25-års Jubileum - Hol Fotoklubb

FOTO-
SAFARIAR
Hol og Dalen Fotoklubb på Rui.
Foto: Oddvar Reinton.
Skrivar Jostein i Skallagrimspositur ved Eivind
Fredlaus steinbu. Foto: Oddvar Reinton.
«Forgrunnsfigur»
Oddvar Reinton har i mange år vore forgunnsfigur
som leiar og høgt oppe på konkurranselistene. Her
i Eivindbotten.
Fototur til Lårdal sammen med Dalen Fotoklubb.
Foto: Oddvar Reinton.
HOL FOTOKLUBB 25 år
1982 ----- 2007
Hol Fotoklubbs 10-års MELDING 1982 - 1991 er skriven av Osvald Medhus.
*
Denne andre delen av skriftet tek for seg tida i klubben frå 1992 - 2007, og er skriven av Jostein
Sandsmark.
*
Fotoklubbens sjel og kropp avspeglar seg i det skriftlege materialet: Skrivarprotokollane. Etter gjennomlesing
stig det fram or framkallarbadet eit bilete av klubbens andlet, kropp og sjel.
Den ytre kroppen har endra seg frå tid til tid. Storleiken kan først og fremst målast i talet på medlemer.
Det har variert mellom 41 og 17. Klubben sitt andlet har også skifta litt i takt med aktivitetane
innover og utover i det offentlege rom.
Fram til 2000 vart det sendt referat med bilete av klubbmøta og årsmøta til Hallingdølen. Etter det
har det vore lite blest om Hol Fotoklubb blant folk.
Mest synleg har klubben og medlemene vore ved dei årlege utstillingane i banklokala i Hol. Det har
vore flotte utstillingar med ca 30 store, innramma fotos, og utstillinga har vore godt besøkt.
Innad i klubben har aktivitetane halde seg på eit stabilt nivå i alle år. Det har vore minst to styremøte
i året der møteprogrammet for eit halvt eller eit heilt år har blitt lagt opp i detalj med tid, stad, program,
gjester, matservering og konkurransetemaer.
GJESTER I KLUBBEN
Mange gjester har vore på besøk, men oftast har ein nytta klubbens eigne medlemer til å ha hovudposten
på møtekveldane. «Dias-reiser» har vore det naturlegaste temaene på klubbmøta.
Desse har vore på klubbmøta ein eller fleire gonger og hatt hovudinnslaget: Lars Bry, Jens Myro,
Arne Knudsen, Hallgrim Ødegård, Geir Olaf Gjerden, Finn Tore Lindahl, Fritz Knott, Vidar Vestby
frå Agfa, Bjørn Mikkelsen frå Kodak, Svein Liodden, Johan Brun, Audun Aasheim, Sigmund
Krøvel-Velle, Jostein Sandsmark, Terje Bjørnsen, Per Aksel Knudsen, Øyvind Jacobsen, Jan
Sørumsbakken, Rolf Steinar Bjørnstad, Pål Harald Uthus, Helge Strand, Espen Bratlie, Knut Bry og
Ola Isungset.
FOTOKONKURRANSAR
Fotokonkurransane har hatt temaer og blitt bedømt innad i klubben, eller eksternt ved å senda deltakarbileta
til juryering i andre fotoklubbar. Det har alltid verka engasjerande og interessevekkjande å
få konkurransebileta tilbake etter bedømming med rangering og kommentarar.
Her fylgjer ei opplisting av temaoppgåvene som har vore gitt: VÅR, FERIE & FRITID, REGN OG
TÅKE, MAT OG DRIKKE, BLÅTT, HUMOR, SPOR, HIMMEL, VÅTT, GRØNT, KONTRAST,
GAMMAL, DET VARME HJARTA, KULTUR, BARN, HUS, MENNESKESKAPT, SAKRAL,
TÅKE, RAUDT og fleire.
Dei tre-fire delkonkurransane i året har til saman danna grunnlaget for kåringa av ÅRETS
FOTOGRAF. Med tre slike års-sigrar blir vandrepokalen tildelt vinnaren til odel og eige.
I 1997 vart det vedtak om å setja opp ein vandrepremie for årets beste fotograf. Marit Halstensgård
vann det første nappet i «Vikingskipet», men det var Kjell Arne Tolpinrud som vart først ute med tre
aksjar i skipet og - segla i triumf - av garde heim til Torpo i det.
Nå er medlemene i gang med å sikra seg nye napp i ein glasvase frå Hallingglass, og Jostein
Sandsmark, Oddvar Reinton har vunne kvart sitt napp i pokalen, Marit Halstensgård sit med to napp.
Spenninga stig.