Create successful ePaper yourself
Turn your PDF publications into a flip-book with our unique Google optimized e-Paper software.
Die geboue op die horison dui aan dat die film in Johannesburg verfilm is en dat die verhaal daar<br />
afspeel. Die vier hoofkarakters verskyn sentraal. Die tikmasjien is op die voorgrond, wat aandui dat<br />
die hoofkararakter, Jacques, sy eerste verhale daarop geskryf het. Dit plaas ons onmiddellik terug in<br />
die verlede, voordat skootrekenaars en rekenaars gebruik is.<br />
Treine speel ‘n belangrike rol. Jacques en sy familie het in ‘n ou spoorweghuis gewoon. Tonele<br />
waarin die drie vriende speel, is op die treinspore verfilm. Die trein aan die linkerkant is die trein<br />
wat hom na die verbeteringskool neem nadat hy skuldig bevind is aan die moord op sy pa.<br />
Ironie en verraad word in die plakkaat uitgebeeld. Hier staan Jacques en Lena in ‘n omhelsing. Jan-<br />
Paul staan agter en die implikasie is dus dat hy ‘n minder belangrike rol speel. Dit is egter nie waar<br />
nie, omdat Jan-Paul en Lena ook ‘n verhouding het. Carina, die joernalis, is die een wat in<br />
werklikheid aan Jacques se kant is en die waarheid wil openbaar.<br />
4 FILMRESENSIE<br />
Wat maak ʼn mens wanneer jou verlede jou inhaal? Maar nog erger, wanneer jou ergste nagmerries<br />
bewaarheid word? Dit is die dilemma waarmee die land se bekendste en geliefdste skrywer, Jacques<br />
Rynhard, in sy romans worstel.<br />
Dit blyk ook dat al sy trefferromans oor dieselfde meisie handel: Lena Aucamp, sy skoolliefde. Sy<br />
beste vriend, Jan-Paul Otto, verskyn ook prominent in die meeste van sy verhale. Wat is feite en wat<br />
is fiksie?<br />
Hierdie vraag fassineer joernaliste en vriende wanneer Jacques Rynhard nie opdaag toe die Bassonprys<br />
<strong>vir</strong> Letterkunde aan hom oorhandig moet word nie. Pandemonium ontstaan onder almal wat<br />
hom ken. Gou besef Carina Human, die joernalis, dat elkeen van sy kollegas of vriende iets het om<br />
weg te steek.<br />
Intussen hou Carina se gemene redakteur, Gavin Greeff, haar soos ʼn valk dop en hang haar loopbaan<br />
daarvan af of sy genoeg skandale kan oopkrap. Maar Carina ontdek meer as oppervlakkige skinderstories<br />
wanneer sy veral Jacques se ma, die verbitterde Liebet Rynhard, besoek. Liebet woon nog<br />
steeds in haar spoorweghuisie langs die treinspoor. Watter geheime bewaar sy? En hoekom speel<br />
treine so ʼn belangrike rol in Jacques se lewe? Het daar dalk iets op ʼn trein gebeur wat sy<br />
vormingsjare radikaal verander het?<br />
Leon van Nierop se <strong>Ballade</strong> <strong>vir</strong> ʼn <strong>Enkeling</strong> sal jou vermaak, skok, onthuts en meevoer. Die film is<br />
gegrond op die treffende TV-reeks van die jare tagtig wat die land tot stilstand gebring het.<br />
Edu-teach: Filmstudie: <strong>Ballade</strong> <strong>vir</strong> ‘n <strong>Enkeling</strong> Kopiereg voorbehou 8
Change language