Piepke 37
Create successful ePaper yourself
Turn your PDF publications into a flip-book with our unique Google optimized e-Paper software.
2
‘t Piepke
3
4
‘t Piepke
Wat mak-se mich nôw.
‘t Piepke
Wat mak-se mich nôw, ‘t nieje motto vur de
vastelaovend van 2020 in Tegele. Dit zulle
zich ouch vuuel minse hebbe aafgevraog op ‘t
moment det op ‘t Oeles prinsebal ein Beerpiëp trio
oetgerope woort toet Oeles trio 2019. Aangezeen
ich as veurzitter van de Beerpiëp oet gelieënd
waas aan d’n Oeles öm same mèt Marcel van Lier
en Peter Fokkens as trio van Tegele vur ‘n seizoen
door ‘t laeve te gaon, wil ich uch as laezers van dit
Piepke, mei neme in wie dit unieke feit toet sjtand
kwaam.
‘T waas 13 februari 2018 wie ich op ós eige
Cambrinusbal aan de praot kwaam met Gé
Cornet, vors van d’n Oeles. Waorbeej ich vur
de jen taege ‘m zag det hae Marcel van Lier
maar ens meus vraoge öm hoeëgheid van d’n
Oeles te waere. Daorop kwaam geliek de
vraog truuk, wae d’r den naeve Marcel zól
sjtaon. D’n toekomstige Prins van Tegele
antwaorde daorop zelf “dae lange heej”. Gé
vóng ’t geweldig. Maar weej kwame toch
efkes allein in gesjprek, waor hae bang vur waas,
waas det miene achterban heej probleme mèt zól
hebbe. Achteraaf is ‘t altied mekkelik praote, maar
wat sjting ós vereiniging as einem blok achter ós
as Oelestrio. Me haet d’r, helaas, altied ein paar
beej die ‘t neet acceptere of d’r angere ideeje op
nao haje. Gelökkig maar inkele, det is jaomer,
maar veural veur eur zelf.
Op dae bewusden aovend vroog ich aan Gé of hae
’t waal aandörfde. Want as ‘t zoeë is det se Marcel
wils hebbe as prins en ich ‘t probleem bön, trek
ich mich truuk as e ‘m vruuegs. Gelökkig kwaam ’t
antwaord, as Marcel ’t wuuert, sjteis dów d’r 100%
naeve.
‘T gesjprek woort aafgesjlaote mèt de wäörd “nou,
den wets se wat dich te doon sjteit” en det siert Gé
Cornet dae ‘t aandörvde öm in zien letste jaor as
Oelesvors ‘n trio van de Beerpiëp oet te keze.
Einen drökke tied brook aan en den sjpraek ich
vur michzelf in de döbbelrol van mien laeve. D’n
eine aovend zelf as adjudant van d’n Oeles aan
taofel en d’n daag d’r op mèt ‘t nieje Beerpiëptrio.
Zoeë ging det door van 1 oktoeëber wies aan ‘t
oetkómme. Euver ‘t oetkómme van ós as trio, det
waas in ein waord, waanzinnig! Zoeë get de ganse
Beerpiëp, inclusief maedjes, waas aanwezig en öm
den van achteroet door die greune massa de buhne
op te gaon, det is get öm noeëts te vergaete.
De receptie die daorop volgde waas d’r ein öm in te
lieste, alles hadde ze oet de kas gehaold öm zich te
prissentere. Wat bön ich grueëts öm van dees clöb
veurzitter te meuge zien.
Al mèt al bön ich wir gans greun gekleurd
en bezig, same met de prinsenkemmissie, mèt ‘t
nieje Beerpiëp trio van 2020, det op 25 januari aan
Tegele zal waere veurgesjteld op ós Cambrinusbal.
Al mèt al bön ich wir gans greun gekleurd..
Ich wil vanoet dit sjrieve idderein van de Beerpiëp
bedanke vur de geweldige vastelaovend dae weej
same met d’n Oeles hebbe gehad. Dit bringk ós as
vereiniginge allein maar doeënder beejein öm de
vastelaovend in Tegele laeventig te haje.
Gaer wil ich aafsjloete mèt ‘n dankwaord aan alle
sjponsors die ós hebbe gesjteund, ónger mieër mèt
‘n advertentie in dit 37e Piepke.
Names de redactie wins ich uch vuuel laesplezeer
en eine sjoeëne vastelaovend.
Laeve de Beerpiep en d’n Oeles Hoeg
Leon van Deur
veurzitter
5
6
‘t Piepke
Vastelaovesfemilie
‘t Piepke
Leef vastelaovesvierders,
VVastelaovend 2019 ligk inmiddels al ‘nne hielen
tied achter ós. D’n ieërste vastelaovend in mien
nieje rol as Vors Cambrinus is volbrach. Ich heb ‘n
geweldig sjoeën seizoen mei gemak.
Te beginne mèt de oetreiking van ós óngersjeiing
‘de Pannekletser’ aan d’n hieër Sjaak Smetsers.
Aansjloetend ‘s-aoves ‘t oetrope van ós nieje
Beerpiëptrio die in einem bomvolle Haandert oet
kwame, d’n 52e hoeëgheid Danny Leenders en zien
adjudante Mark van Hees en John Janssen.
Inkele angere hoeëgtepunte ware vur mich
netuurlik ós eige evenemente, en toch ouch
‘t Oeles prinsebal wao ós dreej Beerpiëp
leje Marcel van Lier, Leon van Deur en Peter
Fokkens op sjpectaculaire wies oetkwame.
Ein super sjoeën moment, vastelaovend
same en det haet ós de ganse vastelaovend
achtervolg, ‘t waas ein groeëte femilie.
Erg sjiek waas ouch de vastelaovesvriedaag in
‘Ut Witte Hoes’, beginnend mèt ós seniorezitting,
daornao euvergaond ’t Tegels jeugprinssetreffe,
waor alle prinse, prinseskes en neum maar op ‘n
moment op de buhne kriege. Keigaaf öm te zeen
wat dees jeugdige gangmakers vuuel plezeer
hebbe in de vastelaovend, net wie de groeëte
minse op ’t aansjloetende veurpreuversbal. Ouch
van ’t gezamelik aafsjloete van de vastelaovend
door de STV-vereiniginge is ‘n sjoeën evenement
gemak op ’t Smidsplein.
Ich heb ‘n geweldig sjoeën seizoen mei gemak..
Op d’n 11e van d’n 11e hebbe weej beej Coeba de
Pannekletser 2020 aan ós leje bekend gemak. Ós
onaafhankelikke keuzecomité haet ouch nów wir
‘n super keus gemak, namelik mevrouw Jeanne
van der Velden. Verderop in dit Piepke kent geej
alles laeze euver deze laureaat. Nao dit veursjtelle
hebbe we same met de STV op ‘t Oelesplein ‘t nieje
seizoen ingesjaote en d’r beej Kefee Sintermerte
nag ein WAANzinnig fieësje van gemak mèt ós
zustervereiniginge.
Beej ós interne äöpening op zaoterdaag 16
november hebbe weej ós jubilarisse, Kees
Kivits (2x11jaor) en Coen Hovens (1x11jaor)
in ‘t zunke gezatte. Op daezelfde aovend woort
Danny Leenders, de prins van aafgeloupe jaor
geinsjtalleerd as asjpirant raodslid same mèt Dion
Geraads, Roger de Boer en Jelco Schreurs die oet
ós eige jeug d’n euversjtap hebbe gemak. Ouch
hebbe d’r inkele funksiewisselinge plaats gevónge.
Patrick Stultiens haet de rol van
sirremoniemeister euver genaome van
Frank Schmacks en Niels van Rijt is de
nieje Chef du Protocol.
Ein waek later, 24 november, zien we
traditiegetrouw naor ’t BCL-Treffe gewaes, dit kier
in Grubbevors zoeëas idder joar waas ’t ouch nów
wir ‘n fantastisch sjpektakel.
En nów 2020, we sjtaon 2 waeke vur d’n aaftrap
van d’n Tegelse vastelaovend. Inkele aktiviteite
wil ich gaer ónger uch aandach bringe. Ich haop
uch te meuge begroete in de kleine zaal van d’n
Haandert op 25 januari beej de oetreiking van ‘de
Pannekletser’ aan ozze laureaat Jeanne van der
Velden mèt aansjloetend ós altied sjpectaculaire
Cambrinusbal, waor weej ‘t 53e en nieje trio van
2020 aan uch veur gaon sjtelle. Daags d’r op,
zondaag 26 januari is in dezelfde locatie ‘t groeëte
jeugprinsematinee, waorop ‘t 9e Beerpiëp jeugtrio
wuurt oetgerope. Ge ziet op beide evenemente van
herte welkom.
Sjoeëne vastelaovend, geneet en maak d’r
een keigaaf seizoen van.
Stevie Haazen
Vors Cambrinus VII
7
8
‘t Piepke
Vaere oppe kop
‘t Piepke
Nao twie jaor wachte is ‘t den eindelik zoeë wied.
Ich meug veurop as de nieje jeugvors van V.G. de
Beerpiëp.
Allerieërs zal ik mich maar ens aan uch veursjtelle.
Miene naam is Vince Coolen en ich bön 21 jaor
jonk. Gebaore en getaoge in Tegele, maar allewiels
doordewaeks woeënechtig in ‘t Braobantse
Lampengat, Eindhove, vanwaege mien sjtudie.
Ich sjtudeer heej Technische Bedrijfskunde aan
de Fontys en wazel as beejbaantje minse de
oere van de kop op de witgood aafdeiling van
de MediaMarkt. Ich kom oeët ‘n gezin van allein
maar Boere. Pap (René) is penningmeister, Mam
(Jolanda) zit beej de damesgarde, zuske (Tessa)
zit beej de jeugkemissie en de dansgroepe en opa
(Nico) zit zelfs beej de Hieërboere.
Ondanks de gezelligheid van de Boerefemilie
sjprook ‘t Beerpiëpgreun mich toch get mieër aan
en dus bön ich in november 2017 euvergesjtap
naor de Beerpiëpjeug. Vanaaf ‘t moment det ich
beej de raod zit, heb ich toch altied sjtiekem de
ambitie gehad öm oeëts jeugvors te waere. Wie ich
vruger as klein menke in de zaal vorse wie Marcel
van Lier of Gé Cornet hoort, of boerevader Teddo
Peulen sjting ich al mèt miene sjnot veuraan. Oeëts
zal ich ouch zó’n vaere op miene kop kriege dach
ich toen. Wie die vraog toen eindelik kwaam waas
‘t antwaord den ouch flot ein volmondig JAO!
Oeëts zal ich och zó’n vaere
op miene kop kriege.
Det is óngertösse alwir ‘nne tied geleje en ich heb
‘n bietje aaf kenne kieke beej miene veurgenger
Frank Trossel. Ich wil ‘m beej deze den ouch
bedanke veur alles wat hae vur de jeug haet
gedaon en ich belaof det we ‘t met de jeug gaon
veurtzette in nag mieër sjoeëne momente. We zien
daoröm alwir mèt de veurbereidinge aan de geng
en ich bön d’r van euvertuug det ‘t jeugtrio van
2020 ’t gans good geit doon en de tent oppe kop
zet.
Ein toekoms same mèt Jordy Kempen as
sirremoniemeister en Sem Smulders as chef
du protocol. Weej gaon mèt zien alle ‘n sjoeën
greun/witte, maar toch ouch nag ‘n klein bietje
boereblauw, getinte toekoms taegemoot. Maar
welke kleur ge ouch ein werm hert toedraag, ’t
motto van ‘t jeugtrio 2019 vat ’t hielemaol same:
‘Ein vur alle, alle vur ein, vastelaovend viere we
mèt idderein!’
Vastelaovend same,
Vince Coolen
Jeugvors V.G. De Beerpiëp
Aafgeloupe jaor sjting daor nag miene buurjong
Luc, waor ich vruger altied prins en adjudant mei
sjpeulde, aangezeen os elders elkaar good kóste.
In 2009 woorte zien pap en mam en mien elders
broedspaar van de Boereraod. ‘T waas fantastisch
öm ‘m same mèt zien kammeräöj Luuk en Juul op
de bühne te zeen. Maar det waas vurrig jaor en we
kieke nów naor de toekoms.
9
10
‘t Piepke
’T Geit öm verbinge!
‘t Piepke
Hertje zomer 2018 kreeg ich de vraog of ich de
Pannekletser 2019 in ontvangs wól neme. Ein
hieële ieër, vur de leefde die ich heb veur en mien
activiteite die ich oet oefen op cultureel gebied en
sociaal vlak. Op ‘t moment det ich dit sjrief is ‘t al
september 2019 en heb ich net einen daag geleje
’t herinneringsfotobook in ontvangs genaome oet
heng van Beerpiëp veurzitter Leon van Deur en
vors Cambrinus VII in de persoeën van Stevie
Haazen. Herinneringe kómme beej mien vrouw
Lianne en mich naor baove. ‘T lange -ich
weit-van-niks-sjpel, mèt oeteindelijk op
d’n 11e van de 11e 2018 de
bekendmaking. Öm den in ens
hieël vuuel tillefoontjes en
app-jes te kriege. ‘T zelfde
gebeurt wannier de Beerpiëp
de oetnudigingskaarte vur
de receptie van de laureaat haet
versjteurd. De bekendmaking,
die ieërs in de regio haet plaats
gevonge, geit nów ‘t ganse lank door
en zelfs euver de päol. Idderein wet
‘t nów. Waeke van hoera sjtumming
volge, mèt as hoeëgtepunt d’n aovend
van 2 februari 2019, mèt ‘t in ontvangs neme
van de Pannekletser mèt de beej behurende
óngersjeiing.
‘T geit d’r öm det weej ós mèt ein verbinge.
Of se nów eine Afrikaan of ‘nne Europeaan bös,
‘nne Chinees of ‘nne Indiaan, eine zjwarte of
eine witte mins, eine gaele of eine roeëje, of
ein mingelmoos van broen. Of se nów van deze
kank van de päöl kums, of van d’n angere kank.
Of ze nów oet de sjtad kums, of oet Bliërick, of
se nów op Sjteyl woeëns, of det se ‘ne echte of
‘ne onechte Tegelse bös. ‘T geit d’r öm det weej
ós mèt ein verbinge. Det mak iddere mins toet
toekomstige Pannekletser. Nag eine kier:
Bedank allemaol!
Sjaak Smetsers
Pannekletser 2019
11
‘t Piepke
Pannekletser 2020 vur
Jeanne van der Velden-Leenen
De 40-ste kiër, det de hoëgste Beerpiëpôngersjeiding,
de Pannekletser, wuurt oëtgereik, is
de iër gevalle op ein hiël vuülzijdige vrouw: Jeanne
van der Velden-Leenen. Jeanne is de dochter van
Jeu en Billa, bekènd
as de oëtbaters van
kefée D’n Oeles. Zien
elders hebbe Jeanne
geliërd, det ’nnen daag
24 oor haet, woé-van
d’r 8 aan sjlaope
besjtaejd maage
waere, maar in de
resterende 16 oor is ’t
parool: Aanpakke!
Nao de liëgere sjoël
haet Jeanne de Mulo
doorloupe, gevolgd
door 1 jaor opleiding
vur kleuterleidster en
3,5 jaor vur verpleegkundige.
Dao-nao is Jeanne gaon wèrke in ein
psychiatrische kliniek in Grave. Det waas ’n
hiël eind wèg van Tegele, maar waal kort beej
Nijmegen, woé Jo van der Velden destiëds
studeerde….! Zoë kôs ”Amor” ziene gangk gaon.
In 1973 trouwde Jeanne mèt ziene Jo. Same krege
zeej 3 kinger: Roel, Jozanne en Inge. Die zörgde
op eur beurt wir vur 5 klein-kinger: Lucas, Mathijs,
Anna, Siem en Jesper.
Vur de kleinkinger reservere Jeanne & Jo al 13 jaor
éinen daag in de waek as oppas-daag. Wiés 1977
wèrkde Jeanne nag in ’t ziekenhoës en daonao as
oproopkrach beej de polikliniek chirurgie.
De Pannekletser-ôngersjeiding
past dao zeker beej!
Op sjport-gebied waas Jeanne auch aktief: Hockey
en Tennis ware zien favoriete sjporte.
Jaomer genôg haet ein ernstig ôngeval mèt as
gevolg ein knie-prothese ’nne sjtreep door zien
sjporte gehaold. Maar zien enorme energie en zien
groëte sociale betrokke-heid ware gelökkig neet
aangetast. Dao-naeve bleek Jeanne auch nag te
bezitte euver een hiël groet co-ordinerend talent.
Al die persoënlikke eige-sjappe vormde de basis
vur ’n groët aantal funksies , die Jeanne in de loup
van de jaore haet vervuld en nág vervult:
• Mier en 10 jaor waas ze zeer actief in de
tenniswereld as bestuurslid en veurzitster van
de jeugd van de Tegelse Tennisclub. Beej de
Limburgse Bond haet Jeanne zich ingezatte veur
de tennisstimulering.
• Lid van Sjoëlbesjteur van 2 basissjöele in Sjteyl
nag in d’n tiëd van fuzie-perikele enz.
• Oprichtster van ’t CDA-Vrouwenberaad in Tegele.
• Lid van ’t Kerkbesjteur.
• Lid van d’n ”Dink-Tank” 200 jaor Tegele beej
Nederland.
• Huidige Veurzitster van ’t Ziekentriduüm Sjteyl
• Ein hiél belangriëke taak haet Jeanne beej
Slachtoffer-Hulp gehad. Jeanne waas hiël
oëtdrökkelik betrokke beej de oprichting van
de regio Noord- en Midde-Limburg en waas dus
ein van de iërste medewerkers. Vuúl trieste
zake kômme beej Slachtofferhulp aan de orde.
Jeanne haet zich dao altiëd vol veur ingezatte.
• Vanaaf 2001 is Jeanne actief in het Toon
Hermans Hoes. (Ein aope inlouphoes veur minse
die kanker hebbe of hebbe gehad en veur eur
femilie.). Ze güef oa veurlichting en begeleidt
auch de gesjpreksgroepe.
Iërder is Jeanne al èns geridderd. De Pannekletserôngersjeiding
past dao zeker beej!
Jeanne, proficiat !!!
Piet van Bree
13
14
‘t Piepke
‘t Piepke
15
‘t Piepke
Weej gove duchtig gaas
Ózze zomervekansie 2018 waas
angers den angers en sjting vural in
‘t teiken van de Vastelaovend 2019.
Deze zomer waas namelik ‘t moment
waorop mierdere gebeurtenisse oet de
aafgeloupe jaore beejein kwame. Op de
hieërezitting 2015 hebbe weej mét ós
3-e ‘n foto gemak en doorgesjteurd naor
inkele manne van de Beerpiëp, mèt de
vraog of dit ‘t trio zól kenne waere. Heej
op hebbe we niks gehuurt, wies det
Danny op Vastelaovesvriedaag
2018 door Leon van Deur
benaderd woort in ‘t Witte
Hoes mèt de opmerking öm
2020 vreej te haje. Mèt ós
3-je hebbe we daen daag
aardig get berichte gesjteurd
via Whatsapp. Flot genóg nao
de Vastelaovend hebbe we op
‘nne doordewaekse morge de
ieërste “officiële” vergadering
as trio gehad. Tiedes dees
vergadering kwame d’r flink get ideeë vurbeej, die
we gaer wólle oetveure. ‘N eige shotje make en ‘n
liedje oetbringe ware d’r
twieë van. John waas
toevallig ‘n nummer op
internet taege gekómme
det weej gesjik vónge
as “Vastelaoveshit”. ‘T refrein sjting flot op pepeer,
maar de couplette wólle neet lökke. Gen probleem,
want genóg tied öm ein en anger oet te werke, as
‘t aan ós loog. De “hoeëge hieëre” van de Beerpiëp
goeide aevel root in ‘t aete. Hertje
zomer apde Danny det hae ’ne
gemisden oproop had van
'T is vastelaovend van Steyl wies oppe Hei,
Höf det glaas en vier met ós mei.
Stevie, waorop druueg gereageerd
woort mèt: “dów zals waal örges
nudig zien vur ‘n prissentatieklus,
bel ‘m maar truuk”. Inkele ore
later aevel, krege de “adjes” ‘n
tillefoontje van Danny. ‘T trajek
ging allemaol get sjneller verloupe
ömdet de Beerpiëp ós in 2019 al wól oetrope
as trio. We hadde d’r zin in, maar hebbe nao de
vekantie ieërs maar ens
“zjwaor” geklasjeneerd
mèt Stevie en Leon
en nao euverleg mèt
ós dames oeteindelijk
volmondig “JAO” gezag. Eine langen tied van lege
en zjwiege brook aan, nag noeëts hadde we, vur
de boetewaereld, zoeë vuuel vergaderinge gehad.
‘T planne daorvan, mèt de prinsecommissie waas
al ein opgave op zich, aangezeen weej alle dreej
in wisseldeenste werke. As die det veuraaf hadde
geweite, waas de keus noeëts op ós
gevalle!
Maar wie gaon we nów ós
nummer maken? Danny zienem
buurman woort met get
boebele boebjes benaderd öm
arrangemente vur de
joekskepel te make
en Marcel van
Lier vur de teks.
‘T wól Marcel in
16
‘t Piepke
ieërste instantie neet lökke, wies hae zelf gevraog
woort öm Oelesprins te waere. Binne 1½ oor had
hae toen de teks vur ós klaor. Alles veel op zien
plaats, zeker wie bleek det Danny ziene naober
gójje contacte had mèt de oetveurende arties en
weej zoeë ouch d’n originele muziekbank krege.
Marcel, as tekssjriever woort mei gevraog vur ‘t
inzinge van ózze hit, neet weitende det weej mèt
de Vastelaovend same oppe bühne zólle sjtaon
as Prins. Beej ‘t veurbereide en de vergaderinge
woort d’r al vuuel gelache en sjaele wazel
verkoch.
Vur de jen hadde we ós beej ’t kleijer passe ‘n
Toppers-echtig colbertjeske aangedaon. Nów ‘n
jaor later is det ‘n leuke herinnering, zeker ömdet
Stevie inkele maond geleje in det pak getrouwd
is. Zote de näöd d’r nag allemaol in? Haha. Later in
gebrach beej o.a. de Witte Stein Venlo,PSW, en
de versjillende zustervereiniginge in groeët
Venlo. ‘T waas ‘n aaneinsjakeling van vueel
hoeëgtepunte, maar die ós ‘t meis zien
beejgebleve zien toch waal ‘t Cambrinusbal,
de interne receptie in ’t Brook, de groeëte
receptie, Vastelaovesvriedaag in ‘t Witte Hoes
en de optochte in Tegele en op Sjteyl.
Via deze waeg wille we gaer ós partners,
femielie, vriende, bekende, sjponsore, VG de
Beerpiëp en al die angere bedanke die same
mèt ós dit fieës hebbe gevierd!
‘T waas Vastelaovend van Sjteyl wies
oppe Hei,
jidderein höfde det glaas en
vierde mèt ós mei!
‘t jaor kwame we same mèt Rick Grimberg vur de
óngersjeiing. Weej hadde zelf al ’n ieërste ontwerp
gemak, waordoor ‘t vur Rick flot dudelik waas wie
’t meus waere. Naodet de pakke klaor ware en de
foto’s gemak, brook dae lange sjpannende tied aan
wies ‘t Cambrinusbal. As e zo’n 1½ waek vur ‘t bal
wuurs gepouled as trio, mak det ‘t neet mekkeliker.
Den nao lang wachte is eindelijk ’t moment daor,
zaoterdig 1 februari, Cambrinusbal, weej meuge
ós aan Tegele veursjtelle as Beerpiëptrio 2019 en
op dae Vastelaovesexpress sjtappe. We hebbe mèt
dae Vastelaovesexpress versjillende
sjtops gemak en bezeukskes
Prins Danny I
Adjudante John & Mark
17
Vastelaovend viere
mèt idderein
‘t Piepke
2018, 19 augustus, eine doeëdnormale
zonigge zondaag. Wies det de bel ging. Mam
zag: ‘Luc, maks dów efkes aope’. Sjtinge d’r
twieë (toen nag) vraemde kaerels aan de
deur. Zeej kwame binne en ich dóch, wat
euverkump mich heej? Pap en mam wiste
det zeej, Frank en Franc, kwame maar hadde
mich niks gezag. Wie d’r gezag woort det
ze names de Beerpiëpjeug kwame wis ich
al genóg. Al vreej flot in ’t verhaol sjtelde
jeugvors Frank ‘de vraog’! Wils dów jeugprins
waere van de Beerpiëp? Nów meus ich naor
mien nag van niks weitende adjudante
Juul en Luuk. Ich d’r haer met ’n fleske
beer en een piep, ze wiste metein al
genóg. Nag veur ich mien vraog
aaf had, kreeg ich twieë kier jao
te hure. Heej op kós ich ouch ein
volmondig jao aan Frank en Franc
gaeve. De dreej musketiers ware
beejein!
D’n aanloup naor ’t oetkómme waas
leuk, sjpannend en hectisch. We
hebbe einen houp gedaon, ’n eige
logo ontworpe, funfoto’s gemak in Duisburg, ’t
oetkómme zelluf besjpraoke en baovenal vuuel
vergaderd. Maar ’t waas ’t allemaol waerd. As
’t den eindelijk 3 februari is, kump d’r einen
jaorelange druim oet.
Ich d’r haer met ’n fleske beer en een piep
Van de zenuwe ’sj-morges al vur daag en dauw
wakker en ’t wuurt d’r neet minder op. Maar de
kop geit draaf beej ’t intern veursjtelle, we waere
mèt aope erm ontvange door de Beerpiëpjeug,
de jeugkemmissie en ’t groeëte trio.
Daornao kóste we efkes beejkómme
en chille vur det we naor de
jeugprinsematinee ginge.
Op ’n sjpectaculaire
meneer hebbe weej ós
daor veur meuge sjtelle in
eine knatsvolle Haandert.
Nao det ós maskes aaf
ware, barsde ’t fieës ech
los, vele alle zenuwe
van ós aaf en sjpronge
weej d’r op los. Nao ein gave
afterparty ’s-aoves in ós eige
rissedentie op de Wederik waas ’t dudelik det dae
vastelaovestrein waas vertrokke.
Hae ging van hoeëgtepunt naor hoeëgtepunt.
Te vuuel öm op te neume maar inkele wille
we aansjtippe, zoeë as ós receptie, ‘t groeëte
jeugprinsetreffe, de party mèt Oelestoekoms,
d’n optoch, man wat waas det sjiek. Den, inens,
is ’t vastelaovesdinsdig. Veer intensieve waeke
kómme toet ’n eind. Wat hebbe we gelache, maar
nów waas ’t tied vur ’n träönke. Nao det ós de
versiersele aaf ware genaome koste we truuk kieke
op eine supertied dae we neet vlot zulle vergaete.
Daor veur wille we idderein dae d’r beej betrokke
waas bedanke, mèt ós
Ein vur alle, alle vur ein,
vastelaovend vierde weej mèt idderein!
Prins Luc I
Adjudante
Juul en Luuk
19
20
‘t Piepke
‘t Piepke
Dagelijks geopend tot 20.00 uur
Uw adres voor:
Brunch
Babyborrel
High tea
Lunch
Verjaardagsfeestjes
Kerkstraat 50 Tegelen
0773730273
www.brasserierach.nl—info@brasserierach.nl
21
‘t Piepke
Beer-e gezellige sjtapdaag
Weej sjrieve 30 mieërt 2019 as de Aad Prinse zich opmake
Einen daag dae veuraaf al vuuel goods belaofde, want de
Zoeë as de foto’s op dees pagina laote zeen, is ‘t oetintel
gewaes. Wie ózze körsverse ‘aad-prins’ Danny I beej aan
kós hae waal aan zien water geveuld hebbe wat weej ’s
oetgebreid de Tegelse kaart, waonao weej nao de Holtm
de sjtraolende zon wandelde weej ónger begeleiding va
Chateau de Holtmühle , d’m Bas en Nabben nao ’t kloe
Tegelenaere hebbe van ózze gids ‘t ein ein anger beej
Nao de insjtallatie van ózze nieje prins en ein heerlikk
genaote hebbe), sjlote weej aaf op ein (Sjteylerse be
alwaor Marcel Wijnhoven met persent ouch gehuldigd
Aad Prinse. Al mèt al eine sjoeëne Tegelse sjtapdaag
22
‘t Piepke
veur eur jäörlikse halfvaste oetsjtepke.
waergode zólle ós good gezind zien.
ik ouch eine mieër den sjtraolende sjtapdaag
vang van d’n daag ós beej öm thoes ontving
middaags ginge doon. Hae besjreef namelik
ühle vertrokke vur ….. ein dörpswandeling. In
n eine gids. Henk Croonen, via de tuine van
ësterdörp Sjteyl. Zelfs de meis doorgewinterde
gelierd euver ós geleefde Tegele……..Top!
e griekse sjóttel (wao mieër Beerpiëpers van
er-e) gezellige beeijeinkóms beej Sintermerte
woort vur zien 1x11 jäörig lidmaatsjap van de
wao weej mèt plezeer aan truukdinke!
23
24
‘t Piepke
Wae wuurt d’n 53ste
Beerpiëp prins?
‘t Piepke
Ouch dit jaor zal ózze nieje
hoeëgheid en zien adjudante de
vastleaovend veur gaon as ieërste
gangmakers in ós sjoeëne Tegele.
Zeej zulle zich tiedes ‘t 6e
Cambrinusbal op zaoterdaag 25
januari öm 21.11 uur bekend
make in Cultureel Centrum De
Haandert. Veuraafgaond aan
dit oetkómme zal de hoeëgste
óngersjeiing die ós vereiniging
kent, De Pannekletser, aan de
laureaat van 2020, mevrouw
Jeanne van der Velden oetgereik
waere.
‘T belaof wir ‘nne sjpectaculaire
aovend te waere en netuurlik,
zoeë as ge van ós gewend ziet,
gratis entree.
Mèt beejgaonde foto kent ge alvès
raoje wae beej De Beerpiëp die
vastelaoves ker geit trekke.
Zal dit waal ‘t trio zien? Sjteit de prins links,
rechs? Of toch in de midde?
Moch ge ’n idee hebbe, den kent ge ‘n
gökske waoge beej ‘t prinsepoule op ós
website www.debeerpiep.nl .
Beerpiëp Jeugtrio 2020. Wae wuurt ‘t?
Vastelaovend sjtruimp beej dees jónges door de
aore. Zeej zien d’r mèt groeët gebrach kens se
waal zegge, want ’t zit daor in de femielie. D’n
nieje hoeëgheid goeit oppe tied zien gaerd oet en
as se det neet duit, sjtamp hae waal taegen einem
bal of zit achter de kaarttaofel, waorbeej hae de
panne van ’t daak klets. Aevel as hae ze te broen
bak, haes se de poppe aan ’t danse. Maar ömdet
neet te laote gebeure haet e adjudant ein naeve
zich sjtaon öm alles veilig in gójje bane te leije
wat mèt zien oetsjtraoling
gen probleem is. Adjudant
twieë is zeker ein plus vur
dit trio. Ouch al is hae d’m
Benjamin, hae zörg d’r waal
veur det die kaarttaofel
good bezatte is en de viem
altied good aan de gaerd
zit. Ze hebbe eur kaarte
gesjöd en zien d’r klaor
veur, ze gaon nów ‘all in’.
25
‘t Piepke
Kees Kivits,
2x11 jaor lid van de Beerpiëp
Hae is de insigste dae nag euver is van ’t Bavaria
Trio oet 1997. Kees Kivits woort in november
tiedes de interne sezoensäöpening van de Beerpiëp
gehuldig vanwaege zien 2x11-jäörig jubileum.
Kees en ziene zoon Rik ware in det jaor de
adjudante van prins Jos Schmits. Eure beejnaam
as Bavaria Trio kwaam netuurlik neet oet de lóch
valle. Jos waas in dae tied vertaegewaordiger
van de brouwerie die in Tegele al jaor en daag
de hoeëgste beer-ömzet had. Simpelwaeg ömdet
de bekende femilie oet ’t Braobantse Lieshout
heej mèrt-leider waas. Toet de bekendste kefees
wao Bavaria woort vertap, behueërde De
Lichtenberg en De Kievit. Dao, midde in
’t centrum en rech taegeneuver de
kerk, sjtinge Kees en Kitty Kivits
destieds as kasteleinspaar achter
d’m beerkraan. Golde jaore, die ’t
legendarische orkes Sound Express
in november nag ens leet herlaeve
met ‘Wetse Nag?’.
’t Bavaria Trio ging ouch öm ein
angere raeje de gesjiedenis in. Aan
eur bewind kwaam op dramatische
wiéze ’n ing wie Rik beej ’n tragisch
óngeval ’t laeve verloor. Daomei kreeg
’t jaor 1997 ‘nne inkzjwarte rouwrank in de
vereinigingsannale van
de Beerpiëp.
Kees waas jaorelang ‘hof-chauffeur’
van ’t Beerpiëp Trio en de Pannekletser.
Kees en Jos hebbe
zich daonao allebei
aangesjlaote beej ós gezelsjap. Daomei woort
d’n nauwe bank met Bavaria zoeë meugelik
nag hechter. Same met Hay Geurts zaliger,
veurhaer oétbater van kefee De Lange, zien
Kees en Jos jaorelang aktief gewaes binne de
organisasie van ’t Boétegewoeën Bavaria Mèrt
Gebeure, de bóetezitting die idder jaor ’n waek
veur vastelaovend door de sjtichting Beerpiëp
Promotion woort georganiseerd. Op ’t pleintje beej
De Kievit en De Lichtenberg.
Same zien zeej later ouch lid gewaore van de
Beerpiëp Ambassadeurs. Jos is ’n paar jaor
truuk gesjtop, waodoor Kees as insigste euver
is gebleve. Hae is ein van de Ambassadeurs
van ’t ieërste oor en sjmeis ouch van de partiej
wannier dit illustere gremium van wieze en veur ’t
mierendeil ouch grieze hieëre beejein kump öm te
vergadere. Laes: sjlap ajehore beej ’n good glaas
beer.
Kees waas ouch jaorelang
‘hof-chauffeur’ van ’t
Beerpiëp Trio en de Pannekletser. Minnige
laureaat, prins en adjudant is door ‘m met de
markante ‘kingsize’ witte limousine van aadprins
Peter Poeth van en nao de resepsie gereje.
Vandaag de daag sjteit Kees
nag altied ’t leefs achter in
plaats van veur ’t buffet.
Eine aovend per waek is
hae as vreejwilliger aktief
beej Sjportclöb Irene. Kasteleinsblood kruup now
einmaol waor ’t neet gaon ken!
26
Coen Hovens
Ellef jaor kertrekker achter de sjerme
‘t Piepke
Met de höldiging van Coen Hovens (Haoves op zien
Tegels) had de Beerpiëp dit jaor ‘nne bezóngere
primeur op de interne sezoensäöpening. Hae is de
ieërste jubilaris zónger zjwart pak in de historie
van de vereiniging.
Coen kwaam in 2008 as adjudant van prins Peter
IV (Fokkens) binne beej de Beerpiëp. Same met
öm en Ron Daemen, de angere adjudant, belaefde
hae eine vastelaovend öm noeits te vergaete. Coen
bleef plekke en ging beej de Raod van 11. Maar
dao kwaam heej sjnel van truuk.
De dresscode veulde wie ‘n
keursliéf. “Jidders kier dae
frak aan, de sjteek op en
det sjtrikske öm, nae, det
waas niks vur mich. Ich
heb dao hielemaol niks
mei.” Zien besjloét öm as
raodslid te sjtoppe bleef
neet zónger gevolge. Want
offisjeel kende de Beerpiëp
gen óngeuniformeerde leje.
Oeteindelik is besjlaote öm,
ouch door belangsjtelling van boete aaf, ’t
hoeshajelik reglement aan te passe.
Van die besjlissing haet de vereiniging gen sjpiét
gehad! Wat Coen in de aafgeloupe elf jaor veural
achter de sjerme allemaol
haet gedaon, is letterlik
te vuuel öm heej op te
neume.
Organisere zit ‘m in ’t blood. Nao twieë
besjteurstermiene, waovan eine as penningmeister,
woort hae veurzitter van de nieje, door öm zelf
mei opgerichde joekskemissie. Hae waas ouch
betrokke beej ‘t óntsjtaon van de Beerpiëpjeug,
haet same met Ferdie Muijzers Geert Geurts en
de Alfafanclub ’t Spätsjoppe mei opgezatte en
sjting mei aan de weeg van ’t Oktoëberfieës in de
Haandert, det veural in de beginjaore ’n groeët
sukses waas. Daonaeve is Coen vanaaf zien kóms
beej de Beerpiëp aktief binne de kerngroep dae
idder jaor ’t Veurpreuversbal en Jeugprinsetreffe in
’t Witte Hoés organiseert. “Det is mien kiendje, de
vriedigaovend in de tent. Later kwaam dao ouch
nag de senioremiddig beej.
Nag altied is det idder jaor ein van de bes
bezóchde en gezelligste daag in ’t Witte Hoés. En
jao, dao bön ich gruuëts op!”
Zien besjloét öm as raodslid te sjtoppe
bleef neet zónger gevolge.
Vurrig jaor haet ein nieje lichting
de fakkel euvergenaome. Coen sjloot
zich, same met Jacques Hilberts en
Ruud Jans, names de Beerpiëp aan
beej de organisasie van de maondig,
dae met ’t Lempkesbal ‘nne nieje impuls
kreeg. En now haet hae as nieje veurzitter van
‘t VAT de supervisie euver alles wat d’r met
vastelaovend in ’t Witte
Hoés gebeurt. Ein hiele
oetdaging. “Maar ich heb
d’r ech zin in en weit mich
ouch gesjteund door de Beerpiëp.
Al mót ich
now ’n sjtepke
truuk doon,
dit zal altiéd
mien clöb
bliéve!”
27
‘t Piepke
Dames
Heren
Kids
Wandel
Comfort
Julianastraat 21 - Belfeld
vanlierschoenen.nl
28
Ein jaor beej de sociëteit
“De Ambassadeurs”.
‘t Piepke
Nao ‘t vastelaovesseizoen 2018 hebbe Jacques
Hilberts en ich (Marcel Wijnhoven) aangegaeve
toe te wille traeje toet de “sociëteit van wiéze
manne, ”De Ambassadeurs”. Eind oktoëber
2018 woorte weej door eure veurzitter en
waordveurder Jan Jacobs genuuejd öm op 11
november 2018 aan te sjloete tiedes
de vastelaoves seizoénsäöpening van
De Ambassadeurs, in 't Limburgse
Schutterij Museum op
Sjteyl.
Nao ein hertelikke
ontvangs zien Jacques
en ich, geïnsjtalleerd as
Ambassadeurs van V.G.
De Beerpiep. Nao de
protocollaire plichpleginge
volgde ‘n geweldige
prissentatie euver ‘t Limburgse
Schutterij Museum, inclusief ’n
verrassende ronkgang mèt gids door ‘t museum.
Ein bezeuk aan ‘t Limburgse Schutterij Museum in
de veurmaolige parochiekerk St. Rochus op Sjteyl
is vur idderein mieër den de meujte waerd. Nao
dit bezeuk woort d’r mèt ’n heerlikke lunch beej
ós rizzedentie, kefee Schillings (Coëba) aan de
innerlikke mins gedóch.
De sociëteit van wiéze manne.
Öm 18.00 oor sjlote weej aan beej de res van
V.G. De Beerpiëp, die inmiddels ouch beej Coëba
gearriveerd ware waornao öm 18:11 oor de
laureaat van de Pannekletser 2019, de hoeëgste
óngersjeiing van V.G. De Beerpiëp, d’n hieër Sjaak
Smetsers veurgesjteld woort. Daorna begove
weej ós öm 19.11 oor naor ‘t Oelsesplein, waor
weej gezamenlik mèt ós zustervereiniginge van de
Samewerkende Tegelse Vastelaovesgezelsjappe,
de S.T.V., mèt de traditionele 11 kanonsjeut ‘t nieje
vastelaovesseizoén geäöpend hebbe.
Tiedes d’n aanloup van ‘t vastelaovesseizoén ware
d’r nag twieë gegadigde vur De Ambassadeurs.
Peter Verbeek woort op 2 februari 2019
geïnsjtalleerd, net vur ‘t oetkómme van ‘t 52e
Beerpiëp trio (2019) in d’n Haandert. D’n angere
kandiaat, Marcel van Lier, sjtelde dit nag efkes oet,
weej neet weitende waoröm. Dit woort allemaol
dudelik op 16 februari 2019 op ‘t traditionele
Prinsenbal van ós zuster vereiniging Vg. D’n Oeles,
waor ’t Oelestrio 2019 bekend gemak woort, Prins
Marcel II (van Lier) mèt zien adjudante Leon
van Deur en Peter Fokkens, ‘n trio mèt ‘n hoeëg
Beerpiëp gehalte.
Netuurlik woort de toetraejing
van Marcel van Lier toet De
Ambassadeurs ingehaold en
waal op de jaorvergadering van
De Ambassadeurs op 19 mei
2019. Heej goof Jan Jacobs ouch
te kenne det hae nao 16 jaor, zien
functie as veurzitter/waordveurder/
penningmeester van de Ambassadeurs zól
neerlegge en det dit ‘n oetgelaeze moment
waas öm ‘nne nieje kertrekker te keze. Jan blief
netuurlik waal deil oetmake van dees sociëteit
van wiéze manne. De take zien nów verdeild
en euvergenaome door Jacques Hilberts,
Peter Verbeek en Marcel Wijnhoven. Nao dees
euverdrach woort Jan Jacobs op ’n gepasde
meneer bedank vur ziene jaorenlange inzet en
kreeg hae oet heng van Marcel Wijnhoven ‘n lekker
fles speciaalbeer oet de Tegelse femieliebrouwerie
“Kooijman”.
Dit is nag maar ‘n kleine opsomming van bezighede
die weej as Ambassadeurs in ‘t aafgeloupe jaor
hebbe verrich. Ós doelsjtelling as Beerpiëp
Ambassadeurs is ’t zich, achter de sjerme, inzette
vur de vereiniging en ‘n adviserende taak richting
besjteur vervulle. Weej zulle ouch probere beej alle
evenemente van de Beerpiëp aanwezig te zien.
Mèt euren sjtaot van deens en enorme sjat
aan ervaring binne d’n Tegelse en Limburgse
vastelaovend, zien de Ambassadeurs ‘n
gerespecteerd insjtituut binne de Beerpiëpfemielie!
Mèt vruntelikke vastelaoves groet,
Marcel Wijnhoven
29
Liebe Fründe in Tegelen!
‘T is alwir ’nnen hielen tied geleje det weej
beej uch te gas ware. In 2005 kwame weej op
initiatief van ‘n toenmalig lid van ós vereiniging
naor Venlo. Dreej jaor op riej maagde weej beej
de sjpectaculaire vastelaovend d’r beej zien.
Fieëste, genete en vuuel geweldige minse meuge
ontmoete. Nao die sjoeëne jaore haet ózze
reisorganisator de kapel verlaote en zien weej
helaas ‘t kontak met Venlo verlaore.
Venlo en Tegele, blief vur altied
‘n bizónger hoeëgtepunt.
In de aafgeloupe jaore greujde aevel ‘t verlange
öm wir nao Venlo en Tegele te gaon en dit woort
sjteeds groeëter. In de zomer van 2018 hebbe
inkele ajere leje die de oetsjtepkes van toen
hebbe mèt gemak, opniej kontak gezóch mèt
Rob Schweitzer, dae ós destieds van a toet z haet
begeleid. Hae waas mèt alle plezeer bereid öm d’n
draod wir op te pakke. Aafgeloupe veurjaor zien we
‘n weekendje in Venlo gewaes en zien d’r opnieuj
kontakte gelag mèt de vastelaovessvereiniginge
die ós toen zoeë gasvreej hebbe ontvange. Same
mèt de Beerpiëp , Jocus en de Vaegers haet Rob
vur Sauknapp ‘n gigantisch programma same
gesjteld.
‘t Piepke
Vur degene die toen
en nów nag sjteeds
beej Sauknapp zien,
blief ’t bezeuk aan
Venlo en Tegele vur
altied ‘n bizónger
hoeëgtepunt. Alle leje
die vur ‘t ieërs mei
gaon, zulle vas en
zeker versjteld sjtaon
van wat heej gebeurt
mèt de vastelaovend.
We kieke mèt zien alle
al maondelang oet naor de sjoeëne optraejes die
we meuge gaon verzörge en de werme en kwante
minse die weej hebbe en gaon liere kenne.
Weej kómme nao Venlo öm uch mèt ózze muziek
en Sauknapp show hertsjtikke óngerstem baove
te blaoze! ‘T insigste det weej verwachte is ‘n
geweldig fieës vur ós en vur idderein dae mèt ós
mei dae vastelaovend wilt viere.
Zoeë wie ‘t zoeë dök geit, is de veurpret nów
al geweldig. Juus ömdet (groeët) Venlo vur ós
sjpeciaal is en weej op ós beurt sjpeciaal zien vur
(groeët) Venlo.
We haope uch allemaol te zeen en te insjpirere. Op
naor eine sjoeëne vastelaovend in 2020.
Mir freued üs jetzt scho!
Bis dann!
Guggemusig Sauknapp
33
34
‘t Piepke
‘t Piepke
35
‘t Piepke
DE SALON
Uw hoofd, onze zorg!
Met een greep uit onze aanbiedingen willen wij U laten zien dat
het de moeite waard is om eens bij ons binnen te stappen, wij
staan voor U klaar met raad en daad.
Tot ziens!
Tarieven:
Knippen dames/heren € 11,50
Wassen of blowen € 2,50
Föhnen of Watergolf € 12,50
Wassen knippen f of w € 22,50
Verven of coupe soleil € 22.50
Lange haren € 27,50
Permanenten € 49,50
(incl. knippen en föhnen)
Lange haren € 54,50
Prijzen zijn gebaseerd op het huidige 6% BTW tarief.
Openingstijden:
Woensdag t/m vrijdag 9.00 - 12.00 13.30 - 17.30
Donderdag 9.00 - 12.00 13.30 - 17.30
Zaterdag 9.00 - 12.00
Bongerdstraat 17
5931 NA Tegelen
Tel: 077-7370111
De-salon@live.nl
36
‘t Piepke
Neet achter de geraniejums!
Op bezeuk beej Geert Thissen. Vur
vuuel minse bekend as Geert van
de kleijerservice Cruijsberg, maar
aevel ouch van ‘t kolderieke trio ‘de
Geraniejums’. Al mieër as viertig jaor
sjpeult de muziek ein belangrieke
rol in zien laeve. As klein menke
begós hae al op de pèns-piano veur
‘n klein publiek. Later haet hae zich
de (bas)gitaar eige gemak en waas
oeteindelik lid van diverse bands.
De ieërste offisjieele band ‘SUMT’
waovan hae lid waas woort opgerich
in 1964/1965. Ein aafkorting van
‘Sound Under Medical Treatment’.
Wat heejvan de raeje of aanleiding is
gewaes, laot ich gaer toet idders eige
idee.
Zó’n 22 jaor geleje vormde Geert,
same met Ger Geerlings en Ger
van Enckevort ‘t trio ‘de Geraniejums’. Kolder
gecombineerd mèt muziek en dèt volges ‘n sjtrak
protocol. Dae pseudo Venlonaer had altied waal ein
sjlachoffer; dae ‘sjtille bleude’ oet Tegele of emes
in de zaal. Heejdoor leep ‘t programma dök net
efkes angers as aafgesjpraoke.
Beej de ritjes nao de diverse optraejes begós
dae ‘sjtille bleude’ oet Tegele
de kolder al in d’n auto. De ideeje woorte
opgesjreeve en later oetgewerk en in ‘t programma
opgenaome. Zeej hebbe op alle podia in Limburg
gesjpeuld en hadde enorme suksesse. Zeej werkde
zelfs mèt roadies. Ziene zoon Freek waas zoeëwat
d’n ieërste.
Helaas zien zeej in de zomer van 2019 gesjtop. ‘T
is good gewaes.
Is ‘t nów dèn tiéd öm achter de geraniejums te
gaon zitte? ‘Nae zeker neet’. Ich bön nów waal op
de pensioengeregtigde laeftied, maar d’r zien nag
zoeëvuuel oetdaginge en winse. Jao, de winkel is
aan de kangk gedaon, maar daoveur in de plaats
is ‘nne caravan gekómme. En muziek make zal
ich altied blieve doon. Ich bön sinds kort lid van
de band ‘Wil’s Band’ oet Aarce. Dao maake weej
lekkere soul en sjwingende muziek. Naevembeej
kriegse nów ouch mier tied vur de kinger en
kleinkinger. Det alles is ontsjpanning. Al mèt al heb
ich gaar gènnen tied öm achter de geraniejums te
zitte.
SUMT (Sound under medical treatment) V.l.n.r. Geert Thissen (gitaar)
Joop Heek (drums) Huub Beurskens (zang) Frans Oehlen (bas)
37
38
‘t Piepke
‘t Piepke
Doëje mös make?
Met mien kleinzeunke van 2½ jaor
áad leep ich ens door Tegele. Wie weej
op de Betouwsjtraot aankwame, loog
dao ein doëd veugelke oppe sjtoep.
Dink, det det van 't daak waas gevalle,
want ’t waas mich toch bloodheit!
Det klein men-ke bleef sjtaon,
ging vervolges door de knéen en
keek met groëte belangsjtelling
nao ’t euverleje biësje. Zien
lipke begôs ‘n bietje te trille. Hae
wees met zien vingerke nao ’t
veugelke en keek mich haopvol
aan. D'r blônk ein träonke in
zien groëte ouge wie hae mich
vroog: “Oma veugelke make?”
Maar jaomer genôg, oma ken vuël
make (letterlik en figuurlik) maar gen
doëje veugelkes. Had zeej aevel hiel gaer gedaon,
allein al öm det sjnubelke ’n plezeer te doon. Oma
wôl zelfs waal det zeej neet allein veugelkes, maar
ouch minse wir toet laeve kôs bringe, al waas ’t
maar öm ze efkes, hiel efkes, truuk te kenne zeen.
Öm in de vastelaovessfeer te
bliéve, zôl 't neet leuk zien as
Pierre Jacobs, alias de Prikker,
nag ens efkes beej ôs langs
kwaam? Daen druëge humor van ö-m,
det óetgesjtreke gezich, geweldig! En
daen angere Pierre, de keuning van d’m
buut, Pierre Knoops. En Jan van de Pad
in ein van zien vrouwluuj creaties. Zal
‘t motto van d’n Oeles ‘Wat makse mich
nôw?’ heej soms mei van doon hebbe?
Det die in 2020 allemaol minse wir efkes
‘make’ en truuk op aerd wille hebbe öm
met d’n optoch mei te trekke? Wat zôl det
geweldig zien. Einen druim öm idderein
daese mis, wir efkes te kenne vashaje!
Jaomergenôg zal ‘t beej 'nen druim bliéve.
Ich kôs mien kleinkink al neet bliej make
met zien doëje mös en uch netuurlik al gaar neet.
Maar leef minse, 't laeve geit wiejer. Oma
Truu wins uch allemaol vuël plezeer met de
vastelaovend, geniet van dees sjoën daag. Alaaf!
Truu van Sjowberg
39
40
‘t Piepke
V.G. Beejeingesjoeid
‘t Piepke
Weej van V.G. Beejeingesjoeid loupe dit jaor
al wir ‘n ‘half kier 11’ jaor mei mèt d’n Tegelse
& Belvendse Optoch en det is toch ein waor
vastelaovesjubileum en gójje raeje öm ós te
prissentere in ’t Piepke.
V.G. Beejeingesjoeid is eine jonge groep oet groeët
Tegele en ömstjreke. En det is ruum genaome,
want taegeswaordig hebbe weej zelfs ein groeëte
delegatie oet de ranksjtad. Door werk en sjoeël
zien weej namelik get minse verlaore aan ‘t gebied
baove de groeëte riviere, maar zeej kómme maar
al te gaer truuk öm ‘t sjoeënste fieës van ‘t jaor
heej te kenne viere.
Op d’n elfde van d’n elfde in 2014 hebbe weej ós
vur ‘t ieërs beejein gegoeid en óngertösse hebbe
weej al aardig get groeëte, oetgebreide en sjieke
wages weite te make. Zoeë as ózze naam al zaet,
sjoeie weej nagal get beejein en hebbe weej
heejveur zelfs ein speciale sjoeierskemissie.
ónger ‘t genot van eine lekkere ‘gerstesjmoothie’.
Zónger sjponsore
kenne weej
dit allemaol netuurlik neet realisere en
zoeë prissentere weej, tiejes ózzen eige
onthullingsborrel, aan eur ós niejste kreasie. Heej
beej geet ózze veurzitter wir zien toverdrenkske
achtereuver ….. ;-) …..
Vur det ‘t aevel zoeë wied is waere alle köpkes
en vuuel angere ongerdeile van de waage oet
piepsjoem gesjneje in os eige “Piép-hok”. Dit alles
wuurt daonao op ein
sjtale consjtructie
bevestig wat weej
vervolgens met
foam, kiepegaas en
telefoonbeuk-pepeer
aafwerke en oetintelik
in ein sjieke kleur
sjpuite.
Dit ganse sjpektakel sjtart veur ós al in september
(!). Maar tiejes de jaorlikse bbq in mei wuurt ‘t
idee al besjpraoke en waere de ieërste sjetse op
‘n viltje gekliederd. Vanzelfsjpraekend gebeurt dit
ónger ‘t genot van eine lekkere ‘gerstesjmoothie’.
Naeve de wage make weej ouch ós pakke zelf en
daobeej verzinne weej ós eige sjmienkmuulke.
In oktoëber gaon de
vrouwluuj daoveur
op zeuk nao sjoeëne
sjtufkes. Ouch zeej sjoeie ‘t ein en anger beejein
wat daornao wuurt gebroek veur ‘n prachtig en op
maot gemak pekske (dus vur ós is d’r nimmer te
vuuel ‘kapsalon’ nao ‘t bouwen…haha).
Ouch vur dit jaor zien de veurbereidinge al wir in
volle gang. Laot uch kómmende vastelaovesoptoch
maar verrasse want weej haope uch den wir ós
‘magische’ kreasie te laote zeen.
Rob Haenraets
41
42
‘t Piepke
‘t Piepke
4x11 Jaar Joekskapel
Petatte Nelke
2020 is ‘t jaor det joekskepel
Petatte Nelke 44 jaor besjteit.
Öm dit 4x11 vastelaoves
jubileum te viere zal Petatte Nelke
van dit jaor ’n onvergaetelik jaor
make. As jubilerende, maar ouch
aadste joekskepel van Tegele meug d’r
bes wat aandach aan besjtaejd waere, vandaor det
ze zich ouch gaer via dit Piepke toet uch richte.
De joekskapel is op 21 April 1976 beej kefee
Maeghs (Lieske van Maeghs) oppe Hoeëgsjtraot in
Tegele, door ‘nne groep vaste klante, die taeves
wagebouwers ware van vastelaovesvereiniging D’n
Hook, opgerich. Inkele jaore geleje is d’r ‘n bronze
plaquette taege de gevel van de vrugere wuuening
van Joës en Petatte Nelke onthuld en vanaaf det
moment woort d’r tiedes eur jaorlikse Cecilia
idders kier ‘n bezeuk gebrach aan dit veurmaolig
woeënhoes annex kefee van Petatte Nelke öm ‘n
serenaadje te bringe. Vermeldenswaerd is dat ein
van de zeuns van Lieske, Henk Maeghs, al sins de
oprichting lid is en nag altied actief sjpeult in dees
joekskepel.
Vanaaf 1976 wies nów haet dees joekskepel al
minnig optraeje verzörg. Eine gójje balans binne de
kapel tösse jonk en aad bliek de perfecte basis te
zien vur ‘t inmiddels al 44 jäörig besjtaon van dees
kepel. Ze zien den ouch altied ‘nne gaer gezene
gas op tal van evenemente. Tiedes eur besjtaon
zien d’r hieël get mijlpäöl gewaes en kenne ze
ouch truuk kieke op ‘n aantal topprestaties en
gruuetse momente. Zoeë waas d’r beveurbeeld
‘n optraeje beej de Herren Sitzung van
de Rote Funke in Kölle, ‘t winne van
versjillende Joekskapelletreffes en zelfs
‘n opname van ’n WK-voetbalnummer
in eine echte sjtudio. Naevembeej
is joekskepel Petatte Nelke al mieër
den 30 jaor ‘n gaer gezene kepel
oppe wienfieëste in Dieblich beej
Koblenz.
Ouch mèt eur optraejes beej de Joekskepelleparade
tiedes de Vastelaovend zette ze Tegele
oppe kaart in Venlo. ‘T siert eur ouch det de
vastelaovesvereiniginge in Tegele, wie D’n Oeles
en de Beerpiëp, dök van eur muzikale deenste
gebroek meuge make.
De redelikke vaste bezetting van de kepel zörg d’r
veur det de kwaliteit gehankhaaf blief, ouch al haet
ze de letste jaore ’n behuurlikke verjongingskuur
óngergaon. Netuurlik wuurt ‘t repertoire heejdoor
aangepas en gaon ze zoeë sjteeds mèt d’n tied
mei. Ónger de muzikale leiding van Dave van
Lieshout wuurt d’r op dees wies vur gezörg det
idderein zien partie ken sjpeule en blief ‘t muzikaal
op ein hoeëg niveau.
Joekskepel Petatte Nelke organiseert ter gelaegeheid
van eur jubileumjaor ‘nne fieësaovend mèt
tal van Limburgse artieste. Dezen aovend vink
plaats op 18 januari 2020 in Cultureel Centrum
de Haandert. D’n entree is gratis, aevel deent me
waal kaertjes te besjtelle vanwaege de beperkte
toegank op dae avond. Kaertjes kenne besjteld
waeren via ‘t emailadres info@petattenelke.nl
Bön d’r dus oppe tied beej en
geneet van de vastelaovend en van
Petatte Nelke.
43
‘t Piepke
Vür al uch
Vastelaovesklei-jer en fiësartikele
Ût
Mûtske
www.ut-mutske.nl
Lambertusplein 51
Blerick
06-36597738
44
‘t Piepke
45
‘t Piepke
Vastelaoves Paviljoen
“Ut Witte Hoés”
Georganiseerd
door
Sjtichting V.A.T. -
Lokasie-j:
Wilhelminaplein
Tegele
Houfsjponsors:
garagebedrijf
drukkerij
AANGENEND BV
abtrucks.nl
ELKE DAG OPEN
Vastelaovend 2020
18 t/m 24 februari • www.utwittehoes.nl
Dinsdig, woensdig & donderdig:
Buutte-aovende 19.00 oor: Tent aope
20.11 oor: Buutte-aovend
met 6 top buuttereedners o.a. Fer Naus,
Boy Janssen en Bas van Neer gepresenteerd
door Marlon Kicken
Vriedig:
Veurpreuversbal 12.00 oor: Tent aope
12.30 - 14.30 oor: Senioremiddig met o.a. Sandra & Marco
en Gé Deenen
16.30 oor: Jeugprinsetreffe m.m.v. Joekskepel Sôkkerpáek
19.45 oor: Äopening VG De Beerpiep
Zaoterdig:
20.30 oor: Veurpreuversbal met o.a. Toddezek, Waan,
Guggenmusik Sauknapp, DJ Sander
Sjpektakele veur jonk en aad
15.00 oor: Tent aope
15.30 oor: Sjpektakele met medewerking van o.a.:
Kelly & Lotte, 2 Gewaejde, Moerepetazie,
Scheuriézer, Men in Pek, Trio de Janeiro en DJ Brian
Zôndigmiddig:
13.30 oor: Tent aope
14.00 oor: Familiemiddig
Ranjabal XXL
PTM Venlo BV
Fokkens Technisch Interieursystemen Advies en Advies
duurzaamheid staat voorop
Janssen Dingsweg 8 • 5951 CS Belfeld
T. 077-3731870/06-53211005 • E. info@ptmvenlo.nl
Gerard Fokkens
T. 06 5144 3010
Zôndigaovend: 20.00 oor: Ut Sambal, ‘n pittig bal (entree-j)
Maondig:
Lempkesbal 14.00 oor: Tent aope
16.00 oor: Lempkesbal met medewerking van:
Bjorn & Mieke; Net Oet Bed;
Nette Maedjes; Greun Graas;
Joekskapel Petatte Nelke;
Joekskapel Sôkkerpáek;
Guggenmusik Sauknapp,
Golden Hiering;
DJ Sander
drök en ontwerp: drökkerie de Boskamp bv, Tegele
46
‘t Piepke
‘t Witte Hoes sjteit wir
in de sjteigers!
Ouch in 2020 sjteit d’r met vastelaovend ein
groeëte fieëstent op ’t Wilhelminaplein.
Met ’n deils verniejd besjteur mak
de sjtichting VAT zich op vur alwir
de dertieënde edisie van ’t Witte
Hoes.
Coen Hovens is de nieje veurzitter
van ’t VAT (Vastelaoves Aktiviteite
Tegele). Hae haet de veurzittershamer
nao twellef jaor euvergenaome van Dave
Ververgaard, ein van de grónkleggers
van ’t Witte Hoes. Dave blief wal lid van
’t besjteur. Ouch Ine Crienen en Marcel
Pakuza zien d’r al beej vanaaf ’t allerieërste oor.
Ruud Aben zet ein sjtepke truuk, maar verlieënt
waal nag hank- en sjpandeenste.
Angere nieje leje binne ‘t besjtuur zien
penningmeister Ruud Cremers, algemeine leje
Alain Sijbers, Frans Cremers en Edwin Aarts.
Vanoet ’t horeca-team sjloete Hans van Aarssen en
Bernie Hendriks zich ouch beej ‘t besjteur aan. We
zien nag op zeuk nao ‘nne secretaris. Veurluipig zal
dit waargenaome waere door Ine Crienen.
Same gaon zeej met niej elan en nieje
ideeje aan de sjlaag vur de vastelaovend in
’t centrum.
Aevel idderen angeren daag is ouch zier zeker
’n bezeuk aan ‘t Witte Hoes waerd. Haaj vural
ouch in de gate wennier de zjwitserse kepel
Guggemusig Sauknapp acte de presence zal
gaeve!
Weej haope naeve beej det ge zóndig
19 jannewari 2020 in ugge agenda
al vas heb sjtaon. Den gueëf de
band Linke Mik ’n benefietconcert
vur ’t Witte Hoés. Zeej traeje op
mèt versjillende artieste die in de
aafgeloupe jaore op de bühne hebbe
gesjtaon in ’t vastelaovespaviljoen
op de mèrt. Wae det zien, zal in de
veurbeje waeke al bekend zien gemak,
in idder geval zulle Sandra en Marco
same met Linke Mik een aantal nummers
sjpeule. De lokasie van ’t concert is zaal
Vriendekring en ‘t begint öm 13.00 oor.
Waer vriend van ‘t Witte Hoes
Moch geej dezen datum öm ein of anger raeje neet
kenne den zól ‘t fijn zien as ge ós wilt sjteune door
vriend van ‘t Witte Hoes te waere vur ’t joeksige
bedraag van 11 euro. Det ken via ós website,
www.utwittehoes.nl
De veurbereidinge zien in volle gangk
en de programmering is al groeëtendeils
rónk. ’t Affiche kent ge verderop in dit
Piepke zeen. Dao sjteit in idder geval ouch
wir ’t Lempkesbal op maondigaovend,
det vurrig jaor ’n gesjlaagde premiere
belaefde, prominent op. Van ‘t Sambal
wuurt ‘t programma altied wies op ‘t lets
geheim gehaje, maar dit belaof zeker ‘n
knalfieës te waere! Vur idderein, van aad
(seniorezitting op vriedaag) toet jonk (‘t
jeugprinsetreffe op vriedaag en Ranjabal
XXL op zondig) is d’r get te doon.
47
‘t Piepke
Beemdweg 11, 5962 AT HORST - Telefoon (077) 398 5554 - www.kleuskensschoonmaakbedrijf.nl
48
De Beerpiëp-vlag.
Zoeë as geej heej oppe foto’s kent zeen, hebbe
weej eine sjoeëne Beerpiëp-vlag. Tiedes de
vastelaovend zuus se ’t greun-wit door gans
Tegele. Maar ouch boete de vastelaovend kumps
se de vlag taege. Zoeë as heej beej de Grandprix
van Oeësteriek. Heb
geej foto’s mèt ós vlag
in ludieke situaties of
gelaegeheden, zet dees
‘t Piepke
den op ós facebook-pagina. Mèt dees vlag luuets
se dien sympathie zeen veur ós sjoeën vereiniging.
Wils se d’r ouch vur zörge det Tegele mèt de
vastelaovend greun-wit kleurt? Koup den ouch zó’n
sjieke vlag. Vraog aan ein van ós leje of sjteur ‘nne
mail naor:
webmaster@debeerpiep.nl.
Programma 2020
25 januari Oetreiking Pannekletser
Cambrinus bal
26 januari Jeug Prinse Matinee
9 februari Beerpiëp Jeug Prinse receptie
Beerpiëp Prinse receptie
21 februari Seniore Zitting
Tegels Jeug Prinse Treffe
Veurpreuversbal
23 februari Spätsjoppe
24 februari Lempkesbal
49
‘t Piepke
Vastelaovesprogramma
V.G. D’n Oeles
Beste Vastelaovesvierders,
Op dees plek wille we names Vastelaovesgezelsjap
D’n Oeles alvès idderein ‘nne sjoeëne Vastelaovend
2020 winse.
Mèt gepasde trots kenne weej melde det dit jaor ‘t
Oeles Buuttegala wuurt oetgebreid.
Vanwaege de enorme vraog naor kaarte wuurt
d’r ‘n derde buuttegala georganiseerd. ‘t Witte
Hoes äöpent dit jaor eur deure dus al op dinsdaag
naeve de woensdaag en donderdaag (18 toet en
mèt 20 februari in ’t Witte Hoés). De kaartverkoup
is gesjtart op d’n ‘elfde van d’n elfde 2019’
en verlöp oetjsloetend via de website van D’n
Oeles (www.oeles.nl). Veur 18,50 euro biedt
vastelaovesgezelsjap D’n Oeles in de letste waek
vur vastelaovend ‘n amusant aovendje oet mèt
humor van de baoveste plank.
‘t Oeles Buuttegala is sjlechs ein van de vuuele
evenemente. ‘T programma vur dit seizoen is in
groeëte liene bekend mèt ‘t Prinsebal (zaoterdag
8 februari), 't Jeugprinsebal (zondaag 9 februari),
Ouderenmiddaag (woensdaag 12 februari),
recepties Oelestrio en Jeugprinsetrio (zondaag 16
februari) allemaol in De Haandert. In ’t Witte Hoes
zulle naeve ‘t Oeles Buuttegala ouch ‘t Ranjabal
XXL en Ut Sambal (allebei op zondaag 23 februari)
plaatsvinge. Daor navembeej blief d‘n Tegelse
optoch netuurlik ‘n hoeëgtepunt op de maondaag
(24 februari) en ‘t blief belangriek öm te vermelde
det groepe en wages zich nag aan kenne melde op
de site van Vastelaovesgezelsjap D’n Oeles (www.
oeles.nl). Toet sjlot zal op dinsdaag (25 februari)
wir de traditionele Fakkeloptocht en ‘t gezamelik
möts aafzette mèt de STV-vereiniginge plaatsvinge
in ‘t centrum van Tegele.
Begunstgers
Friture de Klomp
Ewalds. de echte bakker
Verhaegh Tegelen
Mooren Naaimachines en Breigaren
Tegelen
51
52
‘t Piepke
‘t Piepke
Vastelaovesprogramma
V.V. de Kaetelaers
De Kaetelaers ware d’r wir op gebrand öm op d’n
11e van d’n 11e same met de STV-vereiniginge
’t viefde seizoen in te sjeete en op de Veurproof
hebbe ze det vlemke nag ens aangewakkerd. Noow
is dus ’t veur aan...
Programma Vv. De Kaetelaers
• Zôndaag 12 jannewarie Vastelaovend VEURaan
(aanvang 14:00 oor).
Ein spectaculair evenement det plaatsvingk in ’t
Limburgs Sjötteriej Museum.
• Zaoterdaag 18 jannewarie Zjwaegelkesbal.
Met ‘t oetroope van ôzze Jeug Vors Lucifer 2020,
aanvang 14:00 oor.
• Zaoterdaag 25 jannewarie Tiener Vastelaovend
Konkoer (aanvang 19:00 oor).
Liedjeskonkoer vur tieners, georganiseerd door
De Kaetelaers in CC. D’n Haandert.
• Zôndaag 2 fibberwarie Recepsiej.
Recepsiej van ôzze nieje Jeug Lucifer, van
14:00-16:00 oor.
• Woensdaagaovend 19 fibberwarie.
Insjrieve vur de jeugoptoch. Auch wae as
duuvelke mei wilt oppen duuvelswage, ken zich
dezen aovend aanmelde. Van 19:00-20:00 oor.
• Zaoterdaag 22 fibberwarie
“Walpurgisnach..!”
Met öm middernach ’t
aaftraeje van ôzzen
aaje Lucifer Joost
Quaring.
• Zôndaag 23
fibberwarie
Vlaegelkesbal.
Jeugmiddag vur
groet en klein, van
14:00-17:30 oor.
• Zôndaag 23
fibberwarie
Duuvelsbal.
Met öm 21:11 oor ’t oetroope van Vors Lucifer
2019.
• Maondaag 24 fibberwarie Recepsiej.
Recepsiej van Vors Lucifer, van 19:30-21:30 oor.
• Dinsdaag 25 fibberwarie.
Jeugoptoch door Sjteyl. Aansjloetend “Joetse
Jatse” met optraejes vur kinger en as
aafsjloeting ‘t aaftraeje ôzze Jeug Lucifer.
• ‘s Aoves Richtersbal met de aafsjloeting van
vastelaovend 2020.
Vastelaovesprogramma
V.V. De Boereraod
Beste laezers van ’t Piëpke,
As geej dit geweldig vastelaovesblaad laes, geit
’t al rap richting de Vastelaovend 2020. Heejônger
kênt geej óetgebreid laeze wat d’r beej De
Boereraod allemaol te doon is. Verder wille weej
uch d’r op attendeere det V.V. De Boereraod van
de Hei in 2021 zien 6 x 11-jäörig jubieleejum viërt.
Ôs Jubieleejumkemissie is al drök bezig öm ’n
geweldig jubieleejumprogramma same te sjtêlle.
Haaj de (sosjaale) media dus maar good te gate!
Weej zeen uch gaer trük beej ôs ôppe Hei!
• 31 Jannewarie 2020 Boerejoekszitting in de
Haandertboerderie.
• 1 Fibberwarie 2020 Klumpkes- en Verloofdenbal
in de Haandertboerderie.
• 2 Fibberwarie 2020 Kefee-rôngkgang euver de
Hei.
• 7 Fibberwarie 2020 Jeugvastelaovesdisco in de
Haandertboerderie.
• 9 Fibberwarie 2020 Dameszitting in kefee-zaal
de Witte.
• 11 Fibberwarie 2020 Veursjtêlaovend van de
Dansgroepe in de Haandertboerderie.
• 14 Fibberwarie 2020 Pekskesaovend in kefee de
Witte.
• 15 Fibberwarie 2020 Resepsie
Jeugboerebróedspaar en Gangmakers 2020 in de
Haandertboerderie.
• 16 Fibberwarie 2020 Hiërezitting in kefee-zaal
de Witte.
• 22 Fibberwarie 2020 Aafhaole Gangmakers,
Vastelaovestreffe ôppe Hei, Boerebróelefsrevue
mêt trouwerie en Boerebróelefsbal in de
Haandertboerderie en Heierse kefees.
• 25 Fibberwarie 2020 Boere- en Boerinnenbal en
Aafsjlóete Vastelaovend 2020 in kefee-zaal de
Witte.
53
54
‘t Piepke
Derde Tegelse
kruutswaordpuzzel
‘t Piepke
Zoeë as dit ein gójje traditie begint te
waere, haet ózze aad-Pannekletser
Toine Ambaum, eine nieje puzzel vur
uch verzónne. Weej haope det geej heej
wir hiel vuuel plezeer aan got belaeve en
zoeë ’t Tegels dialek hoeëg in ’t vaandel
haait.
Plus Markt Verbeeten oppe Hei hebbe weej wir
bereid gevónge öm dreej sjieke baodsjappe
pakkette ter besjikking te sjtelle vur de winnaers.
As ieërste pries lig d’r sjtraks ein baodsjappepakket
twv € 120,- klaor en vur de nummers 2 en 3 ein
baodsjappepakket twv € 50,- .
Wae lök ‘t öm d’r dit jaor mei aan de haol te
gaon, naodet veurig jaor Petra Geraads de
winnaer waas en Linda Hanraets-Weber en André
Franssen de 2e en resp. 3e pries gewonne hadde?
D’n houfprieswinnaer zal aeve as veurgaonde
jaore ziene pries door ózzen hoeëgheid huuëgs
persuunlik euverhandig kriege beej Plus Markt
Verbeeten.
Horizontaal
3. graspolletje
4. aardappel
6. akkerwinde
10. cervelaatworst
12. bladluis
13. eekhoorn
15. kraanvogels
18. kruisbes
19. barbeel
3
1
4
6
1
9
7
Wat mot geej doon öm te winne:
• Vul in de kruutswaordpuzzel
zoeëwaal horizontaal as vertikaal
de Tegelse vertaling in van de
wäörd die naeve de puzzel sjtaon.
• As uch det good gelök is, vul den de greune
letters in op de euvereinkomstige greune cijfers
die ònger de puzzel sjtaon.
• Heej zeet geej vervolges nao welk waord weej
op zeuk zien!
De gójje oplossing kent geej via mail sjteure naor
webmaster@debeerpiep.nl, ónger vermelding
van ugge naam en tillefoonnummer. Ouch kent
geej eventueel ein breefke oplossing aafgaeve op
Hulsterdreef 3 in Tegele.
2
10
5
8
Res ós öm uch de sjloetingstied vur ‘t
inlevere aan te gaeve: 14 fibberwari
2020 en uch vuuel puzzelplezeer en
sukses toe te winse.
8
11
11
12
18
5
17
6
12 13
14
3
15
16
4
19
2
9
1 2 3 4 5 6 7 8 9 10 11 12
7
10
Verticaal
1. libel
2. anjelier
5. aasvlieg
7. distelvink
8. hoofdkaas
9. mier
11. bunzing
14. fuchsia
16. aardbei
17. aalbes
18. eendagsvlieg
55
‘t Piepke
Colofon
Óetgave:
V.g. de Beerpiëp
Piepke-kemissie:
Fred Keijsers (veurzitter)
André van Aarssen
Rob Geraats
Franc van Baar
Davy van Aarssen
Advertenties:
Leje van
V.g. de Beerpiëp
o.l.v. Tiny van Deur
Foto’s:
Bart Douben
Edwin Aarts
en angere
Sjriévers:
Piet van Bree
Ruth Schouwenberg
Marcel van Lier
Jacques Hilberts
Met beejdrages van:
VG D’n Oeles
VV de Kaetelaers
VV de Boereraod
Petatte Nelke
Beejeingesjoeid
Illustraties en opmaak:
Fred Keijsers
Rob Geraats
André van Aarssen
Tegels dialek: (eige sjtökke)
Franc van Baar
Drök:
Rekafa drukkers
Oplage:
8222 exemplare
Versjpreiding:
Gratis hoes aan hoes in
Tegele, Steyl en oppe Hei.
56
‘t Piepke
57
58
‘t Piepke
‘t Piepke
Genne vastelaovend
zónger sjponsore.
Zoeë as geej op ug tieën vingers nao kent telle,
kos ‘t viere van de vastelaovend klauwe mèt geld.
Neet allein vur ug, maar ouch vúr os… ;-)
Weej zien ós sjponsore den ouch hieël erg
dankbaar det zeej ós finansjeel óngersjteune
zoeëdet weej vur ug dit sjoeëne fieës kenne neer
zette.
Dees sjteun
kriege weej
van ós
adverteerders
in dit Piepke,
maar zeker
ouch van ós
Cambrinussjponsore
waovan geej heej de diamanteen
golde sjponsore kent zeen.
Heb ouch geej belangsjtelling
öm ós as adverteerder of
Cambrinus-sjponsor te
ongersjteune, den twiefel neet
en neem gerös kontak op met
ós sjponsorkommissie:
sponsor.vrz@debeerpiep.nl
of till: 06-21523112
59