Juleblad - kyrkja - Samnanger - Den norske kyrkja

Jula 

2012 

KYRKJEBLAD FOR SAMNANGER 

Juleminne 

Astrid Brigtsen fortel om 

sine juleminne. 

Sjå side 4 Sjå side 8 

INFORMASJON 

Kurs for dei som søkjer, dei 

som vil vita meir, dei som vil 

diskutera.... Sjå s. 16 

64. 

årgang 

Juleblad 12.indd 1 02.12.2012 22:46:00

Overskrifta vekkjer gjerne gode kjensler hos fleire, ikkje 

minst mellom ungdommen. Sjølv har eg mange slike 

minne frå studietida. 

Kva fortel så desse erfaringane? Jau, dei fortel om gode 

band til den staden vi kjem eller kom i frå. Der kjende vi 

at vi høyrde til. Der kunne vi slappe av og heilt ut vere 

oss sjølve. Og ikkje minst fortel dei om nære og trygge 

relasjonar. Vi kunne falle til ro. Slik har det heldigvis 

vore for dei fleste. 

Når overskrifta datt ned i hovudet på meg og gav føring 

for kva denne juleandakta skulle handle om, så var likevel 

bakgrunnen ein annan enn dei hyggelege minna 

frå ungdomstida. For det var heller inntrykket av det 

kvilelause preget som livet i høg grad har fått i vår tid. 

Der vi hastar frå det eine til det andre. Vi skal rekke så 

mykje, konsumere stadig meir, og helst vere oppdaterte 

på alt som skjer på allverdens ulike medium. Trendar skal 

følgjast. Du skal lukkast både med utsjånad og familie og 

karriere. Osv. Bakom alt dette lurer eg på om der ikkje er 

ein fare for å bli heimlaus i eige liv? Der er liksom ingen 

stad å falle til ro, verkeleg vere heime i sitt eige liv. 

Kva har så dette med jula og ei juleandakt å gjere? Jau, 

for jula handlar verkeleg om det å kome heim. Ikkje berre 

som eit vakkert minne, men som ei ekte erfaring i dag. 

Og vegen går til Betlehem, der underet skjedde at den 

veldige Gud vart eit lite menneske i den nyfødde guten til 

Maria. For kva er det som skjer då? Jau, då er plutseleg 

Gud heime hos oss, og vi er heime hos han. Akkurat slik 

det var i paradiset. For heime i eigentleg forstand er 

vi menneske først når vi lever i alle dei medskapte og 

grunnleggjande relasjonane: til Gud, til kvarandre og 

til skaparverket elles. Det betyr at vi menneske igjen kan 

erfare kva det verkeleg er å kunne falle til ro og vere til 

stades i eige liv. Der vi ikkje lenger blir jaga frå det eine 

til det andre, men der vi kan ”vandre med kvilepuls”, som 

det heiter i ein boktittel. For når Gud er tyngdepunktet 

i livet, kan ikkje alt anna berre fare av med oss. Det var 

det livet Jesus levde. Også han opplevde å ha det travelt. 

Ein gong bad han disiplane bli med ”til ein aud stad 

der vi kan vere åleine”, for ”dei fekk ikkje tid til å ete 

ein gong”. Likevel var der alltid ei ro over Jesu liv. For 

han var heime i sitt eige liv. Og nøkkelen til det var hans 

stadige kontakt med sin himmelske Far. Og her ligg ein 

veg for oss òg. To ting vil eg peike på: 

Heim til jul? 

2 

For det første viser Jesus oss kva sant menneskeliv er. 

I han ser vi det livet vi alle er skapte til. For kva anna 

er all religiøs søking til alle tider enn eit prov på kor vi 

menneske leitar etter noko vi opplever vi har mist? Djupt 

i oss ber vi menneske ein lengt etter det vi er skapte til. 

Derfor er det også Jesus som nettopp kan møte oss her 

og hjelpe oss heim. 

Dernest noko meir konkret om korleis erfare dette. Som 

menneske er vi skapte i Guds bilde. Det betyr at vi er 

skapte i hans bilde som heiter Eg Er. Min inste identitet 

som menneske er derfor at ”eg er”, at eg er heime i mitt 

eige liv, nærverande hos meg sjølv som den eg er skapt til. 

Og då er det at desse gode erfaringane kan skje av å vere 

heime, der mitt vesle ”eg er” møter og erfarer nærveret 

av Han som er det store ”Eg Er”. Og vegen til desse erfaringane 

er ikkje minst bøna der vi får falle til ro frå alt 

kav og mas som kvardagen elles kan vere prega av. Ikkje 

at det alltid går så glatt, men ved å øve oss i å vere stille 

med Gud kan vi få vekse inn i desse rike erfaringane av 

å vere heime, heime med Gud og heime med oss sjølve. 

Og dermed kjenne på livet, det rike og gode livet. 

Heim til jul? Jula med Jesu fødsel og englane og gjetarane 

på Betlehemsmarkene er den levande bodskapen om kor 

himmel og jord no har møtst. Det er den store forteljinga 

til glede ”for heile folket”. Til denne store forteljinga får 

vi knyte våre små og erfare i våre liv at det er sant: Gud er 

i mi verd, og eg i hans. Eg er heime. Ja, eg er. 

Audun Aase 


Heilage jolehelg! 

Heilage jolehelg, perla frå barndommens dagar! 

Hugnad og høgtid for gamle og unge du lagar. 

Sonar all strid, 

gjev oss ei kvilestund blid, 

mørkret og motløysa jagar. 

Herlege høgtid som helsing frå himlen oss sender 

Signar med klokkeklang livet i stilslege grender. 

Glede og fred 

tonar frå høgda her ned. 

Sorga til sæla seg vender 

Himmelske Fader, me takkar for undret som hende, 

takkar for Sonen du sende og leida vår vende 

Du la vår veg 

heim att or mørkret til deg. 

Takkar for ljoset du sende! 

Hans Hylen, lærar, f. 1876 i Sand i Ryfylke 

Juleblad 12.indd 02.12.2012 22:46:00

Kyrkjebladet har teke turen innom til Astrid Brigtsen i 

den koselege heimen hennar på Steinsland. Astrid kom 

hit til bygda saman med mannen sin, Olav Brigtsen, då 

han tok til som rektor på Samnanger Ungdomsskule i 

1968. Dei slo seg først ned på Frøland der dei budde til 

dei flytta til Steinsland. 

Dei første åra på Frøland var Astrid heime og tok seg av 

hus og born, men ho var aktivt med i sundagsskulearbeidet 

på Frøland, noko som ho lika godt. 

«Borna var så flinke til å møta opp og eg har mange gode 

minne frå den tida», seier ho. 

Men Astrid var lærarutdanna og tok etter kvart til å 

arbeida i skulen, først som vikar og seinare fast på Ungdomsskulen 

der ho underviste i norsk, kristendom og 

heimkunnskap. Det er nok mange rundt om i bygda vår 

som har lært meir enn å koka poteter av henne! 

Etter meir enn 40 år i Samnanger må ho vel seiast å vera 

fullgod samning, men sine barnesko trødde ho på eit anna 

Steinsland, nemleg i Sund kommune på Sotra. Me tenkte 

det kunne vera kjekt å høyra litt om korleis dei feira jul 

på hennar trakter den gongen ho vaks opp. 

Me let Astrid fortelja: 

Førjulstida 

«Eg har alltid vore svært glad i jula. Då eg var lita, var 

jula mest ikkje over før eg tok til å gle meg til neste jul. 

Juleførebuingane tok til fleire veker før jul. Då kom 

bestemor frå Toftarøy og skulle baka lefser og flatbrød 

til oss. Det var laga til med bakstebord og omn med 

takke til å steikja på i kjellaren. Det var stas då eg vart 

så stor at eg fekk vera med på dette. Eg lærte å laga 

emne – noko dei som kunne baka var svært nøye på – og 

etter kvart fekk eg prøva meg med kjevlet òg. Det var 

god kunnskap som eg fekk ta med meg vidare i livet. 

Me hadde ein liten gard og der hadde me sauer, høner, 

gris og ei ku. Til jul skulle grisen slaktast og alt skulle 

nyttast. Det vart både blodpudding og blodpannekaker 

– og sjølvsagt mykje godt kjøt og flesk. Til jul vart det 

elles baka julebrød med rosiner og sukat og så var det 

Juleminne 

4 

hjortetakk, sitronkransar og krumkaker. Alt skulle vera 

reint og nypussa til jul. Då eg vart gammal nok, fekk eg 

ansvar for å pussa messing og kopar. Det var den store 

oljelampa av messing, det var dørhandtak og mange andre 

ting. Alt skulle skina til jul! 

Juletreet 

Det vaks ikkje gran i nærleiken av oss, men me hadde 

ein slektning på Toftarøy som hadde planta eit granfelt. 

Dit rodde me ut og fekk henta oss juletre. Eg hugsar bror 

min og eg fekk ta ut det treet me ville ha. Eg var så nøye 

på det, det skulle vera fint og så det måtte vera så høgt 

at det nådde taket når stjerna var sett på. Me hadde ikkje 

elektrisitet så det var levande lys på treet. Mellom pynten 

var det også ting me hadde laga på skulen, som lekkjer og 

korger. I korgene var det gjerne neter eller anna godt. 

Teikna av 

Oskar 


Julematen 

Julematen vår var fersk torsk. Veslejulaftan kom onkel 

Knut frå Toftarøy med julefisken vår. Det var så kjekt når 

han kom, - han vart gjort stas på med eit godt kaffimåltid 

med lefser, blodpannekaker og anna godt. Det hadde 

hendt at veret var så dårleg at dei ikkje kunne reisa ut og 

fiska, men som oftast ordna det seg med 

torsk til jul. 

Etter at fjøsstell og anna arbeid var unnagjort på julekvelden, 

var det altså julemiddag : Fersk torsk med poteter, 

gulrøter, steikt flesk og flatbrød med godt smør til. Til 

dessert var det sviskedessert eller -suppe med ein 

god kremklatt på! 

Julegåver 

Etter kvart som gåvene kom i hus, vart dei gøymde 

i ein krok i bestestova, men det var vel ikkje fritt for 

at me lurte oss til å klemma litt på dei. Det var nok 

ingen store, dyre ting, men eg trur me var like spente 

som borna er no på kva løyndomar som var i pakkane. 

Mange av gåvene var heimelaga. Eg lika godt å sy og 

hekla og eg hugsar mor sette pris på å få nye hekla gryteklutar 

som eg hadde laga. Ein gong fekk eg ein fin, raud 

fløyelskjole som tanta mi hadde sydd til meg. Eg var så 

redd for denne kjolen – han var mest for fin til å bruka, 

og eg hadde han lenge. Utanom nye klede var det gjerne 

ymse småting i pakkane og kanskje bøker, og ikkje minst 

stas var det å få fine sjokoladefigurar. 

Fest i stova! 

Dørene mellom stovene stod opne og det var fyrt godt i 

etasjeomnen så huset var lunt og varmt. Det var høgtid 

og fest i heimen! Juleevangeliet høyrde med og det var 

det oftast far som las. Så gjekk me rundt juletreet. Det 

var så kjekt å syngja alle dei fine julesongane våre og 

far hadde slik god songstemme. Elles kosa me oss med 

gåvene våre og med litt å bita i som frukt og neter. Julaftan 

var ein lang dag, men ein fantastisk dag med så mange 

spanande opplevingar. 

Romjula 

Første juledag skulle me ikkje gå nokon stad, men me 

kosa oss heime med god mat denne dagen òg. Til middag 

var det svinesteik frå grisen me slakta før jul. Så hadde 

me god tid til å lesa i bøker me hadde fått, og me gjekk 

rundt juletreet denne dagen òg. 

Andre juledag var det gudsteneste i den kyrkja me høyrde 

til, Kausland kyrkje. Så sant det var brukande ver, drog 

me til kyrkja då. Det var ikkje veg dit så me måtte ro i 

færingen vår. Det var mykje folk som ville til kyrkje ein 

slik dag og dei fleste rodde. Det var litt av eit syn med 

alle båtane på rekkje og rad! Ved kyrkja møtte me slekt 

og kjenningar som me kanskje ikkje hadde sett sidan 

sist jul. 

I romjula var det også juletrefest. Skulen var liten og låg 

litt usentralt til så difor vart festen halden i Kommunehuset 

som låg i grenda vår. Her var det ein stor, romsleg 

sal. Det var Husmorlaget som stod for festen. Me var 

pynta i julekleda våre og hadde slik forventning til denne 

samkoma. Her var det ymse opptrinn som hadde med jula 

å gjera, det var diktlesing og song og me hadde ymse 

juleleikar. Og så var det bordsete. Eg kan enno hugsa dei 

gode skivene me fekk der! Det var nok julebrød med ost 

og lefser òg, men det er skivene eg hugsar best! Så var 

det juletregong og me fekk syngja dei kjende og kjære 

julesongane våre igjen. 

Når eg tenkjer tilbake, kan eg enno kjenna den forventninga 

eg alltid hadde framfor denne høgtida, og eg ser 

alltid jula for meg som ei tid med mykje lys. Me hadde 

som sagt ikkje elektrisitet, men i jula skulle det vera tende 

lys over alt. Eg er så glad for at jula er nett på denne mør- 


kaste tida av året. Då kjem lyset verkeleg til sin rett.» 

Me takkar Astrid Brigtsen hjarteleg for at ho delte desse 

minna frå si barndoms jul med oss! På spørsmål om det 

er ein julesong ho set ekstra stor pris på, svarar ho «Mitt 

hjerte alltid vanker» 

Me tek med det første og dei to siste versa av denne vakre, 

gamle salmen av H. A. Brorson: 

Mitt hjerte alltid vanker 

i Jesu føderum 

Der samles mine tanker 

som i sin hovedsum 

Der er min lengsel hjemme, 

der har min tro sin skatt. 

Jeg kan deg aldri glemme, 

velsignet julenatt! 

6 

Akk, kom, jeg opp vil lukke 

mitt hjerte og mitt sinn 

og full av lengse sukke: 

Kom, Jesus, dog herinn! 

Det er ei fremmed bolig, 

du har jo selv den kjøpt, 

så skal du blive trolig 

her i mitt hjerte svøpt. 

Jeg gjerne palmegrene 

vil om din krybbe strø. 

For deg, for deg alene 

jeg leve vil og dø. 

Kom la min sjel dog finne 

sin rette gledes stund 

at du er født her inne 

i hjertets dype grunn! 

A.R.H 


Ny liturgi 

I haust vart det vedteke at det skulle koma ein ny liturgi i kyrkja, der kyrkjelyden skulle verta meir involvert i 

gudstenesta. Dette førte til litt endring i det vanlege oppsettet av gudstenesta. 

Blant anna er det no ”medliturgar”, det vil seie at det er andre frå kyrkjelyden enn kun presten som bed bøner og les 

teksten for dagen, og under forbøna for kyrkja og verda, er born/ ungdomar med og tenner lys i globen. 

Når preiketeksten skal lesast, går presten og to born/ ungdomar med lys i hendene i prosesjon fram frå altaret, medan 

kyrkjelyden syng Halleluja. Dette er ei fin markering for lesinga av Guds heilage evangelium! (Sjå bilde) 

I Haga kyrkje er det ikkje så store endringar i oppsettet av gudstenesta, då me allereie har hatt noko liknande i fleire 

år. Men i 2012 har altså alle kyrkjene i heile Noreg fått nye liturgiar. 


Bjørgvin bispedøme har utropt 2013 til ungdomsår i bispedømet vårt. 

U2013 

Her er ti punkt om kva dei tenkjer om ungdomsåret: 

TI TESER OM UNGDOMSÅRET 

1. - er bispedømet si storsatsing på ungdom frå konfirmasjonsalder og oppover 

2. - vil gje ungdom hjelp til å veksa i den trua dei er døypte til. 

3. – vil synleggjera at ungdom er kyrkje i dag, ikkje berre for framtida 

4. – vil at kvar enkelt kyrkjelyd set ungdom på dagsorden og let dei få finna sin plass 

i gudstenesta og livet i kyrkjelyden 

5. – vil at ungdom skal få vera med og ta ansvar for kyrkja si ungdomssatsing. 

6. – skal lyfta fram ungdomsarbeidarane, både dei løna og dei uløna, og gje dei 

status som sentrale aktørar i bispedømet si satsing. 

7. – skal i hovudsak skje i dei lokale kyrkjelydane, men skal og profilerast gjennom 

serskilde arrangement. 

8. – må synleggjerast både i tradisjonelle og sosiale media 

9. – vil inngå samarbeid med dei frivillige kristelege organisasjonane 

10.– vil søkja samarbeid med alle relevante aktørar i samfunnet, og i kulturlivet. 

8 


MITT BIBELVERS 

1.Kor, 13, 7: 

Alt held han ut, 

Alt trur han, 

Alt voner han, 

Alt toler han. 

Magnhild Tysseland 

9 

Sef. 3, 17: 

Eg lèt det bli att hos deg 

eit audmjukt 

og fattig folk. 

Dei skal ta si tilflukt 

til Herrens namn. 

Jer. 29, 11: 

1. Tim. 4, 12: 

Odd Aksel Bruvik 

For eg veit kva tankar eg har med dykk, seier Herren, 

fredstankar og ikkje ulykkestankar. 

Eg vil gje dykk framtid og von. 

Line Bjørhovd 

Lat ingen sjå ned på deg 

fordi du er ung, 

men ver eit førebilete 

for dei truande 

i ord og gjerning, 

i kjærleik, truskap 

og reinleik. 

Jenny Ofrim 


noko for borna - noko for borna - noko for borna - noko for borna - noko for 

Juleteikningar 

10 

Desse fine teikningane er laga av born som 

går på ”Kompis” i kyrkja på Haga. 

De finn fleire rundt omkring i bladet :-) 

Marhild 


for borna - noko for borna - noko for borna - noko for borna - noko for borna 

Kryssord 

Skriv inn orda i rutene etter bileta. Då får du eit nytt ord loddrett i dei gråe rutene. 

Der Jesus 

blei født 

Kva leikar er det inni julepresangane? 

SERLIBRA 

ROTKART 

LOSSERGOLEK 

Stokk om på bokstavane og sjå kva du finn! 

11 

BATOENG 

LERPER 

KEDUKLøysing: 

1) Raserbil 

2) Traktor 

3) Legoklosser 

4) Togbane 

5) Perler 

6) Dukke 


Endring til noko betre 

Ja, slik vinklar presteforeininga det, når dei snakkar om den nye kyrkjelova som skal koma. Det er nokon 

som prøver å skapa eit bilete av at me no har “avkristna grunnlova”, og at endringane er noko som 

vert pådytta kyrkja. Sanninga er vel heller at endringa i grunnlova frå 21.mai 2012, er første steg på vegen 

mot ei kyrkje som i større grad får styra seg sjølv, noko som lenge har vore eit ynskje frå kyrkja si side. 

Samfunnet vårt har endra seg frå å vera nokså einsarta 

til å verta svært mangfaldig. Gjennom globalisering og 

innvandring har me i vårt land folk med ulik kulturbakgrunn 

og ulike religionar. Staten skal vera for alle uansett 

religion, men Den norske kyrkja skal vera for dei som 

ynskjer å vera medlemer der. Det er difor ikkje ynskjeleg 

at staten har ein “statsreligion”. Grunnlova har m.a. vorte 

endra frå “Den evangelisk-lutherske Religion Forbliver 

Statens offentlige Religion” til “Den Norske Kirke, en 

evangelisk-luthersk kirke, forbliver Norges Folkekirke 

og understøttes som saadan af Staten….” Det står også 

at “Verdigrunnlaget forbliver vår kristne og humanistiske 

arv.” Og både den nye og gamle utgåva har med at : 

“Alle innvaanere af Riget have fri religionsudøvelse.” 

Endringane i grunnlova er viktig for å visa at me for 

framtida vil vera eit ope og inkluderande samfunn som 

gjev rom for alle. Samstundes er det eit sterkt ynskje at 

me og tek vare på det som er vår historie og tradisjon. 

Dessutan er første steg på vegen mot sjølvstyre teke. 

Det er ikkje lenger staten med eit departement som 

skal vera kyrkja si toppleiing, men eit kyrkjeleg organ. 

Kongen i statsråd utnemner ikkje lenger prostar og 

biskopar, det gjer kyrkja sjølv. Samstundes skal kyrkja 

framleis finansierast gjennom løyvingar frå stat og kommune. 

Balansegangen mellom sjølvstyre og offentleg 

finansiering, vert og eit viktig spørsmål å ta omsyn til. 

Politikarane på stortinget har vore tydelege på at dei 

ynskjer ei skrittvis utvikling, og dei er opptekne av at 

dei endringane som no kjem, ikkje skal svekka kyrkja. 

Me er no inne i ein “overgangsfase” der det vert arbeidd 

med korleis kyrkja no skal organiserast, når ho meir 

skal styra seg sjølv. Det er i kyrkjelova og forskriftene 

dette vert fastsett, og neste skritt på vegen er å vedta nye 

slike. Kyrkjerådet har tidlegare bestemt at dei ynskjer ei 

arbeidsgjevarline og at det skal vera tre forvaltningsnivå. 

Det vil seia at prestane og dei vigsla tilsette, ikkje lenger 

skal vera tilsette ein annan stad enn kyrkjetenaren og 

organisten og dei andre som arbeider i kyrkja. No har 

presten biskopen som sjef, medan dei andre har soknerådet 

eller fellesrådet. Dette skaper uklare liner, og er 

særleg vanskeleg om personalkonfliktar kjem til. Når 

ein no berre skal ha tre forvaltningsnivå, er det mest 

spanande kva nivå som vert “i midten”. Soknerådet 

12 

skal liggja i botnen som før, og på toppen må ein ha 

noko som m.a. kan overta departementet sine oppgåver, 

eit “kyrkjeråd” eller “kyrkjestyre”. Men skal ein 

då ha fellesråd innanfor store kommunar, slik som no? 

Skal ein ha eit råd på prostiplan, eller bispedømeplan? 

No har kyrkjerådet sendt ut eit stort “refleksjonsdokument” 

der sokneråda vert bedne om å leggja fram sitt syn 

på den nye kyrkjeordninga. Soknerådet i Samnanger har 

gått inn for å leggja “mellom-organet” på prostiplan. Dette 

bør då vera arbeidsgjevar for alle tilsette i prostiet. Men 

dei poengterer at det då er viktig at soknerådet beheld sam rå- 

derett over ressursane sine, både av midlar og menneske! 

Kontoret i prostiet, kan vera som eit “tenestekontor” der 

ein hentar kompetanse og hjelp på same måten som ein 

gjer det hjå kommunen i dag. Her vil det vera både personalkontor 

og økonomikontor og folk med kompetanse 

på bygg og vedlikehald. For å behalda styringa med økonomien 

lokalt, kan ein kjøpa tenester hjå prostikontoret. I 

denne modellen vil bispedømerådet gå ut, og biskopen vil 

kunna bruka meir av tida si på tilsyn med kyrkjelydane. 

Så står det berre att å sjå kva dei andre kyrkjelydane 

meiner om saka, og kva kyrkjerådet endeleg kjem 

fram til. Kyrkjemøtet skal handsama framlegg til 

ny kyrkjeordning og valordning i 2013, før 

det skal ut på høyring. Så skal stortinget 

vedta ny kyrkjelov i 2014 og kyrkjemøtet 

vedta ny kyrkjeordning 

same året. Så først i 2015 

vil den nye ordninga 

kunna takast i bruk. 

Britt 

Haukanes 


året som gjekk- året som gjekk - året som gjekk - året som gjekk - 

januar 

februar 

Ein gjeng ”tårnagentar” ser på ei av 

dei gamle altartavlene i kyrkja på 

Ådland. Og sjølvsagt skal dei opp i 

tårnet også! 

mai 

juni 

mai 

sam 

13 

Samningen 

Unni Tverli og Hjørdis Hesjedal vert 

heidra for trufast teneste. I 25 år har dei 

vore med og hjelpt soknepresten når han 

har andakt på aldersheimen. Soknerådsleiar 

Åshild Aa. Haga og sokneprest 

Audun Aase står for utdelinga. 

I mars laga også samningar og fusingar 

kor saman, med tonar av samningen 

Eilert Tøsse og tekstar av 

fusingen Anders Holmefjord. 

mars 

april 

sam 

I April hadde Samnanger musikklag 

konsert saman med Marte 

Øien i kyrkja på Ådland. 

Og 1. juni kom Sogn og Fjordane 

teater på vitjing. Dei held ei gripande 

framsyning om Mathias 

Orheim og hans liv og virke. 

Frode Rasmussen og Linda Øvrebø 

som i hovudrollene. 



juni 

”Kompisane” har sommaravslutningsfest 

i peisestova på 

Haga. 

Anette Bjørnenak og 

Gjermund Fredheim 

spela fortryllande tonar 

i kyrkja på Ådland 

ein vakker septemberkveld. 

På eldredagen eldrerådet 

arrangerte i 

kyrkja på Haga 1. 

oktober, spela Bendik 

Boge på trekkspel. 

juli 

sam 

august 

september 

Samningen 

14 

I byrjinga av juni var det kyrkjelydshelg i på Wallemtunet. 

På biletet er det ballspel ute, der både store 

og små er veldig energiske. I september var det konfirmantar 

og leiarar sin tur å reisa same staden (Under) 

oktober 

sam 

I oktober vart dei store 

trea ved kyrkjegardsporten 

skorne kraftig 

ned - ikkje med lett 

hjarta, men dei var 

vortne farleg store. 



sam 

Sokneprest Audun Aase 

hadde 25-årsjubileum som 

sokneprest i Samnanger i 

2012. Dette vart markert 

på kyrkjelydsfesten i november. 

På denne festen, var 

biskop em. Ole D. Hagesæther 

ivitert til å snakka 

om ”kallet si kyrkje”, 

som var namnet han gav 

kyrkja då han vigsla ho 

i 1995. Her er Audun og 

Marit Aase saman med 

Else og Ole Hagesæther. 

Det var nesten desember 

då skulemusikklaget 

hadde sin førhjulskonsert 

i kyrja på Haga. Og på 

julafta stiller dei opp 

igjen. Takk skal dei ha! 

november 

desember 

Karsten Isachsen var gjest 

hjå pensjonistane i kyrkja 

på Haga. 

15 

oktober 

Lovsong med bibelske 

tekstar, var tema 

for korprosjektet i 

haust. Her frå konserten 

i oktober. 


AlphA-kursA stArtAr opp Att! 

Samnanger har lange tradisjonar med Alpha-kurs. Mange samningar har vore med på eitt 

eller fleire av kursa. Etter fleire år med pause, startar me no opp att. 

Kva eit Alpha-kurs er? Les vidare.. 

Alle som leitar! Alpha-kurs er for alle som vil vita meir om kristen tru, som lengtar etter 

å høyra til i eit kristent fellesskap. Det er ein stad for spørjande menneske, søkjande menneske og eit 

pusterom for travle menneske. Meir info på middagen 8. jan. 

Læring og latter. På Alpha-kurset går det også an å ha det moro samtidig som ein lærer om 

den kristne trua. Aktuell, utfordrande undervisning og samtale blanda med humor og alvor. 

Gammal kunnskap får nytt liv. 

Pizza og pasta, i alle fall mat :-) Kurskveldane tek til med eit godt kveldsmåltid. Dette er 

ein fin anledning til å verta kjend med dei andre på kurset og få nye vener. 

Hjelpa kvarandre! I små grupper kan me hjelpa kvarandre med å finna svar på vanskelege 

spørsmål. Samtalane kan gå djupare, du kan få hjelp med spørsmåla dine. Det handlar om liva våre, det 

meiningslause, det uforståelege, men også det som gir meining. Det handlar om håp, ein annan 

dimensjon, ein open himmel. 

Alt du vil vita! Ingen spørsmål er for store eller for små, for vanskelege eller for dumme. På 

Alpha-kurset vil du bli teken på alvor med spørsmåla, ideane og tankane dine. Her kan ein setja ord på 

tru og tvil utan å bli pådytta noko meining. 

Det vert invitert til Alpha-middag den 8.januar,! Her vert det òg info om kurset. 

Kurset startar måndag den 14. januar, og går over 10 kveldar. 

Påmelding til kyrkjelydskontoret tlf. 56589010, post@samnanger.kyrkja.no 

16 


Kyrkjebladet vil ynskja 

lesarane sine ei velsigna julehøgtid ! 

Vel møtt i kyrkja i jula. 

E.OLDERVOLL 

REGNSKAPSKONTOR 

6 2 Årland 

INKA FOT- OG KROPPSTERAPI 

Kari: 90 8 09 Elin: 91 8 28 40 

Samnangerheimen, Haga 

deKorina 

blomster & interiør 

Tlf. 6 8 9 00 www.dekorina.no 

THOMAS EIKELAND 

Betongentrepenør 

Tlf. 6 8 64 2 Mo. 909 80 99 

K.I. SVENSDAL A/S 

Graving - transport 

6 8 66 2 - 91 8 8 

Vil du bli frivillig medarbeidar 

på Kirkens SOS kriseteneste? 

Innføringskurs for nye medarbeidarar på telefon 

eller SOSchat tek til 11. februar 201 . 

Interessert? Les meir på 

www.kirkens-sos.no/bjorgvin 

Kontakt oss på 2 8 4 / 941 8 6 4 

eller bjorgvin@kirkens-sos.no 

Samnanger sokneråd inviterer sambygdingane sine 

til middagsselskap, med kaffi og kaker! 

Tid: Tysdag 8. jan. kl.19.00 (- 21.45) 

Stad: Haga kyrkje 

Påmelding til kyrkjekontoret inn. 2. jan. 2013. 

Tlf. 56589010, post@samnanger.kyrkja.no 

Gåsdal, 5650 Tysse. Tlf.: 56 58 63 87. Fax: 56 58 78 94 

Sløyser, skottrenner, tak- og veggbeslag. 

Det klippes og bukkes etter standard eller oppgitte mål. 

okb.service@okbservice.no http://privat.bluezone.no/blomdal/ 

- http://www.okbservice.no/ 

1 

KRO OG MOTELL 

Tlf. og faks: 

56 58 77 40 

www.bjorkheim.no 

post@bjorkheim.no 

5652 ÅRLAND 

Tlf. lager 

Bjørkheim 

6 8 0 

Tlf. kontor 

Eidsvåg 

0 

Juleblad 12.indd 1 02.12.2012 22:46: 0

A.S.SAFA - SAMNANGER FABRIKKER 

5650 Tysse 

Tlf. 56 58 98 00 Telefaks 56 58 98 01 

Lakslia 14 - Borgstova - Indre Arna Døgnvakt 

Står til teneste med alt ved dødsfall 55 24 08 08 

PÅ TYSSEKAIEN - TLF. 56 58 63 32 

Transport og graving 

Tlf. 56 58 87 00 Mobil 99 55 29 29 

Avdeling Samnanger Telefon: 05555 

18 

VAAGE SERVICES 

Motorreparasjonar. Alt i sveising 

Rolvsvåg Tlf.957 84 451 

SAMNANGER 

TAXI 

Tlf. 56 58 88 66 - Mob. 470 26 289 

SAMN. FYSIKALSKE INSTITUTT 

Off. godkjent fysioterapeaut Geir Næss 

Timebestilling 56 58 91 09 

SAMNINGEN 

Ting Samningen du også! 

56 58 77 05 

SOLHEIM AUTOSERVICE A/S 

Bjørkheim 

56 58 90 00 

SAFA-UTSALGET 

5652 Årland 

56 58 61 60 

K. THARALDSEN 

Maling / tapetsering 

56 58 63 20 - 958 45 545 

NORDVIK ELEKTRO 

Autorisert elektroinstalatør 

56 58 78 52 - 918 93 650 

TYSSELAND 

Smie og mekanisk verkstad 

Tlf. 56 58 76 40 - Mobil 480 08 815 

KIWI minipris 

Ope kl. 7-23 (9-21) 

Telefon 56 58 76 16 


Gudstenester i jula 

Julaftan kl.14.30 - Ådland 

Familiegudsteneste 

Song av Knut Inge Røen m. familie 

Offer til Kirkens Nødhjelp 

Julaftan kl.16.00 - Haga 

Familiegudsteneste 

Song av Solhild Røen Hauge 

Skulemusikklaget spelar 

Offer til Kirkens Nødhjelp 

Juledag kl.12.00 - Ådland 

Høgtidsgudsteneste 

Dåp 

Song av Marit Kristine Hisdal 

Blåsargruppe tek del 

Offer til ”Misjon uten grenser” 

Nyårsdag kl. 17.00 - Haga 

Gudsteneste 

Nattverd 

19 

Samnanger kyrkjelyd 

Kyrkjelydskontoret: 

Telefon: 56 58 90 10 Fax. 56 58 90 11 

E-post: post@samnanger.kyrkja.no 

Postadresse: Hagabakkane 1, 5650 Tysse 

Kontortid: Måndag -fredag: kl.10-15 

Om du vil treffa nokon særskild, er det lurt å ringja på førehand. 

Alle er ikkje på kontoret kvar dag. 

Tilsette: Kontortelefon Privattelefon 

Sokneprest: Audun Aase 56 58 90 13 56 58 61 30 

audun.aase@samnanger.kyrkja.no 

Dagleg leiar: Britt Haukanes 56 58 90 15 56 58 78 59 

britt.haukanes@samnanger.kyrkja.no 

Leiar for barne- og ungdoms- 56 58 90 16 40 42 99 33 

arbeidet: Hilde Aarvik hilde.aarvik@samnanger.kyrkja.no 

Barnearbeidar : 56 58 90 17 47 46 61 55 

Line Bjørhovd line.bjorhovd@samnanger.kyrkja.no 

Kantorar: 56 58 90 14 56 58 65 43 

Anne Lise og Eilert Tøsse eilert.tosse@samnanger.kyrkja.no 

Sekretær og kyrkjetenar 56 58 90 12 

Haga: Bente L.D. Bødker bente.bødker@samnanger.kyrkja.no 

Kyrkjetenarar Ådland: Finn Moss 56 58 77 70 

Kyrkjegardsarbeidar: Hans Tysse 56 58 63 14 

Soknerådsleiar - Åshild Aadland Haga 56 58 65 08 

Kirkens S.O.S . Tlf. 815 33 300 

Kyrkja sin nattfilial - døgnope. Her får du snakka med ein prest 

/ sjelesørgar, gjerne anonymt om du vil. 

E-postteneste: www.kirkens-sos.no 

Vitjing i heimen 

For dei som ikkje kan koma til kyrkje, kan soknepresten halda 

nattverd i heimen. Om nokon ynskjer samtale/ sjelesorg eller skriftemål, 

kan dei også ta kontakt. Presten har sjølvsagt teieplikt. 

Barnedåp 

Alle foreldre som er medlemer av DNK, får sendt ei orientering 

om dåpen straks kyrkjelyds-kontoret har fått fødsels-melding. 

Dåpssøndagane vert kunngjorde i kyrkjekalenderen og på heimesidene 

våre. Elles er det berre å ta kontakt med kontoret. 

Gjevarteneste Gåver til konto: 

Trusopplærings-stillinga: 3562 07 01910 

Prosjekt Haga kyrkje: 3562.71.03172 

Prosjekt Zambia: 3530.21.38786 

Kyrkjeblad for Samnanger 

Redaksjonsnemnd: Bente Dyrøy Bødker, Anlaug Røen Hauge 

Redaktør: Britt Haukanes 

Takk til alle som har lånt oss bilde! Foto merka Sam” er teke 

av ”Samningen” 

Heimeside www.samnanger.kyrkja.no 


Returadresse: Samnanger kyrkjekontor 

Hagabakkane 1, 5650 Tysse 

Vel møtt til faste aktivitetar i kyrkjelyden 

Babysong 

Song musikk og rørsler med dei 

minste. Kvar måndag i kyrkja 

på Haga. 

Oppstart etter jul: 7. januar 

Aldersgruppe: 0-1 år. 

Kompis 

Ein plass å vera etter 

skulen. M.a. mat, 

spel, musikk, 

aktivitetar, 

”on line”, 

leksehjelp, 

vera med venner.Haga 

kyrkje 

ons. 12.30 -16.00 

Pris 150 pr. mnd. Påmelding 

til barnearbeider 

Line 474 66 155 

For vaksne: 

LOVSONG OG BØN 

Haga kyrkje. Måndagar kl. 20-21 

PROSJEKTKOR 

2 gongar i året. 

I vår: Prosjekt med Ruben Espelid 

SAMTALEGRUPPER/ SMÅGRUPPER 

Ynskjer du vera med i ei gruppe, ta kontakt 

med soknepresten 56 58 90 13 

Søndagsskular 

Ei hjelp for heimane med dåpsopplæringa. Søndagsskulane 

følgjer opplegget ”Sprell levande”. 

I Haga kyrkje under gudstenestene. 

I Tysse bedehus kl. 11.- 12.15. 

For datoar, sjå kyrkjelydskalender. 

Barnekor 

Glad song med borna. 

To korgrupper: 4 år 

tom.2.klasse og King 

Sing for 3.-7. klasse. 

I Tysse bedehus, 

tysdagar kl. 17.30 

(Arr: Samarbeid mellomMisjonsforsamlinga 

og kyrkja.) 

Basement 

Rusfri open ungdomsklubb med café. PS2 

med ”Band Hero”, biljard og andre spel, 

lovsong, musikk og prat i kosekroken. 

Frå og med 8.klasse. Anna kvar fredag i 

kyrkja på Haga. I partalsveker. 

Oppstart fredag 11..januar

Juleblad - kyrkja - Samnanger - Den norske kyrkja

Create successful ePaper yourself

Delete template?

Save as template?