oktober november desember 2010 - Litteraturhuset

noVemBer
Onsdag
3.
kl. 19.00
Kjelleren
80,-
Historia om David
Carl Frode Tiller om Innsirkling II
Kven har forma den du er? Kva betyr
du for omgjevnadene dine? Kva
tenkjer venene dine eigentleg om deg?
David lid av komplett minnetap og kan ikkje
svara på nokon av desse spørsmåla. For å
nærma seg sanninga om seg sjølv set han inn
ein avisannonse der han bed alle som ein gong
kjende han om å skriva brev og fortelja om ting
dei har delt saman.
I haust kjem framhaldet på Carl Frode Tillers
suksessroman. Gjennom auga til tre nye
vener vert historia til David falda sakte ut,
samstundes som det går opp for oss at det vel
så mykje er liva til dei andre vi les om. Med
djup psykologisk innsikt og eit merksamt blikk
fortel Tiller dei ofte vanskelege og brutale
kvardagshistoriene deira.
Carl Frode Tiller er ein meister i å skildra
korleis menneske lever saman, og han har ei
unik evne til å setja ord på både relasjonar
mellom menneske og verda dei lever i. Dette
kom ikkje minst til uttrykk i mottakinga av
den fyrste boka om David, som gav Tiller både
Brageprisen, Kritikerprisen, Sultprisen, EUs
litteraturpris og ei innstilling til Nordisk råds
litteraturpris.
«Starten på noe stort», skreiv journalist i
Dagsavisen Annette Orre den gongen. I kveld
møter ho Tiller på scena i Litteraturhuset for å
snakka om ein varsla suksess.
noVemBer
Singelkutt: Steinar Opstad
arr.: litteraturhuset
Etter arrangementet er det Onsdagskjeller
med egen bar, spill, bøker og musikk i Kjelleren.
40 41