Protester mot endringer i - Helse Vest

file://C:\ePhorte\PdfConvert\EPHORTE-HVE\84427.HTML
Side 1 av 3
06.03.2013
Personalgruppa ved Dobbeldiagnoseposten
og arbeidsgruppa for Valen Sjukehus,
Sjukehusvegen 26
5451 Valen Valen 03.03.2013
Helse- og omsorgsminister
Jonas Gahr Støre
Helsedirektoratet
Pb 7000 St. Olavs plass/Universitetsgata 2
0130 Oslo
Helse- og omsorgskomiteen
v\leiar Bent Høie
Stortinget
0026 Oslo
Helse Vest RHF
Postboks 303 Forus
4066 Stavanger
Kopi til:
Helse Fonna
v\ Klinikkdirektør Kenneth Eikeseth
Postboks 2170
5504 Haugesund
Seksjonsleiar for spesialisert behandling ved Valen Sjukehus
Elisabeth Ånuglen Kalsås
Sjukehusvegen 26
5451 Valen
PROTESTER MOT ENDRING I HELSE FONNA, KLINIKK FOR PSYKISK HELSEVERN.
Viser til svar frå helse- og omsorgsminister Jonas Gahr Støre til personalgruppa ved
Dobbeldiagnoseposten ved Valen Sjukehus.
Helse- og omsorgsministeren viser i store deler av sitt brev til ei etablering og vidareutvikling av
DPS. Det er derimot ikkje det som er tema her. Det er i Helse Fonna ikkje vedteke at
Dobbeldiagnoseposten skal overførast til DPS, men ei flytting frå Valen Sjukehus til Haugesund
Sjukehus med ei reduksjon frå 8 til 6 sengeplassar. Og det er dette me i personalgruppa ved
dobbeldiagnoseposten (post A) og arbeidsgruppa for Valen Sjukehus meiner vil føre til eit vesentleg
fall i kvaliteten på desse tenestene. Helse- og omsorgsministeren skriv vidare at "samtidig skal
sykehusene yte gode tjenester på de områdene som bare kan ivaretas på sykehus fordi oppgaven
krever særlig kompetanse, som for eksempel sikkerhetspsykiatri, lukkede akuttavdelinger og enkelte
andre avgrensede spesialfunksjoner." Dobbeldiagnosebehandling er ein slik avgrensa

file://C:\ePhorte\PdfConvert\EPHORTE-HVE\84427.HTML
Side 2 av 3
06.03.2013
spesialfunksjon. Post A si målgruppe er dei med mest alvorlege rusliding og mest alvorleg psykisk
liding. Det er i frå helse- og omsorgsdepartementet (2012) vist til at det skal finnast eit tilbod på
sjukehusnivå i kvart helseforetak som dekker denne gruppa pasientar.
"Noen vil i perioder ha behov for langvarige sykehusopphold, i mer enn 6 måneder. Det må derfor
finnes slike enheter i hver helseregion som har helsepersonell med behandlingskompetanse både for
den psykotiske lidelsen og ruslidelsen”. (Nasjonal faglig retningslinje for utredning, behandling og
oppfølging av personer med samtidig rus og psykisk lidelse (ROP lidelser, frå helsedirektoratet
(2012) s. 68).
Helse- og omsorgsministeren viser til at Helse Vest RHF har hatt ein breid planprosess i Helse Fonna
HF der tillitsvalgte, vernetjeneste, fagfolk, kommuner og brukere har deltatt. Tilbakemeldingar frå
fagpersonar frå Valen Sjukehus kjenner seg ikkje att i denne karakteristikken av prosessen. Ein har
langt på veg hatt ei styringsform under utarbeidinga av Plan Psykiatri, som ikkje har gitt rom for ei
fagleg meiningsutveksling som har fått fram det heilskapelege bilete for denne pasientgruppa.
Helse- og omsorgsminsteren viser til dialog med Vest RHF der han har blitt forsikra om at
endringene i Helse Fonna HF er i tråd med helsepolitiske føringar. Akutt ambulante tenester er
naudsynte og ei viktig brikke for å få til eit integrert tilbod, for å hjelpe pasienten til auka
funksjonsnivå og for å forebygge tilbakefall. Men langtidsbehandling- som ROP-vegleiiaren seier
skal finnast i kvart foretak, og oppfylgjing i heimen er ikkje konkurrentar. Det må kunne
sameksistere. Og det mest naturlege i så måte, hadde vore å bygd opp eit akutt ambulant team med
utgongspunkt i post A, der kompetansen ligg pr i dag. Ein er slik òg meir sentralt lokalisert for nå
befolkninga i heile regionen.
Helse Vest har i fylgje helse- og omsorgsministeren opplyst at det har vore ei særleg utfordring å
etablera robuste fagmiljø for psykosepasientar og for pasienter med samtidig psykisk liding og
rusmiddelavhengighet. Dei hevdar dette er noko av bakgrunnen for dei val som vedtak som no er
fatta. Post A riktig nok gått utan “fast” overlege i ca to år. Det har i denne perioden likevel vore
overlegar som har vore i lengre periodar og som har vore godt kjendt med pasientane og behandlinga
ved posten. Det er gjort oss kjendt at ein overlege som har hatt eit års permisjon for å arbeide ein
anna stad i føretaket, har sagt frå om at han er stiller til disposisjon for å tre inn i ei fast
overlegestilling ved post A. Då vil ein ha på plass eit behandlarteam som inkluderer psykiater,
psykolog, sosionom, assistentlege, sjukepleiarar og vernepleiarar med vidareutdanning i både
rusproblematikk og psykiatri, hjelpepleierar der dei fleste har vidareutdanning i psykiatri og og innan
rusmiddelproblematikk, samt dyktige og erfarne pleiemedhjelparar og aktivitør.
Helse- og omsorgsministeren skriv i sitt svar: "Det er imidlertid viktig å huske på at målet alltid må
være å gi bedre og mer effektiv hjelp til de som trenger det." Me stiller då spørsmål om kvifor ein vil
flytte eit velfungerande, solid tilbod som tek år å byggje opp att, til Haugesund sjukehus. Som ikkje
har dei forutsetnadane som Valen Sjukehus har i form av ergoterapi og aktivititetstilbod,
infrastrukturen og den same kultur for behandling av psykisk sjuke menneske. Ein er lokalisert med
fjord og fjell- langt utanfor nærleik til rusmiljøet som står bokstavleg tala rett utanfor døra ved
Haugesund sjukehus, Og sist men ikkje minst den kunnskap og erfaring som personalgruppa har
opparbeida seg innanfor dette spesialfeltet. Dobbeldiagnoseposten ved Valen Sjukehus er etterspurt
både i Helse Bergen og Helse Stavanger, og ligg sentralt plassert i regionen slik at ein fyller kriteria
om nærleik til mottakarane av tilbodet. Dette vedtaket er alt anna enn å støtte opp om målet om bedre
og effektiv hjelp til dei som treng det.
Me vil igjen be om at helse- og omsorgsminsteren grip inn for å få omgjort vedtaket om å flytte
dobbeldiagnosebehandlinga frå Valen Sjukehus til Haugesund Sjukehus.

file://C:\ePhorte\PdfConvert\EPHORTE-HVE\84427.HTML
Side 3 av 3
06.03.2013
Mvh
Personalgruppa ved Dobbeldiagnoseposten
og arbeidsgruppa for Valen Sjukehus
ved spesialsjukepleiar Marie Schille.
Referanse: http://www.helsedirektoratet.no/publikasjoner/nasjonal-faglig-retningslinje-personermed-rop-lidelser/Publikasjoner/nasjonal-faglig-retningslinje-personer-med-rop-lidelser.pdf