Kristuskransen, konfirmant- kransen og ei opna hand - Stord kyrkje

Jubileumsgudsteneste
i Fitjar Kyrkje
Side 5
Ny sokneprest i Etne
Mostraspelet
Side 6
Side 7
Gudstenester i
sommar
Side 8
Kyrkjeblad for Sunnhordland - Nr. 2 - 2010
Kristuskransen, konfirmant-
kransen og ei opna hand
Tekst og foto: Sven H. Nilsen.
Kvinnherad kyrkje 2. mai
Vi held i Kristuskransen gjennom
konfirmasjonstida og på konfirmasjonsdagen.
Vi bed og held i ei stilleperle, eg perla,
oppstodeperla og ei hemmelegperle. Trua er
nok skjult og ingen kan kjenna andre si tru.
Og samstundes, trua er konkret og tydeleg, ei
tru å halda i. Kristuskransen og Jesus-orda
lærer oss å be, ikkje med mange ord, men
slik at vi kjenner Jesus, Han som alltid lever.
Og på konfirmasjonsdagen og gjennom heile konfirmasjonstida er
konfirmantkransen med; ei perle for kvar konfirmant med namn
og fingeravtrykk. Konfirmantpresten held konfirmantkransen
og Kristuskransen i henda.
Vi bed for kvar einskild konfirmant, alle namna. Vår Gud veit
og ser og bryr seg om, vi treng ikkje forklara så mykje, Han
kjenner Guro, Joakim, Annbjørg, Åge, Ane og alle dei andre.
Så er det fint nokre gonger å leggja alt frå seg og møta
Frelsaren med opne og tome hender som Han kan fylle med
velsigning og fred. Sjølv på ei konfirmasjonsdag som i vår
kultur handlar om mange pengar, er Jesus-gåvene dei største
og vakraste. Dei vi får med oss når vi biletleg talt har opne
og tome hender.
Mange gonger i konfirmasjonstida er det tent lys på lysgloben
i kyrkja. Eit lys og ei bøn for rettferd i verda, og rett fordeling
av godane. Eit lys og ei bøn om at evangeliet må nå vidare
ut. Denne dagen mest ei bøn og eit lys for kvar konfirmant.
Det finaste som kunne henda.
Bibeltekstene vi lytta til og som det indirekte er vist til, er 1
Tim 6, 6 - 12 og Matt 6, 6 - 13
For så elska Gud verda at han gav son sin, den einborne, så kvar den som trur på han ikkje skal gå fortapt, men ha evig liv.
Joh. 3.16

2
Helsing frå prosten
Breddetiltak
Dåpsfest i Stord kyrkje
Eg har nett vore på stor dåpsfest i Stord kyrkje.
10 born vart døypte 2. pinsedag i ei fullsett
kyrkje. Slekt og fadrar tok del med tekstlesing
og lystenning, salmesongen var god og folk let
vel over høgtidsstunda. Eg er svært takksam
for at så mange foreldre i Sunnhordland vel å døype borna sine. I fjor vart 668
døypte i Sunnhordland prosti, 2 fleire enn året før.
Mange konfirmasjonsgudstenester
Framleis er det gledeleg stor oppslutnad om konfirmasjonen i kyrkjene
i Sunnhordland, i nokre sokn vel mest alle femtenåringane kyrkjeleg
konfirmasjon. På Stord er oppslutnaden om lag 80 % av kullet. Med vel 700
konfirmantar totalt i prostiet vert det mange fine konfirmasjonsgudstenester
denne våren, vel 50 i talet. I dette nummer av Helg & Yrke kan du lese om
konfirmasjonshøgtida i Kvinnherad kyrkje i år.
Stor oppslutnad
Det vert gjort mykje godt arbeid rundt om i sokna i samband med
konfirmasjonsopplegget. No er det mange stader tid for påmelding til komande
års opplegg, nokre stader – som på Stord, er påmeldinga alt gjort. Det heng
saman med at nokre av tilboda, til dømes leir, startar allereie før sommaren. Vi
vonar på stor oppslutnad i år og, og dei som står for opplegget legg inn krefter
og ressursar for å gjera det så bra som mogeleg.
Breddetiltak
Den nye trusopplæringsplanen i kyrkja nyttar omgrepet breddetiltak. Då
er tanken å fokusere på oppslutnaden om ulike tiltak for dei forskjellige
aldersgruppene. Konfirmasjonen er framleis eit slikt breddetiltak hos oss i
Sunnhordland der mest alle som er døypte fylgjer kyrkja sitt opplegg.
Fireårsbok
Eit anna slikt innarbeidd breddetiltak hos oss er tilbodet til fireåringane. Nokre
stader med arrangement i forkant av ei gudsteneste – til dømes Undretur, der
borna vert kjende med kyrkja si og det som hender der. Og så gudstenesta der
fireåringane får si eiga kyrkjebok. Mange stader er det blitt gode tradisjonar
rundt desse gudstenestene, der fadrane og er med og fireåringane får ein særleg
invitasjon til å bli med på sundagsskulen. Då er det fint at sundagsskuleleiarane
er med på opplegga for fireåringane slik at dei kan gjera sundagsskulen godt
kjend og fireåringane kan kjenna leiarane att når dei kjem på sundagsskulen.
Samanheng
Ein god samanheng mellom breddetiltak og dei kontinuerlege tiltak som
sundagsskulen er, er eit viktig poeng i trusopplæringsplanen. Vi vonar dette kan
verta endå betre utvikla i tida som kjem. Godt er det at det framleis fins gode
kontinuerlige tilbod mange stader, ofte i regi av frivillige.
Nye breddetiltak?
I nokre kyrkjer i Sunnhordland er det tradisjon for andre breddetiltak for andre
aldersgrupper. Det er i tråd med den nye planen. Nokre kyrkjelydar har eit
slikt tiltak kvart år for kvart årskull. Då kan trusopplæringa bli systematisk og
samanhengande.
Foreldre og fadrar
Vi vil arbeida vidare for både gode kontinuerlige tilbod og for breddetiltak, og
god samanheng mellom dei. Det trur vi er viktig i trusopplæringa. Samtidig vil
vi understreke kor viktig tenesta til foreldra og fadrane er for at trua skal bli
overlevert til nye generasjonar.
Svein Arne Theodorsen
Kyrkjelydsblad for
Sunnhordland
epost: reklame@saverudreklame.no
Redaksjon:
Svein Arne Theodorsen
Hamnegata 48
5411 STORD
Tlf. 53 40 34 30
svein.arne.theodorsen@kyrkja-stord.no
Adresse:
HELG og YRKE
Sæverud Reklame AS
5430 Bremnes
Tlf. 53 42 70 00
Nytt om personell i
Sunnhordland:
Bømlo:
Frå 02.08.10 er Åse Selsvold tilsett som vikar i eit år for kyrkjelydspedagog som er
ute i permisjon.
Etne:
Sigurd Stødle er tilsett som kyrkjetenar/gravar frå 01.06.10.
Olav Sagen er tilsett som kontormedarbeidar/sakshandsamar i 40 % stilling frå
01.09.10.
Astrid Askeland Johnsen er konstituert som kyrkjeverje, 80 % stilling frå 01.08.10 i
eit år.
Stord:
Brynhild Meyer Stautland er fast tilsett i stilling som kyrkjelydspedagog i Stord og
Nysæter sokn.
Sveio:
Elisabeth Hauge Bakke er tilsett som kyrkjetenar i 50 % stilling frå 1. juni.
Stord sjukehus:
Sjukehusprest Magne Osland avsluttar tenesta som sjukehusprest ved Stord og Valen
sjukehus. Osland vert pensjonist.
Sokneprest Valborg Sinnes er tilsett i eit vikariat på 45 % som sjukehusprest på Stord
sjukehus frå 15.08.10.
Sjukehusprest Arne Hanssen vil gjera teneste på Valen sjukehus i 20 % stilling.
Prostiet:
Bjørgvin bispedømeråd har 16.03.10 tilsett Ole Kristian With Due som sokneprest i
Uskedalen sokn med Husnes og Holmedal sokn og Uskedalen sokn som tenestestad
i Sunnhordland prosti. Due tek til i tenesta i august og vert innsett i tenesta av
prosten 15.08.10. Innsetjinga vert i Uskedalen kyrkje med fest i Valen kyrkje etter
gudstenesta.
Sokneprest Åge Sætre avsluttar si teneste som sokneprest i Hatlestrand, Ølve og
Varaldsøy sokn, det vert avskjedgudsteneste i Hatlestrand kyrkje 20.06.10. Sætre
går av med AFP, han vil flytte til Askøy og gjere teneste i Vesthordland prosti i 60 %
stilling.
Bjørgvin bispedømeråd har i samarbeid med Bømlo kyrkjelege fellesråd oppretta ny
soknepreststilling på Bømlo. Stillinga vert lyst ut som sokneprest i Moster sokn med
alle fire sokna på Bømlo som tenestestad.
Kyrkjelydsbladet vert sendt til alle
heimar i Sunnhordland.
Send di gåve til:
HELG og YRKE
v/Helge Ottesen,
Eldøyvegen 100
5411 Stord
Bankgiro: 8420 05 25328
Prostehjørnet:
Kopp til kva?
Vi har nyleg feira pinse. På syttitalet vart
det meir vanleg å tale om Den Heilage
Ande i våre kyrkjer og bedehus. Ein
stad kunne ein lesa denne møte-
annonsen tilpassa samværsformene
på bedehuset:
Møte på Betel i kveld kl. 19.30.
Emne: ”Bli fylt av Anden”
Ta med kopp.
Alle hjarteleg velkomne.
Sats, lay-out:
Sæverud Reklame AS
Stavlandsveien 13
5430 Bremnes
Trykk:
Bladet Sunnhordland
Stord
Opplag: 22 500
Neste nummer kjem i oktober.
Frist for innlevering av stoff er 20. september 2010. Minne om høve til å gje gåver, ein kan nytta vedlagte giro.

Under vignetten «Samtale over ein
open Bibel» vil vi samtale med
einskildpersonar om ein aktuell
bibeltekst.
Denne gongen har vi møtt Åge
Sætre, sokneprest i Hatlestrand,
Varaldsøy og Ølve sokn. Sætre
avsluttar tenesta som sokneprest denne
sommaren. Han går av med AFP og flytter
til Askøy der han vil gjere presteteneste i 60 % stilling.
Åge Sætre hadde si fyrste presteteneste i Vågsøy i Nordfjord.
Han var så i Horten i 5 år før han var kretssekretær i Sogn og
Fjordane for Den indre Sjømannsmisjon i 4 år. Sætre kom til
Hatlestrand i 1998.
Fil 4, 4- 7.
Gled dykk alltid i Herren! Endå ein gong vil eg seia: Gled dykk! Lat alle menneske få
kjenna kor godhjarta de er. Herren er nær! Ver ikkje urolege for noko! Men legg alt
de har på hjartet, fram for Gud i bøn og påkalling med takkseiing. Og Guds fred, som
går over all forstand, skal vara dykkar hjarte og tankar i Kristus Jesus.
Glede og tryggleik i Herren
Favorittekst
”Dette tekstavsnittet har vore ei favorittekst for meg. Eg har nytta skriftordet ved
mange ulike høve,” seier Åge Sætre. Sætre fortel at han har laga konfirmantkort til
kvar enkelt konfirmant, på den eine sida bilete av konfirmantkullet, på den andre
sida ei personleg helsing med eit bibelord. Teksten i brevet til Filipparane er ei av
tekstane han gjerne har nytta til denne helsinga. Sætre legg til: ”Eg har og gjerne
nytta teksta som utangspunkt for andakt, til dømes ved forkynning i gravferd.”
I Herren
Åge legg til: ”Teksta seier noko viktig om mi kristentru. For meg er Gud, Herren
det trygge utgangspunktet i livet. Det er Gud som ber meg både i liv og teneste.
Det er dette som gjer meg trygg og som gjev meg ei djup glede i livet.”
Ver ikkje uroleg
Åge Sætre understrekar at når ting er tungt og vanskeleg, då er det særleg godt å ta
dette ordet på alvor. ”Ver ikkje urolege for noko.” Det kan vere ulike situasjonar i
livet og i tenesta då ein kjenner seg uroleg. Då er det godt å ta dette ordet på alvor.
Puste ut og legge i frå seg det som tynger, legge det over på Gud. Bøna er til hjelp
for eit uroleg hjarte.
Legg alt fram for Gud
For Åge er bøn viktig. ”Det er godt for meg å praktisera dette ordet,” seier han. ”Å
få legga alt i livet og tenesta fram for Gud er viktig, elles trur eg ikkje det hadde
vore så lett.” Åge har gode erfaring frå å leve i dette ordet, både åleine og saman
med andre:
- Han nemner eige bøneliv. Åge nyttar bibelverset i tenesta, til dømes før gravferd,
bøn om å bli leda av Gud kva han skal bera fram.
- Han nemner andakten heime ved middagsbordet. For tida lesar dei ei andaktsbok
av Billy Graham og ber i lag, ein viktig del i kvardagen.
- Han nemner bønefellesskap, i bibel- og bønegruppe. Bøn i fellesskap, til dømes
bønemøtar på Hatlestrand.
Har dette vore viktig for deg lenge?
Åge tek utgangspunkt i gode opplevingar i oppveksten. Han minnes sundagsskulen
og Yngres heime på Askøy. Han har gode minner frå skulelaget på realskulen på
Florvåg, i lag med mellom anna to prestekollegar: Eivind Skeie og Georg Tumyr.
Ikkje minst bønesamlingane og lagsmøta på skulelaget på Katten, Katedralskulen
i Bergen, er gode og sterke opplevingar som han ser tilbake på med glede.
Gled dykk!
”Det er Gud som er gleda si kjelde,” seier Sætre og legg til: ”Får du kontakt med
Gud, då får du kontakt med gleda i livet, den djupaste gleda. Det har eg fått opplevd
i ulike livssituasjonar, eg kan slappe av og vere glad, eg treng ikkje gjera alt for
å vere glad, Gud delar sin glede med oss. Alt vi treng, ligg i han og hans omsorg.
For meg heng tryggleik og glede saman. Tryggleiken er grunna på nåden, noko eg
får gratis ved Kristi frelsesverk. Han er der og han er der for oss, og vi får tilhøyre
han. Det er Gud som stadfestar og held oppe trua.”
Lat menneska få kjenna?
Åge held fram: ”Om vi lever i den gleda og tryggleiken som Gud gir, trur eg det
vil merkast for andre i kvardagen. Gleda smitter over til andre. Trygg og glad kan
ein møta medmenneska ope med eit glad sinn, lukke opp for den gleda som Gud
gjev. Vi skal sleppa Gud til. La Gud få plass i våre liv. Då vil andre får oppleva
Guds velsigning gjennom oss.”
Herren er nær!
Lever vi i dette bibelordet – kome med det urolege hjarte til Gud i bønn – anten
åleine eller i fellesskap med andre, då trur eg folk vil få merke at Gud er nær!
Ei spesiell erfaring?
Er det ei erfaring av denne bibelteksta du vil trekke fram til slutt? Åge vert tankefull,
så fortel han stilt:
”Eg tenkjer på ein spesiell situasjon eg har vore i. I 1991 mista vi dottera vår Bjørg
– Anne, nesten 13 år gamal. Vi budde i Horten, nær sjukehuset. Ein morgon fann
vi henne i senga, vi trudde det var feberkrampe. Vi fekk henne raskt på sjukehuset,
men dei fekk ikkje kontakt med henne. Ho var i koma, slik låg ho i 18 døgn. Ho
hadde fått slag grunna at kroppen mangla eit stoff. Det vart tungt då ho døydde,
solskinsjenta vår. Då fekk eg erfare at Gud Herren er nær, ikkje minst i dei mest
tøffe og vanskelege situasjonane. Dette har eg fått erfare, ei sterk oppleving.”
Flytte
Du og familien skal flytta til Askøy. Kva tenkjer du no? Det er oppbrot og eg ser
framover.
Oppbrot. Sorgprosess. Nye forhold. Då er det viktig for meg å søkje Herren og
finne hans veg. Ikkje tru at eg er verdsmeister, men gå inn i det som eg får tru at
Gud legg fram føre meg.
3

4
Filmpremiere på Tysnes
Sokneprest Marit Isaksen Espedalen
inviterte til filmpremiere heime i stova
si på Tysnes tysdag 6. april.
Film frå Tysnes
På filmpremieren vart det vist ein ny film der den
siste halvdelen av filmen er teken opp på Tysnes. Dei
inviterte til denne premieren med ordførar Helge Hauge
i spissen var samde om at her var mykje fin reklame
for Tysnes, både med bilete med fin natur frå Tysnes
og ikkje minst gode møte med folk på Tysnes, fyrst
og fremst John Vernøy.
Eit viktig prosjekt
Filmen er laga i samband med eit prosjekt som heiter
”Deltakelse og tilhørighet”. Ei arbeidsgruppe med
representantar frå ulike trus- og livssynssamfunn
har utvikla materiell for å sikre at menneske med
Uke 23
Forbøn
Fil. 1,3-6
36s
W W J D
– What would Jesus do?
Er du ofte gretten og i dårleg humør? Denne veka har
vi lese tekstar som handlar om å ha Jesus som forbilde,
og å alltid vera glad. Men korleis skal vi klara det? Takksemd
er eit godt våpen. Når du kjenner at dei negative
tankane og kjenslene kjem, kan du byrja å takka Jesus
for alt som er godt, og for at han vil hjelpa deg!
utviklingshemning får ta del og høyre til i trus- og
livssynssamfunn. Norges kristne råd, Samarbeidsrådet
for trus- og livssynssamfunn og Kyrkjerådet for Den
norske kyrkja rår til at dette tema vert teken opp lokalt.
Her er den nemnde filmen ein viktig ressurs. Meir
informasjon kan ein finna på www.deltakelse.no
Viktig tema for kyrkje og kommune
Sokneprest Marit Isaksen Espedalen peikar på kor viktig
det er at dette tema vert sett på dagsorden lokalt. Ho
vil gjerne dele dei gode erfaringane dei har gjort på
Tysnes, slik det så fint kjem fram i den nemnde filmen.
Denne veka skal vi lesa tekstar frå Fillipparbrevet
Sett et kryss ved det du har lest!
Kva tenkjer du om venene dine?
Vert du glad når du tenkjer på dei?
Eller skulle du ønskje at du kunna
forandra dei? Paulus brukte mykje
tid på å be for venene sine. Det er
det luraste du kan gjere! Då vil den
Heilage Ande virka både på deg og
venene dine, og du vil bli meir og
meir glad i dei.
36
Kjærleik
Fil 1,9-11
Det skal ofte lite til for å gleda
nokon, men det skal dessverre like
lite til for å såra. Det vi seier og
gjer betyr difor mykje. Men det er
lettare å unngå å såra dei vi kjenner
godt, – då forstår vi lettare kva som
skal til. Det er godt å veta at Jesus
kjenner alle menneske, og at han
vil hjelpa oss, – gje oss ”innsikt og
dømmekraft”.
UGLY
24a) Kven var Paulus saman
med då har skreiv dette
brevet?
Stå saman!
Fil. 2,1-4
Korleis vert det viss alle berre tenkjer
på seg sjølv først? Då trur eg
det vert mykje krangling og ufred.
Vi menneske er født egoistiske.
Men for at vi skal kunne leve fredeleg
og godt saman, må vi kunne
legge våre eigne behov til sides.
Viss alle byrjar å tenkje på dei andre
fyrst, vil alle kunne føla at dei vert
sett og vist omsyn. Då får vi det
godt saman.
24b) Kor var
Paulus då han skreiv?
36
Nytt prostiråd
2010 - 2012
I samband med Nyårsmottakinga i
Sunnhordland prosti, vart det gjennomført val
av nytt prostiråd i Sunnhordland. Resultatet
av valet vart slik:
Leke medlemer:
1. Hans Ole Dalland, Tysnes
2. Hilde Karin Vedøy Eiken, Fitjar
3. Tore Tveit, Stord
Vara: Elin D. Hetlesæter, Valestrand
Lek kyrkjeleg tilsett: Grethe Svalland,
Halsnøy, kontorsekretær, klokkar og
kyrkjetenar
Prest: Asbjørn Gundersen, Bømlo, sokneprest
På møte 21. mai konstituerte Prostirådet seg
med Hilde Karin Vedøy Eiken som leiar og
Hans Ole Dalland som nestleiar.
WWJD?
Fil. 2,5-11
Det er mange som er opptekne
av gjera det godt på skulen og i
veneflokken, og nokon går langt
for å oppnå det. Men dei sjølvgode
og sjølvopptatte vert sjeldan populære!
Slik var ikkje Jesus. Han var alles
tenar, og han vil at vi òg skal tenkje
slik. Ei god hjelp i kvardagen er å be
bøna: ”Kva villa du ha gjort, Jesus?”
Glede
Fil. 4,4-5
Når ein er i dårlig
vera skikkeleg irrit
glade og muntre
her blir vi bede om
glade! ”Det greier
tenkjer du kanskje
skiftar stadig, men
den same. Han er
kjærleg same korl
Han vil hjelpa deg
Hallå fålks! Alfred her!
I dette brevet står det verkeleg
mykje om kjærleik og glede! Paulus
må ha hatt det ‹‹heilt konge›› når
han skreiv dette brevet!!
– Hadde han ikkje det?
– Satt han i fengsel??
Korleis kunne han skriva så
mykje om glede då??

humør, kan det
erande med
menneske! Men
ALLTID å vere
eg aldri!!”,
. Humøret vårt
Jesus er alltid
like nær, sterk og
eis du følar deg.
!
Ver ikkje uroleg
Fil. 4,6-7
Det er lett å bli i dårleg humør når
ein er uroleg for noko. Desse versa
er difor ei god oppskrift på korleis
ein skal kunne vera glad og i godt
humør. Men når du bed til Jesus og
legg fram alt som uroar deg, er det
viktig å ha tid. Viss du berre ramsar
opp alle dine problem og spring
vidare, får du ikkje høve til å ta imot
Guds fred.
Jubileumsgudsteneste
i Fitjar kyrkje
Fitjar kommune feirar 150 år. Sundag 2.
mai var det jubileumsgudsteneste i Fitjar
kyrkje. Både prost og prest, og mange
av kyrkjefolka, pynta seg som i gamal
tid til og ein nytta den gamle liturgien.
Foto: Håkon C. Hartvedt
37
Prost Svein Arne Theodorsen var liturg. Han understreka
i innleiinga at om ein nytta den gamle liturgien, så
betydde ikkje det at vi var på museum. Gudstenesta
er eit aktuelt møte mellom Gud og menneske, det kan
vi og få om vi i respekt for dei som har gått føre nyttar
deira liturgi.
Både prosten og sokneprest Olav Johannes Oma var
ikledde svarte samariar med kvit krage. Oma helt ein
god og sentral preike over dagens tekst. Han la vekt på
Guds nåde i Jesus Kristus og at vi er kalla til å elska
kvarandre. I tillegg nytta ein den gamle klokkarbøna
som byrjar slik:” Herre! Eg er komen inn i dette heilage
huset ditt og vil høyra det som du talar til meg...”, og
utgangsbøna: ”Herre. Eg takkar deg for at du hev lært
meg kva du vil eg skal gjera. Hjelp meg no, min Gud, ved
din Heilage Ande for Kristi skuld...”. Begge opplesne
av Harald Johan Sandvik, klokkar for dagen. Elles var
det vakker song av elevar frå 6. klasse på Rimbareid
skule som framførte ”Alltid freidig” og ”Milde Jesus”.
På kyrkjebakken var det kyrkjekaffi med tid til ein god
drøs. Nokre hadde nytta høve til å gå til gudstenesta,
fleire på gamle kyrkjevegar. Prost og sokneprest leste opp
kunngjeringar frå 1910 samla av Arne Tislavoll. Ordførar
Harald Rydland bar fram ei helsing og orienterte om
det fyrste kommunestyremøte 5. mai i 1860. Annlaug
Rimmereid fekk òg ordet her og overrekte ordføraren
ein sjekk på kr. 13 100 frå Fitjar bygdekvinnelag, pengar
som er samla inn til kvilebenkjer på kyrkjegarden. Men
hugs at desse pengane er øyremerkte, sa ho og kneip
ordføraren godt i øyreflippen.
Foto: Håkon C. Hartvedt
Foto: Håkon C. Hartvedt
Foto: Håkon C. Hartvedt
5

6
Per Hjemdal talar engasjert i Stødle kyrkje
Ny sokneprest i Etne
Fyrste påskedag vart ein stor høgtidsdag
i Etne: Då vart Per Hjemdal innsett som
sokneprest i ei fullsett Stødle kyrkje.
Brev frå biskopen
Etter at ei fullsett kyrkje hadde teke imot prosesjonen
med ei gruppe frå Etne Soul Children, klokkar Marta
Onstein, sokneprest Per Hjemdal og prost Svein Arne
Theodorsen med orgelspel av organist Kris Ulita, leste
soknerådsleiar Pål Atle Baustad tilsetjingsbrevet frå
biskop Halvor Nordhaug.
Innsetjing ved prosten
I sin tale ved innsetjinga uttrykte prosten stor glede over
at Per Hjemdal var komen til Etne i lag med familien.
I lys av oppstodeunderet, oppmoda prosten Hjemdal
til med frimod å formidla livsens ord til menneske i
Etne både i gudstenester og kyrkjeleg handlingar og i
møte med menneska i kvardag og fest.
Ein engasjert predikant
Den nye soknepresten leia kyrkjelyden i den nynorske
liturgien på ein trygg og god måte. Under preika synte
han seg som ein engasjert predikant der han på golvet i
gamle Stødle kyrkje forkynte den gamle påskebodskapen
nytt og friskt.
Song
Kyrkjelyden tok godt del i salmesongen leia av organist
og forsonargruppe. Gruppa frå Etne Soul Children vart
til stor glede med fin song.
Velkomen
Etter gudstenesta stod Hjemdal i kyrkjedøra og helste
på kyrkjelyden. Her var det mange som bar fram eit
varmt velkomen til den nye soknepresten.
Fest på Enge bedehus
Varm velkomst til den nye presten og familien fekk
vi og oppleve på festen som Etne sokneråd inviterte
til etter gudstenesta. Med middag med kjøtkakar og
tilbehør og eit sjeldan rikhaldig kakebord vart Per og
Mali og borna Jenny, Hans Jørgen, Jens Emanuel, Jon
Syvert og Pelle helst velkomen. Mange nytta og høve
til å kome med velkomsthelsingar.
Tidleg kall til å bli prest
Heilt sidan niande klasse har Per Hjemdal (40) visst
at det var prest han skulle bli. Etter oppvekst i Oslo
og Grimstad og studiar ved Menighetsfakultetet, tok
Hjemdal til som feltprest i Bodø. Per kjem no frå stillinga
som sokneprest i Laksevåg i Bergen, der han har vore
i 14 år. Tilknyting til Sunnhordland har familien hatt
sidan 1999 då dei kjøpte hus på Reksteren på Tysnes.
Endring av prestetenesta
Til hausten vert det visse endringar i
prestetenesta i Kvinnherad. I nokre
sokn vert det justeringar i kven som
utførar prestenesta med gudstenester og
kyrkjelege handlingar, og i nokre sokn
får ein ny sokneprest.
Ulike forhold ligg til grunn
Endringane i prestetenesta har sin grunn i to ulike
forhold som er uavhengig av kvarandre. Det eine gjeld
utlysing og tilsetting av ny sokneprest, det andre heng
saman med at sokneprest Åge Sætre til sommaren
avsluttar tenesta i Sunnhordland prosti.
Sokneprest i Uskedalen
I mange år har det vore kapellanstilling i Husnes og
Holmedal sokn. Etter at den førre kapellanen slutta,
har Bjørgvin bispedømeråd to gonger lyst ut stillinga
utan å få tilsett ny prest. I haust vart det gjort framlegg
om å endra stillingsnemning og arbeidsområde slik
at det vart lyst ut stilling som sokneprest i Uskedalen
sokn med Husnes og Holmedal sokn og Uskedalen
sokn som tenestestad og Sunnhordland prosti som
tenestedistrikt. Framlegget vart sendt til høyring i dei
to nemnde sokna. Soknemøta gav støtte til framlegget,
Husnes og Holmedal sokn la til grunn at endringa ikkje
måtte føre til reduksjon av presten si teneste knytt til
m.a. trusopplæring i dette soknet.
Ny sokneprest tilsett
Bispedømerådet gjorde vedtak i tråd med framlegget
og 16. mars vart ny sokneprest tilsett. Ole Kristian With
Due vert 15. august innsett i tenesta som sokneprest i
Uskedalen med dei to nemnde sokna som tenestestad.
Prostiprest Pål Dale vil ha nokre tenester i desse sokna.
Jan Ove Totland held fram som sokneprest i Husnes
og Holmedal sokn, han vil i haust og ha nokre tenester
i Uskedalen sokn.
Ikkje ny sokneprest etter Sætre
Bjørgvin bispedømeråd har gjennomført ei utgreiing med
i Kvinnherad
høyring om fordelinga av presteressursane i bispedømet.
Fleire stader er det trong for auka presteressurs, men
ein har diverre ikkje økonomi til nye stillingar. Det
inneber at ein må omdisponere presteressursen. Når
det vart kjent at Åge Sætre avsluttar tenesta som
sokneprest i Hatlestrand, Varaldsøy og Ølve sokn,
kom Bispedømerådet med framlegg til ein ny plan for
prestetenesta i desse sokna. Saka vart sendt til høyring
i dei nemnde sokna, soknemøta kom med sine fråsegn
i saka. Bispedømerådet har forståing for ynskje om
å ha eigen prest buande på Hatlestrand. Dei syner til
ressurssituasjonen og gjer vedtak om fylgjande plan:
Sven Harald Nilsen sokneprest
Sokneprest Sven Harald Nilsen som no delar
tenestestad med Sætre, vert sokneprest i Hatlestrand,
Varaldsøy og Ølve sokn – i tillegg til Kvinnherad,
Åkra og Ænes, frå august vert han ikkje sokneprest i
Uskedalen sokn. Sokneprest Nilsen vil og ha ansvar
for gudstenesteplanlegginga.
Konfirmantarbeid
Sokneprest og prostiprest Jørgen Knudsen, Tysnes,
vil ha ansvar for konfirmantarbeidet i Hatlestrand,
Varaldsøy og Ølve sokn. Dette inneber og at Knudsen
vil ha nokre gudstenester i desse sokna i samband med
konfirmantopplegget.
Gudstenester, gravferd m.m.
Sokneprest Sven Harald Nilsen og prostiprest Pål Dale
vil ha dei fleste gudstenestene og dei fleste gravferdene i
Hatlestrand, Varaldsøy og Ølve sokn. Eit viktig premiss
for at denne planen let seg gjera, er at prostipresten
no bur på Halsnøy og at Knudsen som bur på Tysnes
og har ein del av si stilling som prostiprest.
Stor innsats og fleksibilitet
Mange har gjort eit godt arbeid for å finne dugande
løysingar og prestane har synt stor fleksibilitet i arbeidet
med dei nye planane.
Svein Arne Theodorsen, Prost i Sunnhordland prosti
Ny soknepreststilling på Bømlo
Ein har i fleire år vore kjend med trongen for
auka presteressurs i sokna på Bømlo, jfr. til dømes
Årsmeldingane frå Prosten i Sunnhordland.
Grunna omdisponering av presteressursar
i Sunnhordland prosti, har Bispedømerådet
høve til å tilføre 50 % prestestilling til sokna
på Bømlo. Samtalar med Bømlo kyrkjelege
fellesråd har synt at dei er viljuge til å inngå ein
langsiktig avtale med Bjørgvin bispedømeråd
slik at det vert lyst ut ei 100 % stilling med
Bispedømerådet som arbeidsgjevar.
Bispedømerådet gjorde framlegg om fordeling av
presteressursane i dei nemnde sokna samt i kva sokn bustaden
skal vere for den nye prestestillinga. Dei fire sokna vart
bedne om å kome med uttale til framlegget. I dag er Asbjørn
Gundersen sokneprest i Bremnes sokn (ca. 6500 medlemmer
og vel 50 % av det totale medlemstalet i kommunen) og
i Lykling sokn (færre enn 1000 medlemmer). Gunnvald
Bjotveit er sokneprest i Moster sokn (ca. 2500 medlemmer)
og Bømlo sokn (med vel 1000 medlemmer). Bjotveit har
buplikt i bustad på Finnås i Lykling sokn. Gundersen har
fritak for buplikta, det er ikkje no tilgjengeleg tenestebustad
for han. Kyrkjekontoret er på Rådhuset på Svortland.
Alle tre prestane vil ha alle fire sokna som tenestestad,
framlegget til fordeling av sokn der prestane har sete i
soknerådet er slik:
- Sokneprest Asbjørn Gundersen, Bremnes
- Sokneprest Gunnvald Bjotveit, Bømlo og Lykling
- Ny sokneprest, Moster sokn
Det vil vere buplikt til stillinga. I tråd med fordelinga av
sokna, er framlegget at den nye soknepreststillinga har
bustad i Moster sokn.
Sokneråda har førebudd saka og det er halde soknemøte
i alle fire sokna. Sokna gav støtte til framlegget. Dei la til
ei melding om at den nye soknepresten må få eit serleg
ansvar for ei teneste med barne- og ungdomsarbeidet og
konfirmantarbeidet i lag med kyrkjelydspedagogane på
heile Bømlo.
I møte 20. april oppretta Bispedømerådet stillinga. No vert
det arbeid med eigna bustad i Moster sokn samt utarbeidd
utlysingstekst. Om bustad er klar, vert stillinga lyst ut før
ferien med søknadsfrist 31. juli. Bispedømerådet tek sikte
på å tilsetja ny sokneprest i møte 28. september.

Predikanten i Mostraspelgudstenesta
06.06.2010.
Helge Tarandrød er stiftsdirektør i Bjørgvin
og dermed den øvste administrative leiaren
av Bjørgvin bispedømekontor og Bjørgvin
bispedøme.
Han er utdanna prest ved Det teologiske Menighetsfakultetet
i 1988 og var krinssekretær i Noregs KFUK/KFUM til han
byrja som stiftskapellan ved Bjørgvin bispekontor 1995.
Han er saksførebuar til Bjørgvin bispedømeråd og opptrer på
vegne av Bjørgvin bispedøme innanfor det administrative og
økonomiske området når det gjeld presteskapet og fellesråda
i Bjørgvin samtidig som han ivaretek kontakten med stat
og kommune.
Vi helsar han velkomen til Moster Amfi sundag 06.06. kl.
11.00. Vi gled oss til å feira gudsteneste saman med han på
Mostraspelgudstenesta i sumarlege omgivnader.
Vel møtt frå alle bygdene omkring til ei aktuell og gjevande
samling på historisk grunn.
Gunnvald Bjotveit, sokneprest Moster og Bømlo sokn
”SOM SKREVET STÅR”
SVEIN TINDBERG TIL BREMNES KYRKJE
Fredag 4. juni kl. 20.00.
Bømloteateret og Bremnes sokneråd har gleda av å innby til
ein kveld der Svein Tindberg ”leser, forteller og leker med
tekster fra Bibelen”.
Gjennom kvelden sitt program vil me få ei brei innføring
i tekstar frå Markusevangeliet og Apostelgjerningane. Ein
del av kvelden er planlagt i detalj på førehand. Noko av
programmet vil sjå dagens ljos undervegs. Tindberg vil
vektlegga måten tekstane vert formidla på, og hjelpa oss til
å bli gode lyttarar og mottakarar av bodskapen.
Bibelavsnitta vil bli knytt saman med dei mange erfaringane
han har gjort som skodespelar og teaterinstruktør. Tilhøyrarane
kjem og til å bli tatt med ”bak kulissene”.
”Fine tekstar men og mykje latter” er Tindberg sin eigen
karakteristikk av kvelden i Bremnes kyrkje. Heile programmet
kjem til å vara ca 90 min. Billettprisen vert kr. 150.
Asbjørn Gundersen, Sokneprest
Mostraspelet. Ei kulturhistorisk
oppleving
Det vert drama frå vikingtida, kjærleik og vakker song når
Helene Bøksle og Sigurd Sele inntar Moster Amfi 4. – 5.
og 6. juni. i det 27. Mostraspelet. Regissør Svein Tindberg
har med seg eit stjernegalleri når årets Mostraspel opnar
dørene. Ståle Bjørnhaug og Nils Ole Oftebro er veteranar
i norsk teater, og det blir kraftfulle sener i Amfiet!
I tillegg til dei allereie nemde, er
Bømloteateret stolt over at heile
tre av dei unge profesjonelle
skodespelarane er frå Bømlo, og
såleis spelar på heimebane. Det
gjeld Irene Waage, Sigurd Sele og
Nina Sele.
”Kristkongane på Moster.”
Forfattar Johannes Heggland
( 1919 – 2008 ) skreiv ”Kristkongane
på Moster” til Mostraspelet si
urframføring i 1984, og komponisten
Kjell Habbestad skreiv musikken.
I år vert det ca. 40 profesjonelle
musikarar som framfører verket
under leiing av dirigent Trond
Husebø.
Elles er det ca. 100 aktørar, barn,
unge og til dels godt vaksne, som er i
sving i det storslagne utandørsamfiet
på Moster når Mostraspelet tar imot
årets publikum.
Norske talenter til
”Strandhogg”.
Helene Bøksle, Chand Torsvik og
Elin Gaustad vitjar Moster Amfi
laurdag kveld 5. juni.
Dei vil dela songgleda si med
publikum slik dei har gjort det på
store konsertar, gjennom TV ruta og
på turnear over store deler av landet.
Helene har og hatt oppdrag utanlands.
Som vanleg vil ein del av aktørane i
Mostraspelet bidra på ulik vis til ei
hyggestund under ”Strandhogg” i
Moster Amfi 2010. I fjor var Amfiet
fylt til siste plass under dette årvisse
arrangementet.
MOSTRASPELET
e i k u l t u r h i s t o r i s k o p p l e v i n g
“Kristkongane på Moster”
Eit kjærleiksdrama
frå vikingtida
Med: Helene Bøksle/ Sigurd Sele
Fredag 4.juni
Moster Amfi
Skuleframsyning
4. juni–6. juni
Kristkongane på
Moster
www.mostraspelet.no
kl 10.30
Skuleframsyning
Kristkongane på
Moster
kl 14.00
Konsert
Tone Hulbækmo &
Hans Fr. Jakobsen
Moster gamle kyrkje
kl 19.30
”Som skrevet står”
Svein Tindberg
Bremnes kyrkje kl 20
Laurdag 5.juni
Katolsk messe
i Moster gamle kyrkje
kl 12.00
Historisk foredrag
v/ Johannes G. Eide
Amfisalen
kl 13.30
Premiere
Kristkongane på
Moster
kl 15.00
Strandhogg
Chand, Elin Gaustad,
Helene Bøksle, Ensemblet
frå Grease m.fl.
Moster Amfi kl 20
Søndag 6.juni
Gudsteneste
v/Stiftsdirektør
Helge Tarandrød
Moster Amfi kl 11.00
Kristkongane på
Moster
Kl 13.00
Kristkongane på
Moster
Kl 16.30
Alle dagar
Mostraspelutstilling
Catrine Knudsen
Moster Amfi
22. mai – 27. juni
Halsnøybåten
kaféen, Mostrahuset,
Vikingmarknad
Karmøy vikingkubb
Tollhagen
Kulturløype
rundt Moster Amfi
Utstilling av stein og
mineral
Stord geologiforeining
Mostratunet
Servering:
Moster Amfi
Mostratunet
Gruveparken
Billettar: bomlo.net
www.mostraspelet.no
7
Oktan • Foto Olav Bjørkum

Gudstenester i sommar:
Bømlo:
27.06: Moster kl. 11.00 og Lykling kl. 16.00
04.07: Bremnes kl. 11.00
07.07, 14,07, 21.07 og 28.07: Bremnes Middagsbøn kl. 12.00
11.07: Bømlo kl. 11.00
18.07: Moster kl. 19.00
25.07: Lykling kl. 11.00
29.07: Moster gamle kyrkje kl. 19.00 (Olavsdagen)
01.08: Bremnes kl. 11.00
08.08: Bømlo gamle kyrkje kl. 12.00
15.08: Lykling kl. 11.00
Etne:
27.06: Gjerde kl. 11.00
04.07: Skånevik kl. 11.00
11.07: Stødle kl. 11.00
18.07: Skånevik kl. 11.00. Grindheim kl. 19.00
25.07: Eikemostølen kl. 12.30
08.08: Etnemarknaden kl. 11.00. Skånevik kl. 19.00
15.08: Gjerde kl 11.00
Fitjar:
27.06: Fitjar kl. 11.00
04.07: Fitjar kl. 11.00
11.07: Fitjar kl. 11.00
18.07: Fitjar kl. 11.00
01.08: Fitjar kl. 11.00
08.08: Fitjar kl. 11.00
15.08: Fitjar kl. 11.00
22.08: Smedholmen kl. 11.00
Fjelberg og Eid:
27.06: Eid kl. 11.00
04.07: Borgundøy kl. 11.00 – friluftsgudsteneste
11.07: Eid kl. 19.00
25.07: Eid kl. 19.00
08.08: Eid kl. 11.00
15.08: Eid kl. 11.00
Husnes og Holmedal:
27.06: Holmedal kl. 19.00
04.07: Husnes kl. 11.00
11.07: Valen kl. 11.00
18.07: Husnes kl. 19.00
25.07: Friluftsgudsteneste gamle kyrkjestaden Holmedal kl. 11.00
01.08: Husnes kl. 11.00
08.08: Valen kl. 19.00
15.08: Innsetjingsgudsteneste av ny prest i Uskedalen kl. 11.00
Kvinnherad:
04.07: Friluftsgudsteneste på Varaldsøy kl. 11.00. Kvinnherad kl. 19.30
11.07: Uskedalen kl. 11.00. Friluftsgudsteneste på Hatlestrand kl. 15.00
18.07: Kvinnherad kl. 11.00
25.07: Ænes kl. 11.00. Åkra kl. 19.30
29.07: Olsokgudsteneste i Kvinnherad kl. 19.30
01.08: Ølve kl. 11.00. Friluftsgudsteneste på Skorpo, Uskedalen kl. 15.00
08.08: Kvinnherad kl. 11.00
15.08: Hatlestrand kl. 11.00. Varaldsøy kl. 15.00
Stord:
27.06: Gudsteneste Stordfest 2010 på Christian Radich kl. 11.00
04.07: Nysæter kl. 11.00
11.07: Stord kl. 11.00
18.07: Nysæter kl. 11.00, Friluftsgudsteneste Huglo kl. 16.00
25.07: Stord kl. 11.00
01.08: Nysæter kl. 11.00
08.08: Stord kl. 11.00
15.08: Stord og Nysæter kl. 11.00
Sveio:
27.06: Valestrand kl. 18.00
04.07: Førde kl. 11.00
11.07: Valestrand kl. 11.00
25.07: Sveio kl. 11.00
29.07: Valen kapell kl. 18.00
01.08: Førde kl. 11.00
08.08: Sveio kl. 11.00
15.08: Valestrand kl. 11.00
Tysnes:
27.06: Tysnes kl. 11.00
04.07: Friluftsgudsteneste Solstråleøya kl. 12.00
11.07: Mandelhuset kl. 12.00. Dagenderpå-gudsteneste i samband med Tysnesfest
18.07: Reksteren kl. 11.00
25.07: Uggdal kl. 11.00
29.07: Onarheim kl. 19.00 saman med Onarheim bygdelag
01.08: Tysnes kl. 11.00
08.08: Uggdal kl. 11.00
15.08: Solheimsdalsstevnet kl. 11.00
Gudsteneste på
”Christian Radich”
I samband med Stordfest 2010 vert det skutegudsteneste sundag
27.06.10 kl. 11.00 på fullriggaren ”Christian Radich”.
Gudstenesta vert leia av prost Svein Arne Theodorsen, kantor Bjarte Aadland,
forsongarar frå kyrkjekoret ”Sanctus” og musikarar frå Sagvåg Musikklag tek
del. Og stortingsrepresentant Magne Rommetveit, ordførar Liv Kari Eskeland,
stordfestgeneral Håkon S. Vatle og skipperen på ”Christian Radich” vil ta del.
I forlenging av gudstenesta vert det kyrkjekaffi med vaflar laga etter dei beste
oppskriftene frå Sjømannskyrkja. ”Christian Radich” vil liggja til kai i Leirvik.
Alle er velkomne!
Stord kyrkjelyd
Prostidag i Sunnhordland
prosti 23. september
Årets Prostidag i Sunnhordland prosti vert torsdag 23.
september. Fokus dette året er trusopplæring, dette vert og
tema på prostidagen.
Kyrkjelydane i Sunnhordland venter på å få tilført midlar til trusopplæring
etter den nye reforma, ein ventar no i spenning på Statsbudsjettet for 2011.
Ved innføringa av trusopplæringsreforma skal kvart sokn utarbeide plan for
trusopplæring. Det er utviklinga av dei lokale planane som vil vere i fokus på
prostidagen.
Prostidagen vert på Stord. Den tek til med middag kl. 16.00 på Leirvik bedehus
og held fram med program kl. 16.30. Her vil ressurspersonar frå Bjørgvin
bispedøme undervise om lokalt planarbeid og medarbeidarar med erfaring
frå den nye reforma vil dele sine erfaringar. Det vert og tid til gruppearbeid.
Prostidagen avsluttar med Prostigudsteneste i Stord kyrkje.
Prostidagen er for alle som er interesserte i trusopplæring. Sokneråd og utval
som arbeidar med trusopplæring og undervisning er hovudmålgruppe saman
med medarbeidarar som har trusopplæring som ein del av si teneste.
Det vert og ein fagdag same dagen som tek til med lunsj. Her er tema involvering
av utviklingshemma i kyrkja, med særleg fokus på deira plass i trusopplæringa.
Fagdagen er mellom anna for medarbeidarar med teneste i trusopplæring og
andre som er engasjerte av saka.