloupe
jaor gevraog um raodslid te waere beej BdP.
Adjedant 1:
In miene tièd as vors van Jocus Toekôms heb ik nog dök op
Paorters buun gestaon. De aafschièdsreceptie van vors Päörtje
* Prins, wie hebse dees adjedante oètgekaoze? En wat mak
eur zoeë geschik um dien adjedante te zien?
de ièrste ( Lieke) geprissenteerd en op eine blauwe maondaag
nog hièl kort kemissieveurzitter van de Päörtjes gewaes.
Prins:
Ik heb dees twieë hière oètgekaoze umdet zeej op dit mement
‘t dichtste beej mich staon. Weej doon ónderling vuuël same
en det haet eine sterke band gecreëerd. Mit Jos gaon ik dökker
same mit ós maedjes ein wiekend weg of nao ein pretpark.
En weej passe ouk geregeld op eur blaage. Dit doon weej ouk
dökker mit Rob en Susan. Zeej woeëne sins ein paar jaor ouk
in Blièrick dus kómme weej ouk dökker beej ein op de kóffie.
22

Belaef met ós ’t vastelaoves circus
* Waat geit t kómmend sezoen beej Boëte de Paort veur óg
beteikene?
Prins: Dit jaor geit zeker ein jaor waere det nemus zal vergaete.
Ein jaor wao-in weej same mit de jeug eine fantastische
vastelaovend gaon belaeve. Veural ós jeugaafdeiling” De Päörtjes”
wil ik heej hièl gaer in gaon betrekke. Zeej mótte tenslotte
* Tot slot, waat wilt geej aan alle Paorters en Paorterinkes
meigaeve deze vastelaovend? Waat zien óg winse veur dit
vastelaovessezoen?
Prins:
Miene wins is al deils vervöld maar wat ik óg gaer allemaol mei
wil gaeve is: maak lol en plezeer, geneet van ’t laeve. Betrek
veural ós jeug “De Päörtjes” beej dae vastelaovend want miene
wins is pas ech vervöld als ik euver ein paar jaor ein Päörtje,
prins zeen waere beej BdP.
Adjedant 1:
Geneet van de kleine dinger,
dao zit dök al ‘t moeëje
in verschaole. Vier vastelaovend
op dien eige wiès
mit minse diese leef haes!
Adjedant 2:
Miene wins is det idderein
van Boëte de Paort ein
waanzinnig vastelaoves
sezoen mit ós mei mak.
Weej, ‘t dreejspan van 2017,
gaon veurop um d’r ein
groeët fees van te make.
ós opvolgers waere en d’r veur zörge det Boëte de Paort nog
lang zal bliève bestaon.
Adjedant 1:
Haopelik eine vastelaovend um noeëts mièr te vergaete. Ein
oètbreiding van vastelaoves herinneringe die ik de res van
mien laeve beej mich zal drage
Adjedant 2:
Vuuël lol & plezeer make mit jónk en ald .
Geneete van idder mement det weej same zien mit ‘t dreejspan
en alle andere minse um ós haer. Ein vastelaoves jaor waat ik
noeëts mièr gaon vergaete. Ik heb d’r super vuuël zin in.
23

24

Belaef met ós ’t vastelaoves circus
Proklamasie
Geej Paorters en Paorterinkes,
Aanhuùr dees Prinseproklamasie.
Weej, Prins Mark d’n Ièrste,
Burggraaf van de Sint Amandusstraot,
Beschermhièr van mien maedje Lieke.
Jónkhièr van holt wies cement,
Groeëtmeister euver de trompet beej de Mootwörm,
Opperstalmeister van dit Paortersrièk,
Beej de graassie van Vors Paortius en ziene hoeëge Raod van Elf.
Prins Carnaval 2017 van alle Paorters en Paorterinkes,
Um óg same mit mien adjedante Rob, Beschermhièr van zien maedje Susan,
Baron van aperitief wies digestief.
Jos, Beschermhièr van zien vruike Manou en eure twieëling Owen en Romy.
Hertog van de derde helf wies champignons en sperjus.
Veur te gaon in dit Paortersrièk.
Gaeve weej heejbeej te kinne en te verstaon.
Leef Paorters en Paorterinkes ós hoeëgge-ièrd publiek,
Weej zien óg dreejspan van ‘t jaor 2017 en det is ludiek.
In ‘t Circus van de Vastelaovend, make weej joeksigheid wies laat in d’n aovend.
Weij maar mit ós mei want weej gaon veurop,
euveral wao weej kómme zette weej de circustent op de kop.
Vastelaovend Same!!!!
Prins Mark d’n Ièrste,
Adjedante Rob & Jos
25

Groeëte Prónkzitting 2016
Belaef met ós ’t vastelaoves circus
28

Belaef met ós ’t vastelaoves circus
29

AUK
THOÈS IN
VASTELAOVEND
ACM-InterMakelaars Venlo
Hogeschoorweg 98, 5914 CH Venlo. Tel. 077 - 35 16 188
www.acm-intermakelaars.com
Bleken, en cosmetische behandelingen
Uitgebreid kroon en brugwerk
Mondhygiene en preventie
Prothetische voorzieningen
Kindertandheelkunde
Angstbehandeling
Orthodontie
Kraanvogelstraat 2
5912 XR Venlo
Telefoon: 077 - 352 61 26
info@tandartswermenbol.nl
www.tandartswermenbol.nl
30

Belaef met ós ’t vastelaoves circus
Ald dreejspan 2016 van Boëte de Paort
As ik dit stök schrièf
hebbe weej net ‘t
offisjele aaftraeje
gehad, dus kinne
weej ech zegge : “’T
is gedaon ‘t is gedaon”,
jao zoeë snel
kin ‘t gaon. Zoeë
bisse net truuk van
de vekansie 2015
en wuurse gevraog
um d’n hoeëgheid
te waere van Boëte
de Paort in 2016.
Jao, dan mósse ouk
twieë kwante adjedante
hebbe en die
had ik ouk en det is
waal gebleke.
‘T jaor 2016 waas neet zoëe maar ein jaor, nae, det waas ein
jubileumjaor, dus dit waas ‘t 44e dreejspan van Boëte de Paort.
Des is toch waal spesjaal want d’r zien maar 43 dreejspanne ós
veurgegaon.
Asse dan bis gevraog en dien Adjedante haes gevónde begint
d’n aanloup nao ‘t sezoen. Det is altièd leuk en ouk waal spannend.
De kins en meugs niks zegge en oplette desse dich neet
verpraots. Maar waat ware die aovende tóf. Alles doorspraeke,
kleier passe, fotoos make. En dan kump de tièd van wachte,
wachte op 9 jannewarie, ós prinsebal, ‘t oètroope van ‘t trio
2016. Op d’n daag van 9 jannewarie kóm ik net wie andere jaore
beejein in ós residensie De Baek, um ‘t trio aan ózze nieje
veurzitter veur te stelle. Maar dit jaor neet as chef du protocol,
maar as de nieje hoeëgheid weitende det ‘t nog ein paar eurkes
deurt. Ièrs ‘s aoves lekker bikke en veurstelle aan de Raod
en daornao is ’t zoeëwièd. Op paortersbuun waere Peet, Sjeng
en ik oètgeroope as Dreejspan 2016 en veurgesteld aan de
minse. Vanaaf det mement
ein aaneinschakeling van
hoeëgtepunte. ’T Prinsebal,
waat eine moeëje aovend, ‘t
Vlaghijse, persuuënlik vind ik
det ein van de leukste daag.
Lekker óngedwónge sfeer,
gezellig, lekkere mezièk,
meilalle en op d’n tièd ein
lekkere toèt beer. Normaal
waas ‘t d’n broèk det nao ‘t
prinsebal beej de Prins thoès
ein tas soep en ein bruuëdje
gebik waere en wae nog dors
haet ein fleske beer. Maar nao
Steyl, nao zónne aovend, dao
had dink ik nemus zin in. Dus
mien vrouw Lilian kwaam mit
‘t briljante idee um det beej
ós thoès te halde op eine
doordewaekse daag. De vrouwe van de adjedante kriège dan
ouk de kans um dames van Raod en Besteur te lière kinne.
Dus zoeë gezag de hièle hut laeggeruump, staontaofels en
barkrökke d’r in, drank derbeej en waat te aete. Waat waas
det gezellig, ónvergaetelik en laat. Allein ‘t opruume de volgende
morge waas waat minder maar det huurt d’r ouk beej.
Maar ouk neteurlik ós eige aevenemente, de resepsies beej
ós zustervereiniginge en altièd de legendarische aovend in
Leuth. Maar door ‘t drökke program is aan dees traditie ein
ind gekómme. Ouk de aovende mit de wings in de Baek en
beej de Witte in Tegele zien werkelik geweldig. Asse die minse
zuùs geneete en straole, det is zoeë moeëj um te zeen. Ouk
de fruitschäölkes bringe beej minse die slech ter bein of krank
zien, zón klein gebaar wuùrt enorm gewaardeerd.
Dan geisse nao de vastelaovesdaag zelf, wao weej gen aktiviteite
hebbe, maar neteurlik ware weej waal in de stad. Zaoter-
31

32

Belaef met ós ’t vastelaoves circus
daags mit Peet en ós vruiwkes ónherkinbaar geschmink, ech
hièlemaol geweldig. Dan brik d’n letste daag aan. D’n daag
van de boerebroèlof, ièrs miechele in de Zwanehaof en daonao
ein rundje binnestad. As sloètstök ‘t ónoffisjele aaftraeje
in de Baek. ‘T is en blièf toch ein ónveurstelbaar moeëj en
emotioneel mement, dan witse: ‘t zit d’r op. Maar weej kinne
enorm gruuëts zien
op dees moeëj vereiniging.
Chapeau
veur idderein dae
zien aandeil heej in
haet gehad. Maar
boète ein jubeljaor,
blièk det weej toch
nog ein toetje krege.
Umdet d’n optoch
neet op vastelaovesmaondaag
plaats haet kinne
vinde in verband
mit ‘t verschrikkelikke
slechte weer,
waas beslaote um
d’n optoch mit
half-vaste te laote
plaatsvinde. Dus
weej hebbe ós
nog eine kièr lekker
oètgedos en zien in de stad nao d’n optoch gaon kièke. En
wie toepasselik, “Lekker zunke, lekker windje, lekker weerke”
prachtig weer, de zón scheen heerlik. Maar wie gezag, dit waas
ein jubileumjaor . In April bestónd ós prachtig vereiniging persiès
44 jaor en det heuglikke feit meus gevierd waere. Op 16
April waas in Domani ein groeët fees veur ós leeje en zustervereinige
georganiseerd, waer ein hoeëgtepunt. Dan kump d’r
eine lange tièd van bezinning en truuk kièkend op eine waanzinnig
moeëje tièd. Maar nao de zomervekansie witse det ‘t
eigelik d’r zoeë good as op zit en geise nao de 11e van de 11e.
Ouk dit waas waer eine moeëje daag. En dan zaoterdaag 19
November, dan witse ‘t is aafgeloupe, maar ièrs hebbe weej tot
ongevièr 23:00 oor nog effe flink fees gevierd en dan kump ‘t
mement det weej van ós regalia óntdaon waere.
Weej kinne mit rech truuk kièke op ein fantastisch moeëj jaor.
Ik bin bièzónder gruuëts op mien adjedante Peet en Sjeng en
vanzelfspraekend ouk op ós vruiwkes die ós dök hebbe mótte
misse. Zeej stónde altièd veur ós klaor en zörgde d’r veur det
ós pekske schoeën
waas. De ploète
strak gestreke zoeëdet
weej d’r waer
wie door ein ringske
te haole d’r
oèt zooge. DANKE
DANKE DANKE !!
Ouk eine groeëte
dank nao ós Hof
en Protocol, Vors
Paortius V Luc Vissers
en ózze Sirremoniemeister
Roy
Onkels en Chef du
protocol Eric Ronckers.
Waat zoote
weej in de maag
mit ‘t feit det Vors
Paortius de IV rónd
september aangekóndig
had um
te stoppe. Ech boèkpien had ik d’r van. Ik dach beej michzelf:”
Oh nae en noow” ? Ik waer prins en weej hebbe genne Vors.
Maar dan bliék maar waer desse echte vereinigingsminse in
dien midde haes. En waat meuge weej gruuëts zien op dees
minse. Roy woel mit alle plezeer de rol van Sirremoniemeister
van Luc euverneme. En Luc woel mit alle plezeer de rol van
Vors Paortius euverneme. En ièrlik is ièrlik, ‘t meug hardop gezag
waere, waat hebbe zeej det fantastisch gedaon, ein deepe
buiging, CHAPEAU. Maar ouk mien broor Eric. Dae kreeg beej
‘t diner net veur ‘t prinsebal te huure det hae mien rol as Chef
du Protocol moch euverneme. Ouk hae haet det mit verve gedaon.
Inmiddels weite weej det hae jaomer genóg aangekón-
33

selfstorage • tijdelijke opslag • permanente opslag • ophaalservice
1 e maand voor 1,-
www.ustoreit.nl • 077 323 21 08
Voltastraat 27, Venlo
Het hoogste terras aan de maas
Jachthavenweg 52 Venlo- Blerick
Tel. 077-3240300
34

Belaef met ós ’t vastelaoves circus
dig haet um nao zón 19 jaor oèt de raod te stappe. Maar waat
hebbe weej in die 19 jaore gelache, ech geweldig. Eric, ouk
dich DANKE DANKE DANKE. !!!
Zoeë noow hald ik d’r mit op, genóg in de schiènwerpers en in
‘t middelpunt gestaon. Volgend jaor is Chefke waer truuk aan
‘t frónt en make weej d’r weer opniej ein moeëj sezoen van.
“D’r is eine tièd van kómme en eine tièd van gaon. De tièd van
gaon is noow gekómme en daorum zal ik noow maar gaon”
Ald Prins Maurice I, dreejspan 2016
apart gaon beneume maar dan heb ik aan ein A4 nog neet
genóg. Ik, as adjedant, heb eine fantastische tièd gehad en
vónd ‘t ein ièr um as adjedant in ein jubeltrio te meuge zitte.
Ik wil dan ouk idderein bedanke dae dao ein steinke aan beej
gedrage haet. Veur ós waas ‘t ein geweldig sezoen. Bièzonder
dank aan ózze kersverse Vors Luc en neteurlik Eric ós chefke ....
Mit vrintelikke groet, mit freundlichen Grüssen, best regards,
Ald-Adjedant Peet, dreejspan 2016
As ik dit verhäölke schrièf is ‘t alwaer december en zitte weej
alwaer in de kerssfeer. Ik meug truuk kièke op ein geweldig
leuk sezoen van gevraog waere wies ‘t oètkómme en aaftraeje.
Maar, maar, waat hebbe weej gelache, lol en plezeer gehad.
Van ós geweldige zittinge wies Leuth, de Wings in de Baek en
de Witte in Tegele. Ouk waat serieuze dingskes zoeë-as fruitschaole
róndbringe en dan meugse dich toch gelökkig prièze
asse vaerder
gezónd bis. Maar
‘t wuùrt waal gewaardeerd
asse
toch oèt naam van
de Zonnebloem
/ Boëte de Paort
ein fruitschäölke
meugs aanbaeje.
Ik wil ouk al ós leeje
en gaste die aanwezig
ware beej ós
zittinge bedanke,
want niks is zoeë
erg as eine laege
zaal.
Maar dao hadde
weej ouk gen klage
euver.
Noow kin ik idder
oèttraeje allemaol
“ ‘T waas unne maondaag in ‘t Zuiden, niks an de hand en wat
d’r gebeurd ‘t kump morge pas in de krant en de zon op de
roete reep alles naor boete. Ik denk, ik blief binne vandaag en
ik huurde miene tillefoon gaon.” ´T waas Maurice, en hae vroog
mich:” Wetse, Elf van elf, sprik vanzelf, d’r kump eine joeksige
tièd. Wils dich miene adjedant zien beej ‘t nieje jubileum dreejspan
van Boëte de Paort”? “Jóng dao vruùgse wat, want det weit
ik ouk neet zoeë vlot
“. Maar beej michzelf
dach ik:” Geneet van
‘t laeve, waat kan ’t
gaeve”. De laefs maar
eine kièr en dan noeëts
mièr, want det is
dien lot, dao kinse
neet naeve, man dörf
te laeve. En toen zag
ik “jao”, nao ein paar
daag bedinktièd.
Ein paar daag later
had ik beej Maurice
en Lilian aafgespraoke
um op bezeuk
te kómme want dao
zoel ik dan veurgesteld
waere aan miene
kollega adjedant
35

HYPOTHEKEN
Don de Wilde
Hans Konings
Hans Hegger
Gitte Peters
Pim Geelen
PENSIOENEN
VERZEKERINGEN
JAARREKENINGEN
ADMINISTRATIE
FISCAAL ADVIES
Hogeschoorweg 98a • 5914 CH VENLO
Tel 077 - 472 92 40 • Fax 077 - 472 92 41
E-mail: info@volino.nl • Internet: www.volino.nl
36

Belaef met ós ’t vastelaoves circus
en aan de Vors. Nou det waas mich wat, waat ein fees. Ik had eur
nog noeëts gezeen, Peet en Luc, maar ‘t klikde metein en wies in
de late, vruùge, eurkes hebbe weej ‘t dao gezellig gehad. Toen
nao Dückers de kleier oètzeuke, det waas ouk waal lache want
aangezeen ik toch waal lange erm heb, wie eine aap, waas miene
jas of te klein of de mouwe te lank. Maar oètintelik is ‘t toch
nog waat gewaore en heb ik dao de res van d’n tièd in meuge
rónd huppele. Fotoos make waas ouk zoeë gebeurd, hup Pekske
aan, mutske op, schminck op ’t gezich en hup klaor. Reinier effe
photoshoppe en weej stónde d’r weer moeëj op.
9 januari 2016 D’n daag.
Dit waas miene daag, ik, gebaore in 1966 woort vandaag 50,
Abraham, en dan is ‘t ouk nog Jubileum Prinsebal beej Boëte
de Paort. 44 jaor, waat ein fees en ik bin d’r beej. Ik waer
adjedant van ‘t nieje dreejspan. Allemaol de femilie en vrinde
oètgenuuëdig veur deze aovend. Die hadde zich allemaol verzamelt
in ein aparte kamer in de Zwanehaof en ‘t fees kós beginne.
De adjedante en de surrogaat prins, want Maurice stónd
op de buun, meuste op eine strièdwaage gaon staon en weej
woorte nao binne gereeje. Ik vónd ‘t spannend maar waas neet
zenuwachtig. Nao waat op en neer gedouwt te zien in die ker,
leepe weej de buun op. ‘T waas rumoerig en toen reep de Vors
de name van ‘t nieje dreejspan.
“Dao isse dan, dao isse dan, dao is de nieje Prins!
Dao isse dan, dao isse dan, persiès wie geej óg wins
Noow huurste in de ganse stad
Zónne gooje hebbe weej nog neet gehad”, same mit zien adjedante.
‘T daak vloog d’r vanaaf d’n hièle aovend, dao waas toch waat
van mich aafgevalle (vuuël zweit). Daags daonao vlagheisse
beej ós residensie kefee de Baek, ‘s morges vruùg, (wae haet
det verzónne?) en nao de resepsie van ‘t nieje Boerebroèlofsgezelschap.
‘T waas eine gezellige daag wao ik vuuël van genaote
heb. De waeke die volgde ware hièl intensief, drök en
vermeujend maar dao heb ik van genaote. De privé resepsie in
de Wylderbaek waas drök bezóch en hièl gezellig. Weej hebbe
gezónge, gelache, gehos en gesjoenkeld.
Ouk ein hoeëgtepunt waas toch waal de zitting beej de Löther
Rieser in Leuth. Man waat waas det slech, ‘t waas zoeë slech det
weej ein van ós leukste aovende hebbe gehad. De flesse beer
kóste neet sneller laeg. Idderein woel zat waere um dae schaele
wazel van die zitting maar neet aan te hoove huure, zoeë
good waas det. Ik zag nog taege Peet: “Loep nar d’n tap toe,
Peet. Nim wat te zoepe mei. Loep nar d’n tap toe, anders is d’n
tap toe. Loep nar d’n tap toe, Peet.”
Maar mien hoeëgtepunt, boète ‘t oètkómme, waas toch waal
mien stiekeme, ónverwachte, optraeje mit Big Benny. Ik had
mit die gedachte róndgeloupe, wie kin ik toch nog iets leuks
doon op dae aovend, dus toen kwaam ik op ‘t idee, ik zeuk ein
leedje van Big Benny oèt, lièr mich det oèt d’n bums en dan
neem ik kóntak mit um op. Zoeë gezag zoeë gedaon.
Ik ‘t leedje “beer en whisky”oèt de bums gelièrd, Big Benny ein
mailtje gesteurd mit mien vraog of ik ein leedje mit um same
moch zinge. En waat dink geej, jao det moch as d’r toestumming
waas van de vereiniging. Dus ik bin beej de Vors op bezeuk
gewaes op zien werk en heb um det toen verteld. De Vors
goof mich greun leech en toen waas ‘t zoeë gepiep.
Ós groeëte prónkzitting, waat ein fees. De zaal bómmevol,
sfeer van heej wies beej Jocus en weej “’t dreejspan” in the
picture. En toen kwaam Big Benny, man waat goof dae gaas
op de zuùger. Hae waas haos klaor mit zien optraeje wie hae
opens vertelde det hae ein verzeukske had gehad van adjedant
Sjeng, of hae ein leedje mit um moch meizinge. Idderein
waas mit stómheid geslaage: “waat haet dae noow gedaon?”
Nou, ik kreeg eine microfoon in de hand gedouwt, Big Benny
leep de zaal in en hae begós mit zinge en ik völde um zoeë aan
en zóng mei. Det waas kicke, idderein loog döbbel van ‘t lache
en genoot intens mei. Nou, det optraeje zal ik de res van mien
laeve noeëts mièr vergaete. En ouk veur de res van mien laeve
zal ik dao aan herinnert waere want ik heb ‘t leedje noow al
diverse kière mótte doon in de diverse kefees en zale.
Waat hebbe weej nog mièr gehad; de Wings in de Baek, recepsies
beej zustervereiniginge, op bezeuk beej Maria Auxiliatrix,
ós eige jeugresepsie van de Päörtjes, beej de alde van dage in
37

Belaef met ós
’t vastelaoves circus
38

Belaef met ós ’t vastelaoves circus
de mantel, de scepter en mien muts. Ik waas
weer eine gewoeëne mins dae in ein kefee in
Venlo ein pilske aan ‘t drinke waas.
De 11e van de 11e 2016 hebbe weej nog ein
kögelke aaf meuge scheete, (vraog maar aan
Eric Ronckers, haha) veur ‘t stadhoès same
mit nog ein paar andere vereiniginge. Weej
hebbe nog waat gedrónke en gegaete en gedrónke
en sómmige nog waat gegaete en det
waas ‘t. ‘T waas ein óntzettend moeëj jaor, dit
jubileum jaor beej Boëte de Paort. Ik heb d’r
óntzettend vuuël van genaote. Ik heb óntzettend
vuuël plezeer gehad. Ik heb óntzettend
vuuël moe ëje herinneringe d’r aan euver gehalde.
Ik heb d’r ein óntzettend moeëje tièd
gehad. En alles baove alles, ik heb d’r óntzettend
vuuël nieje vrinde beej gekrege. Vrinde
veur ‘t laeve.
Crescendo, Fortisimo concert, allemaol leuke memente die ik
noeëts mièr zal vergaete. En neteurlik ouk nog d’n “Haka” van
de Gaaskaetel op ós eige resepsie. Det waas toch wal kwant.
Dae “Haka” had de Gaaskaetel spesjaal veur ós gelièrd en
gedaon,dus beej gen andere vereiniging. Weej hadde de primeur
en dae geit noow toch waal “viral” euver ut internet. En
det hebbe weej meigemak. Is toch moeëj.
Maar ja, aan alles kump ein ind en ouk beej ós kwaam det en
det waas op dinsdaag 9 fibberwari. ‘s Morges ièrs lekker mit z’n
alle Miegele beej de Zwanehaof en daonao efkes de stad in en
rónd 16.00 oor nao kefee de Baek. De “patsch” van d’n Bums.
‘T is veurbeej, nog neet gans, maar det is ‘t begin van ‘t echte
ind. D’r woorte waat toesprake gehalde. Idderein woort bedank,
de vrouwe en de kinder woorte nog hertelik toegespraoke
en toen waas ‘t mement dao. Alles woort mich aafgepak,
En dan wil ik neteurlik ouk mien thoèsfrónt
hièl erg bedanke veur al eur steun en toeverlaot
want Bianca haet ‘t neet mekkelik gehad
mit 2 adjedante in hoès. Mien dochter Mindte
waas namelik adjedante beej ‘t jeugdreej span
van De Wien. Dus Bianca meus zich in 2-je deile, of beej de
dochter of beej ‘t menke. Bianca hat ‘t allemaol ónder kóntrole,
zelfs ‘t wasmesjien want det dreijde 24 oor per daag nao de
wiekende. En dan meus ouk nog alles glad gestreke waere. Petje
aaf. Bedank Schat. En ouk de kinder neteurlik bedank, want
die hebbe papa ein paar waekskes maar sporadisch gezeen.
Hoeëgheid Maurice, Adjedant Peet en alle andere hière en dames
van Boëte de Paort; Hièl erg bedank veur óg vertrouwe,
plezeer en haopelik blièvende vrindschap. Ik heb ‘t noeïts zoeë
meigemak maar dit waas ein waanzinnig leuk jaor. Ik vónd ‘t
superleuk um ein hièl sezoen mit óg zoeë mei te make. ‘T waas
kwant, gezellig en wónderschoeën. Hièl erg bedank en weej
zölle ós beslis nog wal eine kièr zeen.
Ald-Adjedant Sjeng, dreejspan 2016
39

VELOMAR SCOOTERS DÉ VOORDELIGSTE IN DE REGIO!
Verkoop - Reparatie - Schadetaxatie.
Wij maken scooter rijden betaalbaar!
Openingstijden:
ma t/m vr 9 - 18 uur
za 9 - 17 uur
Mariastraat 3 - 5932 BR - Tegelen.
077- 8511000 - www.velomar.nl
like ons op facebook
40

Belaef met ós ’t vastelaoves circus
Aaftreeje 2016
41

42

Belaef met ós ’t vastelaoves circus
Leef Päörtjes en leef Paorterinkes,
Ik bin Jeremy Vullings en bin 14 jaor ald. Ik woeën in Venlozuùd
same mit mien pap en mam, zus en broor. Ik bin as 8
jäörige blaag beej de Päörtjes gekómme. In det jaor waas
Mandy prinses. Ik vónd ‘t metein leuk en had ouk al snel d’n
druim um prins te waere. Maar jaomer genóg waas mien
broor mich veur. Oètintelik is miene druim vurrig jaor dan
toch ech oètgekómme.
Ik bin vurrig jaor rónd september gevraog door miene veurganger,
Vors Päörtje III, of ik jubileumprins woel waere. Heej
heb ik neet lang euver nao hoove te dinke en zag volmóndig
jao. Ik heb ein fantastisch jaor belaef same mit mien adjedante
Braus en Teun. Ik bin d’r gruuëts op det ik d’n ièrste jubileumprins
van de Päörtjes moch zien.
Naodet ik aafgetraoje waas as jubileumprins, kwaam op ein
gegaeve mement de rol as vors vreej. Wesley stopte d’r nao
3 jaor mei. D’r kwaam ein taak veur de kemissie um op zeuk
te gaon nao eine nieje vors. Mien pap en mam krege ein mail
mit de vraog of d’r eemus gaer vors woel waere. Dit heb ik
ièrs bespraoke mit mien pap en mam en zeej vónde dit ein
tóf idee. Nao d’n 2e mail heb ik de kemissie laote weite det
ik deze rol gaer wil vervölle. Nao de vekansie stónde d’r 2
kemissieleeje op de stoep die mich kwaame vraoge of ik de
veerde Vors Päörtje woel waere. Dit vónd ik ein hièle ièr en
gaon óg vanaaf noow veur as Vors Päörtje IV.
Neet allein de rol as vors kwaam vreej, maar ouk zóchte weej
nog eine sirremoniemeister. Ouk heej is eine mail euver
oètgegaon en haet Nando Munninghof zich heej veur opgegaeve.
Ouk Nando is al inkele jaore lid van de Päörtjes. Same
mit Nando bin ik aafgeloupe prónkzitting geïnstalleerd op
Paortersbuun door ózze eige ‘Groeëte” Vors Paortius V en de
‘Groeëte’ sirremoniemeister”. Weej gaon d’r mit z’n twieëe ein
paar fantastische jaore van make.
Same mit ‘t twelfde Päörtjes dreejspan, Hoeëgheid Maud I en
eur adjedante Maud en Amber gaon weej d’r kómmend jaor
ein fantastisch fees van make.
Belaef mit ós ’t vastelaovescircus! Vastelaovend same!
Vors Päörtje IV
Jeremy Vullings
43

Belaef met ós ’t vastelaoves circus
Veurstelle van ‘t nieje Päörtjesdreejspan 2017
Prinses
Miene naam is Maud Boots. Ik bin 12 jaor en ik woeën
same mit mien pap en mam en ózze hónd Spike in Holt-
Blièrick. Ik zit in groep 8 van BS de Springbeek. Weej
hebbe ein superleuke klas. Boète schoeëltièd gaon ik ‘t
leefste paerdrieje. Jaomer genóg heb ik gen eige paerd,
dus bin ik regelmaotig op de Manege in d‘n Bookend te
vinde. Ouk spraek ik gaer aaf mit mien vrindinne.
44

Belaef met ós ’t vastelaoves circus
Adjedante 1
Miene naam is Maud Huijs. Ik bin 11 jaor ald (3 september 2005).
Gebaore en getaoge in Holt-Blièrick. Ik woeën same mit Pap
(Frank), Mam (Marsha), broor Niels (12 jaor) en zuske Eefke (8
jaor). Ik, Maud bin de middelste van dreej kinder. Zit in groep 8
van de Springbeek in Holt-Blièrick. Hockey beej HCB Blièrick in
de D1 en doon ouk gaer voetballe in miene vreeje tièd.
Adjedante 2
Ik bin Amber en ik bin twelf jaor ald. Ik woeën in Holt-Blièrick.
Ik woeën same mit pap, mam, mien zuske en twieë hundjes.
Mien hobbies zien: danse, kletse en lekker shoppe. Ik zit op
basisschoeël “De Springbeek” in groep ach.
45

Belaef met ós ’t vastelaoves circus
* Wao kint geej óg van / Waat ziet geej van ein?
Prinses:
Weej zien vrindinne en zitte beejein in de klas en woeëne ouk
alledreej in Holt-Blièrick. Mit Maud speulde ik al wie weej nog
op de créche zoote. Amber is pas later in Holt-Blièrick kómme
woeëne en weej zien al vrindinne vanaaf groep 4.
Adjedante 1:
Schoeël
Adjedante 2:
Ik kin Prinses Maud van schoeël en van ós elders.
En ik kin deze Maud ouk van schoeël.
* Wie viert geej ‘t leefste Vastelaovend en mit wae?
Prinses:
Det begint al op de 11e van de 11e. Jaomer genóg mót ik dan
meistal nao schoeël. Van kleinsaafaan moch ik al mei mit pap
en mam mit de joeksképel, dus euveral wao fees waas, ware
weej. De vastelaovesdaag zelf viere weej van ‘s morgesvruùg
wies ‘s aoves laat. De vastelaovesmeziek dae huurse beej ós
‘t ganse jaor. Same danse, zinge en springe mit mien leukste
vrindinne!
Adjedante 1:
Door de hoeëgheid
Adjedante 2:
Gevraog door de prinses.
* Tot slot, waat zien óg winse veur dit vastelaovesseizoen?
Prinses:
Det ‘t eine ónvergaetelikke Vastelaovend wuùrt mit vuuël lol
en plezeer, mit jónk en ald en groeët en klein. Eine dae weej
noeëts mièr zölle vergaete en wao weej mit vuuël plezeer aan
truuk zölle dinke. VASTELAOVEND SAME!
Adjedante 1:
Vuuël plezeer make
Adjedante 2:
Same mit z’n dreeje hièl vuuël plezeer en lol make .En mit Boëte
de Paort ein hièl groeët en gezellig fees d’r van make.
Adjedante 1:
Dansend
Femilie en vrinde
Adjedante 2:
Op zaoterdaag gaon weej mit ós ganse femilie en vrinde nao
de optoch kièke in Holt-Blièrick. Lekker gek doon en ein feesje
bouwe.
* Wie bisse beej Boëte de Paort terech gekómme?
Prinses:
Via Mark en Lieke. Zeej zien vrinde van mien pap en mam.
46

Belaef met ós ’t vastelaoves circus
Proklamasie
Geej Päörtjes en Päörterinkes.
Jóng luuj, luuster nao dees prinsesse proklamasie.
Ik, prinses Maud d’n Ièrste. Prinses van de Päörtjes, vind ’t kwant um dit jaor
mit de Vastelaovend veurop te staon.
Jónkvrouw van de Baoldersestraot,
Hièrser euver de paerd op manege Beekshof. Prof in ´t aete van pizza’s.
Keuningin in ´t kletse op de Springbeek.
Beej de graassie van Vors Päörtje en ziene hoeëge Raod van 11
Prinses Vastelaovend 2017 van alle Päörtjes en Päörterinkes
Um óg allemaol, same mit mien adjedantes Maud en Amber, veur te gaon in dit
Päörtjesrièk,
Gaeve weej heejbeej te kinne en te verstaon:
Venlo, 29 jannewari 2017
Ut circus kin beginne, want weej maedjes zien binne.
De kloon hange weej gaer oèt, en trekke same mit óg ein gekke snoèt!.
Dit fees viere weej same mit óg, de Vastelaovend hink in de lóch.
Wei maar mit ós mei, zing, dans en dreij.
Vastelaovend Same ! ! !
Prinses Maud d’n Ièrste
Adjedante Maud en Amber
47

Päörtjes Prinsebal 2016
Belaef met ós ’t vastelaoves circus
48

Belaef met ós ’t vastelaoves circus
49

Financieel Advies
Financiering / Crowdfunding
Cash Management
Financieel risico management (rente, valuta)
Interim management
Werkkapitaal optimalisatie - Balansmanagement
Bank selectie / onderhandelingen
Onze diensten betalen
zich vaak uit
besparingen terug.
Neem contact met
ons op voor
een vrijblijvend gesprek
www. pecuniabv.nl
Langstraat 41, 5912 PA Venlo • Tel.: 06-48864349 • E-mail: cscatering@home.nl •
Internet: www.cscatering.nl
50

Belaef met ós ’t vastelaoves circus
Hoeëgs waarschienlik zal dit miene letste kièr zien det ik waat
in ós eige ‘Paort’ bukske meug schriève. Vurrig jaor waas mien
letste jaor as Vors van de Päörtjes. Dit heb ik 3 jaor mit vuuël
plezeer, lol en jen meuge mei make. De tièd dae ik same mit de
andere luuj heb meigemak zal ik neet snel vergaete.
Neet allein waas ‘t mien letste jaor beej de Päörtjes, maar ouk
hebbe weej aafschièd mótte neme beej Astoria van ózze Sirremoniemeister
Marijn Onckels. Die fantastische waalgemeinde
Venlo-Zuùdse 3 döbbele 5 klappe, wie hae det altièd zoeë
moeëj zag, zölle weej zièr zeker gaon misse.
Nando zal noow ‘t kómmend jaor gruuëts veurop loupe mit
ein bel en stek in de hand! Hae zal veur óg de 3 döbbele 5
klap gaon oètdeile. Nando haet zelf altièd mit vuuël plezeer
en gelach meigeloupe in de Raod van 11. Dus is hae ein bekind
gezich veur óg.
In miene vervanger oftewaal, Vors Jeremy Vullings de 4de heb
ik vuuël vertrouwe. Hae zal de ker gaon trekke en ik weit waal
zeker det hae det mit gemaak duit. Vurrig jaor, vastelaovesjaor
2016, waas Vors Jeremy Vullings de 4de , hoeëgheid van de
Päörtjes. Mit aan zien linker en rechter ziè Braus en Teun. Same
mit z’n dreeje hebbe zeej gezörg veur eine ónvergaetelikke
vastelaovestièd.
Ik weit zeker det de Päörtjes d’r mekkelik 2x11 jaor van kinne
make en det geit eur zeker lökke, mit óg d’r beej neteurlik. De
1x11 jaor hadde weej d’r vurrig jaor opzitte en det waas ós jubileumjaor.
Ouk bestónd Boëte de Paort toen 4x11 jaor, dus waat
zeej kinne, kinne de Päörtjes zièr zeker ouk!
Leef Päörtjes en Päörterinkes,
Leef minse, geej zult mien gezich heej of dao zeker nog taege
kómme dus aafschièd neme hebbe weej eigelik neet gedaon…
Vuuël vastelaovesplezeer en weej zeen ós!
Groetjes,
Ald vors Päörtjes
Wesley Gilkes
51

Ald Dreejspan Päörtjes 2016
Belaef met ós ’t vastelaoves circus
Ik, (Ald) Prins Jeremy I, had al jaore de druim, um
prins te waere. Dit woort nog erger wie mien broor
Youri in 2013 prins woort. Ik dach: “Det wil ik ouk!”
En 3 jaor later, ik zoot op de bank te wachte wies
det ik nao Bert Visscher in de Maasport kós , stopte
d´r inens eine auto veur de deur. Op ´t mement det
ik zoog wae d´r oètstapte, kreeg ik eigelik al ein bie
tje haop. En waat ik haopte, det klopde. Ik woort
gevraog as Prins Jeremy I veur de Päörtjes. Toen
moos ik neteurlik gaon naodinke euver mien adjedante.
Dit waas oètintelik toch nog ein flinke klus.
Nao 2 nachjes slaope wis ik ‘t! Miene basisschoeël
vrind Teun Oestreich en klasgenoot Braus Stroeken.
Zeej meuste ‘t waere! Vanaaf det mement begós ‘t
veur ós dreej. Kleier passe, fotoos make, de proklamasie,
leedjes oefene. Maar ’t aller, aller ergste……
…’t stilhalde van alles. Toen waas ‘t toch al snel 17
jannewarie 2016: de daag van ‘t oètkómme. Ut fees
kós beginne! De Beerpiep, Half Haenke, de Wortelepin,
SV Blièrick, de Kwas, D’n Oeles, de Scouting,
Jocus en Jocus Toèkóms, de kinderoptoch, de resepsie
van “de groeëte” en neteurlik ’t prinsetreffe
det dit jaor waas in Apollo in Helden. En och waat
hebbe weej dao lol gehad. Mit ós stikkers, ós leedje
‘Same Zinge’ en idderein dae d’r beej waas. Maar
ein dink meuge weej neet vergaete, ós eige resepsie!
Maar waat waas det waan! Ut springe, zinge,
danse, hendjes schödde en neteurlik, kadoos óntvange!
Dao hebbe weej nog lang boèkpien van
gehad! Maar aan alles kump ein ind, dus ouk veur
‘t Päörtjes dreejspan 2016. De lange zóndaag waas
aangebraoke. Mit z’n alle verzamele beej de Baek
en dan doorloupe nao ’t Ald Weishoes, wao weej
klaor stónde veur de Kinderoptoch! Toen de kinderoptoch
klaor waas stónd de discobus al op ós te
wachte. Weej hadde ós plaetske neteurlik allang in
de kop, namelik gans achter in de bus op de groe-
Jeremy I
52

Belaef met ós ’t vastelaoves circus
ëte bank! De rame beslage, de meziek keihard. Mit de stuf van
de banke dae umhoeëg kwaam van ’t springe, reeje weej door
Venlo richting de Moeraskwaakers, wao weej lekker gesprónge
hebbe op de alde hit: Tsunami. Daonao snel waer de bus in
nao de resepsie van Jocus Toèkóms. En det waas dan toch ech
ózze aller aller aller letste resepsie. Waat waas det ein fees! Daonao
mit z’n alle miechele beej Astoria en dan……. ‘t aaftraeje
mit JOCUS TOÈKÓMS! Waat waas ‘t tóf det zeej kwaame kièke.
Weej hadde mazzel want de Raod waas neteurlik ièrs. Maar
toch ginge de träönkes al lankzaam rolle beej d’n Hoeëgheid.
Maar toen, toen waas ’t gedaon. De Vastelaovend meus nog
beginne, maar toch waasse ouk al aafgeloupe.
Ut waas te gek!
Weej hebbe genaote!
Ald Dreejspan: Prins Jeremy I en adjedante Braus en Teun
Braus
Teun
53

Belaef met ós ’t vastelaoves circus
Colofoon
De Paort is ein oètgaaf van Boëte de Paort oèt Venlo-Zuùd.
Dees oètgaaf wuurt verspreid in gans Venlo-Zuùd.
Redaksie:
Webredaksie:
Advertenties:
Layout en drök:
Marion Schouren
Arno Monnens
W&S kemissie
Graphic & Mail
Te koup:
Kemissieleider PP:
Fotografie:
Roy Onckels
Sylvia Monnens
Barry Otten
Renier Linders
De P&P kemissie bedank idderein dae ein beejdrage haet
geleverd aan ut tot stand kómme van dees Paort.
Boëte de Paort haet zien eige vlag. Heej zien weej óntzettend
gruuëts op.
In Venlo-Zuùd, maar ouk vaer dao boète kint geej ós vlag
steeds dökker zeen hange.
Wilt geej ouk in ut bezit kómme van dees schoeën vlag, bezeuk
dan ózze website www.boetedepaort.nl wao geej ós vlag
kint bestelle of bezeuk ein van ós aevenemente wao ós vlag te
koup is via ózze penningmeister.
De priès van ós vlag is € 11,00.
54