Smak, nyt og opplev! - Svanøy

Svanøy Oppleving
Smak, nyt og opplev!

Svanøy Oppleving
vart starta i 2008. Basis for verksemda er bruk av lokalitetane til Svanøy Hovedgård og
Norsk Hjortesenter. Forretningsområdet vårt er å tilrettelegge for faglege og sosiale
arrangement, for bedrifter og private.
Svanøy er ei kulturhistorisk og sjelfull perle
der flotte opplevingar og mat i særklasse, går hand i hand. Øya vår er eit lite samfunn
med knappe 70 innbyggjarar, og vi må alle bidra der det trengs. Derfor er det viktig
for oss at du får ei positiv oppleving når du er gjest hos oss. Vi har som mål å gje deg
sanselege opplevingar gjennom ein heilskap av gode opplevingar.
Ta kontakt med oss
på epost booking@svanoy.com eller gå inn på www.svanoyoppleving.no
og les meir om kva vi kan tilby.

Ikkje berre møter
når du kjem til Svanøy er det naturleg å bryte opp møtedagen med
påfyll av ulike slag, anten det er historiefortelling, kontakt med dyr
eller fysisk utfalding.

Omvisning på Svanøy Hovedgård
Øya med Hovedgården i sentrum har ei mangfaldig og spanande historie som det er verdt å få med seg.
Omvisning på Norsk Hjortesenter
Uansett kor mykje vill hjort du har sett, så vil du ikkje gløyme nærkontakten med Ricki og dei andre tamme
dyra. Her får du og sjansen til å sjå dåhjort, ein ny bekjentskap for dei fleste, i tillegg til påfugl, kaninar
og utegangarsau.
Fotturar
På dei flotte merka turstiane kan du anten gå aleine med kart eller få ein guida tur. Nordsjøløypa for deg
som vil ha ein lett tur. Vågsfjellet for deg som vil ha motbakkar og utsyn heilt i havet.
Villmarksleir
Vi har ein flott leirplass ute i skogen der vi arrangerer enkle skogsaktivitetar. Etterpå samlast vi rundt leirbålet
for skogskaffi og gjerne noko attåt.
Fisketurar
Vi har kontakt med ulike båtar som tar deg med ut for å hente opp mat frå havet. Fiskeutstyr er inkludert!

Ølkurs
Kinn Bryggeri er eit nyetablert mikrobryggeri i Florø. Espen Lothe er entusiasten
som har gjort hobby til levebrød. Bli med inn i Espen si øl-verd. Han lærer deg alt du
ikkje visste om øl. Og det beste av alt; du får smake på eit utval av ølsortane hans i
kombinasjon med tilpassa Svanøy-tapas.
Slaktekurs
Norsk Hjortesenter veit det ein bør vite om om slakting, mørning og partering. Med eit
2-timars praktisk demonstrasjonskurs vil du lære mykje nytt og nyttig om kjøtthandtering.
Henk og Johan Trygve viser deg korleis. Vi arrangerer også komplette kurs over ein til to dagar.
Matkurs
To grunnar gjer Svanøy til ein eigna plass for matkurs. For det første har vi tilgang til fantastiske råvarer,
og for det andre har vi eit stort kontaktnett i kokkemiljøet. Bli inspirert av verdas beste kokkar og bli med
og lag din eigen mat

Lokale råvarer
Maten er viktig for oss og for gjestane våre. Svanøy og nærområda
tilbyr råvarer av høg kvalitet heile året: Vi baserer all
maten vår på dei lokale råvarene, som er tilgjengeleg på og
rundt øya vår; hjort, dåhjort, svartfjes-lam, røykelaks, fersk
laks, ulike typar sjømat, sopp, urter og bær.

Heile lokalsamfunnet er med ...
· Henk og Johan Trygve leverer det beste hjorte kjøttet du kan tenke deg.
· Elin og Gro produserar verdas beste røykelaks.
· Bjørn er ein mester i å finne krabbe og hummar.
· Rannveig leverer svartfjes-lam til oss og til OL-landslaget.
· Svanøybutikken har eit rikhaldig utval av basisvarer.
Svanøylaks
Svanøylaksen er eit fullblods Svanøyprodukt. Frå oppdrettet plukkar ein den beste fisken. Deretter gjennomgår
den ei varsam handtering med salting og røyking. Til slutt blir den marinert med ulikt snadder som
kvitløk, akevitt eller konjakk. Eller kva med porsbrennevin frå dei mange porsmyrane på øya?
Svanøyhjort
norsk Hjortesenter er eit nasjonalt kompetansesenter om hjort. Her sit ein på oppdatert kunnskap om
oppdrett, forvaltning, slakting og kjøtthandtering. Hjortesenteret leverer førsteklasses kjøttprodukt. Det
får dei til av fleire grunnar; dyra trivast, avlivinga skjer på den mest humane måten og mørningsprosessen
skjer over lang tid, og ved optimal temperatur. Hjort frå Svanøy er blitt ei svært anerkjent merkevare!

Oppskrifter frå Svanøy
Lunsj

Hjort i Sjelefred
Bruk gjerne bog eller nakke.
Brun kjøttet. Ha i grove bitar av gulrot, heil sjalottløk, tørka steinsopp, tørka kantarell og laurbærblad.
Fyll opp med Sjelefred frå Kinn Bryggeri.
Chili con hjort
Vår variant av denne klassikaren.
Brun kjøttet, dekk med Sjelefred frå Kinn Bryggeri.
Løk, kvitløk, chili, vårløk, paprika. Alt kutta og frest i olje og tilsett eit par skeier tomatpuré.
Bland alt i gryta med ein boks kvar av hakka tomat, brune hermetiske bønner og tomatbønner.
Kok til kjøttet er mørt, smak til med salt og peppar.

Lunsj

Øldampa blåskjell
Finhakk løk, kvitløk og timian, fres i olje. Ha på blåskjella, fres litt og ha i ei flaske kveiteøl.
La dampe under lok til skjella opnar seg.
Fiskebrød med hjortelever
Fiskebrød (tynn nøytral lefse, helst frå Håjen i Naustdal).
Hjortelever i tynne skiver, vendt i mjøl, salt og peppar, bruna kjapt i olje på sterk varme.
Ripsgelé utover lefsa. Potetpuré smørast ut (mjølk, løk, kvitløk, kokt inn og blanda med most potet
og smør). Legg lever på og pakk i hop.
Flatbrød med coleslaw og hjortepølse
Flatbrød med finstrimla kål, gulrot, majones, rømme, salt, peppar og litt sitron.
Spekepølse av hjort.

Forrettar

Hummar og avocadosalat
Kokt hummar (lettsalta vatn, la trekke i oppkokt vatn 10 minutt) i fine strimlar, creme frâiche, naturell
yoghurt, avokado, lime, kvitløk, løk og japansk fiskesaus.
Rå laks i mjuke vårrullar
Svanøy møter asia.
Rispapir dyppa i kokande vatn i 10 sek. Seleripersille frå Høgt&Vilt i Gloppen.
Matyoghurt og to tynne skiver rå laks.
Salat: Strimlar av kål, gulrot, løk, leggast i iskaldt vatn i 3 timar. Slå av vatnet.
Cashew-nøtter, finhakka frisk koriander, ferdigkokte glassnudlar, dressing av soyasaus, fiskesaus, sukker,
lime, ingefær, chili og kvitløk raspa oppi væska.
Bland væska med grønnsakene, legg oppå laksen og brett lefsa saman.
Rå aure og rå kamskjell i tynne skiver
Rå sjømat er ikkje berre «in», det er og fantastisk godt.
Laken frå dressing av vårrullar blanda med finhakka frisk basilikum og koriander, hell fint over.

Forrettar

Steikte kamskjell med appelsinsalat
Skjær appelsinbåtar i terningar
Syltelake: Smelta sukker til karamell, kveiteøl, tørka sar (pepparurt), reduser og sil over appelsinene.
La trekke natta over.
Dander på fat saman med hakka valnøtt.
Steik kamskjell i olje i varm panne, salt og peppar, 1½ minutt på kvar side. Ha i smør mot slutten.
Server med det same.
Sjøkrepssuppe
Kok sjøkrepskraft av skal, surr krepseskala i olje i ca 10 minutt, ha på ein boks hakka tomat, gulrøtter,
selleri, purre, løk, heil peppar og vatn til det dekkar, og kok opp. Skum av og la trekke i 1½ time. Kjøl ned
og sil av. Kok opp væska og redusér til halvparten. Pisk inn litt smør og tørka selleripersille.
Kamskjellkrokett: Hakka kamskjell, egg, salt, peppar og fersk finhakka basilikum. Lag ein ball, trykk inn
brødkrum og fritér i olje ca 1 minutt.

Hovudrettar

Sukkersalta bakt aure
Kløyv aurefileten, strø på like delar havsalt og sukker som dekkar heile. La kvile ein time, skyll av i iskaldt
vatn, tørk med kjøkkenpapir og del opp i passe stykker. Steike i ovn på 150 grader i 6-7 minutt.
ølsmørsaus: Ei halv flaske belgisk kveiteøl, ein halv finhakka løk, ein pakke smør, salt, peppar og litt
sitron. Fres løk, ha på øl og la koke inn til det nesten ikkje er væske igjen, pisk inn bitar av smør. Det skal
ikkje koke etter smøret er kome i. Sprøstekt kål, fres lett i smør, salt og peppar. Tørka salvie frå Høgt&Vilt.
Lammesteik av svartfjessau
Heilsteik lår med salt, peppar og ramsløk. Brun i steikovn med grillelement og varmluft, nederst i omnen,
snu heile tida. Ta ut, skru ned til 150 grader og steik vidare når ovnen har kjølt seg, steik i 45 minutt, kvil
15 minutt, steik 45 minutt til, kvil i 10 minutt, skjær opp. Steiketermometer: ca 60 grader.
potetpuré: Press kokte poteter gjennom ein sil, ha i mjølk, kvitløk og løk. Kok og trekk, bland væske og
potet, tilsett litt hjortekraft og steikt steinsopp. Rør inn smør, salt og peppar til slutt.

A til Å - www.atilaa.no Foto: David Zadig, Egill J. Danielsen - www.egilldanielsen.no
Svanøy Oppleving
N-6914 Svanøybukt
Tel.: + 47 952 27 275
E-post: booking@svanoy.com
www.svanoyoppleving.no