110620 Norddal. Motorferdsel til hytte - Erling Heggen

Norddal kommune
Motorferdsel i Reinheimen nasjonalpark
Arkiv: K12
JournalpostID: 11/5176
Sakshandsamar: Ingunn Mobæk
Dato: 20.06.2011
Saksnr. Dato
040/11 Delegert rådmannen 20.06.2011
Delegert sak
Saksopplysningar:
Erling Heggen søkjer om løyve til å nytte bil til proviantering av hytte ved Slettvikane i Reinheimen
nasjonalpark
Saksvurdering:
Erling Heggen har bruksrett på ei hytte på Slettvikane, som er tilgjengeleg langs bilveg. Vegen er
stengt med bom, og det er eit stykkje å gå med den provianten ein treng for å kunne opphalde seg på
hytta over ein lengre tidsperiode. Heggen søkjer difor om løyve til å køyre inntil 8 turar for å kunne
proviantere hytta utover i sumarhalvåret.
Motorisert ferdsel i Reinheimen nasjonalpark er i utgangspunktet forbode og særleg konfliktfylt
fordi nasjonalparken skal vere skjerma for unødvendig støy og uro jf. § 3. pkt 6.1 i Forvaltningsplan
for Reinheimen nasjonalpark.
Formålet med oppretting av Reinheimen nasjonalpark er (§ 2 i verneforskrifta)
ta vare på eit stort samanhengande og villmarksprega fjellområde
ta vare på eit høgfjellsøkosystem med eit eigenarta og variert biologisk mangfald
ta vare på sentrale leveområde til villreinstammen i Ottadalen Nord
ta vare på landskapsformer og særprega geologiske førekomstar
ta vare på vassdragsnaturen i området
verne om kulturminne
Ålmenta skal ha tilgang til naturoppleving gjennom utøving av tradisjonelt og enkelt friluftsliv med
liten grad av teknisk tilrettelegging.
Jf. § 3, pkt 6.3 vert det likevel opna for at ein kan gje løyve til motorisert ferdsel i samband med
nødvendig transport av ved, material eller varar til buer og hytter. Talet på turar skal avgrensas til 1-3
turar på barmark.
Naturmangfaldlova
Viss det ikkje er i strid med verneformåla, og det ikkje kan påverke verneverdiane nemneverdig kan
det gjennom § 48 i Naturmangfaldlova gjevast dispensasjon til motorisert ferdsel. Verneformåla for
Reinheimen nasjonalpark, som er lista opp over, vert vurdert til ikkje å bli påverka nemneverdig av
den type ferdsel det vert søkt om.

Naturmangfaldlova §§ 8-12
Kunnskapsgrunnlaget § 8: Reinheimen nasjonalpark inngår som ein del av leveområda til villreinen,
men ein vurderer kunnskapen om arealbruken som tilstrekkeleg, og køyringa det vert søkt om vert
vurdert til ikkje å ha nokre konsekvensar av betyding for villreinen. Køyringa er og vurdert til ikkje å
påverke anna vilt i området i nemneverdig grad.
Føre-var-prinsippet § 9:
Det vil ikkje vere nødvendig å ta i bruk denne paragrafen då omfanget av tiltaket vert vurdert som
lite.
Økosystemtilnærming og samla belastning § 10:
Talet på turar er avgrensa etter verneforskrifta, og køyring på denne vegen er såpass avgrensa at den
samla belastninga vil vere liten.
Kostnadene ved miljøforringelse skal bæres av tiltakshaver § 11:
Køyringa skal føregå etter ein anlagd bilveg, og det er ikkje sannsynleg at køyringa vil føre til
miljøforringelse.
Miljøforsvarlige teknikker og driftsmetoder § 12:
Ein vurderer at køyring med bil er det beste alternativet for transport av varer inn til hytta.
Av gjennomgangen over finn ein å kunne gi dispensasjon etter § 48 i Naturmangfaldlova til køyring
i samband med proviantering av hytta.
Vegen til hytta ved Slettvikane er stengt med ein bom. Kommunen har tilgang på nøkkel, og denne
vil bli utlevert når løyvet vert sendt ut 20.06.11. Kvittering for motteke nøkkel ligg som vedlegg i
saka.
Vedtak:
Med heimel i Naturmangfaldlova § 48 får Erling Heggen løyve til å køyre inntil 3 turar på vegen til
Slettvikane i Reinheimen nasjonalpark for proviantering av hytte.
Vilkår for løyvet:
1. Løyvet gjeld for inntil 3 turar. Bilen skal køyrast attende og plasserast på utsida av
bommen etter kvar tur
2. Køyring skal føregå aktsamt for å unngå skade og ulempe for menneske og naturmiljø
3. Køyrebok skal sendast til kommunen innan 01.11.11
4. Løyvet og køyrebok skal takast med og visast fram til oppsyn/politi eller andre når det vert
kravd
5. Nøkkelen skal leverast så snart dei tre turane er unnagjort. Ved usemje om tilgang på
nøkkel til bommen kan kommunen hente inn att den utleverte nøkkelen og behalde han
inntil ny ordning er avklart
6. Løyvet gjeld for 2011
Løyvet hindrar ikkje grunneigar sin rett til å nekte motorferdsel på eigen grunn. Innehavar av
løyvet må sjølv innhente samtykkje frå grunneigar, og sjå til at motorferdsla føl andre lover og
forskrifter som måtte vere relevant for aktiviteten. Brot på vilkår, forskrifter eller lover vil føre til
inndraging av løyvet og eventuelt straffeansvar.

Vedtaket kan påklagast til kommunen. Klagefristen er tre veker rekna frå den dagen brevet
kom fram til påført adressat. Det er tilstrekkeleg at klagen er postlagt innan fristen går ut.
Klagen skal sendast skriftleg til den som har fatta vedtaket, oppgje vedtaket det vert klaga
over, den eller dei endringane ein ønskjer, og dei grunnar du vil oppgje for klagen. Dersom du
klagar så seint at det kan være uklart for oss om du har klaga i rett tid, vert du beden å oppgje
når denne klagen kom fram.
Med vennleg helsing
Ingunn Mobæk
Vedlegg:
Dok.dato Tittel Dok.ID
21.06.2011 Kvittering for nøkkel til vegbom 45390