HNI Årsmelding 2016

Årsmelding
2016
Med fokus på entreprenørskap, innovasjon, ny teknologi og forretningsutvikling

Med fokus på entreprenørskap, innovasjon, ny teknologi og forretningsutvikling
Administrasjon
Guttorm Ulla
Inger Synnøve
Remme
Arne Mehl
(slutta
31.05.2016.)

Årsmelding
2016
Haram Næring og Innovasjonsforum (HNI) er både medlemsorganisasjon og kommunen si
næringsavdeling. I dag har HNI 47 medlemmer, og vi arbeider aktivt for å få fleire.
Både bedrifter, organisasjonar og enkeltpersonar kan vere medlem. Sjå www.hniforum.no
ADMINISTRASJON:
Dagleg leiar
Næringsrådgjevar
Guttorm Ulla
Tlf. 900 65 060
guttorm.ulla@haram.kommune.no
Inger Synnøve Remme
Tlf. 994 24 139 inger.synnove.remme@haram.kommune.no
Fungerande prosjektleiar Arne Mehl
industriinkubatoren til Tlf. 952 50 120 arne.mehl@aakp.no
juni 2016
STYRE
Arild Eiken
Anne Seth
Asbjørn Rogne
Kjell Norvoll
Jan Petter Hagen
Trond Lervik
Vebjørn Krogsæter
Fredrik M. Hessen
Sparebank 1 SMN – styreleiar
VARD Group
Rolls Royce Marine
Nogva Motorfabrikk AS
Rolls Royce Marine
ÅKP
Haram kommune
VARD Brattvåg
Arild Eiken Anne Seth Asbjørn Rogne Kjell Norvoll Jan Petter Hagen Trond Lervik
Vebjørn
Krogsæter
Fredrik M.
Hessen
3

4

Haram som næringskommune
Med 45,1% av sysselsette i industrien er Haram blant kommunane med høgast industrisysselsetting
i landet. Kommuen har dei siste åra hatt vekst i folketalet. Arbeidsinnvandring
er grunnen til det, og i 2016 var 1468 (16%) innvandrarar. Det er stor utpendling frå Haram
(1371) – dei fleste til Ålesund. Men innpendlinga (1037) er og stor. Haram er kjend som ei
kommune med mangeårig tett samarbeid mellom kommune, skule og næringsliv. Det vert
satsa på tilrettelegging for næringsutvikling og nyskaping.
5

6

Region i endring
På mange område skjer det endringar i dag som gjer at vi må tenkje region i kommunalt næringsarbeid. Bedriftene er
ikkje berre regionale. Dei er globale. Om nokre år vil vi ha ein ny kommunestruktur, og korleis vil nye og større
kommunar fungere med omsyn til tilrettelegging for næringsutvikling?
Utvikling av robust marin og maritim næringsklynge vil vere avgjerande for at regionen får ein sterkare posisjon
nasjonalt og internasjonalt. Utvikling og nyskaping som gir attraktive arbeidsplassar for unge menneske vil vere viktig.
Klyngene vil vere avhengig av samspel innan utdanning og forsking på høgt nivå. NTNU i Ålesund er i dag ein realitet
og vil vere tett på fagmiljøa i Trondheim, noko som vil kome regionen til gode.
Vidare vil arbeid med byregionutvikling legge føringar for næringsutvikling. Utviklinga av Ålesund som by saman med
randkommunane vert viktig.
Vi må tenkje langsiktig. Korleis vil vegprosjekta Nordøyvegen, Hamnsundsambandet, Møreaksen, Byfjordtunnelen og
Hafast endre regionen? Effektiv transport er viktig for bedriftene, og vi står sterkare når regionen samlar seg om felles
saker. Synergiane av slike samband er ofte vanskeleg å måle i kroner og øre. Næringslivet treng ein region som er
attraktiv for unge talent og har spanande arbeidsplassar, gode utdanningstilbod og sterke forskingsmiljø.
Utdanning og forsking, innovasjon og nyskaping vert oftast kobla til høgskule og universitet. Vi trur at grunnlaget for
innovasjon er dyktige fagarbeidarar i gode produksjonsmiljø. I regionen må vi verte meir opptatt av yrkesfaga og å
bevare produksjonsmiljøa. Utflagging av produksjon er utflagging av kompetanse. Korleis kan bedriftene verte
konkurransedyktige ved å satse på kompetanse og samarbeid innan produksjon og automatisering?
7

8

Prioriterte oppgåver og arbeidsfelt
Kjernen i arbeidet vårt er vertskapsattraktivitet – at kommune og bedrifter er attraktive for
menneske som vil noko. At vi kan tiltrekke oss kompetanse og nyetableringar – og ikkje
minst at unge menneske vil bu her.
Næringsutvikling
1. Rammevilkår for medlemmene
Vi har god kontakt med bedriftene gjennom besøk og lokale møte. Vi har besøkt fleire bedrifter i 2016. Samferdsel er
viktig for bedriftene. Hamnsundsambandet og Nordøyvegen har vore arbeidd med. God kommunikasjon med Ålesund
og flyplassen er viktig, og elles å knyte saman regionen frå nord til sør er mange opptatt av. Særleg har arbeidet med
Nordøyvegen vore prioritert.
2. Langsiktig næringsutvikling
Arealplanlegging er viktig. Vi arbeider for at bedriftene kan påverke prosessen med arealplanlegging i kommunen,
og vi har tett kontakt med kommunen om dette.
Bedriftene er avhengig av god samferdsel. Effektiv transport av varer og tenester, og korte avstander i arbeidsmarknaden
er viktig. Vi har engasjert oss i arbeidet med realisering av Hamnsundsambandet, men i 2016 var Nordøyvegen
hovudsak. Næringslivet sitt engasjement har vore viktig i saka, og alternativ rapport om finansiering
av Nordøyvegen var avgjerande for positivt vedtak i fylkestinget.
Haramskonferansen 2016
I 2016 arrangerte vi Haramskonferansen for fjerde gong. Dramatiske
endringar i oljesektoren og store utfordringar for mange med omstilling
var tema for konferansen. Næringsminister Monica Mæland deltok med
signal frå regjeringa. Situasjonen innan maritim og olje vart belyst av
Roy Reite i VARD Group og Ståle Kyllingstad i IKM Gruppen. Sal Mar AS
hadde med nytt frå oppdrettsnæringa, og lokale bedrifter var Rostein
AS og Mørenot AS. Konferansen ønskjer å vere konkret, praktisk og
nyttig i tillegg til å vere ein attraktiv møteplass.
9

10

I 2016 samarbeidde vi med Tafjord Marked AS om energitiltak i eit bedriftsnettverk, og vi samarbeidde med RoboTek
AS om seminar.
Valaker Bakeri AS vart nominert til årets bedrift i Møre og Romsdal.
I 2016 har vi brukt mykje tid på samarbeidet med Arne Tande for å bidra til auka bruk av ny produksjonsteknologi, slik
at bedriftene blir konkurransedyktige i framtida. Utviklinga går raskt og robotisering, 3D printing og digitalisering er på
full fart inn i norske bedrifter. Særleg vektlagt er samarbeid mellom bedrifter om kompetanseutvikling.
Næringslivet og Haram kommune er opptatt av at vi vert del av ein sterk region med Ålesund som sentrum. Dette har vi
tatt med oss i arbeidet med ny kommunestruktur.
Vi har laga brosjyre om Haram, tatt i bruk facebook og aktivt brukt heimesida for å gjere oss meir synlege.
3. Entreprenørskap og gründerhjelp
Haram kommune har sidan 2007 hatt avtale med Hoppid.no om lokal gründerhjelp. I 2016 vart avtalen fornya.
Funksjonen er lagt til HNI. Vi tilbyr hjelp i oppstartsfasen, og vi bidrar til at gründerar kjem i kontakt med andre som
kan hjelpe dei vidare. Vi samarbeider med inkubatoren i ÅKP, Innovasjon Norge og andre. HNI er sakshandsamar av
næringsfondet i Haram. Haram har avtale med Ungt Entreprenørskap om entreprenørskapsaktivitet i grunnskulen, og
vi er medlemmer i Ungt Entreprenørskap.
Kompetanse og rekruttering
Dette har vi arbeidd med sidan tidleg på 1990-talet. Vi vil synleggjere karrieremulegheiter i lokalt arbeidssliv for
ungdom, og arbeide for at Haram vidaregåande skule (HVS) har aktuelle og gode utdanningsprogram. Vi er opptatt
av samarbeid med Opplæringskontoret i Haram (OK Haram) for å styrke fagopplæringa og å rekruttere til yrkesfag.
Ungdomsskulane har gjennomarbeidde planar for overgang mellom ungdomsskule og vidaregåande skule. Vi har
faste møte to gonger i året med rådgjevarane, OK Haram og HVS. RoboTek AS er opptatt av samarbeid med
vidaregåande skule for at unge får kompetanse i framtidsretta produksjonsteknologi.
Vi arrangerte Forskerfabrikkens sommerskole i samarbeid med Nogva Motorfabrikk AS og Rolls Royce Marine AS
i Brattvåg.
Språk og integrering
I Haram kommune er det mange arbeidsinnvandrarar. I 2016 var 16% av befolkninga i kommunen innvandrarar.
Mange av dei har dårlege norskkunnskapar. I 2016 starta vi eit prosjekt for norskopplæring innretta mot å kunne ta
norsk fagbrev for industrirørleggjarar i VARD Piping. Dette som vidareføring av tidlegare utvikling av målretta språkopplæring.
I desember 2016 gjekk 12 industrirørleggjarar opp til femtimars teorieksamen. Alle bestod – til dels med
gode resultat. HNI har deltatt i prosjektgruppe for reorganisering av integreringsarbeidet i kommunen.
11

12

Samarbeidspartar
Medlemsbedriftene er vår viktigaste samarbeidspart. Vi er opptatt av å ha kontakt
gjennom besøk og lokale møte. Vi vil ha saker frå bedriftene som vi kan gjere noko med.
Haram kommune
Vi har samarbeidsavtale som sikrar at forumet arbeider med næringssaker i følgje kommunens strategiplan. Vi arbeider
med samarbeid skule næringsliv og entreprenørskap saman med grunnskulen. Ordførar Vebjørn Krogsæter har vore
medlem i styret sidan kommunevalet i 2015.
Haram vidaregåande skule
I 20 år har vi arbeidd saman med HVS for å styrke skulen sitt næringslivssamarbeid. Tekniske Almenne Fag (TAF) er
det mest kjende resultatet av samarbeidet. Fagopplæring, internasjonalisering, entreprenørskap og realfag/teknologi
er prioriterte område for samarbeid. Vi arbeider saman med skulen om deltaking frå kommune og bedrifter i skulen sitt
strategiarbeid. Målet er å skape ein skule med relevante utdanningsprogram med kvalitet i opplæringa.
Opplæringskontoret i Haram
Vi samarbeider med OK Haram om rekruttering til yrkesfag, og vi har felles interesse i å engasjere oss for ein sterk
vidaregåande skule i Haram. Vi har aktivitet som involverer både bedrift, lærarar og elevar for å synleggjere mulegheitene
i næringslivet i Haram. Bedriftene skal vere ein god læringsarena for ungdom.
Ålesund Kunnskapspark – ÅKP
Industriinkubator Nordre Sunnmøre er ein ressurs for ideutvikling og bedriftsutvikling for gründerar og etablerte bedrifter.
Særleg idear og bedrifter med vekstpotensiale er aktuelle. Vi samarbeider om Haramskonferansen. Ordninga med
industriinkubator tok slutt juni 2016.
NTNU i Ålesund
Vi har samarbeidd med NTNU i Ålesund i prosjekt og med Haramskonferansen. Guttorm Ulla var medlem av styret fram
til 01.01.2017. Frå 01.01.2016 er HiÅ fusjonert med NTNU, og heiter no NTNU i Ålesund.
Møre og Romsdal Fylkeskommune
Fylkeskommunen har fleire satsingsfelt som er samanfallande med våre. Difor har vi hatt prosjekt der fylkeskommunen
har vore medfinansiør. Dette gjeld særleg i tema knytt til innvandring. Vi har og eit avtalefesta samarbeid med Hoppid.
no og Ungt Entreprenørskap om entreprenørskap og gründerverksemd.
Næringsforeningen Ålesundsregionen, MAFOSS, Maritim Forening Nordvest og NHO
Dette er og aktørar vi har godt samarbeid med om rekruttering og andre felles saker som gjeld utvikling i regionen.
13

Medlemsbedriftene
Mørehus AS
Rolls Royce Marine, Longva
Rolls Royce Marine, Brattvåg
Sparebanken Møre
Haram Industrier AS
Intentus AS
Brattvaag Electro AS
Nogva Motorfabrikk AS
Gunnar Mydske
Effekt Revisjon AS
Pharma Marine AS
Vikestrand og Søvik AS
Økonomisenteret AS
Brattvåg Mekaniske Verksted AS
Åkre Rekneskap AS
Hatlehols AS
Norbert Engeseth AS
Haram kommune
NorthWestCoast AS
INVI AS
Uksnøy & Co
Sunnmørsmat AS
NorWest AS
Aco Anlegg AS
NORDEA, avd. Brattvåg
VARD Brattvaag
VARD Søviknes
VARD Electro AS
VARD Piping AS
VARD Accommodation AS
Ulmatec Pyro AS
Marine Ingredients AS
Mørenot AS
Martin Uggedal AS
Samfjordkvartalet AS
Leif Hofseth AS
LAG Invest AS
Sparebank 1 SMN
System-Electro AS
Robotek AS
ÅKP
Haram vidaregåande skule
Hjes AS
Ulla Maritime AS
Midtnorsk Brannsikring AS
Brattvaag Marine Services AS
Roar Korsnes AS
14

STRATEGIPLAN 2015–2020
FORMÅL: Haram Næring og Innovasjonsforum skal arbeide for å fremje eit konkurransedyktig
og allsidig næringsliv og attraktivt lokalsamfunn i Haram. Forumet skal vere eit
ressurssenter for læring og stimulering til ideskaping og næringsutvikling i regionen og
vere kjent for tett samarbeid med Haram kommune, utdanningsinstitusjonar og andre
instansar og organisasjonar på lokalt og regionalt nivå.
INTERESSENTAR
Arbeide for å
sikre gode rammevilkår for
medlemmene våre
VÅRE LEVERANSAR
Vere ein pådrivar for utvikling av
bedrifter,utdanningsinstitusjonar
og lokalsamfunn
Vere aktiv for
meir samspel i regionen
ARBEIDSPROSESSAR
NÆRINGSUTVIKLING
1. Ta tak i saker som gjeld rammevilkår
for medlemmene og vere
pådrivar for gjennomføring
2. Ta tak i arbeid med langsiktig
næringsutvikling i eit lokalt og
regionalt perspektiv
3. Stimulere til entreprenørskap og
rettleiing av gründerar gjennom
drift av hoppid – kontor og
kommunalt næringsfond
KOMPETANSEUTVIKLING
4. Ta tak i kompetanse- og
rekrutteringsarbeid for lokalt
næringsliv
5. Styrke Haram vidaregåande
skule – ein viktig premissgjevar
for lokalt næringsliv
6. Ta ansvar for og delta i
samarbeid mellom regionale
aktørar innan kompetanse og
rekruttering
INTEGRERING AV ARBEIDS-
INNVANDRARAR
7. Aktiv i gjennomføring av
utviklingstiltak i prosjekt LUK
og Bulyst
8. Sikre utvikling, gjennomføring,
vidareføring av integreringstiltak
9. Aktiv i samarbeid med andre
aktørar for å sjå integrering av
arbeids- innvandrarar i eit
regionalt perspektiv
ORGANISASJON &
KOMMUNIKASJON
Sikre nødvendig
kompetanse
Ivareta og bygge
relasjonar lokalt, regionalt
og nasjonalt
Informasjon til
medlemmer og media
Sikre finansiering til
dagleg leiing, drift
og prosjekt

www.hniforum.no
170553-05 www.hatlehols.no