Pg 32 - 33

Pasella-lam

Soos Schalk van der Merwe sê, "Die heuning is
pasella." Dit beteken ons moet ekstra moeite
doen om dit ordentlik te geniet aangesien dit die
naaste sal wees wat jy aan 'n free lunch mag kom.
Wanneer jy beplan om hierdie dis te maak, gee
jouself ʼn dag of twee tyd om die vleis in die
speserye te lê sodat dit ordentlik intrek. As
mense eers hul lippe om dié lammetjie kry, hou
hulle nie op eet nie. Die dis word ook lekkerder
met tyd. Hy is op sy beste die volgende dag.
Bestanddele
1 ½teelepels sout
1 teelepel swartpeper
3/4 teelepel kaneel
1 teelepel borrie
1/8 teelepel Cayenne-peper
1 kg lam
3 eetlepels olyfolie
2 medium uie opgekap
2 eetlepels gekapte knoffel
1 koppie beesaftreksel
¼ koppie heuning (of minder as jy
die dis nie so soet wil hê nie)
1 stokkie kaneel
1¼koppies gedroogde
Montagu Dried Fruit-appelkose
1/3 koppie amandels ook van
Montagu Dried Fruit and Nuts
Metode
Vat al die droë speserye en vryf dit in die lam in.
Maak seker jy kry daarvan in elke hoekie sodat dit
lekker kan intrek.
Maak toe met kleefplastiek en laat hom so 4 uur of
langer staan.
Kies 'n pot wat op die stoof en in die oond gebruik
kan word en verwarm die olie daarin. Braai die
gemarineerde lam totdat al die kante mooi bruin
is. Voeg nou die uie en knoffel by en braai nog so
rukkie totdat die uie deurskynend is. Gooi die
beesaftreksel en heuning by en sit die stokkie
kaneel in. Sit jou pot 'n uur lank in die oond teen
180 °C. As jy sien die sousie raak te dik gooi nog
bietjie water by en roer die pot so ʼn keer of twee
net om jou hand daarop te hou.
Roer die appelkose by ná 'n uur en bak daarna vir
nog so 15 minute. Maak reg om jou vingers af te
lek. Gee vir elkeen van jou gaste 'n jammerlappie.
Hulle gaan hom nodig kry.
Plaastoe! [33] Tafeltoe!