Die Straatkat April 2021

April 2021
Ontwerp en Uitgegee deur: Elmarie Kotze
diestraatkat@gmail.com
1

Inhoud
Resepte
Heerlike Omelette vir Ontbyt 3
Kosblik/Middagete idees 5
Vinnige Aandete 7
Boererate/Skoonheids
Asma 9
Aknee en Puisies 11
Tuisgemaakte maskers vir aknee 12
Essential Olies wat werk
Waarvoor help Lavender Olie als 13
Hoe kan mens Lavender Olie gebruik 14
Huishoudelike wenke 16
Ouma Ella gee raad 17
Brokie Nuus van ons Lesers 19
Reis deur ‘n lewe
Grappies - Kom lag saam 20
Jongspan - Vier print aktiwiteite 21
Storietyd - Jaloerse Skoonma 22
Gedagte vir die Maand – Godsdiens 26
Advertensies 27
Bl.
2

Resepte
Ham en Kaas Omlet:
Ontbyt: Heerlike Omlette
Bestandele:
4 Eiers per Omlet
100gram Ham
100gram Kaas
Olyfolie
Pietersielie (Opsioneel)
Sout en peper na smaak
Metode:
Meng eiers, gesnipperde ham, pietersielie, sout en
peper saam. Verhit jou olie in ‘n diep pan. Sodra die
olie warm is gooi mengsel in pan. Strooi kaas in die
middle van jou omlet en bak tot kaas begin smelt.
Sodra jou omlet gaar is vou die omlet toe (Van die punte
na die middel). Indien jou omlet nie styf genoeg is nie,
draai om en bak aan die anderkant nog so bietjie.
Hierdie resep gee jou 2 vinnige en maklike Ham en Kaas Omlette.
Jy kan meer eiers insit afhangende van hoe jy van jou omlet hou.
3

Sampioen en Kaas Omlet:
Bestandele:
8 Eiers
125gram Sampioene
2 Knoffelhuisies (fyn gesny)
4 Eetlepels Olyfolie
4 Eetlepels botter
25gram sprietuie fyn gesny
100gram gerasperde cheddar kaas
Sout en peper na smaak
Metode:
Eiers Moet geskei wees en apart geklits. Die eier wit
moet styf geklits wees. Verhit 2 eetlepels botter en
braai die sampioene tot gaar. Voeg knoffel by en braai
vir nog ‘n kort rukkie. Vou die 2 dele eiers saam tot dit
goed gemeng is. Verwyder sampioene uit die pan en
verhit nog 2 eetlepels botter in dieselfde pan. Voeg
eiers by en bak vir ongeveer 2 tot 3 minute. Sit jou
sprietuie, sampioene en kaas op die een helfte. Geur
met sout en peper. Vou toe en bak todat die kaas
gesmelt is.
Hierdie resep gee jou genoeg om 4 mense te bedien met ‘n heerlike
Kaas en Sampioen omlet.
4

Mengelslaai met Pynappel
Kosblik/Middagete
Bestandele:
Kwart engelse Komkommer
1 Klein Pynappel
Driekwart Groen soetrissie
300gram Baba tamaties
Knoffel
Swart peper
Gemengde kruie
Metode:
Sny alles fyn en meng saam. Geur met kruie. Jy het
nie nodig om slaaisous by te voeg nie, as jy gebruik
maak van geblikte pynappels. Jy kan die sous van die
pynappels in die blik oorgooi. Indien jy vars pynappel
gebruik behoort die sappigheid van die pynappel
voldoende te wees.
Hierdie resep maak ‘n medium bakkie slaai vol.
5

Hoender en Pastaslaai
Bestandele:
3 Hoenderborsies sonder die vel
Sout en peper
Olie
Halwe suurlemoen se sap en skil
250gram pasta (Penne-pasta of Macaroni)
Halwe slaaikop
100ml Mozzarella kaas in blokkies gesny
50ml Swart olywe ontpit (Opsioneel)
1 Teelepel Italiaanse speserye
3 Eetlepels Italiaanse slaaisous
Metode:
Braai die hoenderborsies saam sout, peper,
suurlemoensap en skil. Kook pasta tot gaar. Pak jou
slaaiblare in ‘n slaaibak. Sny die hoenderborsies in
stukkies en meng dit met die res van die bestandele.
Gooi die slaaisous oor en bedien.
Die resep maak genoeg slaai vir 4 mense.
6

Aandete
Maalvleispasteie
Bestandele:
Metode:
500 gram maalvleis
Sout en peper
500 gram gemengde groente
Hand vol gekapte pietersielie
800g rolle blaardeeg
1 Eier
Verhit oond tot 200 grade Celsius. Meng maalvleis,
sout en peper, gemengde groente en pietersielie. Rol
blaardeeg uit, sny 8 sirkels met ‘n deursnit van 11cm uit
die deeg. Skep 80ml maalvleis op die een helfte van die
sirkel. Verf die rand met geklitste eier. Vou die ander
deeghelfte oor en knyp die rand stewig toe, jy kan ‘n
vurk gebruik. Verf die pastei met liggies met eier en bak
op ‘n bakplaat vir ongeveer 15 tot 20 minute. Die pastei
sal goudbruin wees van kleur
Die resep maak genoeg vir 4 mense.
7

Frikkadelle met kruierysous ( ook bekend as Monkey Gland sous)
Bestandele:
250 gram bees maalvleis
250 gram vark maalvleis
5 – 10ml Sout
Peper na smaak
125 ml Natuurlike jogurt
180 ml Vars broodkrummels
1 Geskilde en gerasperde appel
1 Gerasperde ui
Kruierysous: 250 ml Vrugteblatjang
25 ml Port of sjerrie
25 ml Rooiwyn
2 ml Tabasco-sous
Metode:
Verhit oond tot 160 grade Celsius. Smeer ‘n oondbak
van 22cm met olie. Meng al die bestanddele saam. Vorm
balletjies en pak in die oondbak. Bak vir 30 - 40 minute
tot deurgaar.
Om die sout te maak verhit die al die bestandele tot
kookpunt terwyl aanhoudend geroer word. Sit voor
saam met frikkadelle, aartappels of rys.
Die resep maak genoeg vir 6 mense.
8

Boererate
Wenke vir Asma:
1. Eet 1 tot 2 eetlepels van ‘n mengsel van 500g Heuning, 1
botteltjie Paragorie, 1 botteltjie Turlington, 1 Bottel
Pepermint druppels, 1 botteltjie Borsdruppels en @ eetlepels
Asyn. Skud goed voor jy dit gebruik en stoor in yskas.
2. Kook ‘n stukkie Salie bos in water totdat dit lyk soos sterk
tee. Neem ‘n koppie daarvan saam met 2 koppies suiker en
kook totdat dit ‘n stroop vorm. Gooi 1 botteltjie borsdruppels
by en ‘n halwe koppie suurlemoensap, skud goed. Drink
1.5ml, 3 maal per dag.
3. Drink swart sterk koffie.
4. Drink 1 teelepel witdulsies in ‘n halwe glas water 3 maal per
dag.
5. Sit kanfer in ‘n pan, gooi soetolie daarop, maak dit goed warm
en sit dit op jou bors. Jy kan ook bokvet op ongebleikte linne
smeer, skoorsteenroet daaroor strooi en dan op jou bors sit.
6. Smeer bloekomolie aan jou bors, dit sal help dat jy makliker
asem haal.
7. Stoom jou met Vicks, deur 1 eetlepel Vicks in 3 koppies warm
water te meng en ‘n handdoek of kombers bo-oor te gooi
terwyl jy onder die kombers sit.
9

8. Maak ‘n flennie doek nat met kookwater, draai toe in
handdoek en sit dit op jou longe. Haal dan diep asem en kap
liggies oor die rug dat slym op die longe los kom. Neem dan
‘n ysblokkie en smeer oor die rug sodra die handdoek koud is.
Baie goeie raad vir oud en jonk wat sukkel met bors of slym
op bors.
9. Doen gereeld long oefeninge, trek diep asem in en hou so
lank as wat jy kan en blaas dan liggies en stadig uit. Doen dit
in die oggende.
10

Wenke vir Aknee (Dit werk vir puisies ook)
Kry by die naaste apteek, soos Dis-Chem of Clicks tissuesalts
nommer 3 of 12.
1. Spons jou gesig af met verdunde suurlemoensap of smeer
vars suurlemoensap aan.
2. Maak ‘n pasta met 3 eetlepels heuning en 1 teelepel kaneel.
Smeer voor slaaptyd aan puisies en spoel jou gesig die
volgende oggend met louwarm water af. Jy behoort na 2
weke n groot verskil te sien.
3. Smeer aartappelskil daagliks aan jou gesig.
4. Druk ‘n knoffelhuisie pap en sit die olie aan die puisie.
5. Smeer ʼn masker van Calemine lotion aan voor jy gaan slaap
en spoel met louwarm water in die oggend af dit droog die
puisies uit.
Die volgende kan gedrink word vir Aknee:
Drink elke oggend 1 eetlepel vol van die volgende mengsel
op ‘n nigter maag. Meng 1 pakkie kremetart, 2 pakkies Engelse
sout saam met een groot bottel water. Skud goed tot opgelos.
11

Skoonheid
Tuisgemaakte maskers wat ook kan help met Aknee en Puisies
1. Maak ‘n masker met komkommers, hawermeel, druiwe en gis.
Meng goed en smeer aan soos masker. Spoel af na 30minute.
2. Gryp ‘n paar vars druiwe van jou yskas en jy het ‘n gesig
reiniger. Sny 2 of 3 druiwe korrels in die helfte en vryf die
vlees oor jou gesig en nek en spoel dan af.
3. Druk ‘n halwe suurlemoen en meng die sap met 1 geklitste
eierwit, laat die masker oornag op terwyl jy slaap. Spoel die
volg oggend af met warm water.
4. Meng avokadopeer en heuning en smeer dit op vir ongeveer
30 minute. Spoel af met warm water en dan weer met koue
water om porieë te sluit.
12

Essential Olies
Waarvoor help Lavender Olie alles?
• Anti-inflammatoriese
• antifungale
• antidepressante
• antiseptiese
• antibakteriese
• antimikrobiese
• Verminder stres en angs
• verbeter Slaap
• verlig Hoofpyn
• Balanseer Bloedsuiker
• anti-oksidant beskerming
• Naarheid
• hooikoors
• Koorsblare
• genees snye
• seer spiere
• Oorpyn
• moegheid
• Langtermyn Reis
• Menstruasie krampe
• sinusitis
• Skoonmaakmiddel
• Kamer vervrisser
• reuk
• ontspannend bad
• hartkloppings
• respiratoriese infeksies
• Na 'n operasie pyn
verligting
• deodorant
13

Hoe gebruik mens Lavender essential Olies?
1. Lavender olie vir Aknee
Voeg 'n paar druppels lavender olie op 'n watte of in U room en
gebruik as 'n bevogtiger of reinigingsmiddel
2. Laventel olie vir Jeukerige kopvel
Meng lavender olie met water en masseer in die kopvel Jy kan ook
'n paar druppels byvoeg tot jou gunsteling conditioner nadat jou
hare gewas het.
3. Laventel olie vir Skilfers
Voeg 'n paar druppels in warm water en skud goed. Eweredig
bedek jou kopvel en hare met die water mengsel. Spoel uit na 'n
paar minute.
4. Laventel olie vir swam infeksies
Meng 'n paar druppels lavender essensiële olie saam 1 teelepel
olyfolie. Sit bietjie op watte en wend aan besmette area. Laat dit
vir ten minste 30 minute, spoel dan af met lou water en droog
deeglik. Herhaal twee keer per dag tot jy heeltemal ontslae is van
die infeksie.
6. Laventel olie vir Sonbrand
Meng 'n paar druppels met jou gunsteling draer-olie en smeer aan
geaffekteerde area. Dit versnel genesing en verhoed dat letsels
agterbly. Lavender olie moet slegs gebruik word na U gesonbrand
het en nie tydens U op die strand lê nie.
14

7. Laventel olie vir ligte brandwonde
Sit 2-3 druppels Lavender olie op ligte brandwonde om pyn te
verminder. Sal ook help met littekens wat die brandwond moontlik
kan agterlos.
8. Laventel olie vir Ekseem
'n Paar druppels lavender olie saam ‘n draer-olie gemeng sal help
vir jeukerige vel.
9. Laventel olie vir insekbyte
Sit 'n druppel laventelolie op 'n bysteek na jy die angel verwyder
het of op insekbyte, dit sal help met die gejeuk en swelling. U kan
ook die volgende resep probeer: 2 druppels Lavender – 1 druppel
Peppermint olie.
Laventel Side-effek en Veiligheid
Lavender olie kan hardlywigheid veroorsaak, hoofpyn, en 'n
verhoogde eetlus indien dit per mond ingeneem word. Wanneer dit
toegepas word op die vel, kan lavender olie soms irriteer, maar dit
gebeur in baie min gevalle.
10. Ontspannend bad
Drup ‘n paar druppels Lavender olie in jou badwater vir ‘n
ontspannend bad.
15

Huishoudelike Wenke
1. Om Lipstiffie skoon te maak.
Spuit die lipstiffie met haarsproei los vir 10 minute en spoel
af. Maklik en eenvoudige manier sonder ‘n gesmeer van
lipstiffie.
2. Om jou oond maklik skoon te maak.
‘n Halwe koppie ammoniak in ‘n koue oond. Die volgende
oggend haal jy die beker uit en vee die oond binne uit.
3. Maak jou glase weer glinster.
Vee jou glase uit met gedempte asyn lap.
4. Seep aanpaksel op jou stort deure.
Spuit die stortdeur met kookspuit en wag 5 minute, verwyder
dan met die seep.
16

Ouma Ella gee Raad
Liefdelose lewe:
Anoniem: My man het nou al menige kere verhoudings gehad met
verskillende vrouens. Elke keer voel dit vir my of ‘n stuk van my hart
uitgeruk word. Hy het al menige kere belowe dat hy nie weer na ‘n
ander vrou sal kyk nie maar as ons, ons weer kom kry hoor ek dat daar
weer ‘n vrou saam hom was in die nagklub. Ek kan nie saam met hom
uitgaan nie ons kinders is nog klein en ek het nie altyd ‘n oppasser nie.
Dit maak my seer om te dink dat hy weer besig is met sy ou gewoontes.
EK is moeg vir seerkry maar dit voel vir my asof ek in ‘n liefdelose
huwelik vasgevang is. Asof ons al twee net bly omdat die kinders nog so
klein is. Ons het al huweliksberading probeer en dit het goed gegaan
maar nou begin hy weer uitgaan en ek hoor gerugte van vriende dat
hulle hom sien saam met ‘n vrou. Ek wil nie sê hy is skuldig nie en ek wil
nie net loop as daar nie rede is nie, naar ek kan nie meer so aangaan
nie. Ek het hom gevra om nie uit te gaan nie en al wat hy doen is om
hom net af te vee aan my versoek en steeds uit te gaan. Soms soek hy
skoor met my sodat daar ‘n argument sal ontstaan sodat hy sy uitgaan
kan regverdig en sê hy wou net bietjie afkoel. Wat moet ek doen ek sit
met my hande in die hare, want ek is verskriklik lief vir hom.
17

Antwoord: Ek verstaan dat jy hom lief het maar soms is die een wat ons
lief het nie ons liefde werd nie. Jy het al soos dit my klink alles probeer
om jou huwelik te red, selfs huweliksberading. Nou moet jy rustig raak
en mooi dink is dit die voorbeeld wat jy vir jou kinders wil stel? Dat dit
okay is dat pappa nagte uitgaan en wie weet watse tyd huis toe kom.
Onthou net een ding ons kinders leer by ons. Dit wat hulle sien in hulle
ouerhuis neem hulle aan is reg al is dit nie. Die kinders kan ook jou pyn
en frustrasie aanvoel ons dink soms hulle kan nie maar kinders is baie
meer oplettend as wat ons dink en is baie sensitief vir sulke situasies.
Dink jy hulle sien nie dat pappa jou ontstel nie hulle doen want al
probeer ons dit wegsteek. Dit is nie reg nie en ek dink ook nie enige ouer
wil hê hulle kinders moet hulle lewensmaat eendag so behandel nie. En
jy is reg hy soek rusie met jou sodat hy kan uitgaan in sy oë regverdig
dit alles, maar dit doen nie en jy moet nooit daaroor skuldig voel nie al
was die baklei jou skuld. Onthou hy het steeds ‘n keuse om te ry of te
bly by julle. Nee mens daar is ‘n spreekwoord wat sê ‘n jakkals verander
nie van streek nie, en dit is baie waar. As jy kans sien om so aan te gaan
vir die volgende paar jare wens ek jou sterkte toe want jy gaan hare op
jou tande moet hê . Maar as jy sê genoeg is genoeg, tot hier toe en nie
verder nie stel ek voor jy pak jou tassie so gou jy kan en begin ‘n
gelukkige lewe bou vir jouself en jou kinders. En moenie huil nie want hy
is jou trane nie werd nie. Jy is kosbaar en hy is besig om jou net deur sy
g*t te trek, en hy is jou ou skoene nie werd nie. My raad is beweeg aan,
begin oor en moenie terug kyk nie want as jy bly gaan jy nog lang trane
huil. Vra die Here vir leiding en vra Hom om vir jou ‘n deur oop te
maak en Glo my Hy sal.
18

Brokkies Nuus
Leser se Brokkies Nuus:
Skryf gerus aan ons oor enige iets. Deel met ons, selfs iets
wat in jou area gebeur het of selfs net ‘n goeie bemoedigende
storie. Ons sien uit daarna om van julle te hoor.
Ons het ʼn Brokkie nuus, almal moet op die uitkyk wees vir die
volgende bundel. Die boek word binne kort bekend gestel. Reis
deur ‘n lewe - Geskryf deur
Elmarie Kotze.
Reis Deur ‘n Lewe is gebaseer op ʼn ware
verhaal. Vanaf geboorte is dit asof ongeluk
Ella oral volg.........
As ‘n 450 gram baba oorleef sy menige
bloedoortappings en tot die dokters se
verbasing verander sy in ‘n spekvet en
gesonde baba. ‘n Orrelis in die kerk wat Ella
eerder in haar pienk panty wil sien as in haar
kerkrok, en al die tragiese gevolge daarna wat
haar noodsaak om te vlug. ‘n Nuwe liefde met
ongekende misbruike bring weereens
hartseer in Ella se lewe. Ella smag na
aanvaarding in ‘n verhouding en met ‘n skok
word sy wakker met die polisie langs haar
bed.
Vele Kortverhale uit Ella se lewe word almal
vasgevang in die bladsye van hierdie bundel.
Die beskrywing hierbo is maar slegs ‘n paar
brokkies van die groter storie in hierdie boek,
wat ‘n verhaal van menslikheid vertel.
Lees die bundel om meer uit te vind.
Sit vandag nog jou naam op die waglys by:
ellaverhale@gmail.com
19

Grappies
1. Koffie maak ‘n mens
definitief aggressief!!!
Ek het gisteraand 12
dubbel brandewyne
gedrink en my vrou
Net 2 koffie’s. Jy moes
sien hoe bedonnerd was
sy!!!
2. Wat het die mense gesê
van die hond wat
verslaaf was aan knoffel?
"Sy blaf is baie erger as
sy byt.”
3. Koos word gearresteer
vir dronkbestuur deur ‘n
vroulike polisiebeampte.
Sy noem dit vir hom dat
enigiets wat hy se teen
hom gehou mag word,
Koos skree: “Tiete!”
4. Polisie: “Mevrou
Koekemoer U man is in ‘n
motor-ongeluk oorlede,
kan jy asseblief lykshuis
toe kom om sy liggaam
uit te ken?”
Mev: “ Ek kyk 7de laan
nou, vat ‘n pic dan tag
julle my op facebook. As
dit hy is sal ek die pic
like”
5. Vrou soek haar man oral
en kry hom in die garage
langs die kar en huil. Sy
vra: “Wat is fout?” Hy sê:
“Onthou jy die dag toe
jou pa ons die eerste
keer gevang het en
onthou jy toe hy sê ek
moet met jou trou of
tronk toe.” “Ja, sê sy
“Wel, vandag sou ek
uitgekom het.”
20

Jongspan
Help Mia deur die
Blommetjie.
Soek die vyf verskille.
Help elke mamma om
om haar baba te vind.
Kom ons tel gou op sodat
al die diertjies kan eet.
21

Kortverhale
Jaloerse Skoonma – Deur Elmarie Kotzê
Susan hou net mooi niks van haar nuwe skoondogter Marietjie nie. Die gevoel is egter
weder sydig. Net so min as wat Susan van Marietjie hou, hou Marietjie van haar. As
Marietjie die gordyne toetrek, trek Susan dit weer oop. Dit irriteer Marietjie geweldig.
Marietjie pluk dan die gordyne humeurig toe. Dit is tog immers haar huis. Dit voel vir
Marietjie asof Susan niks goeds in haar kan sien nie. Veral nie die manier waarop sy haar
huis bestuur nie. Nie eens om te praat van oor hoe Marietjie en Leon met liefde teenoor
mekaar optree nie. Daaroor het Susan altyd agteraf baie te sê. Niks maar niks is reg in
haar skoonma se oë nie.
Marietjie is ‘n gewone kaalvoet meisie wat hou van laat lê en dinge op haar eie tyd te
doen. Susan aan die anderkant is net mooi die teenoorgestelde. Sy is soggens op nog
voor die hane kraai. Susan hou daarvan dat dinge op ‘n sekere manier gedoen raak.
Marietjie is nie een wat inval by ‘n ander een se nukke en giere nie, nog minder gaan sy
dit duld in haar eie huis. Susan moet maar net inpas by hoe sy dinge doen en klaar.
Hierdie kuiertjie hoop Marietjie kom sommer gou tot ‘n end. As sy langer in hierdie
volstruisnek ouvrou moet vaskyk gaan sy skree. En as Susan eers begin inmeng met hoe
sy haar baba versorg, voel dit asof Marietjie ʼn aar kan bars.
“Moenie die kind so koel aantrek nie, dit is nog ‘n baba” Kom Susan die kamer
vroegmore binne. Marietjie voel hoe haar ore warm raak soos sy haar vererg. “Ma
luister nou mooi, hierdie is my baba. Ma het ma se kans gehad om kinders groot te
maak. Hierdie is my kind en ek sal maak soos ek goed dink.” Susan vererg haar so dat sy
die kamer uitstorm terwyl sy mompel, die onbeskofte meisiekind. Wie dink sy is sy om so
met my te praat". Marietjie steur haar nie veel aan die uitbarsting nie. Dit is middel
Desember. As Susan dink sy gaan haar drie maande ou baba in ‘n winters babygrow
aantrek, maak sy ‘n groot fout. Genoeg is nou genoeg dink sy.
Daardie middag begin die ouvrou weer krap aan Marietjie.
“Wonder waar draai Leon so lank?” vra Susan terwyl Marietjie die aartappels skil.
22

“Ek weet nie ma, hy werk. Ma weet mos hy kom baie aande eers na nege by die huis en
dit is nog nie eens ses uur nie.”
“Ek wonder of hy regtig solank werk.” Haak Susan af.
“Wat probeer ma sê”
Susan bly verder stil en stap weg om televisie te gaan kyk. As die ouvrou nou wil
insinueer dat Leon rondloop of eerder by vriende gaan kuier as om huis toe te kom….
Nee, wag sy gaan haar nou net weer van vooraf vererg. Wat dink sy, dink sy dat Leon so
tipe mens is. Dan ken sy haar eie kind maar swak. Marietjie bly kalm… dink sy, die
volstruisnek probeer nou net rusie veroorsaak tussen my en Leon. Moet haar nie daardie
genot gun nie. Haar skoonma wil net krap waar dit nie jeuk nie. Marietjie sal Susan wys
dat haar woorde haar nie pla nie. En sy begin ‘n liedjie neurie terwyl sy verder skil.
Leon kom doodmoeg net na tien by die huis. Susan kloek soos ‘n hoenderhen om hom.
Sy bedien hom hand en voet terwyl Marietjie die baba bottel gee. Gelukkig is Leon die
naweek af, so hy en Marietjie kan bietjie saam laat lê. Vroeg die volgende oggend is
Susan op soos haar gewoonte en trek al wat ‘n gordyn in die huis oop. Marietjie trek
weer die gordyne toe, toe sy opstaan. Met die neem Susan haar kans, Leon is mos by die
huis. Sy is seker hy sal haar kant vat. Sy stap en trek die gordyne weer oop. “Nee
Marietjie die huis moet lig kry” sê sy terwyl sy na Leon loer. Marietjie stap nader en trek
weereens die gordyne toe…. Dit is asof alles in Susan stuipe wil kry. Soos Susan nader
stap na die venters haak Leon af “Ma los Marietjie, die is haar huis. As sy die gordyne
heeldag wil toe hê, is dit ook haar keuse”. Leon gaan verder om te sê..." Al gaan
Marietjie ook lê terwyl die baba bedags slaap en al maak sy lê, lê huis skoon, het dit niks
met ma te doen nie. Sy doen dit immers, al is dit op haar eie tyd en haar manier. Susan is
skoon geskok dat haar kind sy vrou se kant bo haar vat, en boonop so met haar praat.
Susan het die boodskap gekry en byt maar elke keer op haar tande as sy nie van iets hou
wat Marietjie doen nie. Stilbly is maar die antwoord, want Leon het haar mos nou klaar
gewys vir wie hy meer voel. En so word sy nie weer verneder voor hierdie skoondogter
van haar nie. Om te wys dat sy jammer is, gaan maak sy vir Marietjie en Leon ‘n lekker
koppie koffie. Marietjie voel nie lekker nie en sak op die bank neer. Wat kan dit tog nou
wees Marietjie, dat jy sommer so uit die bloute neersak. Marietjie spring op en haas haar
na die badkamer, sy gryp net betyds haar hare vas voor sy opgooi. Leon stap nader
Marietjie is als reg my lief vra hy besorg. Sy verseker hom dat sy okay sal wees, maar dat
sy net ‘n rukkie wil gaan lê. Die koffie het haar nou so naar. Daardie middag slaap
Marietjie steeds en Leon sien om na hulle baba. Is nie lank nie of Susan kan haarself net
nie keer nie. Sy het haar kinders versorg al is sy siek haak sy af. “Ma moenie weer begin
nie, sê Leon met ʼn ferm stem. Susan kan sien dat sy nie gaan wen teen Marietjie nie. Leon
is heel duidelik so verlief dat hy nie kan sien dat Marietjie nie die vrou vir hom is nie. Die
23

laaste tyd bly Marietjie moeg en naar, en dit gee Susan die gulde geleentheid om langer
te kuier met die verskoning dat sy Marietjie sal help om die baba te versorg.
Leon kom soos sy gewoonte laat die aand by die huis na werk. Marietjie begin om vir Leon
koffie te maak, maar merk dat daar geen melk meer is nie. Sy vra Leon om gou te gaan
melk koop, maar Susan steek vinnig ‘n stokkie daarvoor. “Jy kan mos sien jou man is moeg,
ry jy gou.” Marietjie voel te swak om te baklei met die ouvrou sy gryp die sleutels en stap
uit nog voor Leon haar kon keer. Leon haas hom na Marietjie en net voor sy uitry by die
erf, sê hy vir haar om eerder in te gaan en te gaan lê. Sy klim uit en hy klim agter haar
motor se stuur in. Nie ver van die huis af nie probeer Leon rem trap maar dit is ter vergeefs
daar is geen remme nie. En hy voel hoe hy vinniger en vinniger teen die afdraande ry. Met
die volgende skerp draai verloor Leon beheer oor die voertuig en land onderstebo met die
stylte af. Tyd stap aan en Marietjie raak meer bekommerd oor Leon wat so lank wegbly.
Susan lui sy selfoon maar tevergeefs. Susan besluit om hom te gaan soek, maar dit is
donker buite en sy let nie op dat die motor nie vêr van die huis af onderstebo lê nie. Dit is
nie hoe Leon is nie….. Waar is hy. Die volgende oggend lui Marietjie se foon. Dit is die
hospitaal. Hulle verwittig haar wat gebeur het en sy jaag na die hospitaal.
Dit was nie ‘n ongeluk nie. Daar was met Marietjie se motor se remme gepeuter. Na ‘n
week word Leon ontslaan en by die huis dra Susan en Marietjie omtrent kos en koffie aan
vir Leon. Gelukkig sterk Leon gou aan met al die bederf by die huis. Susan probeer hard
om met Marietjie oor die weg te kom. ‘n Nuwe blaadjie soos sy sê om te slaan.
Maar aan die ander kant raak Marietjie swakker. Sy word so swak dat Leon haar hospitaal
toe neem, waar sy gelukkig aansterk onder dokters behandeling.
Die polisie daag onverwags by Leon se woning op met ʼn lasbrief om die huis te deursoek.
Leon het geen beswaar daarteen nie. “Mevrou staan asseblief eenkant toe, ons wil die
kombuis ondersoek asseblief.” Susan beweeg weg van die wasbak en vra Leon wat nou
aangaan. “Ek weet nie ma, ek dink hulle verdink my van iets.” Die polisie offisier haal ‘n
boksie gif uit die kas. Hulle kry ook ʼn bottel sap in die yskas wat ʼn wit laag bo-op het, en
konfiskeer dit ook. Dit is die sap wat Leon vir Marietjie gekoop het. Die polisie vra ook
Leon om nie die provinsie te verlaat nie. Hoe kan hulle my verdink van enige iets dink Leon
terwyl hy kyk hoe die polisie wegtrek. Nie lank nie of die polisie is terug om Leon en Susan
te ondervra. Die bewyse dui daarop dat daar met Marietjie se remme gepeuter is, en daar
is ook bewyse dat Marietjie vergiftig word. Die sap het dieselfde gifstowwe in wat in
Marietjie se bloedstroom gevind is. Die enigste persoon wat hulle verdink is Leon. Dit
maak nie sin dat Leon met Marietjie se remme gepeuter het en dan self die motor bestuur
het nie. Niks wat Leon doen of sê dui daarop dat hy skuldig is nie, so ook niks wat Susan
sê kan hulle teen Leon gebruik nie.
24

Daar is net een manier om die saak finaal af te handel en dit is vingerafdrukke te neem
van almal in die huis insluitend Marietjie. Susan is nie baie gelukkig dat haar seun verdink
word nie. Sy deel Leon mee dat dit tyd geraak het vir haar om terug te gaan huis toe. Maar
nes sy haar tasse in die motor laai, daag die polisie op en arresteer haar. Sy is die een wat
Marietjie se remme gesny het en die gif in haar koffie en sap gegooi het om haar uit haar
seun se lewe te kry. Sy het geweet Leon sal Marietjie nooit los nie.
En dit alles oor laat lê en toetrek van gordyne. Leon was geskok dat sy ma so iets kon doen.
Finaal moes hy ‘n besluit neem__ sy ma heeltemal afskryf of haar ondersteun. As hy kyk
na Marietjie en hulle baba, en kyk na wat sy ma gedoen het. Is daar net een keuse.
Gelukkig het Marietjie gou aangesterk. Sy, Leon en hulle baba het ‘n gevulde liefdevolle
lewe verder sonder die gemene jaloesie van haar skoonma gelei.
Susan is gevonnis tot vyftien jaar tronkstraf. Gelukkig is sy uit Leon en Marietjie se lewe.
Wie weet waartoe sy nog in staat kon wees.
25

Gedagte van die maand
Lees Mat 6: 25-34
Ons moet leer om op God te vertrou en sy aangesig te soek. Hy
weet presies wat ons nodig het en sal vir ons gee. Ons moet net
bly glo in hom en vertrou. Hy los ons nooit alleen nie. Ons moet
nederig bly voor God en gehoorsaam wees in dit wat Hy van ons
vra. Hoe kan ons gehoorsaam wees in hom? Deur net na sy woord
te luister en sy gebooie te onderhou en Hy sal ons paaie vir ons
gelyk maak.
26

Advertensies
Hanneman Area
Enige plek in Suid Afrika
mailto:rentia.gebhardy@gmail.com
mailto:info@amdebtdoc.co.za
Enige area in Suid-Afrika
mailto:dietawayprogram@gmail.com
WhatsApp 068 193 6530
27

Strand / Somerset west / Gordonsbay Area
mailto:zumiamaintenance@gmail.com
28

Suid – Afrika
pos via paxi
mailto:peggypagliari@icloud.com
Suid – Afrika
Adverteer hier
Epos diestraatkat@gmailcom
mailto:hcgsaf@gmail.com
29

Adverteer hier
Kontak ons by
diestraatkat@gmail.com om
jou advertensie te plaas
Onthou om ons te epos met die volgende:
Nuus uit jou gebied.
Ouma Ella vir raad.
Jou kortverhaal.
Sien uit daarna om van julle te hoor.
30