mlt2019web

veer dao ’t riek toch veur oes allein en
koeste veer oes raozendsjnel umkleije.
Gemaskerd en waal leepe veer door de
zjwoarbeveiligde personeelsgange van ’t
Kazino nao d’n achteroetgangk woa veer
woorte opgewach door eine historiese
legertruuk dae gans pasde bie ’t thema van
oze opkoms. Ónder de toane van de meziek
van “Soldaat van Oranje kaome veer
de bomvolle zaal binne, anjersj woorte
oetgedeild en de buun koam sjtap veur
sjtap naobie. Met ’t hart in de kael sjtapde
veer de buun op, woa bie ein paar jonges
van de Raod van Elf in de gate begoeste
te kriege wat d’r hie sjting te gebeure…
Ière-prizzedent Joep en Prizzedent Niels
kaome neve oes sjtoon en de maskes
woorte oes aafgenómme. Eindelek mogte
veer aan gans Vallekeberg laote weite
welke ièr oes ten deil waor komme te
valle. Veer mogte dit jaor de Vastelaovend
in Vallekeberg veurgoon es Sjtadsprins Jef
de IIIe en Minister Kevin.
Nao eine fantastiese aovend op ’t Kazino
In de daag dao nao kaome de jonges van de
Raod van Elf oos hoezer versere, euver die
sjpandeuk zölle veer ’t mer neet miè höbbe.
In de weke dao op vele veer af en toe van de
ein verbazing in
de ander… Van
ein ongekind
lange wachtriej
veur oos
resepsie in de
Gemeintegrot,
woa veer ouch
nog verras
woorte mèt
ein kombinasie
van de Sjötterie
oet Vallekeberg
en Houthem,
woa veer lid
van zin, tot ’t
oetroope van
oos fantastiese
binne en boete ’t Bokkeriek. Van de
opnames van ’t Vastelaoves Kaffee, nao de
onthulling van de sjoane Vastelaovesposter
gemaak door Mariëlle Blom. Van eine
marathonzaoterdeg woa veer mer leefs
vief aktiviteite op eine daag te bezeuke
houwe, tot ’t bezeuk aan de Sjelmentore
in Heerle. Mer ouch ein aaneinsjakeling
van ein lach en ein traon….
De eine zaoterdeg höbbe veer in ein
bómvol Ouw Kèrk, Oud Prins Frans I de
lètste hónnäörsj maoge bewieze en de
week d’r nao ginge veer met ein bus vol
luuj op bezeuk bie CV de Pintenwippers in
Dommele. Eine gans biezondere daag waor
dit veur Prins Jef wie hae in de plaats woa
hae jaore haet gewoond woort óntvange
door Prinses Linda.
Mirliton 2019 - 15
zin veer krek oes ièrsjte bezeuk goon
bringe aan oze Prinsetempel, bie Sjors en
Anita, woa veer al woorte óntvange in eine
prachtige verseerde kaffee. In de weke dao
op woorte veer bienao alwekes verras door
nuuj verseeringe die Sjors zich hou laote
invalle. Wie sjiek waor miech dat!
Jeugprinsenpaar Romy en Ghilaine. Wat
kinne veer truukkieke op ein manjefiek
seizoen met die twiè dames. Ouch zin veer
ein sjpissiaal woord van dank versjöldig aan
hun ouwersj, die met groate regelmaot
veur oze inwendige minsj höbbe gezörg
met tesje vol lekkere hepkes.
Doordat veer twiè manshoage poepe
houwe laote make, koeste Sjors en Anita
dèkser nao oes kieke dan hun leef waor.
Aangezeen de Vastelaovend dit jaor
zoa laat veel, waor fibberwari veur oes
ein aaneinsjakeling van sjoan momente