PSYKISK ARBEJDSMILJØ - Lærernes fagforening i Grønland
PSYKISK ARBEJDSMILJØ - Lærernes fagforening i Grønland
PSYKISK ARBEJDSMILJØ - Lærernes fagforening i Grønland
Create successful ePaper yourself
Turn your PDF publications into a flip-book with our unique Google optimized e-Paper software.
Angajoqqaanik ataatsimiititsinissaq isumaqatigiissutigaat,<br />
angajoqqaanut ilisaritinniassagamik ukiumilu<br />
atuarfiusumi matumani suliassat saqqummiunniassagamikkik<br />
– aamma 7.a-mi atuartut eqqissiveeqisut pillugit<br />
angajoqqaat immaqa ikiuussinnaassapput...<br />
Angajoqqaanik ataatsimiititsipput – matematikkimi ilinniartitsisuat<br />
takkutinngilaq, ataatsimiititsinissaq puigorsimagamiuk.<br />
Angajoqqaat takkupput – kisianni ilaannaat.<br />
Ilinniartitsisut nutaat angajoqqaallu imminnut ilisaritipput,<br />
ataatsimiinnerlu tupaallannartoqaqisoq aallartippoq.<br />
Ilinniartitsisut nutaat angajoqqaanit nuannaarutigineqarput,<br />
tassami ukioq atuarfiusoq kingulleq atuaqatigiit<br />
ordneqanngilluinnarmata. Maanna suut tamarmik<br />
paatsiveqarnerusumik ingerlanneqartariaqalermata,<br />
minnerunngitsumillu atuaqatigiit matematikkernerini<br />
eqqissisimanerusumik sulisinnaanissaat ujartorneqarluni.<br />
Angajoqqaanik ataatsimiititsinerup kingornagut nangaassuteqaleraluarpoq.<br />
Atuarfiup pisortaanut saaffiginnippoq, siunnersulaarneqarnissani<br />
taperserneqarnissanilu siunertaralugit.<br />
Atuarfiup pisortaa inussiarnisaaraluarpoq, ulapikujoqaarli.<br />
- Nutaamik aallartinnikkut, atuaqatigiit nutaanik ilinniartitsisoqalernerisigut<br />
ilorraap tungaanut aallariartoqarnissaa<br />
neriuutigigatsigu – matematikkimilu ilinniartitsisup<br />
atuartunik ilisarisimannilluartup tapersersorsinnaavaatit.<br />
Taamaattorli atuaqatigiit pulaassavakka<br />
oqaloqatigalugillu – neriuppunga tullianik ataasinngorpat<br />
piffissaqassallunga.<br />
Taava matematikkimi ilinniartitsisuat oqaloqatigaa.<br />
Angajoqqaanik ataatsimiititsineq puigorsimagamiuk<br />
utoqqatsertorujussuuvoq, kisiannimi angajoqqaat ilisarisimalluareerpaat,<br />
aammami atuaqatigiit imatorsuaq<br />
ajornartorsiutiginngilai ... Taamaattorli angajoqqaat<br />
ataasiakkaat malersukujuttaraani nalunngilaa. Kisianni<br />
klasselærerip tamakkua suliassarinngilai, tamakkumi<br />
atuarfiup pisortaata isumagisussaammagit.<br />
Sapaatip akunnerata tulliani suut tamarmik ajutoorput.<br />
Qallunaaq ilinniartitsisortaavat qoqianngusuinnaavoq.<br />
Timelæreri atuaqatigiinni nukappiaqqanit angisuunit<br />
sioorasaarneqarsimavoq – angajoqqaallu naammagittaalliuuteqarsimapput.<br />
Atuaqatigiinni sakkortuumik inukkutilliisoqartartoq paasinarsivoq.<br />
Atuarfiup pisortaa naalakkatut piginnaassuseqarluarluni<br />
atuaqatigiinnut takkuppoq, meeqqallu isersimanera<br />
tamaat nipangeqqissaarlutik tusarnaarpaat.<br />
Atuarfiup pisortaata allaffianut ataatsimiigiaqquneqarpoq.<br />
Maannami iliuuseqartoqartariaqarmat.<br />
Timelæreri soraarniuteqarsimavoq, allamillu atorfinitsitsisoqarani,<br />
atuaqatigiillu ilinniartitsisuisa nalunaaquttap<br />
akunneri sisamat taassuma tigummisaralui agguataartariaqarpaat.<br />
Atuarfiup pisortaata qinnuigaa atuaqatigiit<br />
ilinniartitsisui tamatuminnga oqaloqatigeqqullugit.<br />
Aamma atuaqatigiit ingerlallualertariaqarput, tamanit<br />
malinneqartussanik ataatsimoorluni periusissanik<br />
pilersaarusiorsinnaapput. Ikiorneqarnissaminillu annerusumik<br />
pisariaqartitsiguni saaffiginniinnarsinnaavoq.<br />
Atuarfiup pisortaaneereerluni anartarfimmi qiavoq –<br />
takuneqannginniassagami kisimiilluni.<br />
Atuaqatigiit ilinniartitsisuisa ataatsimiitinnerat ilungersunaqaaq,<br />
naak maanna pingasuinnanngoraluarlutik.<br />
Matematikkertitsisuat amerlanerusunik tiimeqarusunngilaq,<br />
maannami nalunaaquttap akunnerinik tallimanik<br />
overtiimeqareerpoq Piareersarfimmilu atuartitsisarluni.<br />
Taamaalilluni qallunaap ilinniartitsisup klasselærerillu<br />
taassuma tiimit avittariaqarlugit.<br />
Taamaattorli ataatsimoorluni periusissat pillugit oqaloqatigiilluarput<br />
inukkutilliisarnerlu aalajangersimasumik<br />
periuseqarfigineqassasoq isumaqatigiissutigalugu.<br />
Ataatsimeeqqinnissartillu isumaqatigiissutigaat.<br />
Isumaqatigiissutertik naapertorlugu ataatsimeeqqilermata<br />
matematikkimi ilinniartitsisuat takkutinngilaq,<br />
ataatsimiinnerlu nuanniilliornaqaaq.<br />
Nammineq klasselæreritut ilinniartitsisullu qallunaap<br />
sukkasuumik isumaqatigiissutigaat atuaqatigiit 7.a-t<br />
ingerlanerlioqisut, qanorlu iliornissartik nalornigitsik,<br />
overtiimeqarpallaarlutik, aamma matematikkimi ilinniartitsisuat<br />
naatsorsuutigineqarsinnaanngitsoq, aamma<br />
atuarfiup pisortaa ikiorsiisinnaanngitsoq, aamma...<br />
Taava napparsimalerpoq.<br />
Sunarpiaq ajoqutigineraa napparsimmavimmi paasisinnaanngilaat,<br />
kisianni sapaatip akunnera ataaseq<br />
napparsimasutut allagartalerneqarpoq, taassumalu<br />
kingornagut sapaatip akunneranik ataatsimik sivitsorneqarluni.<br />
Decembari aallartilaartoq suliunnaarpoq.<br />
Atorsinnaannginnami...!<br />
Ilinniartitsisoq 5