VEDTEKTER FOR BØ SKULEMUSIKK §1. ORGANISASJON BØ ...

VEDTEKTER FOR BØ SKULEMUSIKK
§1. ORGANISASJON
BØ SKULEMUSIKK vart stifta 7. september 1967, og står tilslutta Korpsnett Norge.
Bø Skulemusikk står også tilslutta Bø Kulturnettverk som er eit fellesorgan for
musikklivet i Bø.
§2. FØREMÅL
Formålet for Bø Skulemusikk er å fremje musikklivet i Bø ved å:
- gi korpsmedlemmene god musikkopplæring
- arbeide for å framføre god musikk og spreie trivnad der korpset opptrer
- utvikle godt kameratskap og eit positivt miljø gjennom arbeidet med
musikk
§3. MEDLEMSKAP
3.1 Opptak av medlemmer
Musikantar og andre interesserte kan takast opp som medlemmer i
musikkorpset av styret i korpset.
Medlemskap for born som ikkje er fylt 15 år må vere skriftleg godkjent av
føresette.
Ved innmelding i skulekorpset blir ein automatisk medlem av Korpsnett Norge.
3.2 Alder
Ein kan ikkje vera utøvande korpsmedlem lenger enn til 31. juli det året ein
fyller 25 år.
3.3 Medlemsskap i amatørkorps
Utøvande medlemmer i korpset kan bli aspirantar i amatørkorps frå 1. august
det året dei fyller 15 år. Dei pliktene medlemmene har i Bø Skulemusikk
medan dei er aspirantar går føre pliktene i amatørkorpset.
3.4 Tillitsvalde
Korpset skal velje 2 tillitsvalde frå dei utøvande medlemmene i korpset. Desse
skal møte i styret for Bø Skulemusikk.
3.5 Føresetnad for medlemskap
a. Alle medlemmene pliktar å følgje vedtekter, reglement og lovlege vedtak i
musikkorpset.
b. Alle nye medlemmer skal levere inn medlemskapsopplysningar på
gjeldande innmeldingsskjema. Ved endring av registerte opplysningar skal
medlemmane snarast mogleg gi melding til styret i musikkorpset. Desse
opplysningane vert gjevne på gjeldande skjema/medium for registrering i
medlemsdatabasen i Korpsnett Norge. Det er ikkje høve til å reservere seg
mot registrering.
c. Musikantane skal møte på øvingar, konsertar og andre oppdrag til avtalt tid.
Ved fråver skal dirigenten varslast i god tid på førehand.
d. Instrument, utstyr og uniformar skal haldast i god stand. Vørdlaus
handsaming kan føre til økonomisk ansvar for korpsmedlemmer/føresette.
3.6 Rapporteringsplikt og kontingent
a. Korpsåret følgjer skuleåret frå 1/8 – 31/7 påfølgjande år.

. Skulekorpset skal betale kontingent til Korpsnett Norge. Kontingenten
reknast etter medlemstalet i korpset pr. 1. desember og vert betalt til
Korpsnett Norge innan 1. februar i korpsåret.
3.7 Utmeldingar
Medlemmer som ønskjer å melde seg ut må gi melding om dette til styret i
korpset. Medlemmer vert meldt ut av Korpsnett ved utmelding frå
musikkorpset.
3.8. Fråver
Ved tre fråver utan gyldig grunn pr. semester vil dirigent/leiar kontakte
musikant og føresette
3.9. Suspensjon og eksklusjon
a. Styret set i verk disiplinære tiltak overfor medlemmer som ikkje rettar seg
etter gjeldande vedtekter, reglar og vedtak, eller som er til skade for
aktivitetar i korpset.
b. Styret kan suspendere medlemmer for eit særskilt tidsrom.
c. I grovare tilfelle kan årsmøte vedta eksklusjon.
d. Suspensjon- og eksklusjonsvedtak i musikkorpset kan ankast Korpsnett
Norge.
§4. ÅRSMØTET
4.1 Status
Årsmøtet er øvste styringsorgan for Bø Skulemusikk.
4.2 Årsmøteperiode, innkalling og saker til årsmøtet
a. Det skal haldast årsmøte innan utgangen av februar kvart år. Tid og stad
skal kunngjerast på semesterplanen.
b. Styret si årsmelding, revidert rekneskap, innstillinga til valkomitéen og
saker til handsaming på årsmøtet skal sendast medlemmene seinast ei veke
før årsmøtet.
c. Medlemmer må fremje saker til handsaming på årsmøtet gjennom styret i
musikkorpset. Slike saker må vere styret i hende seinast to veker før
årsmøtet. Styret pliktar å leggje fram på årsmøtet saker som kjem inn i rett
tid.
4.3 Representasjon, rettar og voteringar
a. På årsmøtet tek dei del som er medlemmer, komitemedlemmer, gjester
inviterte av styret og føresette til korpsmedlemmene.
b. Desse har tale-, framleggs- og stemmerett:
• Medlemmer som har fylt 15 år. For medlemmer under 15 år kan ein
føresett møte med tale-, framleggs- og stemmerett.
• Styret sine medlemmer i alle saker, men ikkje med stemmerett under
handsaming av årsmelding og rekneskap.
c. Desse har tale – og framleggsrett:
• Medlemmer som ikkje har fylt 15 år.
d. Desse har talerett:
• Representantar frå Korpsnett Norge.

• Årsmøtet kan elles gje talerett til dei det ønskjer.
e. Vedtak krev simpelt fleirtal, dvs. meir enn halvparten av dei avgitte
stemmene, dersom ikkje anna er bestemt.
f. Årsmøtet kan gi tale-, framleggs- og stemmerett til føresette til alle
korpsmedlemmene, irekna dei som har fylt 15 år.
4.4 Dagsorden på årsmøtet
Årsmøtet skal handsama desse sakene:
a Konstituering
1 Opning
2 Godkjenning av fullmakter
3 Godkjenning av innkalling
4 Godkjenning av dagsorden/saksliste
5 Val av møteleiar
6 Val av møtesekretær
7 Val av protokollunderskriverar
b Godkjenning av årsmelding og revidert rekneskap
c Medlemskontingent
d Budsjett
e Saker fremja av medlemmene eller styret i korpset
f Val:
1 Styre
Leiar, på val for 1 år
Nestleiar, og korpsrepresentant i 17. maikomitéen på val for 1 år
Fire styremedlemmer
• Sekretær/informasjonsansvarleg
• Kasserar/økonomiansvarleg
• Leiar av driftsutvalet
1 varamedlem til styret
2 Driftsutval på minst 7 medlemmer på val for 2 år
3 Valkomite på minst 2 medlemmer på val for 2 år
4 Revisor på val for 1 år
Den som vert vald må anten vera korpsmusikant eller føresett til
korpsmusikant med gyldig medlemskap, vera minst 15 år,
og må ha sagt seg viljug til å ta imot eit verv.
Representantar til andre verv enn styre og valkomite treng ikkje å ha
gjeldande medlemskap. Val skal vera skriftleg om nokon krev det.
§ 5 EKSTRAORDINÆRT ÅRSMØTE
Ekstraordinært årsmøte kan kallast inn når styret eller minst 2/3 av medlemmene krev det.
Innkalling skal sendast ut minst 2 veker før ekstraordinært årsmøte.

§ 6 STYRET
6.1 Samansetnad og konstituering
Bø Skulemusikk vert leia av eit styre som er samansett slik:
* Leiar
* Nestleiar/representant i 17. mai-komitéen
* Kasserar
* Sekretær
* Styremedlem/leiar av driftsutvalet
* Varamedlem
* 2 Korpstillitsvalde
Leiar, nestleiar, kasserar, sekretær, styremedlem og varamedlem er valde på årsmøtet
direkte, medan dei korpstillitsvalde er valde blant dei utøvande medlemmene i korpset.
Det siste styremedlemmet er samstundes leiar av driftsutvalet, og sørgjer for kontakt
mellom dette og styret.
6.2 Fullmakter
a Styret skal leie musikk-korpset etter dei vedtak årsmøtet har fatta.
b Styret kan nedsetja dei utval og komitear det finn naudsynt.
c Styret kan gi fullmakter.
6.3 Innkalling til styremøte – vedtak
a Styret vert kalla inn når leiar eller 3 av styremedlemmene finn det naudsynt.
b Styret kan gjera vedtak når leiar eller nestleiar samt minst 3 av dei øvrige
styremedlemmene er til stades.
c Korpsdirigenten møter til vanleg i styret med tale- og framleggsrett. Varamedlemmet
har møterett til styremøta med tale- og framleggsrett når vedkommande ikkje møter for
eit anna styremedlem. Musikkorpset sine tillitsvalde har tale- og framleggs- og
stemmerett.
d Styrevedtak skal førast i protokoll, og sendast til medlemmene i styret og varamedlem.
§ 7 USEMJE/TVISTAR
Usemje eller tvist om forståinga av vedtektene skal leggjast fram for Korpsnett Norge.
§ 8 VEDTEKTSENDRINGAR
Berre ordinært årsmøte kan vedta endringar i vedtektene. Endringar krev simpelt fleirtal.
§ 9 OPPLØYSING
9.1 Vedtak om oppløysing av Bø Skulemusikk kan berre skje på to påfølgjande årsmøte med
minst ein månads mellomrom. Gyldig vedtak om oppløysing krev 2/3 fleirtal i begge
årsmøta.
9.2 I tilfelle oppløysing skal musikkorpset sine midlar plasserast i bank på sperra
renteberande konto. Det siste ordinære årsmøtet skal bestemma om korpset sine midlar og
eigedom skal overførast til anten Korpsnett Norge, Bø kommunale musikkskule, Bø
Kulturnettverk eller kulturstyret i kommunen, dersom nytt musikkorps ikkje er
reorganisert innan 4 år etter oppløysing.
9.3 Vedtak om utmelding frå Korpsnett Norge må gjerast på ordinært årsmøte og krev 2/3
fleirtal på årsmøtet.
Desse vedtektene gjeld frå 17. februar 2011.