Høringsdokumenter driftskonsesjon Oster Pukk og Sand AS

Detaljplan Eikefet industriområde
Plan nr: 1263-201107
MULTICONSULT
2. PLANPROSESSEN
Detaljert reguleringsplan er utarbeidd i samsvar med §12-3 (detaljplan) i plan- og bygningslova.
Omfanget av planlagt utviding av steinbrotet medfører at det til reguleringsplanen er utarbeidd
ei Konsekvensutgreiing i samsvar med Forskrift om konsekvensutgreiingar (jf vedlegg 1, pkt 3).
Arbeidet med reguleringsplan og konsekvensutgreiing(KU) vart samordna, slik at det som
sluttprodukt vert presentert eit reguleringsframlegg med tilhøyrande KU.
Planprosessen kan delast i fire hovudfasar:
Fase 1: Oppstart
Fase 2: Offentleg handsaming av planprogrammet
Fase 3: Utarbeiding av reguleringsplan med KU
Fase 4: Offentleg handsaming av reguleringsplan med KU
Fase 1 Oppstart
Planarbeidet starta med oppstartsmøte med Lindås kommune den 22. september 2010.
Med utgangspunkt i planlagt utviding av steinbrotet og tilbakemeldingar frå oppstartsmøtet,
vart det utarbeidd eit Planprogram for tiltaket. Planprogrammet omtalar kva føremålet med
planen er, og kva tema som inngår i konsekvensutgreiinga og metode for
konsekvensutgreiinga.
Plan- og miljøutvalet gjorde vedtak den 11.05.2011 om å leggja planprogram for utviding av
steinbrotet ut til offentleg ettersyn.
Fase 2 Offentleg sakshandsaming av planprogrammet
Det kom inn 8 merknader til planprogrammet. Merknadane vart kommentert og sendt til
planmynde – Lindås kommune.
Kort oppsummert knytte innspel til planarbeid seg til:
- ny E39 og eventuelle endringar av lokalveg på Eikefet og til Eikemo,
- ulemper med støy, støv,
- eit nytt alternativ 2 for utviding av steinbrotet.
Planprogrammet vart etter dette vedteke av planutvalet i Lindås kommune, 14.09.2011 med
krav om at merknader frå naboar også skulle vurderast.
Fase 3 Utarbeiding av reguleringsplan med konsekvensutgreiing
Etter at planprogrammet vart fastsett, starta arbeidet med utgreiing av reguleringsplanen og
konsekvensutgreiinga. Fasen vart delt i 3 delar:
1. Konkretisering av tiltaket. Tiltakshavar vel overordna retningsliner for arealbruk. Til dømes kor mykje stein
skal takast ut og korleis drifta i brotet er tenkt løyst.
2. Utarbeiding av konsekvensutgreiing. Dette omfattar ein kombinasjon av studie i feltet og gjennomgang av
tilgjengeleg informasjon om området.
3. Utarbeide reguleringsplan.
Fase 4 Offentleg sakshandsaming av reguleringsplan
Når reguleringsplan og KU er ferdig utarbeidd, vil framlegg til reguleringsplan verte lagt ut til
offentleg høyring (jf. §12-10 i plan- og bygningslova). Det formelle vedtaket om å leggje planen
ut til offentleg høyring vert gjort av Lindås kommune.
Planframlegget skal i høve til plan- og bygningslova liggje ute til offentleg ettersyn i minimum
seks veker. Deretter vert eventuelle merknader handsama, og om naudsynt innarbeidd i
planen.
Etter dette vert planen lagt fram for andre gongs handsaming i det faste planutvalet og for
kommunestyret for endeleg godkjenning.
Planforslag 18.04.2012 Side 6 av 29