Pressemelding - trekkspill.no

Kvarts
Kontakt:
Øystein O. Rudi
Jo Asgeir Lie
Rudi Stavevegen 7
2647 Sør-Fron 3570 Ål
Tlf. 913 85 388 Tlf. 905 16 652
Mail: kvarts@kvarts.no
Web: www.kvarts.no
PRESSEMELDING
Jubiléumskonsert for Kvarts!
Folkemusikkgruppa Kvarts feirar 10-års jubiléum i 2008, og
dette blir markert med ein svært spesiell konsert i Oslo torsdag
16. oktober kl. 19:30. Konserten tek plass i NRK studio 19 på
Marienlyst, og med seg på konserten har Kvarts fått ingen
ringare enn Jonas Fjeld, Trio Mediæval og Birger Mistereggen!
Med ti år på baken er folkemusikkgruppa
Kvarts ei av dei mest veletablert gruppene
i norsk musikkliv. Kvarts er så langt den
einaste folkemusikkgruppa som har vunne
to Spellmannprisar, og gruppa har heilt frå
starten vore solid rotfesta i den norske
folkemusikken, og med ei rekkje
instrument, og med humør og speleglede
har gruppa fått eit stort publikum.
Repertoaret til Kvarts er ein kombinasjon
av tradisjonsmusikk og eigenkomponert
materiale.

Gruppa har heilt sidan starten hatt eit ynskje om å
samarbeide med andre musikarar. På konserten
torsdag 16. oktober har Kvarts invitert Jonas Fjeld
og Trio Mediæval som gjester.
Jonas Fjeld inviterte Kvarts til å vere med på
romjulskonsertar i Drammens teater i 2006, og det
vart eit svært hyggeleg musikalsk møte som Kvarts
ynskjer at fleire skal få ta del i!
(…) Over 35 år har gått siden Jonas Fjeld begynte å slite norske landeveier. I
begynnelsen var det Jonas Fjeld Rock’n Rolf Band, siden dr. Jonas Fjeld. Det har
gått på engelsk og det har gått på norsk. Det finnes neppe det konsertlokalet i dette
langstrakte landet som Jonas Fjeld ikke har besøkt i sin karriere hittil.
Mange er også de Jonas Fjeld har samarbeidet med gjennom åra. Mest kjent er vel
kanskje hans omfattende samarbeid med Ole Paus gjennom mange år- Som ”To
rustne herrer” har Fjeld og Paus spilt for et publikum på over 50 000 de siste åra.
Legger man til deres øvrige samarbeid som låtskrivere har de nådd et enda større
publikum. Platene ”Svært nok for meg” (1989) og ”Texas Jensen”, hvor Ole Paus står
bak tekstene, har solgt til henholdsvis platina- og gullplate. I 1999 kom Jonas Fjelds
Beste som til nå har solgt 75.000 eksemplar. Vel så kjent er kanskje Jonas Fjelds
samarbeid med amerikanerne Eric Andersen og Rick Danko- sistnevnte frå
legendariske ”The Band”. Dette musikalske samarbeidet har resultert i to plater-
”Danko, Fjeld, Andersen” (1991) og ”Ridin’ on the Blinds” (1994). Førstnevnte
belønnet med både Spellemannpris og Naird award for ”Best Contemporary Folk
Album Of The Year” i USA. Begge platene belønnet med strålende kritikker og høye
salgstall i flere land. (…) (Kjelde: www.jonasfjeld.com)
Dei siste åra har han hausta stor suksess gjennom samarbeidet med blugrassbandet
Chatham County Line.
Trio Mediæval og Kvarts er derimot eit heilt nytt
møte, sjølv om dei to gruppene har snakka om eit
samarbeid i fleire år. No baud sjansen seg til å
gjere alvor av desse planane!
I tillegg er sjølvsagt Birger Mistereggen med.
Perkusjonisten med dagleg tilhaldsstad i KORK
har vore med Kvarts på ei rekkje store og mindre
konsertar sidan 2002, og er den femte medlemen i
Kvarts!
Trio Medæval skriv om seg sjølv og om Birger:
Trio Mediæval består av sangerne Anna Maria
Friman, Linn Andrea Fuglseth og Torunn Østrem
Ossum. Siden starten i 1997 har trioen utgitt fire
innspillinger på det tyske plateselskapet ECM
Records: Words of the Angel (2001), Soir, dit-elle

(2004), Stella Maris (2005) og Spellemann-nominerte Folk Songs (2007). Samtlige
innspillinger har ligget på den amerikanske Billboard Top 10 Bestsellers List. Trioens
repertoar har tre ulike retninger: flerstemmig middelaldermusikk fra England og
Frankrike, samtidsmusikk og norske folketoner og middelalderballader. Trio
Mediæval har gitt konserter og radio- og TV-opptredener over hele Europa, USA og
Canada, og sang sin første konsert i Asia under Hong Kong Arts Festival i februar
2008. Ensemblet har samarbeidet med musikere som Arve Henriksen, Jan Bang,
Birger Mistereggen, Trygve Seim, Frode Haltli, Bang-on-a-Can (New York), Tord
Gustavsen Trio og samtidsmusikkensemblet MusikFabrik (Köln). Trio Mediæval var
festspillmusikere under Festspillene i Bergen i 2007.
Birger Mistereggen – slagverk/munnharpe
Født 1967, oppvokst i Rendalen, Østerdalen. Bosatt i Oslo siden 1983. Utdannet ved
Norges musikkhøgskole. Utført nybrottsarbeid innen forskning på norsk
trommetradisjon. Fast ansatt som slagverker/paukist i Kringkastingsorkesteret i Oslo.
Ettertraktet frilansmusiker innen klassisk musikk, samtidsmusikk, jazz og
folkemusikk. Timelærer ved Høgskolen i Tromsø, gjesteforeleser ved Ole Bull
Akademiet på Voss og ved Norges musikkhøgskole i Oslo.
Diskografi og kort CV, Kvarts:
Kvarts har gjeve ut fire cd-ar. Fyrste CD'en til gruppa, Kvarts, fekk Spellemannprisen
for 1999 for beste folkemusikk/gammaldansproduksjon. Oppfylgjarplata som kom i
2001, Filigran, vart også nominert til Spellemannprisen. I 2004 gav dei ut musikken
frå framsyninga Skal, skal ikkje, og i 2006 kom Steinsprang. For denne produksjonen
fekk dei den andre Spellemannprisen. Våren 2008 lanserte Kvarts cd-produksjonen
Ekte døl, med musikk av trekkspelaren Oddvar Nygaard.
Kvarts har laga musikk til fire større tingingsverk: Gneistar (Den Norske
Folkemusikkveka, 2000), konsertframsyninga Skal, skal ikkje (Rikskonsertene/Førde
Internasjonale Folkemusikkfestival, 2002), folkemusikkmessa Messe for tvil
(Tvilsdagene, Hamar, 2005), og Musikalske vossastubbar (Voss Spelemannslag/
Osafestivalen 2007).
Kvarts har også medverka i ei lang rekkje radio- og TV- program, og gruppa har
turnert i inn- og utland, mellom anna for Rikskonsertene.
Høgoppløyselege bilete av Kvarts kan lastast ned på www.kvarts.no

Jo Asgeir Lie (trekkspel),
Øystein Rudi (fele, hardingfele)
Tom Willy Rustad (kontrabass,
toradar, seljefløyte, munnharpe og
gitar)
Erlend Styve (vokal, gitar)
Øystein Ovrum Rudi (f.1969) kjem frå Sør-Fron i Gudbrandsdalen. Han har lært av ei rekkje
spelemenn, særleg i Gudbrandsdalen, men og frå andre kantar av landet. Øystein driv i dag ei
omfattande verksemd som spelemann solistisk, i Kvarts og med ei rekkje andre musikarar. Han har
fire Spellemannsprisar i klassa folkemusikk. Øystein vann Landskappleiken i 1997 og 1998, og har dei
andre åra han har stilt opp plassert seg mellom dei fremste i A-klassespelemennene. I 10 år var han
musikalsk leiar for Sør-Fron spelemannslag. I tillegg til utøvande verksemd gjennom ei rekkje turnear
både i inn- og utland, og han har i det seinare vore mykje nytta som lærar ved Ole Bull Akademiet på
Voss, og han driv opplæring på prosjektbasis i høve til mange yngre utøvarar. Dei siste åra har han
bygd opp Rudi Gard til å bli eit kulturelt kraftsenter i Sør-Fron og Midt-Gudbrandsdalen, og har m.a.
motteke Oppland Fylke sin kulturpris, kulturprisen i Sør-Fron og Bygdeturismeprisen som honnør for
arbeidet han har lagt ned.
Jo Asgeir Lie (f.1972) bur i Ål i Hallingdal, men er opphaveleg frå Voss. Han spelar trekkspel i
kvartetten, og har utdanninga si frå Norges musikkhøgskole med klassisk akkordeon som
hovudinstrument. Våren 1998 tok han hovudfagseksamen i folkemusikk med trekkspelaren og
komponisten Oddvar Nygaard som hovudemne. Han har medverka på eit titals plateproduksjonar,
turnert i inn- og utland, og har spela med mange ei lang rekkje norske og utanlandske musikarar
innafor ulike sjangrar. Han skriv og arrangerer også musikk for fleire ensemble. Mellom anna skreiv
han i 2003 tingingsverket ”Vinterliv,” på bestilling frå trioen Tre Begrædelige Piger. Verket vart også
gjeve ut på cd i 2004, og produksjonen vart nominert til Spellmannprisen dette året. I 2005
komponerte han musikken til teaterframsyninga ”Dødsdansen på Norefjell.” Dette var ei bestilling frå
Den Norske Folkemusikkveka. I 2007 fekk han bestilling på eit stykke for den amerikanske
saksofonkvartetten The Erie Saxophine Quartet. Dette stykket fekk tittelen Dances for clouds. Til
dagleg arbeider han som rektor i Ål kulturskule, og har i periodar også vore timelærar og
føredragshaldar ved Norges musikkhøgskole, Ole Bull Akademiet, Voss folkehøgskule.
Tom Willy Rustad (f.1966) kjem frå Oslo og har ein allsidig musikalsk bakgrunn, der far og bestefar
har vore sentrale læremeistrar. Han var den fyrste som tok hovudfag i folkemusikk ved Norges
musikkhøgskole. Emnet for hovudoppgåva var folkemusikken på einradar. Han har også gjort eit stort
forskingsprosjekt på einradartradisjonen i Hallingdal. Tom har også 4-årig utdanning i klassisk
gitarspel frå Norges musikkhøgskole. Han har vore lærar ved folkemusikklinjene i Valle i Setesdal og
på Fagernes, og foredragshaldar både ved Raulandsakademiet og Ole Bull akademiet. Han har vore
på mange konsertturnear i inn- og utland, mellom anna saman med Kirsten Bråten Berg og Ånon
Egeland. Han er i dag tilsett som fyrsteamanuensis på folkemusikkutdanninga ved Norges
Musikkhøgskole i Oslo, i tillegg til at han arbeider ved folkemusikklinja på Vinstra Vidaregående Skole.
Erlend Styve (f.1971) kjem frå Voss. Han er ein allsidig musikar som arbeidar innan fleire sjangrar, og
er i dag ein av dei mest sentrale aktørane i musikklivet på Voss. Mellom anna har han arbeidd mykje
med roots, blues og ulike former for populærmusikk, noko som mellom anna har resultert i to cdutgjevingar
med gruppa Twang gang. Han har medverka på ei rekkje plateinnspelingar som
studiomusikar, og har også vore gitarist i ulike folkemusikk- og gammaldansgrupper. Til dagleg
arbeider Erlend som lærar i gitarspel ved musikkskulane i Granvin, Eidfjord og Ulvik, i tillegg til å vere
frilans musikar. Han er også utdanna sylvsmed.